ئه‌ڤرۆ نيوز، عه‌زيز هه‌ورامى:
فايه‌ك زه‌لامه‌كێ 50 سالى يه، به‌حس ل چاوانيا به‌رهه‌ڤكرنا هريێ و چێكرنا دوشه‌كان دكه‌ت.
به‌حس ل وێ چه‌ندێ ژى دكه‌ت كا ل ده‌سپێكێ كار چاوان دهاته كرن و نوكه ژى كار چاوان دهێته كرن.
نووترين نووچه
- مەسرور بارزانی: ئەڤە دوجارە مە دو كۆمبوونێن زۆر ئەرێنی و باش ئەنجامدان
- قەرەبووكرنا كەسوكارێن قوربانیێن هەلەبجە، ئەركێ دەولەتا ئیراقێ یە
- هەلەبجە بوویە هێمایەكا جیهانی بۆ ستەما ل گەلێ مە هاتیە کرن
- مەسرور بارزانی: داخواز دكەین پارێزگەهبوونا هەلەبجە د زووترین دەم دا بهێتە پەسەندكرن
- سەرۆك بارزانی و مەسرور بارزانی پشكداری رێوڕەسمێ رێزگرتنێ ل قوربانیێن كێمیابارانكرنا هەلەبجە بوون
- سەرۆكێ حوكمەتا هەرێمێ و سەرۆكێ دەزگەهێ هەوالگیرییا فیدرال رەوشا ئەمنی ل ئیراقێ و دەڤەرێ گەنگەشەكر
- پێشەوا هەورامانی: سەرۆكێ حوكمەتا هەرێمێ بەرنامەیێن جودا بۆ پێشڤەبرنا هەلەبجە یێن هەین
- پەرلەمانتارەك: شیعەیان و سوننەیان سۆز یا دای دەنگ ب پڕۆژە قانوونا ب پارێزگەهبوونا هەلەبجە بدەن
- فازل میرانی: دەستهەلاتدارێن بەغدا كورد وەكو هەڤپشك قەبوول نەكرینە
- جێگرێ خەلیفەیێ داعشێ ب پێزانینێن مە هاتە كوشتن و سۆدانی ئاماژە ب وی رۆلی نەكر
سه‌ره‌كى نووترين نووچه
ئه‌ڤرۆ نیوز مه‌رج و رێنمایێن وه‌رگرتنا قوتابیێن ده‌ره‌كی به‌لاڤ دكه‌ت
ئه‌ڤرۆ نیوز، ئازاد نسری:
به‌رپرسێ پشكا ئه‌زموونان ل رێڤه‌به‌ریا په‌روه‌رده‌یا دهۆك رۆژئاڤا دیار كر كو ده‌رگه‌هێ وه‌رگرتنا قوتابیێن ده‌ره‌كی ل پۆلا 5 بنه‌ره‌ت هه‌تا 11 ئاماده‌یی بۆ سالا خواندنێ 2018-2019 هاته ڤه‌كرن و پێشكێشكرن هه‌تا 30/10/2018 دێ یا به‌رده‌وام بیت.
خویا ژی كر كو ژ دایكبوویێن 1999 و به‌ر ب خوارێ مافێ هه‌ی پێشكێشی پۆلێن قۆناغا بنه‌ره‌ت بكه‌ن، ژ دایكبوویێن 2000 – 2001 – 2002 ژی هه‌كه دو سالان ل ئێك پۆل كه‌فت بن وان ژی مافێ خواندنێ ل قوتابخانه‌یێن رۆژ نامینیت و دشێن پێشكێشی ده‌ره‌كی بكه‌ن، 2003 و پێهه‌ل هه‌كه دو سالان ل پۆلا خوه كه‌فت بن مافێ هه‌ی هه‌ر بمیننه ل خواندنا ب رۆژ.
ل دۆر وان قوتابیێن مافێ ده‌ره‌كی ل پۆلێن 10 و 11 ئاماده‌یی هه‌ی ، خالد ئه‌حمه‌د خالد دیار كر كو ئه‌و كه‌س دشێن پێشكێشی ڤان هه‌ردو پۆلێن ئاماده‌یی بكه‌ن یێن مافێ خواندنێ ل قوتابخانێ نه‌مینیت ئه‌و ژی ژ دایكبوویێن 1994 كور و 1993 كچ و به‌ر ب خوارێ، هه‌روه‌سا قوتابیێن دو سالان ل پۆلا خوه دمینن یان دێ چنه قوتابخانه‌یێن ئێڤاران یان ژی دێ پێشكێشی ده‌ره‌كی كه‌ن و گۆت:(ل دووڤ بڕیارا وه‌زاره‌تا په‌روه‌ردێ ئه‌ڤ ساله پێشكێشكرن بۆ پۆلێن 10 و 11 پیشه‌یی نابیت).
