ئه‌ڤرۆنيوز:
به‌رشه‌لونا پێنگاڤه‌كا دى نێزيكى بده‌ستڤه‌ئينانا خۆلا ئيسپانيا بوو، پشتى نێزيكترين هه‌ڤركا وێ دخۆلێ دا ئه‌وژى يانا ئه‌تله‌تيكۆ مه‌دريده تووشى دوراندنه‌كا مه‌زن بووى ل سه‌ر ده‌ستێ يانا ريال سوسيداد ب ئه‌نجامێ 0-3 ل ياريگه‌ها يانا سوسيداد.
ب ڤى ئه‌نجامى كو دبيته دوراندنا چارێ، يانا ئه‌تله‌تيكۆ ب 12 خالان ژ به‌رشه‌لونا دووركه‌فت كو 71 خالن ويێن به‌رشله‌لونا 83 خالن وبه‌رشه‌لونا پێدڤى تنێ ب سێ خالايه ژ پێنج ياريێن وێ يێن ماين دخۆلێ دا بۆ بده‌ستڤه‌ئينانا ناسناڤێ خۆلێ ب شێوه‌كێ فه‌رمى.
ئه‌ڤرۆنيوز:
ئالا تاله‌بانى، ئه‌نداما سه‌ركردايه‌تيا ئێكه‌تى نيشتمانى كوردستانى، كو بريارا هه‌لاويستنا ئه‌ندامه‌تيا وێ ژئاليێ ئێكه‌تيێ ڤه هاتيه دان، خوه ل سه‌ر ليستا هه‌ڤپه‌يمانيا به‌غدا ل پارێزگه‌ها به‌غدا به‌ربژاركريه، دبێژيت، ب به‌لگه‌يا نڤيسينێ وده‌نگ وئاخڤتنێ، من هه‌موو جۆره به‌لگێن هه‌ين كو مالا مام جه‌لالى ئاگه‌هداره ل دۆر خوه به‌ربژاركرنا من، به‌لێ ئه‌ڤ به‌لگه‌يه يا حزبێ يه نه‌كو يا راگه‌هاندنێ يه ودێ وى به‌لگه‌ى ده‌مه جڤاتا ناڤه‌ندى كو په‌رله‌مانێ حزبێ يه.
ئالا تالبه‌انى ديداره‌كێ دا ل گه‌ل ده‌نگێ ئه‌مريكا گۆت” ئه‌ز تێناگه‌هم بۆچى دلێ كوردان خوه‌ش دبيت ده‌مێ كچه‌ك يا كوره‌كێ كورد بۆ په‌رله‌مانێ ئورۆپا يان باژێرڤانيه‌كا ئورۆپى خوه به‌ربژار دكه‌ت ودبێژن كورده‌كێ بوويه ئه‌ندامێ په‌رله‌مانێ ئورۆپا يان باژێرڤانيه‌كا ئورۆپى، دده‌مه‌كى دا ئه‌و كورده ب رێيا ره‌گه‌زناما وى وه‌لاتى بوويه ئه‌ندام نه‌كو وه‌كو كورده‌ك؟ بۆچى يا سه‌يره كورده‌ك ل به‌غدا ببيته په‌رله‌مانتار؟”.
ئالا تاله‌بانى دياركر كو ژبلى بريارا هه‌لاويستنا ئه‌ندامه‌تيێ ژئاليێ حزبا وێ ڤه، خوه به‌ربژاركرن ل سه‌ر ليسته‌كا عيراقى ل پارێزگه‌ها به‌غدا بوويه جهێ ره‌خنێ ل ده‌ف خه‌لكى هه‌تاكو لايه‌نگرێن ئێكه‌تيێ ژى، به‌لێ ئه‌ڤ ليسته ليسته‌كا عيراقى يه وكورد ومه‌سيجى وتوركمانى ژى يێن تێدا، بۆچى ئاسايى يه ئه‌م ل كه‌ركووكێ ليسته‌كێ دروست دكه‌ين كو مه‌سيحى وتوركمانى دناڤ هه‌نه، به‌لێ ئاسايى نينه كورده‌ك دناڤ ليسته‌كا عيراقى دابيت.
گۆت ژى” مه‌كته‌با سياسى يا ئێكه‌تيێ يا هاتيه هه‌لوه‌شاندن وبرياردان تێدا يا ب زه‌حمه‌ت بووى، به‌لێ مالا مام جه‌لالى دئاگه‌هداربوون ب به‌لگه‌يا نڤيسين وده‌نگ وئاخڤتن”.
