ئەڤرۆنیۆز، سالار دۆسکی:
ئەڤرۆ ئێڤاری ل فلمە فیستەڤالا دھۆک یا شەشێ ل ھولا کونگران فلمێ (قەھرەمانێ چەرخی) کو ژ دەرھێنانا (جوان بامەرنی) بوویە ھاتە نیشادان، نێزیکی 1000 کەسان ل ھولا ناڤبری بەرھەڤبوون و جھێ رونشتنێ نەبوو و خەلک ژپێرڤەما.
جوان بامەرنی دەرھێنەرێ فلمێ (قەھرەمانێ چەرخی) بۆ ئەڤرۆ نیۆز گۆت: ماوێ فلمی 80 خولەک بوون ل دەڤەرێن زمار و سکرێ مووسل ھاتبوو وێنەکرن و 76 رۆژان کار ل سەر ھاتیەکرن، فلم ب سپونسەری یا (محەمەد محسن ئامێدی)یە ھاریکاریا چەندین دەولەمەندێن پارێزگەھا دھۆک ھاتیە دروستکرن، ئەکتەرێن کورد و بیانی پشکداری فلمی دا کرینە.
دەرھێنەرێ فلمی ئەو ژی ئاشکراکر کو فلم ژ قارەمانیا ھونەرمەندان (بەنگین عەلی، کیڤی، فەرسەت) ل گەل چەندین ھونەرمەندێن بیانی، فلم 60% زمانێ ئنگلیزی یە و 30% زمانێ کوردی یە 10% زمانێ عەرەبی یە، دێ بۆ ھەموو فیستەڤالێن جیھانی ھێتە ھنارتن و ب ھیڤی نە ل وەلاتێ ئەمریکا بھێتە فرۆتن و کومپانیێن تایبەت گرێدایی ب فلمان ڤە ل ئەمریکا داخازا کرینا فلمی کریە 30% و ئەو پشکداری فیستەڤالا بکەن و بەلاڤەبکەن ل ئەمریکا و ھەتا نوکە سوپنسەرێ فلمی رازی نەبوویە و دبیت رێکێن تایبەت ھەبن.
دەرھێنەرێ فلمی چیرۆکا فلمی ڤەگەرا و ئاشکراکر کو فلم ل سەر داعشە و ھێرشا کریە سەر کوردستانێ و عیراقێ و چەندین بابەتێن کو گرێدایی ھەوالگێریا ئەمریکی بووینە و ھەتا ئەڤغانستانێ.
دەرھێنەرێ فلمی ئەو ژی ئاشکراکر کو وێنەگرتن (محەمەد جانو)یە و مونتاژ (چەلەنگ جەمال) دەنگ ل تەھران و ھەولێرێ ھاتیە دروستکرن.
دەرھێنەرێ فلمی ئەو ژی دیارکر کو فلم دناف شەرێ داعش دا ھاتیە دروستکرن، مەترسی گەلەک جاران کەفتە سەر ژیانا ئەکتەران و ستافێ فلمی و گەلەک شەڤان زێرەڤانی ل خوە دگرت ھەتا شیان کارێن ھونەری ئەنجام بدەن.
جوان بامەرنی ئاماژەکرە وێ چەندێ کو بەری ڤی فلمی فلمێ(گردێ پیرۆز) ژی ھەر دەرھێنانا بۆ کریە، ژ کارێن ویێن مەزن بووینە، لێ ئەڤ فلمە مەزنترە و ژ ھەر ئالیەکی ڤە باشتر بوویە ھەتا ژ روویێ ئەکادیمی ژی ڤە و کاداران ب شێوەکێ زانستی کارتێدا کریە.
دەرھێنەرێ فلمی، گۆتژی: بینەر بلا ببنە دادوەر، سینەما ژ ناخێ ڤی خەلکی و جڤاکی دەردکەڤیت و دڤێت ئەم ھەموو چاڤخشاندنێ ل خوە بکەین وەزارەتێن رەوشەنبیری و پەروەردێ خەلکی فێرکەن و پەروەردە بکەن و دا جارەکا دی باوەری بۆ خەلکی دروست بیت ل گەل سینەمایێ.
نيشاندان