ئه‌ڤرۆ نيوز:

رەجەب تەیب ئەردۆغان، سه‌رۆكێ توركيا د كونفرانسه‌كێ رۆژنامه‌ڤانى دا، ناڤێ وه‌زيرێن كابينا خوه‌ يا نوو راگه‌هاند كو ژ 16 وه‌زاره‌تان پێكدهێت، زاڤايێ خوه‌ ژى كريه‌ وه‌زيرێ دارايى و خه‌زينێ.

ناڤێن كابينا وى:

هاريكارێ سەرۆکى: فوئاد ئۆکتای
وەزیرێ ده‌رڤه‌: مەولوود چاوشئۆغڵو

وەزیرێ ناوخۆ: سولەیمان سۆیلۆ

وەزیری بەرگری: خوڵوسی ئاکار

وەزیری وزە و سەرچاوە سرووشتییەکان: فاتیح دۆنمەز

وەزیرێ بازرگانی: رووخسار پێکجان

وەزیرێ داد: عەبدولحەمید گول

وەزیرێ تەکنەلۆژیا و پیشەسازی: مستەفا ڤارانک

وەزیرێ ژینگە و شارسازی: موراد کورووم

وەزیرێ وەرزش و لاوان: محەممەد قەسابئوغڵو

وەزیرێ تەندروستی: د. فەخرەدین کۆجا

وەزیرێ کولتوور و گەشتیاری: محەممەد ئەرسۆی

وەزیرێ دارایی و خەزێنە: بەرات ئاڵبایراک

وەزیرێ پەروەردە: زیاد سەلجوق

وەزیری گەیاندن و ژێرخان: محەمەد جاهید توران

وەزیرێ کشتوکاڵ و دارستان: بەکر پاکدەمیرلی

وەزیرێ کار و خێزان و کۆمەڵایەتی: زەهرا زومروت سەلجوق

ئه‌ڤرۆ نيوز:

دھۆک پارێزگەھا ئێکێ یە دەست ب سیستەمێ نوو یێ کارەبێ کری و 10% ب ‏دووماھی ھاتیە و بریارە د سال و نیڤان دا ھەموو پرۆژە بکەڤیتە کاری، ب دەست ب ‏کاربوونا پرۆژەی 80% ئاریشا مووەلیدێن کارەبێ نامینیت و 22-23 دەمژمێران ‏کارەبا گشتی دێ ھەبیت، پارێ کارەبێ وەکو نوکە ب پۆست دێ گەھیتە مالان و ھەر ‏مالەکا سێ ھوشداری وەرگرتن کارەبا وی دێ ھێتە بڕین.‏

ئەندازیار ئیبراھیم حەسەن، جێگرێ رێڤەبەرێ گشتیێ کارەبا پارێزگەھا دھۆکێ بو ‏رۆژناما ئەڤرۆ دیارکر کو بەری نوکە پرۆژەک ل دھۆکێ ھەبوو د گۆتنێ سمارت میتەر ‏ئانکو (پیڤەرێ زیرەک)، بەلێ دھۆکێ ب تنێ ب کاردئینا و سەرکەفتن نەئینا.‏

دیارکر کو نوکە ئەڤ پرۆژێ نوو یێ ل وەزارەتێ ھاتیە ئیمزاکرن و ملیونەک و ‏پێنجسەد ھزار پیڤەر دێ ھێنە گرێدان و بو پێنج کومپانیا یێ کەتی و ھەموو کومپانی ‏بیانی نە، ھەنە یابانی و دانیمارکی و پێک دھێن ژ کومپانیێن پیڤەر و سندوقا و کێبلا ‏و گرێدانێ و گۆت: ھەبوونا پێنج کومپانیا تشتەکێ باش نینە، چونکو ھەکە د ‏پرۆژەی دا تو ئێکی بنیاسی دێ باشتر بیت و دێ پەیوەندی ب ساناھیتر کەڤیت.‏

دیارکر ژی پرۆژە ژ مەھا ئادارێ وەرە یێ ھاتیە ئیمزاکرن و پێدڤیە پشتی سال و نیڤا ‏بکەڤیتە کاری و گۆت: ئەم نزانین دێ چو ئاستەنگ کەڤنە درێیێ دا و ئەم وەکو ‏پارێزگەھا دھۆکێ رێژا 10% یێن چووین، بەلێ ھەولێر و سلێمانی ھندی مە نەچووینە.‏

جێگرێ رێڤەبەرێ گشتیێ کارەبێ دیارکر کو پروژە دێ پیڤەرا ب ستوونێن کارەبێ ‏ڤەکەن و سندوقا بو دروست کەن، ھەر سندوقەکێ چار ھەتا پێنج پیڤەرا دێ تیدا بن ‏و مفایێن وی ئەوە کەس نەشێت دەستکاریێ تێدا بکەت، و دێ ھێنە کونترولکرن و ‏گۆتژی: پرۆژە یێ پێشکەفتی یە و دێ شێین رێکئێخین و ھەکە کارەب یا زێدەبیت ‏دێ شێی ھەتا شێست ئەمپێران ژی دەین و ھەکە کێمتر بیت دێ چل ئەمپێر ھێنە دان ‏و ب ڤی رەنگی ل دووڤ ھەبوونا کارەبێ دمینیت داکو بو ھەموویان بچیت و بشێن ‏کونترول بکەین.‏

