سه‌ره‌كى نووترين نووچه

ب ڤیدیۆ- هژمارا گه‌شتیارێن گه‌لیێ سێ پركا د زێده‌بوونێ دایه‌

08/09/2018 15:08

243

ئه‌ڤرۆ نیوز، نه‌وزاد هلۆرى:

گه‌لیێ سێ پركا كو دكه‌ڤیته‌ باكوورێ قه‌زا ئامیدیێ و ده‌ڤه‌را به‌رێ گارێ ب دووراتیا 13كم ، رۆژ بۆ رۆژێ هژمارا گه‌شتیارێن وێ د زێده‌بوونێ دایه‌ و ب گۆره‌ى ئاخڤتنێن گه‌شتیارناسه‌كێ، هژمارا ترومبێلێن گه‌شتیاران د روژانێن ئه‌ینى دا دگه‌هیته‌ نێزیكێ 300 ترومبێلان.

گه‌لیێ سێ پركا چه‌ندین سیلاڤ و چیا و دول و نهالێن جوان و ئاڤه‌كا بوش و سار و ره‌نگاو ره‌نگ هه‌یه‌ و هژماره‌كا زۆر یا ماسیێن ره‌نگاو ره‌نگ تێدا دهێنه‌ ب خودانكرن و پتريا ده‌مێ خوه‌یێ رۆژێ ل گه‌لیێ سێ پركا سیبه‌ره‌.

هه‌ر چه‌نده‌ رێیا گه‌هشتنا گه‌لیێ سێ پركا هاتیه‌ چێكرن و چه‌ند كه‌پر و خزمه‌تگوزاریێن گه‌شتیارى ژى هاتینه‌ چێكرن، به‌لێ ل ئاستێ پێدڤى نینه‌ و گه‌شتیار داخوازا خزمه‌تگوزاریێن زێده‌تر دكه‌ن.

ئه‌و گه‌شتیارێن كو سه‌ره‌دانا گه‌لیێ سێ پركا دكه‌ن ، ل هه‌موو پارێزگه‌هێن هه‌رێما كوردستانێ و باشوور و ناڤه‌راستا عیراقێ سه‌ره‌دانێ بو دكه‌ن، و به‌شه‌كا دن یا گه‌شتیارێن گه‌لیێ سێ پركا ل ده‌رڤه‌یێ كوردستانێ سه‌ره‌دانێ بو دكه‌ن.

حوكمه‌تا هه‌رێما كوردستانێ توپبارانكرنا حزبێن رۆژهه‌لات شه‌رمزار دكه‌ت

08/09/2018 15:01

KRG حوكمه‌تا هه‌رێما كوردستانێ — لۆگۆيێ حوكمه‌تا هه‌رێما كوردستانێ

ئه‌ڤرۆنيوز:

ل دۆر توپبارانكرنا ڤێ سپێدێ يا كۆمارا ئيسلامى يا ئيرانى بۆ سه‌ر باره‌گايێن حزبا ديموكراتا ئيرانێ (حدكا) وحزبا ديموكراتى كوردستان (حدك) ل قه‌زا كويه‌. حوكمه‌تا هه‌رێما كوردستانێ به‌ياننامه‌ك به‌لاڤكر.

حوكمه‌تا هه‌رێمێ دبه‌يانناما خوه‌ دا دبێژيت” به‌رى نيڤرۆيا ئه‌ڤرۆ 8/9/2018 باره‌گايێن حزبا ديموكراتى ئيران (حدكا) وحزبا ديموكراتا كوردستانێ (حدك) ل قه‌زا كويه‌ ژلايێ كۆمارا ئيسلامى يا ئيرانى هاتن توپبارانكرن كو دئه‌نجامدا چه‌ند كه‌سان گيانێ خوه‌ ژده‌ست دا وهژماره‌كا دى ژى بريندار بوون”.

