ئه‌ڤرۆنيوز:
ژێده‌رهكى ژ به‌غدا دياركر كو ژئه‌نجامێ فشارێن خوه‌نيشانده‌رێن باشوورێ عيراقێ ب تايبه‌تى ل باژێرێ به‌سره، حوكمه‌تا عيراقێ بريار دا كاره‌بێ ژ سعوديێ بكريت.
محه‌مه‌د ئه‌لجبوورى، رۆژنامه‌ڤان ژ به‌غدا بۆ ئه‌ڤرۆنيوز گۆت” وه‌زيرێ كاره‌با عيراقێ ، قاسم فه‌هداوى، ل دووڤ برياره‌كا جڤاتا وه‌زيرێن عيراقێ دێ ل ده‌مه‌كێ نێزيك سه‌ره‌دانا سعوديێ كه‌ت ژبۆ ئيمزاكرنا رێككه‌فتنه‌كێ ل دۆر كرينا كاره‌بێ ژ سعوديێ”.
ئه‌ڤرۆ نیوز ، زنار تۆڤى:
ب ره‌نگه‌كێ فه‌رمى و لدووڤ بریارا مه‌كته‌با سیاسى یا پارتى دیموكراتى كوردستان عه‌لى خه‌لیل بێتكارى وه‌كو به‌رپرسێ لقێ 14 یێ پارتى دیموكراتى كوردستان ل مۆسلێ هاتیه ده‌ست نیشانكرن و ل ڤان نێزیكان دێ ده‌ست ب كار بیت.
به‌رپرسێ نوو یێ لقا 14 ل مۆسل عه‌لى خه‌لیل بێتكارى د دیداره‌كێ دا بۆ ئه‌ڤرۆ نیوز دیاركر: ب بریاره‌كا فه‌رمى یا مه‌كته‌با سیاسى یا پارتى دیموكراتى كوردستان ئه‌ز وه‌كو به‌رپرسێ لقا 14 یا پارتى دیموكراتى كوردستان ل مۆسل هاتیمه دانان و ل ڤان رۆژان بهێت دا دێ ب ره‌نگه‌كێ فه‌رمى ده‌ست ب كار بم و ئالوگۆر دێ هێته كرن، لێ نوكه ئه‌و ناچنه مۆسل، ژبه‌ركو چو راسپارده بۆ وان ژ مه‌كته‌با سیاسى نه‌هاتینه كو ئه‌و بچنه مۆسل و دیسا چوونا وان بۆ باژێرێ مۆسل دێ لدووڤ كاودانێن سیاسى مینیت.
ئەڤرۆ نیوز ، زنار تۆڤی:
كۆمسیۆنا بلند یا هه‌لبژارتن و راپرسیێ ل هه‌رێما کوردستانێ تیروپشك بۆ پێدانا هژمارا لیستێن ئالیێن سیاسی ئه‌نجامدا.
لدووڤ وێ تیروپشكا کو ل ئێڤاریا ئه‌ڤرۆ دووشه‌مبیێ ل 16 ته‌مۆزا 2018 ل هه‌ولێرێ هاتیە ئەنجامدان، هژمارا لیستێن لایەنان ب ڤی رەنگی یە:
پارتى دیموكراتى كوردستان: 183
ئێکەتی نیشتیمانى كوردستان: 105
(حزبى شیوعى كوردستان): 164
هەڤپه‌یمانى بۆ دیموكراسى و دادپه‌روه‌ریێ: 172
پارتا پارێزگارێن كوردستانێ: 156
هەڤپه‌یمانیا لیستا سه‌رده‌م: 127
كۆمه‌لا ئیسلامى كوردستان:194
هەڤپه‌یمانى به‌ره‌ف ئیسلاح: 119
بزاڤا گۆڕان:148
نه‌وه‌ى نوێ: 134
ئەڤرۆ نیوز ، زنار تۆڤی:
ئەڤرۆ دوشەمبی 16.7.2018 هەردو مه‌كته‌بێن سیاسی یێن پارتی دیمۆكراتی كوردستان و ئێكه‌تیا نیشتیمانیا كوردستانی ل هه‌ولێرێ كۆمبوون و هەردویان پرۆژه‌‌كێ هه‌ڤپشك بۆ گۆتوبێژکرنێ ل گەل ئالیێن عێراقی بۆ پێكئینانا حوکمه‌تا عیراقێ راگه‌هاند.