ئه‌ڤرۆنيوز:
ژێده‌ره‌كى ژ وه‌زاره‌تا دارايى وئابوورى ب ئه‌ڤرۆ نيوز راگه‌هاند كو وه‌زاره‌تا دارايى داخوازا ليستێن چاڤدێريا هۆلێن ئه‌زموونێن خۆلا دويێ يا سالا پار يا خواندنێ ژ په‌روه‌ردێن پارێزگه‌هێن هه‌رێما كوردستانێ كريه.
وى ژێده‌رى دياركر”مه‌ره‌م ژ داخوازكرنا وان ليستان، خه‌رجكرنا پاره‌يه بۆ مامۆستايێن چاڤدێريا ئه‌زموونێن خۆلا دويێ يا سالا پار يا خواندنێ كرى”.
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ راگه‌هاند، ئه‌ڤرۆ ئه‌ينيێ 20/4/2018 پێله‌كا باران بارينێ دێ ده‌ڤه‌رێن جودا جودا ل هه‌رێما كوردستانێ ڤه‌گريت.
ل دووڤ پێشبينيێن رێڤه‌به‌ريا ناڤبرى، باران بارينا ئه‌ڤرۆ ژئه‌نجامێ كاريگه‌ريا نزمه پاله‌په‌ستويێ ده‌ريا ناڤه‌راسته وباران بارين سوباهى ژى دێ به‌رده‌وام بيت.
ئەڤرۆ نیوز ، زنار تۆڤی :
پەرلەمانێ تورکیا مافێ پەرلەمانتاریا دو نوونەرێن دی یێن هەدەپێ ژێ ستاند،لێ هێشتا ئەو پارتە مایە پارتا سێیێ د پەرلەمانێ تورکیا دا.
پشتی سزایێ زیندانکرنێ بۆ ئۆسمان بایدەمیر و سەلما ئیرماک،هەردو پەرلەمانتارێن پارتیا دیمۆکراتیک یا گەلان، هەدەپێ هاتیە دەرخستن،پەرلەمانێ تورکیا پەرلەمانتاریا هەردویان ژێ ستاند.
بەری نوکە ژی 10 نوونەرێن هەدەپێ یێن پەرلەمانێ تورکیا ژ پەرلەمانتاریێ هاتبوونە ئێخستن،د ناڤ وان ژی دا فیگەن یوکسەکداغ و لەیلا زانا بوون.
هەدەپێ د هەلبژارتنێن 2015 دا 59 کورسیێن پەرلەمانێ تورکیا ب دەست خوە ڤە ئینا بوون،هەر چەنده چەندین پەرلەمانتارێن وان هاتینە دەرخستن،لێ هێشتا ئەو پارتیە مایە پارتیا سێیێ د پەرلەمانێ تورکیا دا و ل پێشیا پارتیا نەژادپەرەستا تورکی، مەهەپێ دهێت،کو مەهەپێ چل کورسی هەنە ل پەرلەمانێ تورکیا.
ئەڤرۆ نیوز ، زنار تۆڤی :
نوونه‌رێ شارێن سه‌رده‌شت ل په‌رله‌مانێ ئیرانێ راگەهاندیە،کو ب ئەگەرێ داخستنا سنووران 80 هزار كۆلبه‌ر ل رۆژئاڤایێ ئیرانێ بێكاربووینە.
خۆنیشاندانێن شارێن رۆژهه‌لاتا كوردستانێ لسه‌ر داخستنا دەروازێن كۆلبه‌ران درێژی هه‌یه و په‌رله‌مانتارەکێ وێ دەڤەرێ زیانێن وێ داخستنێ ئاشكرا دکەت.
سایتێ (میلـلەت) یێ تایبەت ب پەرله‌مانێ ئیرانێ ل سه‌ر زارێ ره‌سول خزری، نووونه‌رێ شارێن سه‌رده‌شت و پیرانشار ل پەرله‌مانی راگه‌هاندیە،کو ئەو قانوونا هاتیە په‌سندكرن ل په‌رله‌مانێ ئیرانێ ل سه‌ر داخستنا دەروازێن كۆلبه‌ران بووینە ئەگەرێ وێ بێكاریێ و بارێ دژوار یێ ژیانا وەلاتیێن كورد.
وی نوونه‌ری گوتیە ژی،ئه‌ڤ بابه‌ته بوویە قه‌یرانەکا مه‌ترسیدار و بۆمبەکا ته‌وقیتكریە و وەختە بهێتە ته‌قاندن.
