ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ سوباهى چارشه‌مبى 17/10/2018 مووچێ هه‌يڤا ته‌مووزا 2018 يێ وه‌زاره‌تا ناڤخوه ورێڤه‌به‌ريا گشتى يا يا ره‌گه‌زنامێ به‌لاڤكه‌ت.
نووترين نووچه
- پێدڤییە ئەنفال و هەموو تاوانێن دژی گەلێ كوردستانێ هاتینە كرن ببنە ئەگەرێ مسۆگەركرنا مافێن گەلێ كوردستانێ
- د بزاڤێن خوەدا دێ بەردەوام بین هەتا رزگاركرنا دووماهی رەڤاندیێ ئێزدی
- د دەمەكێ نێزیك دا كێشەیا مووچەی دێ چارەسەر بیت
- نێچیرڤان بارزانی پێشوازی ل جێگرێ سەرۆكێ ئاك پارتی كر
- د هەڤڕاینە ل سەر گرنگییا چارەسەركرنا كێشەیان ب دانوستاندنێ و تێكگەهشتنێ
- ئەمریكا پێگیرە ب پشتەڤانییا هەرێما كوردستانێ
- دەستهەلاتدارێن ئیراقێ باوەری ب دەستووری و هەڤپشكیێ ل گەل كوردان نینە
- هشیار زێباری هۆشداریێ ژ زەلال نەبوونا پرۆسەیا هەلبژارتنێن ئیراقێ ددەت
- پێدڤییە وەزیرا كۆچ و كۆچبەران بۆ جڤاتا نوونەران بهێتە گازیكرن
- ئالۆزی و پێكدادانێن سلێمانیێ ئاسایش و ئارامییا هەرێما كوردستانێ دكەنە ئارمانج
سه‌ره‌كى نووترين نووچه
په‌رله‌مانتاره‌كێ به‌رێ يێ گۆران: 16 ئوكتۆبه‌ر رۆژه‌كا ره‌شه دديرۆكا خه‌باتا كوردان دا
ئه‌ڤرۆنيوز:
ئه‌ندامێ به‌رێ يێ په‌رله‌مانێ عيراقێ، مه‌سعود حه‌يده‌ر ژ بزاڤا گۆران راگه‌هاند، 16 ئوكتۆبه‌ر رۆژه‌كا ره‌شه دديرۆكا سه‌د ساليا خه‌باتا گه‌لێ كوردستانێ دا.
مه‌سعود حه‌يده‌ر، ل دۆر خيانه‌تا 16 ئوكتۆبه‌رێ وفرۆشتن وراده‌ستكرنا كه‌ركووكێ بۆ حوكمه‌تا عيراقێ، دبه‌رپه‌رێ خوه دا ل تۆرا جڤاكى يا فه‌يسبووكى دبێژيت” 16 ئه‌كتۆبه‌ر رۆژه‌كا ره‌شه دديرۆكا 100 ساليا خه‌باتا گه‌لێ كوردستانێ دا، خيانه‌ت ل خه‌بات وخوينا ب ده‌هان هزار شه‌هيدێن پێشمه‌رگه وئه‌نفالێ وجينوسايدێ”.
گۆت ژى”16 ئوكتۆبه‌ر هه‌راجكرنا ئاخا كوردستانێ وكه‌رامه‌تا كوردستانيانه بۆ داگيركه‌رێن كوردستانێ”.
یازدە عەرەب ب تۆمەتا داگیرکرنا ئەردێ کوردا ھاتنە دەستەسەرکرن
ئەڤرۆ نیۆز، قائید میرۆ:
ھژمارەک عەرەبێن شۆڤێنی چووینە سەرگوندەکێ ناحیا سەرگەڕان و دخواست داگیربکەن، رێڤەبەرێ ناحیا سەرگەڕانژی دبێژیت، یازدە ژوان عەرەبێن داگیرکەر ھاتینە دەستەسەرکرن.
