ئهڤرۆنيوز:
برياره سهرۆكێ پهرلهمانێ عيراقێ محهمهد حهلبووسى سهرهدانا ههرێما كوردستانێ بكهت ول گهل سهرۆك بارزانى وچهند بهرپرسێن دى يێن ههرێمێ كۆم ببيت.
ژێدهرهكێ ئاگههدار ژ بهغدا بۆ ئهڤرۆنيوز دياركر كو سهرۆكێ پهرلهمانێ عيراقێ دێ سهرهدانا دهۆكێ ژى كهت ودبيت سهرهدانا وى بۆ ههرێمێ بۆ دهمێ 3 رۆژان يا بهردهوام بيت.
ئهڤرۆنيوز:
ئێك ژ ناڤدارترين بريكارێن ياريكهران ههلويستێ ليونێل ميسى ژ ڤهگوهاستنا وى بۆ خۆلا ئيتالى يا تهپا پێ ئاشكرا دكهت.
ئهليسۆ سونداس ، بريكارێ ياريكهران ئهڤرۆ پێجشهمبى بۆ راديوا ( گۆل 24) گۆت، ههلويستێ ميسى ويانا بهرشهلونا ژ ڤهگوهاستنا ميسى بۆ خۆلا ئيتالى يێ ڤهبر نينه وهكو بهرێ.
دياركر ژى، ل بهرێ دهمێ تنێ بهحسێ چوونا ميسى بۆ يانا مانشستهر سيتى يا ئينگليزى دهاته كرن، يانا بهرشهلونا وميسى گهلهك تۆره دبوون وئهو چهنده ب توندى رهت دكر.
گۆت ژى، ل ڤێ دووماهيێ من دانوستاندن ل گهل بيب سيجورا رێڤهبهرێ گشتى يێ بهرشهلونا وبابێ ميسى ورێڤهبهرێ كارێ وى ههبوون، يا سهير ئهوبوو چو رهتكرنێن ڤهبر بۆ هزرا چوونا ميسى بۆ ئيتاليا نهبوون.
ئاشكراكر ژى كو ئهو دێ هزرا ڤهگوهاستنا ميسى بۆ يانا ناپۆلى يا ئيتالى بۆ بهرپرسێن وێ يانا ئيتالى بهرچاڤ كهت، ژبهركو ئهز دبينم ميسى دشێت ئهوا مارادوناى ل سالێن ههشتيان ل گهل يانا ناپۆلى كرى، دووباره بكهت.
خوياكر ژى، يانا ئهنترميلان ژى دشێت بهايهكێ مهزن بۆ ڤهگوهاستنا ميسى بۆ ناڤ رێزێن خوه بدهت، چونكى رهوشا وێ يانێ يا دارايى گهلهك يا باشه.
ئەڤرۆ نیوز ،بارزان مزووری:
ئهڤرۆ پێنجشهمبى 13 كانونا ئێكێ 2018 وەزارەتا سامانێن سرۆشتی ب هەماهەنگی دگەل كۆمپانیا هانت وێل یا بەرهەمئینانا پهترولێ ل قەزا شێخان، ئەو مالێن ل بەر لەهیان كەفتین ب كەلوپەلێن ناڤمالێ هاتن قەرەبووكرن .
سهردار یهحیا ،قایمقامێ قەزا شێخان بۆ ئەڤرۆ نیوز گۆت” ل دەستپێكا دروستبوونا لەهیان ژ ئەگەرێ بارانەكا ب هێز چەندین مال دناڤ سەنتەرێ باژێرێ شێخان ئاڤ دەربازی ناڤمالێن وان بوون ئەو كەلوپەلێن ناڤمالێ دا زیانێن مەزن پێ كەفتبوون ژلایێ لژنا زیان پێكەفتیان هاتبوونە تۆماركرن، ژلایێ وەزارەتا سامانێن سرۆشتی ب هەڤكاری دگەل كۆمپانیا هانت وێل یا بەرهەمئینانا پهترولێ هاتن قەربووكرن ب كەلوپەلێن ناڤمالێ .
هشیار بامەرنی، نوونەرێ كۆمپانیا هانت وێل بۆ ئەڤرۆ نیوز دياركر ژوان هاریكاریا بۆ 10 خێزانان هاتن دان هەر خێزانەكێ ل دووڤ هژمارا كەسان دناڤمالێ دا هاتن دان ژوان هاریكاری یێن ناڤمالێ بەتەنی و دوشەك و سوپێن گازێ و یێن كارەبێ و مەحفیر ل دووڤ لیستەكێ هاتبوونە بەرهەڤكرن ژلایێ قایمقامیا قەزا شێخان .