ئەڤرۆ بەری نیڤرۆ هەردو مه‌كته‌بێن سیاسی یێن پارتی و ئێكه‌تیێ ژبۆ دیاركرنا به‌رنامه‌‌كێ هه‌ڤپشك ب سه‌رپه‌رشتیا نێچیرڤان بارزانی جێگرێ سه‌رۆكێ پارتی و مه‌لا به‌ختیار به‌رپرسێ ده‌سته‌یا كارگێریا مه‌كته‌با سیاسییا ئێكه‌تیێ ل هەولێرێ كۆمبوون.
پشتی كۆمبوونێ و د پرێسكۆنفرانسه‌كێ هه‌ڤپشك دا، په‌یڤدارێن پارتی دیموكراتی كوردستان و ئێكه‌تیا نیشتیمانی ئه‌نجامێن كۆمبوونێ راگه‌هاندن.
سه‌عدی پیره په‌یڤدارێ ئێكه‌تیێ دیاركر، پارتی و ئێكه‌تی ل سه‌ر پرۆژه‌‌كێ هه‌ڤپشك رێككه‌فتینه كو ل سه‌ر بنه‌مایێ مافێن د‌ستووری یێن گه‌لێ كوردستانێ هاتیه دارێژتن.
ژ ئالیێ خوه‌ڤه، مه‌حمود محه‌مه‌د په‌یڤدارێ پارتی گۆت: ده‌رگه‌هـ بۆ هه‌موو ئالیێن نه‌رازی د ڤه‌كرینه كو بهێنە دناڤا پرۆژێ پارتی و ئێكه‌تیێ و بۆ هندێ کو ئێک شاندێ كوردستانی بچیته به‌غدا.
هه‌روه‌سا گوت ژی، د نوکە دا بایكۆت كرن ژ پرۆسا سیاسی چارەسەری نینه و دێ هه‌موو بزاڤان کەین بۆ هندێ کو ئەڤ پرۆژێ پارتی و ئێكه‌تیێ یێ گشت گیر بیت و هەموو ئالی بهێنە دناڤدا.
ئەڤرۆ نیوز ، زنار تۆڤی:
وه‌زاره‌تا ساخلەمیا حوکمه‌تا هه‌رێما كوردستانێ زێدەتر ژ 11 جۆرێن ده‌رمان قه‌ده‌غه دکەت و داخوازا ڤەكێشانا وان هەموو ده‌رمانان دکەت ب شێوه‌کێ دەمکی.
لدووڤ نڤێسارا ژماره ( 10255) كو ئه‌ڤرۆ 16 ته‌مۆزێ ده‌رچوویه ئاماژه ب هندێ دایە، کو پشتی بەلاڤکرنا چه‌ند راپۆرتێن نێڤده‌وله‌تى سه‌باره‌ت ب هه‌بوونا مادێ (NDAM) ژ مادێ دەیتپێکی یێ دروستكرنا ده‌رمانێ (Valsartan)، رێڤەبەریا كۆالیتیا كۆنترۆلی ل هه‌رێمێ، رابوویە ب ڤەکۆلینێ و پشتی پرۆسا هه‌لسه‌نگاندنێ بڕیار هاتیەدان ب راگرتنا مامه‌لە‌كرنا دەمکی و ڤەكێشانا زێدەتر ژ 11 جۆرێن ده‌رمانان.
ئه‌ڤرۆ نيوز:
به‌رى ده‌مه‌كێ كێم مه‌كته‌با سياسى يا پارتى ديموكراتى كوردستان و ئێكه‌تى نشتيمانى كوردستان كۆمبوون.