لوقمان حسێن، رێڤەبەرێ ناحیا سەرگەڕان یا سەر ب کەرکووکێ بۆ ئەڤرۆ نیۆز دیارکر” ھژمارەک عەرەبێن شۆڤێنی چووینە سەر گوندێ شەغانە یێ سەر ب ناحیا سەرگەڕان و دخواست ل گوندی ئاکنجی ببن و وەلاتیێن کورد گوندێ خوە ژبۆی وەلاتیێن عەرەبێن شۆڤێنێ چۆلبکەن، مخابن ھەتا نوکە مەترسیا تەعریبێ لسەر حەڤدە گوندێن سنورێ ناحیا سەرگەڕان ھەیە.
رێڤەبەرێ ناحیا سەرگەڕان ئاشکرا کر” ل ھەیڤا ئۆکتۆبەرا سالا بۆری وەرە پێلەکا ھاتنا عەرەبێن شۆڤێنی ل سنورێ پارێزگەھێن نەینەوا و تکریت و دیوانیە ھاتینە سەر زەڤیێن کوردان و مینا سەردەمێ رژێما بەعس دخوازن داگیر بکەن.
لوقمان حسێن ئاماژەکر” پشتی چێبوونا ئاریشەیا گوندێ شەغانە ھێزێن ئەمنی گەھشتینە دەڤەرێ و ھەتا شەڕ چێنەبیت دناڤبەرا کورد و عەرەبان ب فەرمانا دادوەرێ کەرکووکێ یازدە ژوان عەرەبێن داگیرکەر دەستەسەرکرینە.
ب وێنە: خەلکێ خورماتوو مانگرتن دەست پێ کر
ئەڤرۆ نیوز ، نەوزاد هلوری:
وەک نەرازیبونەک بو هەبونا هێزێن میلشیاتێن عیراقی و ئەنجامدانا روودانێن مروڤایەتی و ژینگەهی دژی خەلکێ خورماتو و داگیرکرنا دەڤەرێن وان ل 16ێ ئۆکتوبەرا سالا بوری ، خەلکێ خورماتو دەست ب مانگرتنێ کر و بازارێن خوە گرتن.
خورماتو ئێک ژ وان دەڤەرێن سەر ب هەرێما کوردستانێ کو زورترین قوربانی و وێرانکاری ژ ئەنجامێ خیانەتا 16ێ ئۆکتوبەرێ بخوفە گرت ، مینا شەهیدکرنا هژمارەکا زور ژ پێشمەڕگە و وەلاتیێن سلڤێن ، رەڤاندن و هەتکاندنا ژنان ژلایێ حەشد شەعبی ، و ئاوارەکرنا هژمارەکا زور یا خەلکێ خورماتو و سوتن و خراپکرنا هژمارەکا زور یا خانو و دوکان و بازارێن وەلاتیان ژلایێ حەشد شعبی.
وەک نەرازیبون بو مانەفا حەشد شعبی و هێزێن عیراقی ئەڤرو بازارێن خورماتو هاتنە گرتن و مانگرتن دەست پێ کر ، و خەلکێ خورماتو دخوازن خیانەتکار بهێنە دادگەهکرن و دووبارە هێزێن پێشمەرگەی بزڤرن دەڤەرێن وان.
ل به‌رده‌م مالا مام جه‌لالى خوه‌نيشادانه
ئه‌ڤرۆ نیۆز،عه‌زیز هه‌ورامی
شۆفێرێن بارهه‌لگرێن ده‌رگه‌هێ باشماخ يێ سنورى ده‌مێ دو رۆژانه خوه‌نيشادانان دكه‌ن وئه‌ڤرۆ خوه‌نيشادانا خوه بره گرێ ده‌باشان ل به‌رده‌م مالا مام جه‌لالى.
ئێك ژ شۆفێرێن خوه‌نيشانده‌ر ب ناڤێ (سيروان كه‌ريم) بۆ ئه‌ڤرۆنيوز گۆت” مه چه‌ندين كێشه يێن ل مه‌رزێ باشماخ ل هه‌ردو لايێن هه‌رێما كوردستانێ وئيرانێ هه‌ين”.