ناڤهاتی ئاشكرا كر هه‌ر قوتابیه‌كێ پێشكێشی ده‌ره‌كی وه‌رزی دكه‌ت، پێدڤیه شه‌ش وێنان و كۆپیه‌كا ناسنامێ ل گه‌ل خوه بینیت و دێ سه‌ره‌دانا په‌روه‌ردێ كه‌ت و فۆرمه‌كێ وه‌رگریت و ل دووڤ دا دێ ل قوتابخانێ داگریت و پاشی دێ زڤڕینته په‌روه‌ردێ و فایل دێ بۆ هێته ڤه‌كرن و وه‌ك قوتابیه‌كێ ده‌ره‌كی دێ هێته وه‌رگرتن.
خویا ژی كر كو پشتی قوتابی دهێنه وه‌رگرتن، قوتابیێن ل سالا بۆری ئه‌زموونێن ده‌ره‌كی كرین جاره‌كا دی هه‌ر دێ چنه وان قوتابخانان، چونكو تۆمار بۆ وان ل وان قوتابخانان یێن هاتینه ڤه‌كرن و یێن دی ل دووڤ حه‌زا وان دێ ل سه‌ر قوتابخانان هێنه به‌لاڤكرن.
سه‌باره‌ت ژڤانێ وه‌رگرتنا قوتابیێن ده‌ره‌كی بۆ پۆلا 12 ئاماده‌یی، به‌رپرسێ پشكا ئه‌زموونان دیار كر كو پشتی 30/10 دێ ده‌ست ب وه‌رگرتنا قوتابیێن ده‌ره‌كی بۆ پۆلا 12 ئاماده‌یی هێته كرن و ل 1/11/2018 ژی قوتابیێن ئێك و دوو بابه‌ت ل گه‌ل چاككرنا تێكرایی دێ ده‌ست پێ كه‌ت.
ئێكگرتوو: ئه‌نجامێن نها ره‌ت دكه‌ين و داخوازا هه‌لبژارتنێن پێشوه‌خت دكه‌ين
ئه‌ڤرۆ نيوز:
ھەلبژارتنێن 30ی ئەیلوولێ ھەگەر چەند پاقژ و بێ ئاریشەژی رێڤەچووبن ئەڤە بۆ یەکگرتوویا ئیسلامی روویدانەکا نەچاڤەڕێ کربو، چونکە دەنگێن یەکگرتوویا ئیسلامی بشێوەیەکێ بەرچاڤ کێمبووینە و بویە جھێ پرسیارا سەرکرداتیا ئەڤێ حزبێ، وەکی ئەندامەکێ سەرکرداتیا یەکگرتوو دبێژیت، ھەلویستێن مە یێن چوار سالێن بۆری جھێ باوەریا خەلکی نەبووینە و ئاماژەکر، یەکگرتوو ئەنجامان رەت دکەت و داخوازا ھەلبژارتنێن بەروەخت دکەین.