ب گۆره‌ى پێزانينێن ئه‌ڤرۆ نيوز، ته‌وه‌رێ سه‌ره‌كێ يێ كۆمبوونێ چاوانيا گه‌نگه‌شه‌يا پارتى و ئێكه‌تى يه ل گه‌ل لايه‌نێن دێ ل گه‌ل كۆم بن ل به‌غدا.
هه‌ر ديسا ته‌وه‌ره‌كێ دژى ته‌كست كرنه ل سه‌ر هه‌لبژارتنێن په‌رله‌مانێ كوردستانێ و ئاماده‌كاريێن وێ كو د ده‌مێ خوه دا بهێنه كرن.
ئه‌ڤرۆ نيوز:
سەرەرای بۆرینا نێزیکی دو سالان ل سەر ئازادکرنا باژێڕێ مووسل، بەلێ ھێشتا بەغدا رێگرە بزاڤێن بازرگانی دگەل پارێزگەھێن ھەرێما کوردستانێ بھێنە دەستپێکرن و بازرگانیا عیراقێ ژی رێکێ نادەت رێیا سەرەکیا د ناڤبەرا دھۆک و مووسل دا بۆ مەرەمێن بازرگانی بھێتە ڤەکرن.
ھاشم بریفکانی، ئەندامێ جڤاتا پارێزگەھا نەینەوا بۆ رۆژناما ئەڤرۆ دیار کر کو ھێشتا عیراق یا رازی نینە رێیا بازرگانیا د ناڤبەرا دھۆک و مووسل دا بھێتە ڤەکرن و چو ژڤانەک نەھاتیە دیارکرن بۆ ڤەکرنا رێکێ، ئەف بابەتە ژلایێ لایەنێن ئەمنیێن مووسل ب ھەلاویستی مایە و رێگرن بۆ دەستپێکرنا بزاڤێن بازرگانیێن دناڤبەرا دھۆک و مووسل دا، ئەڤە ددەمەکی دایە باژێڕێ مووسل ئەڤە نێزیکی دو سالایە ھاتیە ئازادکرن ژ تیرۆرستێن داعش و پێدڤیە رێک بھێنە ئاسایی کرن، بەلێ مخابن رێگری ھەیە ل ئاسایی کرنا بزاڤێن بازرگانی.
ناڤھاتی خویا کر کو ئەگەرێن نە ڤەکرنا رێکێ بۆ وان نەداینە خویاکرن، بەلێ ل رۆژێن بۆری لیژنەکا چاڤدێریێ ژ وەزارەتا بازرگانیا عیراقێ سەرەدانا دیوانا پارێزگەھا مووسل کربوو، ئەو بوونە ئەگەر رێک نەھێتە ڤەکرن، چونکی بابەتێن گومرکی ھەنە و تنێ لایەنێن ئەمنی خالێن ناڤبەرا پارێزگەھا مووسل و پارێزگەھێن دی ب ریڤەنابەن، بەلکوو گومرک و وەزارەتێن دی ژی ھەڤپشکن، لەوڕا ژی نەشێم بێژم دێ کەنگی رێک ھێتە ڤەکرن، ھندی ئەو رێگری ژی ھەبن دێ ھوسا مینیت.
ئه‌ڤرۆ نيوز:
بەرپرسەکێ وەزارەتا کاروبارێن جڤاکی ئاشکرا کر کو ھەتا نوکە ئەنجامێن ھەموو سەنتەرێن پشکنینان کێم ئەندامان نەگەھشتینە وەزارەتێ و گۆت: “ھەر سەنتەرەکێ ھەتا سوبەھی رۆژا سێشەمبی ئەنجامێن دووماھیێ نەدەتە وەزارەتێ دێ ھێتە سزادان”.