ئەندازیار ئیبراھیم حەسەن دیارکر ژی بو دانا پارەی دو پێشبینی ھەنە ئێک دبێژنێ ‏‏(پریپەید) ب رێیا کارتێ و یا دوێ ب رێیا پۆستی کو وەکو بەری نوکە دێ ھێنە مالان ‏و پارەی وەرگرن، سیستەمێ کارتێ بۆ وان جھانە یێن ب زەحمەت پارێن خوە ددەن ‏و وی دەمێ ئەو دێ کارتێ کریت و پارەی دەت وەکو بەرێ، و پتریا وان دێ وەکو ‏بەری نوکە بیت، جوداھی ئەوە یێ پارێ کارەبێ نەدەت سێ ھوشداری دێ بۆ چن و ‏پشتی ھینگی کارەب دێ ژێ ھێتە بڕین، کارەب بڕین ژی نە ب رێیا برینا کێبلی یە، ‏بەلکو کلیکەکە و ل کومپانیێ دێ ھێتە برین، و پشتی سەرەدانێ دکەت دێ سزایێ ‏خوە دەت و کارەب دێ بو ھێتە زڤراندن و گۆتژی: جوداھیا ڤی پرۆژەی ئەوە کو دێ ‏شێین رێکئێخین و بو ھەموو مالان وەکو ئێک دێ چیت، نەکو خێزانەک 100 ئەمپێرا ‏ببەت و ئێکێ نەبیت.‏

جێگرێ رێڤەبەرێ کاربا دھۆکێ دیارکر ژی ھەتا پرۆژە کار نەکەت ئەو نەشێن ‏دیاربکەن کا چەند سعەتا کارەب دێ ھەبیت و گۆت: رەنگە 22 – 23 سعەتا ‏ھەبیت، ھەکە دروست کەتە دوارێ بجھئینانێ دا رەنگە 24 سعەتا ژی ھەبیت و ‏دیارکر ژی: نوکە بەھرا دھۆکێ 430 -450 میگا دگەھن کو دھۆکێ پێدڤی یا ب ‏‏900 میگا ھەی، ئەمژی ل دووڤ کارەبا ھەی بەلاڤ دکەین و کونترول چەندێ فرێکەت ‏ئەم وەسا سەرەدەریێ دکەین و گۆت: ھەکە پرۆژێ نوو بکەڤیتە کاری ھەتا 80% دێ ‏ئاریشا مووەلیدا چارەسەربیت.‏

ئه‌ڤرۆنيوز:

ژبۆ بتر ھاماھەنگی و پشتەڤانیکرنا رێکخراوێن کار و خزمەتان پێشکێشی ئاواران و پەنابەران دکەن، ئیسماعیل محمەد، ھاریکارێ پارێزگارێ دھۆکێ بۆ کاروبارێن ئاواران و پەنابەران و ب ئامادەبوونا ئەدریس نەبی صالح رێڤەبەرێ جێبەجێ کار یێ بۆردێ کاروبارێن مرۆڤایەتی BRHA ل بارەگایێ بۆردی خەلاتێ رێزلینانێ ژ بال پارێزگەھا دھۆکێ ڤە ئاراستەی ھەردو رێکخراوان GRC و Syrian relief کر.

ل دەستپێکێ خەلاتێ رێزلینانی بۆ ھیلین نافع رێکخه‌را رێکخراوا خاچا سۆرا ئەلمانی GRC ھاتە کرن ژبەر رۆلێ رێکخراوا ناڤبری دبیاڤێ گەھاندنا ھاریکاریان بۆ ئاواران و پەنابەران و خەلکێ خوه‌جهێ پارێزگەھێ، پاشی خەلاتێ رێزلینانێ بۆ ھڤال سلیمان تاھر ریڤەبەرێ رێکخراوا Syrian relief ل دھۆکێ ھاته‌ کرن ژبەر رۆلێ وان دبیاڤێ گەھاندنا ھاریکاریان بۆ ئاواران و پەنابەران.

دپەیڤەکێ دا هاريكارێ پارێزگه‌رێ دهۆكێ سۆپاسیا ھەردو رێکخراوان کر ژبەر وان خزمەتێن پێشکێش دکەن ل ناڤ ئاواران و پەنابەران و خەلکێ خوه‌جهيێ پارێزگەھێ، دیسان داخواز کر ھەردو رێکخراو د بەردەوام بن ل سەر کارێ خوه‌ وپتر بزاڤا گرنگيێ ب ئەنجامدانا پرۆژێن پەیداکرنا دەلیڤێن کار بدەن پێخەمەت بتر خوه‌شکرنا ژیارا ئاواران و پەنابەران و خەلکێ خوه‌جهێ پارێزگەھا دھۆکێ.