ئەندامەکێ سەرکرداتیا یەکگرتوویا ئیسلامی ھەلویستێ حزبا خوە لدۆر ئەنجامێن ھەلبژارتنان دیارکر، و ئاشکراکر، رۆژێن داھاتی یەکگرتوو دێ بڕیارەکا وێرەک لدۆر پشکداریێ د پەرلەمان و حوکمەتا داھاتی دا بدەت، ئەبوبەکر ھەلەدنی بۆ رۆژناما ئەڤرۆ گۆت: گورەی پەیڕەوێ نافخۆیێ گۆنکرێ حەفتێ یێ یەکگرتوویا ئیسلامی ھاتیە ئەف پرسێن ھەستیار و پشکداری کرنا یەکگرتوویا ئیسلامی د حوکمەتێ دا و چێکرنا ھەڤپەیمانیێ پێدڤی ب زۆرینەیا دەنگێن سەرکرداتیا یەکگرتووی ھەیە، ئەڤە ژی پشتی راپرسی د ناڤا رێکخستن و کادرێن حزبێ دا دھێتەکرن، ھەروەکی دناڤا پەیڕەوی دا ھاتیە ئەم دێ ڤێجاری ژی بڕیارێ ل کادرێن خوە وەرگرین ببینە ھێزەکان ئۆپۆزسیۆن یان ژی بچینە ناڤا کابینا نوویا حوکمەتا ھەرێما کوردستانێ، نوکە دو بۆچوون دناڤا یەکگرتوودا ھەنە ھندەک دبێژن ب ئێکجاری بایکۆتا پڕۆسا سیاسی بکەین، و نەچینە پەرلەمانی ژی، بەلێ بۆچوونەکا دی ئەوە پشکداری پەرلەمانی بکەین، بەلێ نەچینە ناڤا حوکمەتێ دێ کادر و رێکخستنێن یەکگرتوو بڕیارا ئێکلاکەر بدەن.
ب گورەی ئەنجامێن ھەلبژارتنێن پەرلەمانێ کوردستانێ ھژمارا کۆرسیێن یەکگرتوویا ئیسلامی کێمبووینە و سەرکرداتیا یەکگرتوو ب دژواری ئەنجامان رەت دکەت، ئەوی ئەندامێ سەرکردایەتیا یەکگرتوو دیارکر، کێمبوونا دەنگێن یەکگرتوو بۆ چەند ئەگەرەکان ڤەدگەڕیت، ئێک ژوان ھژمارەکا زۆرا کێما وەلاتیان پشکداری د پڕۆسا دەنگدانا ڤێجارێ یا پەرلەمانێ کوردستانێ دا کریە، پەیوەندی ب سەختەکاری و نا ئومێدکرنا وەلاتیان ڤە ھەیە د پڕۆسا ھەلبژارتنان، خەلک ل جھێ دەستھەلاتداران سزا بدەت مخابن ئۆپۆزسیۆن ھاتە سزادان، ئەم ناڤەشێرین ھەلویستێن یەکگرتوویا ئیسلامی د چوار سالێن بۆری دا جھێ باوەریا مللەتی نەبووینە و ئەم نەشیاینە ببینە جھێ رازیبوونا خەلکی، ب دیتنا وەلاتیان ھەلویستێ یەکگرتوو گورەی ئاستێ روویدانان نەبوویە.
گورەی بڕیارا کۆمسیۆنا سەربخۆیا ھەلبژارتنان ددەمێ دووماھی ھاتنا پڕۆسا ڤاڤارتنا دەنگان دێ جڤاتا کۆمسیۆنێ بڕیارێ لدۆر قەبوولکرن یان رەتکرنا ئەنجامان دەت، ئەبوبەکر ھەلەدنی گۆت: دخوازین ھەموو ئەندامێن جڤاتا کۆمسیۆنا بلندا ھەلبژارتنان بشێوەیەکێ پیشەیانە کارێ خوە بکەن، گوھێ خوە نەدەنە گڤاشتنێن حزبێن دەستھەلاتدار ئەڤا حەقیقەتە ئەڤێ بۆ خەلکێ کوردستانێ ئاشکرا بکەن، چونکە ئەڤە دیرۆکە و رەحمێ ب چو کەسەکی ناکەت، ھەکە بۆ کۆمسیۆنێ دەرکەفت سەختەکاریێن زۆر ھاتینە کرن و پشتڕاستبوون، پێدڤیە کۆمسیۆن یا بێدەنگ نەبیت و پڕۆسا دیموکراتیا خەلکێ کوردستانێ زۆر مەزنترە ل ھەموو حزبێن سیاسی، ئەم وەکی یەکگرتوویا ئیسلامی ئەنجامێن ھەلبژارتنان رەت دکەین و ب دیتنامە دڤێت ھەلبژارتنێن 30ی ئیلوونێ بھێنە ھەلوەشاندن و ھەلبژارتنێن بەروەخت بھێنە ئەنجامدان، ھەروەکی ئەڤا ل تورکیا چێبوی، ژ بەر کو ھەلبژارتنێن ڤێجارێ پاقژ نەبووینە و لسەر کۆمسیۆنێ یە رێیا ھەلبژارتنەکادی بھێتە پاقژکرن ھەر ل پاقژکرنا تۆمارا دەنگدەران ھەتا دگەھیتە ئاستێ کێمکرنا دەلیڤا سەختەکاریێ.
