ئهڤرۆنيوز:
جڤاتا وهزيرێن عيراقێ ب سهرۆكاتيا عادل عهبدولمههدى سهرۆك وهزيران ئهڤرۆ سێشهمبى روونشتنا خوه يا ئاسايى گرێدا وتێدا چهندين بريار دهركرن.
د كۆمبوونا جڤاتا وهزيرێن عيراقێ بهحس ل پێنگاڤێن بهلاڤكرنا پارچێن ئهردى ل سهر وهلاتيان هاته كرن كو ل حهفتيا بۆرى دهست پێ كربوو، دووپاتى ژى هاته كرن كو ژلايێ ئهمينداريا گشتى يا جڤاتا وهزيران دووڤچوون بۆ پرۆسێ بهێته كرن.
ل دووڤ بهياننامهكا جڤاتا وهزيران، دكۆمبوونێ دا بريار هاته دان ل سهر مۆلهتا وهبهرئينانا پرۆژێ باشكرنا پانزينێ ل پارێزگهها كهركووكێ.
بهپێی ڕاگهیاندراوێكى ئهنجومهنهكه، لهدانیشتنهكهدا دهنگ درا لهسهر مۆڵهتى وهبهرهێنانى پرۆژهى باشكردنى بهنزین له پارێزگاى كهركووك.
ئهڤرۆنيوز:
رێبهرێ رهوتێ سهدرى وليستا سائيرون موقتهدا سهدر ئهڤرۆ سێشهمبى 27/11/2018 د بهرپهرێ خوه دا ل سهر تۆرا جڤاكى يا تويتهرى بهلاڤكر” قهبوول ناكهم كهسێن نه سهربخوه پۆستێن وهزارهتێن ناڤخوه وبهرگريێ وهربگرن”.
گۆت ژى”هندهك يێ بزاڤێ دكهن كهسێن گهندهلكار پۆستان وهرگرن ونه مهرجهعيهتا شيعى ونه وهلاتى ڤێ چهندێ قهبوول ناكهن، نه ئهزم ئهگهرێ گيرۆبوونا پێكئينانا حوكمهتێ، بهلكو ئهو ئهگهرن”.
موقتهدا سهدر داخواز ژ عادل عهبدولمههدى سهرۆك وهزيرێن عيراقێ كر لهزێ دپێكئينانا حوكمهتا خوه دا بكهت ژبلى ههردو وهزارهتێن (ناڤخوه وبهرگريێ) وڤهكرنا دهرگههێ بهربژارتنێ بۆ وان ههردو پۆستان ل بهردهم فهرماندێن ئاخ ژ دهستێ داعشێ ئازادكرى وبێ دهستێوهردانا چو ليست وحزبان وگۆت” جيرانێن مه ژى ههڤالێن مهنه، نهكو مهزنێن مهنه”.
ئهڤرۆنيوز:
رێڤهبهريا ههوالگيريا لهشكرى ل عيراقێ، دهستهسهركرنا ژنهكا داعش ل كهمپا (ئهلجدعه) ل گهياره ل پارێوگهها نهينهوا راگههاند كو خوه تێكهلى ئاواران كربوو ودهێته نياسين ب (دايكا داعشان).
رێڤهبهريا ههوالگيريا لهشكرى ل عيراقێ د بهياننامهكێ دا ئاشكراكر” پشتى مهفرهزێن مه ل فرقا 20 پێزانينێن تمام وهرگرتين، شيان (دايكا داعشان) دهستهسهر بكهن كو خوه خستبوو دناڤ ئاواران دا ل كهمپا (ئهلجدعه) ل گهياره”.
دياركر ژى كو دايكا داعشان كارێ گههاندنا كهلوپهلێن خوارنێ بوو بۆ ئهندامێن داعشێ ل جههێن وان ول دووڤ مادێ چارێ ژ قانوونا تيرۆرێ، ژلايێ دادگههێ ڤه يا داواكرى بوو وفهرمانا دهستهسهركرنا وێ ژى ههبوو.