ئهڤرۆنيوز:
نوونهرێ حوكمهتا ههرێما كوردستانێ ل ئێكهتيا ئهورۆپى، دلاوهر ئاژگهيى ديدار ل گهل ههشت پهرلهمانتارێن ئيكهتيا ئورۆپى ژ فراكسيۆنێن جودا جودا كرن.
دلاوهر ئاژگهيى، نوونهرێ حوكمهتا ههرێمێ ل ئێكهتيا ئهورۆپى دبهرپهرێ خوه دا ل سهر تۆرا جڤاكى يا فهيسبووكى بهلاڤكر” مه دووماهى پێشهاتێن سياسى ل ههرێما كوردستانێ وعيراقێ وپرسا پێكئينانا كابينا نوو يا حوكمهتا ههرێمێ گههانده وان پهرلهمانتاران”.
ئاماژه كر” پهرلهمانتارێن ئهورۆپى پێشوازى ل وان بزاڤێن حزبێن سياسى يێن كوردستانى كر كو ددهمێ دو حهفتيێن بۆرى دا ئهنجامداين بۆ پێكئينانا حوكمهتهكا ب هێز ل ههرێما كوردستانێ”.
دياركر ژى” ب خوهشحالى ڤه مه ديت پهرلهمانتارێن ئهورۆپى بۆچوونهكا ئهرێنى بهرامبهر دووماهى گورانكارى وپێشهات ل مهيدانا سياسى ل ههرێما كوردستانێ يا ههى وهيڤى خواستن پهيوهنديێن وان ل گهل حوكمهت وپهرلهمانێ كوردستانێ پتر بهر ب پێشڤه بچن”.
ئەڤرۆ نیوز،بارزان مزووری:
سەیدو جەتو،سەروکێ ئەنجومەنێ پارێزگەھا نەینەوا بۆ ئەڤرۆ نیوز ئاشکرا کر ئەڤرۆ ئیڤاری رێکەفتی ١٣ کانونا ئێکێ ٢٠١٨ پەیوەندیەکا تەلەفونی دگەل لیوا نەجم جبوری ئەنجام دا ژ مەرەما ڤەکرنا رێکا سحێلا بۆ شەنگال.
ناڤھاتی خویاکر کو مە داخاز ژێ کر کو بریارێ ل سەر ڤەکرنا ڤێ رێکێ بکەت داخازیا مە جێ بە جێ کر کو رۆژا ئەینی رێکەفتی ١٤ کانونا ئێکێ ٢٠١٨ رێیا دناڤبەرا شەنگال و سحێلا بھێتە ڤەکرن ب شێوەیەکێ فەرمی ھاتن و چوون لێ بھێتە کرن بۆ ھاولاتیان.
ئەڤرۆ نیوز:
ژ یاریێن گەرا نەھێ یا خولا ھەرێما کوردستانێ تیما تەپا پێ یانا دھۆک پشتی چار وەکھەڤیان شیا یاریا خوە یا ئەڤرۆ دا سەرکەفتنەکا مەزن ل سەر یانا ئارارات توماربکەت ب سێ گۆلان بێ بەرامبەر.
د نیڤا ئێکێ دا یاریزانێن یانا دھۆک ب تمامی کونترولا یاریێ کربوو شیان دو گۆلان ب رێکا حەیدەر عەبدولرەزاق و ئەحمەد سەبری تومار بکەن و نیڤا ئێکێ ب ڤی ئەنجامی ب دووماھی بینن.
د نیڤا دویێ دا یاریزانێن دھۆک ل دەسپێکا یاریێ شیان گۆلا سیێ ژی ب رێکا یاریزان حەیدەر عەبدولرەزاق توماربکەن و یاریێ ب سێ گۆلان بێ بەرامبەر ب دووماھی بینن و ھژمارا خالێن خوە بکەنە ١٧ خال و پێشڤە بھێتە رێزا ئێکێ ب جوداھیا گۆلان ب شێوەکێ بەروەخت.
ئەڤرۆ نیوز، ئێقبال عومەر:
ل شەڤا بوری ب سەدەما باران بارینەکا زێدە ل ناحیا شێلادزێ لەھی رابون و زەرەر و زیانێن مەزن ب وەلاتیان گەھشتینە.
ل شەڤا بوری بسەدەما باران بارینە کا زور ل سەنتەرێ ناحیا شێلادزێ و کومەلگەھا سیریێ یا سەر ب ناحیا شێلادزێ ڤە لەھی رابوینە و ئاڤ چویە دناڤ چەندین مال و خارنگەە و چەندین گوڤێن ئاژەلان بەرئاڤێ دا چوینە و خراب بوینە بویە ئەگەرێ مرنا چەندین سەرێن ئاژەل و پەلەوەران و زەرەر و زیانەکا مەزن گەھشتیە وەلاتیان.