موئەید تەیب: مە چ کارتێن گڤشاتنێ بەرامبەر بەغدا نەماینە
ئه‌ڤرۆ نيوز:
ئەندامەکێ خولا بەرێ یا پەرلەمانێ عیراقێ دیارکر، ھەکە سەرۆک وەزیرێن عیراقێ یێ نوو بڤێت یێ سەرکەفتی بیت، دڤێت ھەر ل دەسپێکێ کار بۆ چارەکرنا کێشێن ھەولێرێ و بەغدا کەت.
موئەید تەیب، ئەندامێ خولا بەرێ یا پەرلەمانێ عیراقێ بۆ رۆژناما ئەڤرۆ گۆت: ھەکە عادل عەبدوالمەھدی بڤێت ب سەرکەڤیت دڤێت کێشێن ھەولێرێ و بەغدا چارە کەت و بێ چارەکرنا ئەڤان کێشا حوکمەتا داھاتی یا ب سەرکەفتی نابیت، کێشێن ھەموو حوکمەتێن بەغدا، ئیبراھیم جەعفەری سەرا ناکوکیێن ھەرێمێ و بەغدا ھاتە لادان، مالکی پشتی ھەڤڕکیێن ھەرێمێ و بەغدا دەست پێکرین و سەرکەفتن نەئینا، عەبادی ب ھەمان شێوە، ئەڤجا ھەر کەسەکێ بڤێت سەرکەڤیت سەرۆک وەزیرێن عیراقێ دڤێت کێشێن ھەولێرێ و بەغدا دچارچووڤێ دەستوری و تێگەھشتن دا چارە کەت.
عادل ل دەمێ ئوپۆزسیۆنێ و تێکەلیا وی ل گەل کوردان دوستێ گەلێ کورد بوویە، لێ نەشێن بێژین گرنتی یە و دێ ب ھەموو تشتێ کوردان رازی بیت و دێ ل سەر ئاڤاکرنێ حوکمەتێ، ھەکە دروستکرنا حوکمەتێ دایێ سەرکەفتی بیت وەک تێگەھشتن ل گەل ھەرێما کوردستانێ ئەڤە دێ شەنێێ چارەکرنا کێشان بیت نوکە ھێشتا زی یە ڤێ چەندێ بێژین.
موئەد تەیب ھەروەسا گۆت: ل سالێن بوری سەرکرداتیا ھەرێمێ شاشی نەبووینە و دەمێ کێشەک د ناڤبەرا دو ئالیان دا ھەبیت، دڤێت ئالیێ بەرامبەر ئیرادەک ھەبیت و بەغدا چ جارا نەڤیایە کێشا چارە کەت، کوردان کارتەکا گڤاشتنێ ل سەر بەغدا نینە، وان ل سەر مە ھەنە و ئەو دشێن بودجا مە ببڕن و دشێن سنوران بگرن، مە ئەو کارتێن کڤاشتنێ نینن، تشتێ چێبووی نە شاشیێن مە بووینە، چونکی ئیرادە ل بەغدا نینە و باوەری بۆ دروست نەبوویە کو کورد و عەرەب دو نەتەوێن سەرەکی نە، نە وەک ئەو ھزر دکەن کو بەری سەدام بکەڤیت کوردان چ ھەبوو، نوکە چ ھەیە، یان کاودانێن کوردێن باشور تێدا دەربازبن ژ کاودانێن ھەموو پارچێن کوردستانێ باشترن ئەو ھەر دەم ڤێ گۆتنێ دبێژن، کوردان ریبارێن خوینێ داینە و سەدان ھزر قوربانی داینە و ئەڤە پەروە نەھاتینە و مخابن ئەو ھەر دەم ڤێ گۆتنێ بێَژن.
ل دۆر کاودانێن کەرکووکێ ژی، دروست بوونا حوکمەتا داھاتی موئەیب تەیب گۆت: چ جارا وەکی 16 ئۆکتۆبەرێ نازِڤریت، بەغدا بەرھەف نینە ، ھەکە وەک 16 ئۆکتۆبەرێ بزڤریت ئەڤە پێدڤی ب بیڤەلەرزەکا سیاسی یە، لێ باوەر دکەم دێ سڤک تر لێ ھێت، دێ بزاڤا کەن وەک نوکە نەمینت لێ وەک بەری 16 ئۆکتۆبەرێ لێ ناھێت.