ئەڤرۆ نیوز ، زنار تۆڤی :
حوکمەتا عێراقێ رەزامەندی نیشاندا بۆ ئێكخستنا گرووپێن چەكدارێن ئێزدی ل شنگالێ ل گەل حەشدا شەعبی و هەردو وەزارەتێن بەرگریێ و نافخۆ یێن عێراقێ.
مەهدی عەلاق ئەمیندارێ گشتی یێ جڤاتا وەزیرێن عێراقێ راگەهاندیە،کو جڤاتا وەزیران رازی بوویە،کو وان گرووپێن چەكدار یێن ئێزدیان بێخنە سەر هێزێن چەكدار یێن عێراقێ و حەشدا شەعبی و ئاماژە ب هندێ كریە،کو پێدڤیە ئەو كۆمەلکوژیا ئێزدیان ژ لایێ لیژنێن تایبەت ڤە دانپێدان پێ بهێتە کرن.
هەروەسا گوتیە،رێکار هاتینە دیارکرن بۆ ڤەگەراندنا خەلکێ بۆ وی باژێری ب رێیا رێنوێنی دهۆك و سکرێ مووسل –تەلەعفەر، هەروەسا رەزامەندیا وەزارەتا نافخۆ هاتیە وەرگرتن بۆ وەرگرتنا خۆبەخشان ژ خەلكێ شنگالێ.
هەبوونا گرووپێن چەكدارێن ئێزدی یێن سەر ب پەکەکێ و یەپەگێ ل شنگالێ كێشە بۆ خەلکی شنگالێ دروست كرینە و ڤێ چەندێ رێگری ل ڤەگەریانا ئەوان كریە،بۆ سەر جه و مالێن وان.
ئه‌ڤرۆ نیوز، قەیس وەیس :
دوهی ل ھوڵا کومبونا ل کولیژا پەروەردا وەرزشی یا دھۆکێ ب سەروکاتیا د. ئەحمەد قاسم ئه‌حمه‌د سەروکێ نوونه‌راتیا دھۆک یا لژنه‌یا ئۆلۆمپیا کوردستانێ و ب ئامادەبونا رێڤەبەرێ وەرزشی خەلیل حەسەن و ئەندامێ لیژنا ئۆلۆمپیا کوردستانێ سەعید ئەحمەد و ھەمی دەزگەھێن وەرزشی یێن دێ پشکداریێ کەن د کونفرانسێ ڤەژاندنا وەرزشا پارێزگەھا دھۆکێ کومبونا دوماھیێ ژبو رێکخستنا ئەڤی کونفرانسی ژھەمی لایان ڤە ھاتە کرن.
دڤێ کومبونێ دا به‌حس ل شێوازێ رێڤەبرنا کونفرانسی ھاتە کرن و ھەمی ئامادەبویا بوچونێن خوە گوتن و لدوماھیێ بریار ھاتە دان ل روژا دوشەمبی رێکەفتی ٣٠/٤/٢٠١٨ ل ھوتێلا ریکسوس ئه‌ڤ کونفرانسە ل سەر سێ پانێلان بھێتە ئەنجام دان ئەوژی پانێلێن (یانێن وەرزشی ,ئێکەتیێن وەرزشی , وەرزشا پەروەردێ ) بھێتە ئەنجام دا کو تێدا دێ رەوشا وەرزشا پارێزگەھا دھۆک ھەر ژ دەستپێکێ و هه‌تا ئەڤ رەوشا نوکە تێدا دبوریت بهێته گەنگەشەکرن کو دێ بیتە ئێکەمین کونفرانس بڤی شێوه‌ی ل پارێزگەھا دھۆکێ بھێتە ئەنجام دان .
دھێتە زانین ئەڤ کونفرانسە ب چاڤدێریا پارێزگارێ دھۆکێ بەرێز فەرھاد ئه‌مین ئه‌تریشی و ب سپونسەریا کومپانیا KMS یا مارکتینک و وەبەرھێنانا وەرزشی دێ ھێتە ئەنجام دان
ئەڤرۆ نیوز:
گرنگیدان ب پروژێن به‌رهه‌مئینانێ و كه‌رتێ تایبه‌ت،ئه‌ڤرۆ ئێڤاری 19-4-2018 ل ده‌ڤه‌را ئالوكا ل سنورێ قه‌زا سێمێلێ ل سه‌ر رێیا گشتی (دهوك موسل)ل ژێر چاڤدێریا فه‌رهاد ئه‌تروشی پارێزگه‌رێ دهوكێ و ب ئاماده‌بوونا د.نوری ئوسمان سه‌رۆكێ ده‌سته‌یا وه‌به‌رهێنانێ و دلشاد شه‌هاب راوێژكارێ سه‌رۆكێ جڤاتا وه‌زیران و چه‌ند به‌رپرسێن حزبی و ئیداری و سه‌رمایه‌دار و به‌رهه‌مهێنه‌ره‌ران رێورەسمێن دانا به‌رێ بنیاتی بۆ پرۆژێ كومه‌لگه‌ها خزمه‌تكرنا ترومبێلا ل دهوكێ هاتنه گێران.