گۆت ژى” ل ره‌خێ ئيرانێ يێ سنورى ژلايێ كاربه‌ده‌ستێن ده‌رگه‌هێ باشماخ وقاچاخچيان، كه‌لوپه‌لێن قاچاخ ب زۆرى دئێخنه دناڤ بارهه‌لگرێن مه دا وسڤكاتيه‌كا مه‌زن ب مه دكه‌ن، ل سنورێ هه‌رێما كوردستانێ ژى ژلايێ پۆليس وئاسايشێ پشكنينا هوور دهێته كرن وئه‌ڤ چه‌نده ژى زيانێ دگه‌هينيته مه وچه‌ندين كێشه بۆمه دروست دبن ژبه‌ر وان كه‌لوپه‌لێن قاچاخيێن ب زۆرێ ل ره‌خێ ئيرانێ يێ سنورى دئێخنه دناڤ بارێن مه دا”.
بارام محه‌مه‌د، خوه‌نيشانده‌ر گۆت” ئه‌م يێن هاتينه ل به‌رده‌م مالا مام جه‌لالى خوه‌نيشادانێ دكه‌ين چونكى هه‌موو ده‌ستهه‌لاتێن ل وى سنورى يێن دده‌ستێ كورێن مام جه‌لالى دا وتنێ ئه‌و دشێن كێشێن مه بۆمه چاره‌سه‌ربكه‌ن”.
تاكو نوكه ژى ژلايێ مالا مام جه‌لالى چو به‌رسڤه‌ك بۆ خوه‌نيشانده‌ران نه‌هاتيه.
پەیاما سەرۆك بارزانی ل سالڤەگەرا خیانەتا 16 ئۆكتۆبەرێ
ئەڤرۆ نیوز:
دەقێ بەیانناما بارزانی:
بناڤێ خودایێ بەخشندە و میهرەبان
16 ئۆكتۆبەرێ ڕۆژەکا تاریە د مێژوویا میللەتێ مەدا. د وێ ڕۆژێ دا بوو كو خیانەتا نەمەردانە، ل ئومێد و هیڤیێن گەلەکێ مەزلووم هاتە كرن، ب ئەگەرێ دەستەکێ نافخۆیی ڤە یاریەكا بێویژدانانە ب چارەنڤیسێ گەلێ مە هاتە كرن و ئەو ئاخا ب خوینا هزاران کورێن ڤی نیشتیمانی یا پاراستی بوو، د چارچۆڤێ پیلانەكێدا كەفتە ژێر داگیركاریێ و كاڤلكاریێ و سفکاتی ب پیرۆزیێن گەلێ كوردستانێ هاتە کرن.
ئەو پیلانا نەگریسە، سفكایەتی بوو ب 100 سالێن خەبات و قوربانیدانا گەلێ مە. سفكاتیكرن بوو ب خوینا شەهیدان و ئەو پێشمەرگێن قارەمان یێن ل شەڕێ تیرۆریستێن داعشدا كەركووك و دەڤەرێن كوردستانی یێن دی یێن دەرڤەی ئیدارا هەرێمێ پاراستی و ژ پێش هەموو مرۆڤاتیێ ڤە شەرێ تیرۆرێ دكر، هەروەسا سفكایەتی بوو ب دەنگێ ڕەوا و ئاشتییانە یێ گەلێ كوردستانل کو ب تنێ تاوانا وان ئەو بوو، کو دەنگێ راستەقینەیێ خوە د گەهاندە گوهێ جیهانی.
مە پێشبینییا هەموو ئەگەران كربوو، بەلێ چو جاران ئەم چاڤەرێی هندێ نەبووین دەستەکێ نافخۆیی ب ڤی شێوەی خەنجەرێ ل پشتا گەلێ كوردستانێ بدەت.