زێده‌تر دبێژيت” زێده‌بارى شه‌رمزاركرنا وێ توپبارانكرنێ، نه‌رازيبوونا خوه‌ ل بكارئينانا ئاخا هه‌رێما كوردستانێ بۆ هێرشكرنێ ل سه‌ر وه‌لاتێن جيران دكه‌ين كو ب چو شێوه‌كى يا قبوولكرى نينه‌ ودێ بيته‌ ئه‌گه‌رێ تێكدانا ئارامى وسه‌قامگيريا هه‌رێما كوردستانێ، له‌وما دخوازين دوباره‌ نه‌بيته‌ڤه‌، رێز ل قانوونێن هه‌رێما كوردستانێ بهێته‌ گرتن وهه‌رێم نه‌بيته‌ مه‌يدانا ئێكلاكرنا ململانێيان”.

دبه‌يانناما حوكمه‌تا هه‌رێما كوردستانێ دا هاتيه‌ ژى” پرسه‌ وسه‌ره‌خوه‌شيێ ل كه‌سوكارێن قوربانيان دكه‌ين وهيڤيا زوو چاكبوونێ بۆ برينداران دخوازين، هه‌موو لايه‌كى ژى پشت راست دكه‌ين كو حوكمه‌تا هه‌رێما كوردستانێ ئه‌ركێ خوه‌ بۆ هاريكاريا لێقه‌وميان بجه دئينيت ومه‌ تيمێن هاوارهاتنێ يێن راسپاردين ب هه‌موو شيانێن خوه‌ڤه‌ بگه‌هنه‌ زيان لێ كه‌فتيان وخه‌لكێ سڤێلێ ده‌ڤه‌رێ”.

كچەكا كورد ژناڤ هزاران به‌ربژاران ل ئوفیسا سەرەكی یا UN دهێته‌ وەرگرتن

08/09/2018 14:11

390

ئەڤرۆ نیوز،بارزان مزووری:

شوكریا تەیمور، شروڤەكارا سیاسی و هه‌لگرا باوه‌رناما دكتورایێ‌ ل پشكا سیاسەت و ئیمناهیا نیڤدەولەتی ل ئەمریكا بۆ ئەڤرۆ نیوز دياركر كو د ئەڤ سال دا ژ سەرجەمێ‌ شه‌ش هزار به‌ربژاران ئەو كەسێن خودان هه‌لگرێن دكتورا یان ماسته‌رى خوه‌ به‌ربژاركرى كو د حەفتیا بوری دا بتنێ‌ 300 كەس هاتن وەرگرتن ژ ئوفیسا سەرەكی یا نەتەوەیێن ئێكگرتى ل نیويۆرك ئێك ژوان كەسێن دەركەفتین ناڤێ‌ من ل پشكا‌ ئابوری و ئاسایشا وەلاتان دەركەفت دنها دا وەكو كچەكا كورد ل ئوفیسا سەرەكی دەست بكاربووم .

رامين حسێن هاته‌ سێداره‌دان

08/09/2018 13:25

428

ئه‌ڤرۆ نيوز:

حوكمه‌تا ئيرانێ رامين حسێن په‌ناهى، زيندانيێ سياسى يێ رۆژهه‌لاتێ كوردستانێ سپێده‌هيا ئه‌ڤرۆ رۆژا شه‌مبى سێداره‌ دا.

ئه‌مجه‌د حسێن په‌ناهى، برايێ رامين حسێن په‌ناهى، ئه‌ڤ نووچه‌ بۆ ده‌زگه‌هێن راگه‌هاندنێ پشت راست كر و راگه‌هاند كو ده‌مژمێر 04:00ى سپێده‌هيا ئه‌ڤرۆ رامين ل سێداره‌ دايه‌ و هه‌تا نوكه‌ ژى ته‌رمێ وى بۆ كه‌سوكارێن وى نه‌هاتيه‌ ره‌وانه‌ كرن.