ئهڤرۆنيوز:
ژێدهرهكێ لهشكرى ئاشكرا دكهت كو فهرماندێن وهزارهتا بهرگريا عيراقێ پلانهك پێشكێشى سهرۆك وهزيرێن عيراقێ وفهرماندێ گشتى يێ هيزێن چهكدار عادل عهبدولمههدى كريه بۆ هێرشكرنێ ل سهر پارێزگهها دێرلزۆر يا سوورى بۆ رێگرتنێ ل هاتنا رێكخستيا داعش يا تيرۆرستى بۆ عيراقێ.
وى ژێدهرى بۆ مالپهرێ (الغد برس) يێ عيراقى دياركريه كو هێزێن تايبهت يێن عيراقى 25 خالێن لهشكرێ سوورى يێن بهرى كو ببونه خالێن هێزێن سووريا ديموكراتى ههر ژ دهڤهرا ههجين تاكو دێرلزۆرى ل سهر سنورێ عيراقێ – سووريێ.
ئاماژه كر كو ههبوونا شهش ليوايێن هێزێن تايبهت يێن عيراقى ولهشكرێ عيراقى وزێرهڤانێن سنوورى وحهشدا شهعبى وحهشدا عهشائيرى وفهوجێن زريپۆشان ل سهر ههموو سنوورێ عيراقێ وسووريێ، مهرهم ژێ رێگرتنه ل هاتنا چهكدارێن داعشێ بۆ ناڤ ئاخا عيراقێ.
گۆت ژى” فهرماندێن وهزارهتا بهرگريا عيراقى پلانا هێرشكرنێ ل سهر پاريزگهها دێرلزۆر يا سوورى پێشكێشى عادل عهبدولمههدى كريه بۆ رێگرتنێ ل هاتنا داعشێ بۆ ناڤ عيراقێ و ههكه وهزيرێ نوو يێ بهرگريێ هاته دهستنيشانكرن، دبيت عهبدولمههدى ل سهر پلانا وان فهرماندێن وهزارهتا بهرگريێ رازى ببيت”.
ئهڤرۆ نیوز:
ل باژێرێ ههولێرێ بهرێ بنیاتی بۆ ئێكهمین سهنتهرێ تیشكێ ل ههرێما كوردستانێ بۆ چارهكرنا نهخوشیا پهنجهشێرێ هاته دانان، رێكهوت حهمه رهشید وهزیرێ ساخلهمیێ راگههاند، د ماوێ شهش ههیڤان دا ئهڤ پرۆژه دێ ب دووماهی هێت.
رێكهوت حهمه رهشید وهزیرێ ساخلهمیێ راگههاند دیسا راگههاند، ژبهر باشبوونا رهوشا دارایی، ئهو شیاینه، جارهكادی دهست ب پرۆژان بكهنهڤه.
ئهڤرۆنيوز:
مالپهرهكێ عهرهبى بهلاڤكر كو وهلاتێ ئيماراتێ كهنالێ (الحره) يێ ئهمريكى كرى وراگههاندكار (نارت بۆران) يێ نێزيك ژ بنهمالا دهستههلاتدار ل ئهبو زهبى پايتهختي ئيماراتێ وهكو جێگرێ بهرپرسێ كهنالى دياركر.
مالپهرێ (الترا صوت) بهلاڤكر كو نارت بۆران رێڤهبهرێ گشتيێ يێ بهرى يێ كهنالێ سكاى نيوز يێ ئيماراتى بوو
وى مالپهرى ژزاردهڤێ هندهك ژێدهرێن دناڤ كهنالێ الحره دا دياركر كو كهنالێ ناڤبرى ب شێوازێ خوه يێ نوو دێ ب ههموو شێوهيان دژى ئيرانێ بيت ب ههڤكارى ل گهل دهزگههێن راگههاندنێ يێن ئيماراتى.