ئەوان دڤیا ب نەپاكی و داگیركاریێ و زەبروزەنگێ، ئیرادا گەلێ مە بشكێنن كو ئازادیخوازی و پەیاما ئاشتی و پێكڤەژیانێ یە، بەلێ ئیرادا گەلێ مە ب زیندوویی ما و ب دلنیایی ڤه ئازادیخوازی و پەیاما ئاشتیێ، سەربەرزیە، نەپاكی و داگیركاری ژی سەرشۆری و شوورەییە.
ئارمانجا 16 ئۆكتۆبەرێ، نەهێلانا كیانێ هەرێما كوردستانێ و بێماناكرنا مافێن گەلێ كوردستانێ بوون، ئەو ژی ب هەڤكاری و چاڤساغی یا دەستەکێ نەپاكێ نافخۆیی، پیلانەکا گەلەک مەزن ل دژی گەلێ مە د ئارادا بوو، بەێ پێشمەرگەی بریارا بەرگریێ و كۆلنەدانێ دا، هاوكێشە گوهۆین و سەربەرزی بۆ گەلێ كوردستانێ ما.
دڤێ یادا تەحل دا، داخوازێ ژ هەموو لایەكی دكەم رێزێ ل مێژوو و مافێن گەلێ كوردستانێ بگرن، سیاسەتا شۆڤینی و ئینكاركرنێ هیچ ئەنجامەک نینە و ب تنێ شەر و پاشکەفتن لێ دکەڤیت.
هەمووگاڤا مە داخواز كریە كو كەركووك ببیتە نموونا پێکڤە ژیانێ، بەلێ مساومێ ل سەر ناسناما كوردستانیبوونا كەركووكێ ناهێتە کرن، داخوازێ ژ وەلاتیێن كوردستانێ دكەم ب ئومێد و هێزڤە بەرێ خوە بدەنە داهاتی، دۆزا گەلێ مە یا رەوایە و ب شەر و پیلان و نەپاكیێ، ب دووماهی ناهێت.
16 ئۆكتۆبەر ئەو رۆژا تارییە د مێژوویا گەلێ مە دا كو چو جاران ناهێتە ژبیرکرن و دڤێت ببیتە وانەک بۆ تاك تاکێن گەلێ كوردستانێ.
سلاڤ بۆ شەهیدێن كورد و كوردستانێ و هەموو شەهیدێن رێیا ئازادیێ.
سلاڤ بۆ پێشمەرگێن قارەمان.
سلاڤ بۆ تێكۆشەران و نیشتیمانپەروەران.
مەسعود بارزانی
16ـی 10ـی 2018
به‌نكا خوینێ ب كۆژمێ سه‌د هزار دۆلاران هاته نووژه‌نكرن
ئه‌ڤرو سپێدێ 16-10-2018 ب ئاماده‌بونا فه‌رهاد ئه‌مین ئه‌تروشی پارێزگه‌رێ دهوكێ وكونسلێ گشتی یێ حكومه‌تا ژاپون ل كوردستانێ ورێڤه‌به‌رێ گشتی یێ ساخله‌میێ ل پارێزگه‌ها دهوكێ پروژێ نوژه‌نكرنا به‌نكا خوینێ ل سه‌نته‌رێ باژێرێ دهوكێ هاته ڤه‌كرن. درێ ورسمێن ڤه‌كرنێ دا پارێزگه‌رێ دهوكێ بناڤێ كارگێریا پارێزگه‌هێ سوپاسیا حكومه‌ت وخه‌لكێ ژاپون و رێكخراوا PWJكر كو پشته‌ڤانیا دارایی بو نوژه‌نكرنا به‌نكا خوینێ ته‌رخانكریه .
هه‌روه‌سا گوت: لڤان سالێن بوری نه‌خاسمه پشتی هاتنا رێژه‌كا زور یائاواره وپه‌نابه‌ران بو سنورێ پارێزگه‌هێ حكومه‌تا ژاپونێ ب رێكا رێكخراوا PWJگه‌له‌ك هاریكاری وپروژه ل پارێزگه‌هێ ئه‌نجامداینه بو خزمه‌تكرناخه‌لكێ ده‌ڤه‌رێ، وخواست كوحكومه‌تا ژاپونی پتر پروژێن خزمه‌تكاری ل پارێزگه‌هێ ئه‌نجامده‌ت.