ئەندامێ خولا بوری یا پەرلەمانێ عیراقێ ئەو ژی گۆت: ریفراندوم نەبوو کارتا گڤاشتنێ، چونکی نەشیاین پێنگاڤا دووڤدا پاڤێین، ئەو کارتە ژی مە نەمایە کو کوردان ل بەغدا ئێکرێز و ئێک دەنگ بن، مە چ کارتێن گڤاشتنێ نینن، بتنێ ئەم دشێین خوە نەرازی بکەین، یا راستی ئەو چەکێ بەغدا ھەی مە نینە، و ھەر تشتەکێ بدلی نەبیت ھەر وێ رۆژێ شێن مە سزابدەن و ئەم نەشێن، پێگەھێ مە و ئیرادا وەلاتێن ھەرێمی دژی مە کوردان، کارتا ئێکرێزی و ئێک ھەلویستیێ مە پێشتر ھەبوو، لێ نوکە ئەو ژی نەمایە.
کوردان ھەڤپەیمانیەکا نوو ل بەغدا دروستکر
ئەڤرۆ نبوز:
جارەکا دیتر بزاڤا گۆڕان و کۆمەلا ئیسلامی چوونە ژێر گڤاشتن و بڕیارێن کارکرنا نەوەی نووێ وەک ھێزەکا سیاسی، کو بەری ھینگێ بایکوتا بزاڤا نەوەی نووێ ل ھەرێما کوردستانێ و بەغدا ژی کربوون و دانپێدان ژی وەک ھێزەکا سیاسی یان حزبەکا سیاسی ل کوردستانێ پێ نەکرینە.
ل رۆژا سیشەمبی 10 چریا ئێکێ یا سالا 2018، فڕاکسیۆنا گۆڕان و کومەلا ئیسلامی، ب ھەڤپشکی ل گەل فڕاکسیۆنا نەوەی نووێ ل بەغدا و جڤاتا نوونەرێن عیراقێ، لیژنەکا ھەڤپشک ئێکئینان.
د کونگرەکێ رۆژنامەڤانیێ ھەڤپشکدا، ھوشیار عەبدوللا پەرلەمانتارێ گۆران، سەبارەت پێکئینانا لیژنەا ھەڤپشک گۆت: بۆ بەرھنگاری و دژاتیا وێ سەختەکاریا ھەبلژارتنێن پەرلەمانێ ھەرێما کوردستانێ فڕاکسیۆنەکا ئێکگرتی مە پێکئینایە.
ھەروەسا پەرلەمانتارێ گۆڕان گۆت: ھەرسێ لایەن ب سەدان بەلگە ددەست دا ھەنە، ئەو ژی بگرە ژ دروستکرنا ناسنامێن ساختەکاری و رەگەزنامێن عیراقی کو دەنگ ژی پێ ھاتیە دان.
ل ھەردو ھەلبژاترنێن جڤاتا نوونەرێن عیراقێ و پەرلەمانێ کوردستانێ، ئێکەتیا نشتیمانی بوێ چەندێ ھاتیە تومەتبارکرن، کو ب رێیا رەگەزنامێن عیراقی و بارە شارستانی ب ھاریکاریا تیمەکا وەلاتێ ئیرانێ ساختەکاری ئەنجامداینە.
دژە تیرۆرا کوردستانێ ده‌سته‌سه‌ركرنا گرۆپه‌كا مه‌ترسيدار رادگه‌هينيت
ئه‌ڤرۆنيوز:
دژه تيرۆرا كوردستانێ يا سه‌ر ب جڤاتا ئاسايشا هه‌رێما كوردستانێ ڤه، ده‌سته‌سه‌ركرنا تۆره‌كا مه‌زن ومه‌ترسيدار ب هه‌ڤپشكى ل گه‌ل هه‌ڤپه‌يمانان راگه‌هاند.