بێوار عەبدولعەزیز بەرپرسێ راگەھاندنا بەرەڤانیا ل پارێزگەھا دھوک بۆ ئەڤرو نیوز دیارکر ل شەڤا بوری ل ناحیا شێلادزێ ڤە لەھی رابوینە و ئاڤ چویە دناڤ چەندین مال و خارنگەە و چەندین گوڤێن ئاژەلان بەرئاڤێ دا چوینە و خراب بوینە بویە ئەگەرێ مرنا چەندین سەرێن ئاژەل و پەلەوەران و زەرەر و زیانەکا مەزن گەھشتیە وەلاتیان و گوت: ئاڤێ ھاڤێتیە دناڤا کوگەھا خارنگەھەکێ دا و چەندین گوڤێن ب خودانکرنا ئاژەلان و پەلەوەران ژێر ئاڤ بوینە بوینە سەدەما مرنا سێ چێل و ب سەدان مریشکان.
ئهڤرۆ نيوز:
سپێدههيا ئهڤرۆ رۆژا پێنجشهمبى رێكهفتى 13ى كانوونا ئێكێ 2018 نێچيرڤان بارزانى سهرۆك وهزيرێن ههرێما كوردستانێ پێشوازى ل ناديا موراد خودانا خهلاتێ نوبل يێ ئاشتيێ كر.
د ديدارهكێ دا سهرۆك وهزيران پيرۆزباهى لێ كر ب ههلكهفتنا وهرگرتنا خهلاتى و هيڤيا سهركهفتنێ بۆ خواست، ههموو پشتهڤانيا خوه ژى بۆ كار و چالاكيێن وێ يێن د وارێ مرۆڤاتيێ د پێناڤى ئاشتى و خزمهتكرنا قوربانيێن ئێزدى و گههاندنا دهنگێ وان ب جيهانێ دياركر، بزاڤێن خوه ژى بۆ روو ب رووبوونا تيرۆرست و سزادانا وان و ناساندنا كهيسێ ئێزديان وهكو جينوسايد ل جيهانێ و پاراستنا وان دووپاتكر.
ژ لايێ خوه ڤه ناديا موراد سوپاسيا سهرۆك وهزيران كر و چهندهك ژ سهرهاتيا خوه يا تراژيدى و ئێزديان خسته بهرچاڤ و تهكست ل سهر وێ چهندێ كر كو بزاڤێن وێ بۆ ڤهگهراندنا ئارامى و ئاشتيێ بۆ كۆمهلگهها ئێزدى و ههموو قوربانيێن دهستێ تيرۆرێ ب گشتى، ههروهسا بهحس ل كاودانێن نها يێن ئێزديان و دهڤهرێ و ب تايبهت شنگال كر.
داخواز ژى كر كو حوكمهتا ههرێما كوردستانێ رۆلێ خوه د ئاڤهدانكرنا شنگال و دهڤهرێن دى يێن ئێزديان و ڤهگهراندنا ئاواران و ژيان و پاراستن وان و ئاراميێ ل دهڤهرێ بگێرن.
ههر د وێ ديدارێ دا ناديا موراد، دانهك ژ كتێبا خوه يا ب ناڤێ “دووماهى كچ” يا ب زمانێ ئنگليزى بهلاڤ بووى، ب ديارى پێش كێشى نێچيرڤان بارزانى كر.
ئەڤرۆزنیوز، رەزوان ڕۆژبەیانی:
ژ ئەگەرێ روودانەکا ھاتنوچوونێ ل سەر رێیا گشتی یا ناڤبەرا ناحیە روڤیا و قەزا ئاکرێ چار کەس ب دژواری بریندار بوون.
موقهدمێ مافپهروهر ئازاد تەھا بهرپرسێ راگههاندنێ ل رێڤهبهريا ھاتنوچوونا پارێزگەھا دھۆکێ بۆ ئەڤرۆنیوز گۆت: “ژ ئەگەرێ روودانەکا ھاتنوچوونێ ل سەر رێیا گشتی یا د ناڤبەرا ناحیا روڤیا و قەزا بەردەڕەش ل نزیک گوندێ ئێک مالە دا چار کەس ب دژواری بریندار بوون”.
گۆتژی ئەو روودان پێکھاتبوو ژ لێکدانا دو ترۆمپێلان و بریندار ژی ھاتنە رەوانە کرن بۆ نەخۆشخانا تەنگاڤیا قەزا ئاکرێ.
نيشاندان