رامين حسێن په‌ناهى ب تۆمه‌تا دژاتيكرنا خودێ و شوره‌شا ئيسلامى هاتبوو ده‌سته‌سه‌ركرن و دادگه‌ها شوره‌شا ئيسلامى بڕيارا سێداره‌دانێ بۆ ده‌ركر بوو و چه‌ندين جاران ئه‌ڤ سێداره‌دانه‌ ژ ئه‌گه‌رێ چالاكيێن مه‌ده‌نى دژى سێداره‌دانا وى و مانگرتنا وى د زيندانێ ڤه‌ هاتبوو پاشخستن.

به‌رى چه‌ند رۆژان ژى تۆماره‌ك به‌لاڤ كر و ئاشكه‌را كر كو هه‌ر تشته‌كێ ل ده‌زگه‌هێن راگه‌هاندنا ئيرانى به‌لاڤ دبيت باوه‌ر نه‌كه‌ن، “حوكمه‌تا ئيرانێ دڤێت ب زۆرى دانپێدانێ ب هنده‌ك گۆتنا بكه‌م كو ئه‌ز سيخۆرم، د راستى دا چو تشته‌كێ وه‌سان نينه‌ و هه‌كه‌ به‌لاڤ بوو ژى ب زۆرى ب من يا دايه‌ گۆتن”.

سکرتێرێ گشتی يێ نها و يێ به‌رێ د بۆردمانا باره‌گايێ ديموكراتا كوردستانێ دا د بريندارن

08/09/2018 13:10

119

10 شه‌هید و 40 بریندار هه‌نه‌

ئەڤرۆ نیوز، نەوزاد ھلۆری:

بەری نیڤرۆیا ئەڤرۆ کومارا ئیسلامیا ئیرانێ بارەگایێ سەرەکیێ حزبا دیموکراتا کوردستانێ یا ئیرانی بوردومانکر و ب گورەی زانیاریان 10 شەھید و 40 بریندار ھەنە ، و دناڤ برینداران دا سکرتێرێ گشتیێ ھەیە.

ب گورەی ئەوان زانیاریێن کو دەست ئەڤرۆ نیوز کەفتی د بوردومانا ئەڤرۆ یا سەر بارەگایێ جزبا دیموکراتا کوردستانێ 10 شەھید و 40 بریندار ھەنە ، و دناڤ برینداران ژی دا موستەفا مەولودی سکرتێرێ گشتیێ حزبا دیموکراتا کوردستانێ ، و دیسان خالد عەزیزی سکرتێرێ بەرێ یێ حزبێ ل گەل برینداران دا ھەنە.

بوردومان ژلایێ فروکەیەکا بێ فروکەڤان ھاتیەکرن و پێنج جاران ژی موشەک ئاراستەیێ بارەگایێ حزبێ و سەرکرداتیا حزبێ کرینە ، و بەشەک ژ برینداران ژی زاروک و ژن بوون.

ئەڤرۆ حزبا دیموکراتا کوردستانێ یا ئیرانی بریاربوو کو کومبوونەکا گرنگ بکەت، و بەشەکێ وێ کومبوونێ دا بەحس ل درێژاھیا بوردومانێن ئیرانێ بو سەر بارەگایێن حزبا دیموکراتا کوردستانێ ھێتەکرن کو چەند رۆژە بو سەر بارەگایێن وان ھێتەکرن.

مه‌يسه‌ر عۆبێد بۆ سكرتێرێ لاوان

08/09/2018 12:26

1144

ئه‌ڤرۆ نيوز، سالار دۆسكى:

ئه‌ڤرۆ كۆمبوونا سكرتاريه‌تا لاوان بۆ هه‌لبژارتنا سكرتێرى هاته‌ ئه‌نجام دان و تێدا مه‌يسه‌ر عوبێد پشتى ب ده‌ستڤه‌ئينانا پتريا ده‌نگان بۆ سكرتێرێ لاوان.