دژه تيرۆا كوردستانێ يا سه‌ر ب جڤاتا ئاسايشا هه‌رێمێ ڤه دبه‌رپه‌رێ خوه ل سه‌ر تۆرا فه‌يسبووكى به‌لاڤكر” رێڤه‌به‌ريا گشتى يا دژه تيرۆرێ ب هه‌ڤپشكى ل كه‌ل هه‌ڤپه‌يمانيا نێڤده‌وله‌تى دژى داعشێ، پشتى وه‌رگرتنا رازيبوونا دادوه‌رى، دئۆپه‌راسيۆنه‌كا سه‌ركه‌فتى دا ل 6/10/2018 شيا تۆره‌كا مه‌زن و سه‌ره‌كى يا ژێده‌رێ دارايى يا رێكخراوا تيرۆرستى يا داعشێ ده‌سته‌سه‌ر بكه‌ت كو ل عيراقێ وسووريێ كار دكر”.
هه‌ڤده‌م رێڤه‌به‌ريا گشتى يا دژه تيرۆرێ، وه‌لاتيێن هه‌رێما كوردستانێ پشت راستكرن كو چو جاران تيرۆرست نه‌شێن ئارامى وسه‌قامگيريا هه‌رێما كوردستانێ تێك بده‌ن وهه‌موو لڤينێن تيرۆرستان وئه‌وێن هاريكاريا وان دكه‌ن ل بن چاڤدێريا هوور دانه ول دووڤ قانوونێ ره‌فتار دگه‌لدا دهێته كرن”.
چالاكڤانەكا مەدەنی : پێدڤیە حوكمەتا كوردستانێ ل سەر بنەمایێ كورسیێن لایەنێن سیاسی بهێتە پێكئینان
ئەڤرۆ نیۆز،رەمەزان هەرنی:
چالاكڤانەكا مەدەنی ل دور پێكئینانا حوكمەتا نوو یا هه‌رێما كوردستانێ راگەهاند : قەیرانا دارایى ل كوردستانێ پتر پەیوەندی ب بهایێ نەقتێ و نە هنارتنا موچەیێ پێشمەرگەی و بۆدجەیێ كوردستانێ بۆ ژلایێ حوكمەتا عیراقێ ڤە، هەردەما حوكمەتا عیراقێ شیا پشكا كوردستانێ رێژا 17% ێ بدەت كوردستانێ رەوشا ئابۆری دێ راستەوخوه باشتر بیت ، هه‌كه ئوپوزوسیونەكا باش و ساخلەم و هوشیار هەبیت ب مەبەستا خزمەتكرنا بەرژه‌وه‌ندیا جەماوەری بیت، باشە هەبیت، بەلێ ل دەمێ بۆری مە دیت ئوپوزوسیون ل كوردستانێ ژبلی تێكدانا رەوشا كوردستانێ چۆ بەرهەم نەبوون ، بەردەوام رێگربۆن ل بەرامبەر خزمەت و كارێن حوكمەتێ هەموو تشت ب رەش ددیت د دەمەكێ دا ئوپوزوسیون دڤێت راستەڤەكەرا شاشیێن حوكمەتێ بیت نەكو ئالوزكرنا كارێ حوكمەتێ.
نازدار شێروانی، چالاكڤانا مەدەنی بۆ ئەڤرۆ نیۆز گوت : كابینەیا بۆری ئەزمونەك سەلماند كو حوكمەتا بنكە فراوان یا سەركەفتی نەبوو ،پرانیا پارتێن پشكدار ل حوكمەتێ زێدەتر ژمافێن خوە پوست وەرگرتن بەلێ جل شوونا خزمەتكرنێ، رولێ تێكدانێ گێرا بەردەوامبۆن ل موزایەدەیێن سیاسی ، لەورا پێدڤیە حوكمەتەك بهێتە پێكئینان ل سەر بنەمایێ كورسیێن لایەنێن سیاسی بیت هەر پارتەك ل گۆر رێژا دەنگێن خوە ماف هەبیت ل حوكمەتێ وەك دەمێ بۆری بەردەوام پارتی دیموكراتی كوردستان جەماوەرێ خوە دكرە قوربانیێ ئێكرێزیا پارتێن سیاسی، بەلێ وان نەدزانی ،
گۆت ژى، دخوازین دروستبۆنا پارتێن نو ببیتە ئەگەر بۆ باشتر كرنا رەوشا كوردستانێ و خەلكی و بەلێ ئەو پارتێن ب تنێ ل ناوچەیەكا جوگرافی دروستدبن نیەت و بەرنامەیێ وان دیارە ژبلی موزایەدا چۆ كارێن دی ژبۆی خەلكی و كوردستانێ ناكەن و ل دوڤ شون پێێن ئێكدو دچن وەك یێن بەریخوە.