پاش كونسلێ گشتی یێ وه‌لاتێ ژاپونێ په‌یڤه‌ك بزمانێ كوردی پێشكێشكر وته‌كه‌زكر كو حكومه‌تا ژاپون ورێكخراوێن وه‌لاتێ وان دێ به‌رده‌وام پشته‌ڤانیا پروژێن خزمه‌تكاری تایبه‌ت پروژێن ته‌ندورستی كه‌ن.
پاش په‌یڤێن رێڤه‌به‌ریا ساخله‌میێ و رێكخراوا PWJ یا ژاپونی هاتنه خاندن.
هه‌ژی گوتنێ یه به‌نكا خوینێ ب پشته‌ڤانیا دارایی یا حكومه‌تا ژاپونی وب رێكا رێكخراوا PWJبكوژمێ نێزیكی سه‌د هزار دولاران وژلایێ كومپانیا دارهنار هاتیه نوژه‌نكرن.
ئەڤرۆ ئێکەمین سالڤەگەرا خیانەتا 16 ئۆکتۆبەرێ یە
ئەڤرۆ نیوز ، زنار تۆڤی:
ئه‌ڤرۆ سێشەمبی 16.10 سالڤه‌گه‌را ئێكێ یا كه‌فتنا باژێرێ كه‌ركوكێ یه ژ لایێ هێزێن عیراقی و حەشدا شەعبی ڤە، ئەڤ چەندە هات پشتی کو ل 16 ئۆكتۆبه‌را سالا 2017، حه‌شدا شه‌عبی ب هاریكاریا هنده‌ك وه‌لاتێن ده‌ڤه‌رێ و بهاریکایا هێزێن ئێکەتیێ هێرش کرە سەر باژێرێ كه‌ركوكێ و چەندین ده‌ڤه‌رێن دیتر یێن كوردستانی داگیرکرن.
هەروەسا باله‌كێ ئێكه‌تیێ كو ب خیانه‌تكارێن 16 ئۆكتۆبه‌رێ دهێنە بناڤكرن، ب نهێنی رێككه‌فتن ل؛گه‌ل حه‌شدا شەعبی و هێزێن عیراقی كرن و وان چه‌په‌رێن خوە ڤالا كرن و پێشمەرگێن ئێکەتیێ بێی شەر كه‌ركوك راده‌ستی حەشدێ كر، دیسا حوکمه‌تا عیراقێ ژی ب ناڤێ سه‌پاندنا قانوونێ هێرش کرە سەر كه‌ركووكێ و ب هزاران وه‌لاتیێن وی باژێری ئاواره و ده‌ربه‌ده‌ر بوون، كو هێشتا پرانیا وان وەلاتیان د كه‌مپان دانە ل هه‌رێما كوردستانێ و ڤەنەگەریاینە کەرکوکێ.
هەروەسا ژبەر خیانەتا 16 ئوکتۆبەرێ ئەڤرۆ پرانیا کوردێن وی باژێری دوکانێن خوە داخستیە و ڤەنەکرینە وەکو کارفەدانەک، ژبەر وێ خیانەتا ئێکەتیێ کری.
گرۆپەک دێ خوه ل كێشێن پارێزگه‌ها دهۆكێ كه‌ته خودان
ئه‌ڤرۆ نیوز ، زنار تۆڤى:
پارێزه‌ر حه‌مدى به‌روارى ئه‌ندامێ “گرۆپێ دهۆك بۆ خزمه‌تكرنێ” ل پارێزگه‌ها دهۆكێ بۆ ئه‌ڤرۆ نیوز دیاركر: كو حه‌فت رێكخراوێن جڤاكێ سڤیل ل دهۆكێ رابووینه ب دانا گرۆپه‌كێ ب ناڤێ ” گرۆپێ دهۆك بۆ خزمه‌تكرنێ” ل دهۆكێ ، كو هه‌ر ئاریشه‌كا نه‌چاڤه‌رێكرى ل دهۆكێ بهێته روودان ئه‌ڤ گرۆپه لێ خوه لێ كه‌ته خودان، دیسا ئه‌ڤ گرۆپه دێ خوه ل ئاریشێن” پێشمه‌رگه‌ى و قوتابیان و گرانبوونا بهایێ بانزینێ و كه‌لوپه‌لان و قوربانیێن ده‌ریا ئیجه” كه‌ته خودان،.