كهنالى (الحره) ل سالا 2004 هاتبوو دامهزراندن وچهندين لق يێن ههين وهكو الحره عيراق وراديوا سهوا ودهربرينێ ژ سياسهتا ئهمريكى ل دهڤهرێ وعيراقێ دكهت.
ئهڤرۆنيوز:
شارهزايهكێ سهقاى يێ ئوردنى پێشبينيێ دكهت ل ههيڤا داهاتى (كانوونا ئێكێ) بهفرهكا زۆر ل ههرێما كوردستانێ بباريت.
خالد مههداوى، شارهزايێ سهقاى يێ ئوردنى دبهرپهرێ خوه دا ل سهر تۆرا فهيسبووكى بهلاڤكر” ژبهر ههبوونا نه جێگيربوونێ دسهقايێ جهمسهرى وئهتلهسى دا، زڤستان زوو هاتيه وسهرما دێ دهڤهرا رۆژههلاتا ناڤهراست ڤهگريت”.
ناڤبرى پێشبينيێ دكهت كو ل دووماهيا ڤێ حهفتيێ پێلهكا بارانێ يا ب هێز دهڤهرين ههرێما كوردستانێ وسووريێ وباكوورێ مسرى ڤهگريت.
گۆت ژى” ل رۆژا پێنجشهمبى ههرێما كوردستانێ دێ كهڤيته بهر پێلهكا بارانێ وئاماژێن ب هێز ژى يێن ههين كو ل ههيڤا داهاتى بهفرهكا زۆر ل ههرێما كوردستانێ بباريت”.
ژلايێ خوهڤه دهستهيا كهشناسيێ ل عيراقێ پێشبينيێ دكهت ل رۆژێن پێنجشهمبى وئهينى وشهمبيێ پێلهكا بارانێ چهندين دهڤهرين عيراقێ وههرێما كوردستانێ ڤهگريت.
ئهڤرۆنيوز:
رۆژنامهكا ئيتالى ئێڤاريا ئهڤرۆ سێشهمبى 27/11/2018 بهلاڤكر كو نيمار ويانا باريس سان جيرمان رێككهفتن ل دۆر چوونا نيمار ژ وێ يانا ل هاڤينا 2019.
رۆژناما (توتۆ سپۆرت) يا ئيتالى بهلاڤكر”باريس سان جيرمان درهوشهكا نهخوهش دايه ل گهل نيمارى، ژئهگهرێ رژديا نيمارى ل سهر بجهئينانا يانا فرهنسى ب مهرهما ب دهستڤهئينانا ناسناڤێ خۆلا قارهمانێن ئورۆپا”.
وێ رۆژنامێ ئاشكراكر كو رێككهفتنهك دناڤبهرا يانا باريس سان جيرمان ونيمارى يا هاتيه كرن كو نيمار ل تهمووزا 2019 وێ يانێ بجه بهێليت، بهلێ سهرۆكێ وێ يانێ داخوازا 200 مليۆن يورۆيان دكهت بۆ رازيبوونێ ل سهر فرۆتنا نيمارى”.
ل دووڤ وێ رۆژنامێ سێ رێ يێن ل بهر نيمارى پشتى بجه هێلانا باريس سان جيرمان، ئهوژى زڤرينا وى بۆ ئێك ژههردو يانێن ريال مهدريد يان بهرشهلونا يێن ئيسپانى يان ژى ياريكرن بۆ يانا مانشستهر سيتى يا ئينگليزى.
يانا باريس سان جيرمان سوباهى چارشهمبى 28/11/2018 دێ ل گهل يانا لێڤهرپۆل يا ئينگليزى ياريهكا چارهنڤيسساز ئهنجامدهت دچارچۆڤێ گهرا پێنجێ ژ قۆناغا گرۆپان ژ خۆلا قارهمانێن ئورۆپا وههكه هات ودوێ ياريێ دا هاته دوراندن، دێ وێ قارهمانيێ بجه هێليت.
نيشاندان