شێروانی خوياكر : هەر پارتەكێ ب رەنگەكێ دروشم نیشانداینە پێدڤیە كار ژبۆی بجهكرنا دروشمان بكەن بەلێ پشكەكا پارتێن سیاسی بۆ كومكرنا دەنگا گەلەك تشتا دبێژن ب تنێ دروشمن و ناكەنە كرادار ، پارتی دیموكراتی كوردستان بەردەوام دروشمێن هەلبژارتنا نەتەوینەو كار لسەر پاراستنا كوردستانێ و ب هێزبۆنا كوردستانێ دكەن و خەباتێ ژی بۆ دكەن.
رێڤه‌به‌ريا راگه‌هاندن وچاپ وبه‌لاڤكرنێ دێ پشكداريێ د پيشانگه‌ها هه‌ولێرێ يا نێڤده‌وله‌تى يا په‌رتۆكێ دا كه‌ت
ئه‌ڤرۆنيوز:
رێڤه‌به‌رییا راگه‌هاندن و چاپ و به‌لاڤكرنێ ل پارێزگه‌ها دهۆكێ راگه‌هاند ب نێزيكى 120 ناڤونیشانێن په‌رتۆكان دێ پشكداريێ د پێشانگه‌ها هه‌ولێرێ یا نێڤده‌وله‌تى يا په‌رتۆكێ دا كه‌ت كو برياره سوباهى چارشه‌مبى 10/10/2018 ده‌ستپێ بكه‌ت وهه‌تا 20/10/2018 يا به‌رده‌وام بيت.
برهان یه‌حیا، په‌یڤدارێ رێڤه‌به‌ریا ناڤبرى بۆ ئه‌ڤرۆنيوز گۆت “په‌رتۆكێن رێڤه‌به‌ریا مه ب هه‌ر سێ زمانێن كوردى و عه‌ره‌بى و ئینگلیزی نه و دێ دناڤ ستاندێ وه‌زاره‌تا ره‌وشه‌نبیری ولاوان ل هه‌رێما كوردستانێ ب داشكاندنا 50% هێنه نيشاندان”.
ڤەكۆلینێن گرێ گومل هاتنە ئاشكراكرن
ئەڤرۆنيوز، سالار دۆسكی:
رێڤەبەریا شوونوارێن پارێزگەها دهۆكێ دكونگرەكێ رۆژنامەڤانی دا ئه‌ڤرۆ سێشه‌مبى 9/10/2018 ئەنجامێن ڤەكۆلینێن شوونواری ل (گرێ گومل) كو دكەڤیتە ناحیا كەلەكچی ل قەزا شێخان ئاشكراكرن.
ل دەسپێكێ حەسەن ئەحمەد قاسم رێڤەبەرێ شوونوارێن پارێزگەها دهۆكێ دياركر كو نوكە كارێن رێڤەبەریا شوونوارێن پارێزگەها دهۆكێ سەرانسەری جیهانێ ڤەگرتینە، ئەڤە ب گشت خەباتا كارمەندێن شوونوارێن دهۆكێ و دەرفەتا حوكمەتا هەرێما كوردستانێ روخساندی و پێشمەرگێن قەهرەمان كو بەرەڤانی ژ كوردستانێ كرین و ئەڤە دەسكەفتە بۆ پێشمەرگەی دڤەگەرن، ب دیتنا ئەڤان كەرستێن شوونواری بەلگەنە كو كوردستان لاندكا شارستانیەتێ بوویە ل چەرخێن بۆری، هەردەم داگيركەرێن كوردستانێ بزاڤ كرینە پەردەی ب سەر ڤی وەلاتی داده‌ن و ب شێوەكێ نەجوان نیشا جیهانێ بدەن.
گۆت ژى كو ئەڤ كارە بۆ ده‌مێ سێ هەیڤان ڤەكێشایە، كو رێڤەبەریا شوونوارێن پارێزگەها دهۆكێ ل گەل تیمه‌كا شوونوارى يا ئیتالی پێكڤه ئه‌نجامدايه.