رێبين شێخكى، ئه‌ندامێ سه‌ركرداتيا لاوان، د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤرۆ كۆمبوونا سكرتاريه‌تا لاوان برێڤه‌ چوو و تێدا هه‌لبژارتن بۆ هه‌لبژارتنا سكرتێرێ لاوان هاتنه‌ كرن”.

رێڤينك شێخكى گۆتژى: “پشتى هه‌لبژارتن هاتينه‌ كرن، مه‌يسه‌ر عۆبێد شيا ب پتريا ده‌نگێن سكرتاريه‌تا لاوان ببيته‌ سكرتێر”.

مه‌يسه‌ر عۆبێد رێڤه‌به‌رێ هۆنه‌رێ شانۆيێ يه‌ ل پارێزگه‌ها دهۆكێ و ب گۆره‌يى پێزانينێن ئه‌ڤرۆ نيوز شيايه‌ د ڤان هه‌لبژارتنان دا هه‌شت ده‌نگان ژ سه‌رجه‌مێ 9 ده‌نگان ب ده‌ست خوه‌ ڤه‌ بينيت.

سكرتاريه‌تا لاوان ژ سێ ئه‌ندامێن دهۆك و چار يێن هه‌ولێر و دو ژى يێن سلێمانى و ئيدارا گه‌ريمان پێك دهێت و 7ى ته‌باخا 2018ێ ل هه‌ولێر كۆنگرێ خوه‌ يێ هه‌شتێ ل ژێر دوريشمێ “پێشمه‌رگه‌” و ل ژێر چاڤدێريا مه‌سعود بارزانى سه‌رۆكێ پارتى ديموكراتى هاتبوو ئه‌نجام دان.

د کۆنگرەيی دا 260 ئەندامان پشکدارى تێدا کربوو کو بۆ دەمێ دۆ رۆژان یێ بەردەوام بوو و تێدا ستافەکێ نوو بۆ مەکتەبا سکرتاریەتا ئێکەتیا لاوێن دیموکراتا کوردستانێ هاتبوو ھەلبژارتن.

مه‌يسه‌ر عۆبێد سكرتێرێ نوو يێ ئێكه‌تيا لاوێن ديموكراتا كوردستانێ

ئيرانێ روونكرنه‌ك ل سه‌ر سۆتنا قونسليا خوه‌ ل به‌سرا راگه‌هاند

08/09/2018 12:10

243

ئه‌ڤرۆ نيوز:

ئاخفتنكه‌رێ ب ناڤێ لژنا ئه‌منا نه‌ته‌وى و سياسه‌تا ژ ده‌رڤه‌ ل جڤاتا شورا ئيسلامى يا ئيرانى ئه‌ڤرۆ رۆژا شه‌مبى راگه‌هاند كو ئه‌ندامێن لژنێ دێ كێشا هێرشا سه‌ر قونسلخانا ئيرانى ل به‌سرا د كۆمبوونا خوه‌ يا ئێكێ دا گه‌نگه‌شه‌ كه‌ن.

عه‌لى نه‌جه‌فى هێرشا سه‌ر قونسليا ئيرانى ل به‌سرا ئيدانه‌كر و راگه‌هاند كو گه‌له‌ك زه‌ره‌ و زيان گه‌هشتينێ و دا زانين ژى كو ئه‌ڤ كاره‌ ل گه‌ل هه‌ڤسه‌نگيێن نێڤده‌وله‌تى ناگۆنجيت.

ئاشكه‌را ژى كر كو ل سه‌ر ڤان هه‌ڤسه‌نگيان حوكمه‌تا عيراقێ به‌رپرسه‌ ژ پاراستنا ئه‌منيه‌تا جهێن دبلۆماسى.

دا زانين ژى كو ل سه‌ر حوكمه‌تا عيراقێ پێدڤيه‌ كو رێكارێن پێدڤى وه‌ربگريت و وان كه‌سان سزا بده‌ت يێن هێرش كرين و يێن هێرشكه‌ر پالداين ژى.