دکتۆر عارف حیتو، رێڤەبەرێ گشتیێ دیوانا وەزارەتا کاروبارێن جڤاکی بۆ رۆژناما ئەڤرۆ دیار کر کو ب مەرەما دووبارە پشکنینا کێم ئەندامانان ل ھەرێما کوردستانێ ھژمارەکا سەنتەرێن پشکنینێ ھاتینە ڤەکرن، بەلێ پشتی بڕێڤەچوونا پڕۆسا پشکنینێ ھێشتا ھژمارەکا سەنتەرێن پشکنینێ ئەنجامێن خوە نەداینە وەزارەتا کار و کاروبارێن جڤاکی، لەوڕا ژی ھەتا ئەنجامێن ھەموو سەنتەران نەگەھنە وەزارەتێ ئەنجام ناھێنە ئاشکراکرن و بەرۆڤاژی ددەمێ گەھشتنا ئەنجامان دێ ژ لایێ وەزیرێ کاروبارێن جڤاکی ڤە ئەنجام ھێنە راگەھاندن، وی دەمی ژی دێ دیاربیت چەند کەسان مافێ وەرگرتنا مینحەیا کێم ئەندامیێ ھەیە.
ناڤھاتی ئاماژە دا وێ چەندێ ل سالێن بۆری ھژمارەکا زۆرا کێم ئەندامان ژ مووچێ ھەیڤانە مفاداربووینە و ژبەر جوداھیا سیستەمێ تۆمارکرنێ جوداھی دناڤبەرێن پارێزگەھێن ھەرێما کوردستانێ دا ھەیە، لەوڕا 10 سەنتەر ھاتینە ڤەکرن و پشتی تەمام بوونا کارێ وان دێ ناڤێن کەسێن نە کێم ئەندام و مری و ئەوێن ژ لیژنێ دەرنەچووین ھێنە لادان، ھەموو سەنتەر ژی ھاتینە ئاگەھدارکرن ھەتا سوبەھی رۆژا سێشەمبی ئەنجامێن خوە بگەھیننە وەزارەتێ بەرۆڤاژی دێ ھێنە سزادان.
ئەڤرۆ نيوز:
پشتی کو رەجەب تەیب ئەردۆگان وەکو سەرۆکێ نوو یێ تورکیا دەست ب کاربوو د ئێکەم پێنگاڤ دا پۆستێ سەرۆک وەزیران ل تورکیا ھاتە راکرن و دوھی ژی سەرۆکاتیا ئەرکانێ لەشکری یێ تورکیا بوو پشکەک ژ وەزارەتا بەرگیریێ و ئێدی دێ سەر ب وێ وەزارەتێ ڤە بیت، جارا ئێکێ یە ل دیرۆکا تورکیا رۆلێ لەشکری بچووک دبیت و بەری نھا سەرۆک ئەرکانێ لەشکری ل تورکیا رۆلەکێ مەزن د سیاسەتا تورکیا دا ھەبوو لێ نھا رۆلێ وان د سیاسەتێ دا نەما و بۆ جارا ئێکێ یە ژی ئێدی دێ سەر ب وەزارەتا بەرگیریێ ڤە بیت.
ل ئالیێ دی سەرۆک کۆمارێ تورکیا دشێت ھەموو گوھۆڕینان د پێکھاتێ لەشکری و گوھۆڕینا سەرۆک ئەرکانی دا بکەت و پێدڤی ب رزامەندیا چو ئالیەکێ دی ژی نینە. ئەڤ بریارە دوھی ب رەنگەکێ فەرمی ل رۆژناما فەرمی یا تورکیا دا ھاتە بەلاڤکرن و دێ ل گۆر سیستەمێ نوو کار ھێتەکرن. ھەروەسا زاڤایێ ئەردۆگانی کو وەزیرێ ئابووری یێ تورکیایە بوو ئەندامێ جڤاتا سەربازی یا تورکیا و دێ پشکداریێ د کۆمبوونێن جڤاتا سەربازی دا کەت.
چاڤدێرێن سیاسی ژی دبێژن کو گوھۆڕینێن نوو ل تورکیا ب تایبەتی ژی کێمکرنا رۆلی لەشکری و گرێدانا سەرۆک ئەرکانێ لەشکرێ تورکیا ب وەزارەتا بەرگیریێ پێنگاڤەکا باشە، لێ رەنگە ئەو یەک ب دلێ گەلەک کەسێن د ناڤ پێکھاتا سەربازی دا نەبیت.
نيشاندان