دانیال مورەندی ژ زانكویا ئەدونوزی ل وەلاتێ ئیتالیا بەحسێ قوناغێن لێگەریانێ ل ڤان جهێن شوونواری كر و هەفكاریا رێڤەبەریا شوونوارێن پارێزگەها دهۆكێ ل گەل تیما ئیتالی، گۆت: مە گەلەك زانیاری ل سەر نینن لێ مە هندەك تێكستێن میزماری هەنە و ئەڤ جهه دێ پتر پێزانینا دەنە مە تایبەت ل هزارا دويێ بەری زايینی، ڤی دەمی دو مه‌ملەكەتا دەست هەلات كریە، دبیت ل سەر دەمێ ئاشووریان گرێ گومل ناڤەكێ دی هەبیت ئەو ژی (گم گارە) ئەڤە ل سەر هندەك بەران هاتیە نڤێسین و ژلایێ سەنحاریب ڤە هاتیە ئاڤاكرن دا ئاڤێ ژ خنس بەتە نەینەوا ، دیسا ڤەكۆلینان دا بۆمە روودانێن (331) بەری زائینێ و ئەو شەرێ دناڤبه‌را ئه‌سكه‌نده‌رێ مه‌قدونى و داريوشێ فارسی دا هاتیەكرن، پشتی سەردەمێ ئەسكندەری ئەو جه گەلەكێ گرنگە دەستهەلاتا ئمبارتوریەتا وی هەتا دگەهشتە سنورێن پاكستانێ.
دانیال ئاماژە كر كو چەندین قوناغا دا ناڤێ دەڤەرێ هاتیە گوهۆرین و هەتا ناڤێ نوكە ژی ژ ناڤێن كەڤن هاتیە وەرگرتن و گەلەك جهێن شوونواری هاتينە دیاركرن و هەتا بۆ سەر دمێ ئاشووریان ڤەدگەرن.
په‌یمانگه‌ها ته‌كنیكی دهۆك یا تایبه‌ت دێ ئاهه‌نگا گه‌را دویێ یا ده‌رچوونێ گێریت
ئه‌ڤرۆ نیۆز، رێوار مزیری:
ل ژێر چاڤدێریا (راگریا په‌یمانگه‌ها ته‌كنیكی دهۆك یا تایبه‌ت) په‌یمانگه‌ها ناڤهاتی دێ ئاهه‌نگا گه‌را دویێ یا ده‌رچوونا قوتابیان بۆ سالا خواندنێ (2017 -2018) ل رۆژا 13/10/2018ێ ل ده‌مژمێر 4:00 ی ئێڤاری ل باخچێن دریم ستی ل دهۆكێ گێریت.
شێرزاد حه‌سۆ، به‌رپرسێ پشكا په‌یوه‌ندی و راگه‌هاندنێ ل په‌یمانگه‌ها ته‌كنیكی دهۆك یا تایبه‌ت بۆ رۆژناما ئه‌ڤرۆ دیار كر كو په‌یمانگه‌ها ته‌كنیكی دهۆك یا تایبه‌ت دێ ئاهه‌نگا گه‌را دویێ یا ده‌رچوونا قوتابیان بۆ سالا خواندنێ (2017 – 2018) گێریت و تێدا 518 قوتابی دێ باوه‌رناما دبلۆمێ وه‌رگرن كو 231 قوتابی یێن پشكا ته‌كنه‌لۆجیا زانیاری نه و 287 قوتابی یێن پشكا كارگێری كارن و گۆت: “چه‌ندین برگێن جۆراوجۆر دێ د ڤێ ئاهه‌نگێ دا هێنه ئه‌نجامدان و كه‌سوكارێن قوتابیان ژی ماف یێ هه‌یی ل ڤێ ئاهه‌نگێ ئاماده ببن”.
ناڤهاتی ئاماژه دا وێ چه‌ندێ كو دووماهی رۆژ بۆ وه‌رگرتنا رۆبێن ده‌رچوونێ سوبه‌هی رۆژا 10/10/2018ێ یه و گۆت: “په‌یمانگه‌ها ته‌كنیكی دهۆك یا تایبه‌ت ژ پشكێن (ته‌كنه‌لۆجیا زانیار، كارگێری كار، كارگێری بانكه‌كان، كارگێریا سیسته‌مێ زانیاریێن ته‌ندروستی) و پێشبینی دهێته‌كرن بۆ سالا خواندنێ 2018 – 2019 پشكا ده‌رمانسازی ژی بهێته ڤه‌كرن”.
نيشاندان
WP Facebook Auto Publish Powered By : XYZScripts.com