هه‌روه‌سا گۆت ژى:” قوربانیێن ده‌ریا ئیجه ب بوو ئاریشه‌ك و كه‌سێ خوه لێ نه دكره خودان، لێ پشتى بزاڤێن مه یێن به‌رده‌وام ل گه‌ل سه‌رمایه‌دارێن دهۆكێ،ئه‌و بۆ سه‌رمایه‌داره‌كێ دهۆكێ به‌رهه‌ڤیا خوه ده‌ربرى و ل ڤێ ئاریشێ كره خودان و دێ ته‌رمێن قوربانیان ڤه‌گه‌رینیته كوردستانێ، هه‌روه‌سا ده‌رباره‌ى ئاریشا قوتابیێن پولا 12 ئه‌وا ل زانكۆیا دهۆكێ رووداى، مه سه‌ره‌دانا رێڤه‌به‌ریا پۆلیسێن دهۆكێ كریه و مه بۆ وان دیاركریه كو نابیت ب هیچ ره‌نگه‌كى توندوتیژى په‌یدا ببیت و نابیت قوتابى بهێنه قوتان، لێ نابیت وه‌لاتى و قوتابى ژى رێیا گشتى بگرن، دیسا بریار هاتیه‌دان كو چاره‌سه‌ریا قوتابیێن وه‌رنه‌گرتى ل هۆكێ بهێته كرن، دڤێت ل پارێزگه‌ها دهۆكێ 4500 قوتابى بهێنه وه‌رگرتنن د ده‌مه‌كى دا كو نوكه ب تنێ 1800 قوتابى هاتینه وه‌رگرتن، له‌وما ئه‌وێن این ژى دێ هێنه وه‌رگرتن، دیسا مه په‌یوه‌ندى ب وه‌زیرێ خواندنا بلند كریه‌ن كو ئه‌و دێ ل گه‌ل سه‌رۆكاتیا زانكۆیا دهۆكێ ئاریشا قوتابیێن دهۆكێ چاره‌كه‌ن.
ناڤهاتى گۆت ژى: مه وه‌ك گرۆپێ دهۆك بۆ خزمه‌تكرنێ گازندا وان قوتابیان گه‌هاندیه سه‌رۆكاتیا زانكۆیا دهۆكێ و وان ژى داخوازیا مه وه‌رگرتیه و یێ بزاڤێ دكه‌ن، كو ئاریشا وان قوتابیان چاره بكه‌ن، دیسا ڤى گرۆپى كارتێكرنه‌كا باش هه‌بوویه ل دهۆكێ و دیسا ئه‌م دێ بینه پره‌ك دناڤبه‌را خه‌لكێ و ده‌ستهه‌لاتێ دا، دێ بزاڤێ كه‌ین ب رێكێن شارستانى و قانوونى خه‌لك داخوازا مافێن خوه بكه‌ت، دێ گڤاشتنێ ل سه‌ر حوكمه‌تێ كه‌ین بۆ ب ده‌سته‌ئینانا مافێن وه‌لاتیان، ئه‌و ژى گۆت: هه‌روه‌سا ئه‌م دێ خوه ل هه‌موو ئاریشێن پێشه‌رگى ژى كه‌ینه خودان ب رێیا ڤى گرۆپى مه ل به‌ره گه‌له‌ك كارێن باش بۆ خه‌لكێ پارێزگه‌ها دهۆكێ و هه‌موو ده‌ڤه‌ران بكه‌ین.