د بۆردۆمانا ل سه‌ر باره‌گايێ پارتيا ديموكرات دا چه‌ندين شه‌هيد و بريندار هه‌نه‌

08/09/2018 11:48

360

ئه‌ڤرۆ نيوز، عه‌زيز هه‌ورامى:

باره‌گايێ پارتيا ديموكرات كوردستان ل كۆيه‌ ژ لايێ كۆمارا ئيسلامى يا ئيرانێ هاته‌ بۆردۆمانكرن و هه‌تا نوكه‌ 10 مووشه‌ك ب باره‌گايێ وێ حزبێ كه‌فتينه‌.

ئيبراهيم چۆله‌كى ئه‌ندامێ سه‌ركرداتيا پارتيا ديموكرات كوردستان راگه‌هاند كو ئه‌ڤرۆ سپێدێ كۆمارا ئيسلامى يا ئيرانێ هۆلا پلنيۆما كۆمبوونا پارتيا ديموكراتى كوردستان بۆردۆمان كر و چه‌ندين شه‌هيد و بريندار هه‌نه‌.

ئه‌ندامێ سه‌ركرداتيا پارتيا ديموكرات ئاماژه‌ ب وێ چه‌ندێ ژى كر كو ئه‌ڤ كه‌سێن بريندار بووين ژماره‌ك ژێ به‌رپرسێن بلندێن پارتيێ نه‌.

ب گۆره‌يى پێزانينێن ئه‌ڤرۆ نيوز پێنج كه‌س د ڤێ بۆردۆمانێ دا شه‌هيد بويونه‌ و نێزيكى 30 كه‌سان ژى بريندار بووينه‌.

پارتيا ديموكرات كوردستان ل ئيرانێ ب هێزترين پارتيا كوردى كو دژاتيا حوكمه‌تا ئيرانێ چالاكيان ئه‌نجام دده‌ت.

توركيا رێ ل هنارتنا ئارى بۆ هه‌رێمێ و عيراقێ گرت

08/09/2018 11:31

725

ئەڤرۆ نیوز:

میدیایێن تورکیا بەلاڤکر کو رۆژا ئەینی 7ی ئیلۆنا 2018ێ رێڤەبەریا گۆمرکا دەرگەھێ سنوری یێ خابۆر ھنارتنا ئاری بۆ عیراقێ و ھەرێما کوردستان راگرت.

پێگەھێ “جمھۆریەت” یێ تورکی ئەڤ نووچە پشت راستکریە و دایە زانین کو ھنارتنا ئاری بۆ عیراقێ و ھەرێما کوردستانێ د چارچۆڤێ رێکارێن حوکمەتا تورکیا دایە بۆ رێگرتن ل بلندبوونا بھایێ ئار و نانی ل وی وەلاتی.

ھەیڤا بۆری ژ ئەگەرێ ھاتنەخوارا لیرێ تورکی، بھایێ ئاری ل وی وەلاتی ھاتنەخوار ب خوە ڤە دیت و حوکمەتا تورکیا ژی چەند بڕیار بۆ رێگریکرن و زێدەکرنا بھایێ گۆمرکێ ل سەر ھنارتنا ئاری بۆ وەلاتێن ھەڤسۆ دەرکرن.

خودانێن کارگەھێن بەرھەمئینانا ئاری ژی ل تورکیا رەخنەیێن دژوار ئاراستەیی بڕیارا حوکمەتێ کرن و مەترسیا وێ چەندێ دا دیارکرن کو دێ بەرھەمێن وان “پووچ” بن.

ئاماژە ب وێ چەندێ ژی کریە کو ل رۆژا 3ی ئیلۆنێ ئەڤ بڕیارە دەرکەفتیە و نوکە ب دەھان بارھەلگرێن ئاری ل دەرگەھێ سنوری یێ خابۆر ماینە و رێ پێ ناھێتە دان بێنە ناڤ ئاخا ھەرێما کوردستانێ.