رێکخراوێن جڤاکێ سڤێل خوەنیشاندانەک بەرامبەر نڤیسینگەھا پەرلەمانێ عیراقێ ئەنجامدا
ئەڤرۆ نیوز، نەوزاد ھلۆری:
دەمەکێ کێم بەری نوکە ھژمارەکا زور یا رێکخراوێن جڤاکێ سڤێل بەرمبەری ئاڤاھیێ نڤیسینگەھا پەرلەمانێ عیراقێ ل ھەولێر خوەنیشاندانەک ئەنجام دا و تێدا داخواز ل حوکمەتا عیراقێ و ھێزێن میلشیاتێن عیراقێ کر کو ب زوترین دەم کەرکوکێ و دەڤەرێن کارگێریێن سەر ب ھەرێما کوردستانێ بجھبھێلن و قەرەبویا خەلکی ژی بکەن و ژینگەھا دەڤەرێ نەھێتە شێواندن ، و ئەنجامدەرێن تاوانا بکارئینانا ھێزێ دژی ھەرێما کوردستانێ ژی بھێنە سزادان.
پارێزەر رێباز سالح نونەرێ رێکخراوێن جڤاکێ سڤێل د کونگرەیەکێ رۆژنامەڤانی دا دیارکر کو خیانەتا 16ێ ئوکتوبەرێ ئێکە ژ وان خیانەتێن مەزن کو ژلایێ حوکمەتا عیراقێ و ھێزێن میلشیات ب سەر ھەرێما کوردستانێ دا ھاتی و گۆت: (دچارچوڤێ خیانەتا 16ێ ئوکتوبەرێ دا سوپایێ عیراقێ و میلشیاتێن وان ب تایبەتی حەشد شەعبی نیڤا ئاخا ھەرێما کوردستانێ داگیرکریە ژ کەرکوکێ ھەتا شنگالێ و د ئەنجامدا زیانێن زور یێن مروڤایەتی و ژینگەھی ب دەڤەرێ گەھاندیە و ھزاران خەلک ئاوارە و دەربدەرکریە و خانو ودوکان و بازارێن وان سوتینە ، و دیسان ھژمارەکا زور یا پێشمەرگە و خەلکێ سڤێل شەھیدکرینە ، و دیسان ل جھێ بەرپرسێن کوردان و مالێن کوردان بەرپرس و وەلاتێن عەرەب ل جھێ وان داناینە کو ئەڤ یەک ژی پروسەیەیا ب عەرەبکرنا ئاشکرایە و بەروڤاژی دەستوور و قانونێن عیراقێ و ھەموو قانونێن نیڤدەولەتی یە)
زێدەتر گۆت: (وەکو رێکخراوێن جڤاکێ سڤێل ئەم داخوازێ ل عیراقێ دکەین کو ئێدی پروسەیا راگرتنا ب عەرەبکرنێ رابگریت و ئەوێن کو پێشتر ژی ھاتیەکرن دووبارە ڤەگەرێنیتە جھێن وان ، و کوردان ل جھێن وان بدانیت ڤە، و دیسان دڤێت پێشمەرگە بزڤریتە کەرکوک و شنگال و دەڤەرێن دن و پروسەیەکا ھەمەلایانە ئیدارەیا وان دەڤەران بکەت، و ھەموو ئەو گومرک و خالێن دناڤبەرا ھەرێما کوردستانێ و دەڤەرێن کارگێریێن سەر ب ھەرێما کوردستانێ ھاتیەدانان بھێنە راکرن ، و ھەموو ئەو زیانێن کو ب خەلکی کەفتی دووبارە بھێنە قەرەبوکرن ، و ل دوماھیێ ژی داخوازێ ل دادگگەھا عیراقێ دکەین کو سەروک وەزیرێن بەرێ یێ عیراقێ حەیدەر عەبادی ب تاوانا بکارئینانا ھێزێ دژی ھەرێما کوردستانێ کو بەروڤاژی دەستوری یە بھێتە دادگەھکرن و بگەھیتە سزایێ خوە)
نيشاندان
WP Facebook Auto Publish Powered By : XYZScripts.com