ئه‌ندازیار دلۆڤان به‌ره‌كات رونكرن دانه سه‌ر گرنگیا ڤی پرۆژه‌ی وقوناغێن بجهئینانێ و گوت،پروژه 8 كم ژسه‌نته‌رێ دهوكێ دووره و دماوێ 4 سالان دا دێ ب دوماهی هێت و 1300 كه‌س وپیشه‌كار دێ مفای ژێ بینن، پروژه ل سه‌ر رووبه‌رێ 305 دونه‌ما دێ هێته ئاڤاكرن و هه‌موو خزمه‌تگوزاری وه‌كو ئاڤ و جاده و بنگه‌هێ ئاگرڤه‌مراندنێ و پولیس و ساخله‌میێ و مزگه‌فت و هوتێل و خارنگه‌ه و هوله‌كا وه‌رزشی و گه‌له‌ك خزمه‌تكاریێن دی دناڤدان هه‌نه و پیشكار دماوێ دوو سالان دا دێ هێنه ڤه‌گوهاستن بو جهێ نوو.
پاشی سه‌روكێ ده‌سته‌یا وه‌به‌رهێنانێ په‌یڤه‌ك خواند و تێدا خوشحالیا خو ب چێكرنا ڤی پروژه‌ی ل دهوكێ نیشان دا و ده‌ست خوشی ل هه‌موو لایه‌نان كر یێن پروژه ئاماده‌كری و پشته‌ڤانیا حوکمه‌تا كوردستانێ نیشان دا بۆ ئه‌نجامدانا ڤان پروژێن وه‌به‌رهێنانێ و ژ سه‌رمایەدار وبه‌رهه‌مهێنه‌ران خواست كو ئه‌و ڤان پروژان بجهبینن و خزمه‌تا كه‌رتێ تایبه‌ت بكه‌ن و سه‌ركه‌فتن بۆ خودانێن پروژه‌ی خواست.
لدووڤدا پارێزگه‌رێ دهوكێ د په‌یڤه‌كێدا پیروزباهیا خه‌لكێ دهوكێ كر و خوشحالیا خو دیاركر كو ئه‌ڤ پروژه كه‌ته دوارێ بجه ئینانێ دا و گوت ئارمانج ژڤی پروژه‌ی ئه‌و بوویه كو باژێرێ دهوكێ لتاخێ پیشه‌سازی پتر بهێته رێكخستن و ده‌لیڤێن كاری پتر بو خه‌لكی و پیشه‌كارا بهێنه دیتن هه‌روه‌سا دێ خزمه‌تكاریێن ترومبێلا و پیشه‌یێن دی بره‌نگه‌كێ باشتر ل ڤی جهی هێنه كرن و گوت ئه‌ڤ پروژه پروژه‌كێ گرنگ و پیروزه هاتیه ئه‌نجامدان و ده‌ست خوشی ل وان هه‌موو لایه‌نان كر یێن بووینه هاریكار هه‌تا پروژه كه‌تیه دقوناغا ئاڤاكرنێ دا .
هه‌روه‌سا دیاركر كو ل جهێ پیشه‌سازیا كه‌ڤن پاركه‌كێ گشتی دێ هێته ئاڤاكرن و روویێ باژێرێ دهوكێ دێ پتر هێنه نیشان دا و گوت سه‌روكێ حكومه‌تا كوردستانێ پشته‌ڤانیا خوە بۆ ئاڤاكرنا پاركی دیاركریه ل دوماهیێ داخاز ژ هه‌موو سه‌رمایەدار و به‌رهه‌مهێنه‌ران كر كو چاڤ ل خودانێن ڤی پرژه‌ی بكه‌ن و پروژێن تایبه‌ت بجه بینن بو خزمه‌تكرنا خه‌لكێ پارێزگه‌هێ و سه‌ركه‌فتن بو خودانێن پروژه‌ی خواست.
پاشی به‌رێ بنیاتی بۆ پروژه‌ی ب فه‌رمی هاته دانان و
هه‌ژی گوتنێ یه پروژه بكوژمێ (62) ملیون و (674) هزار دولاران ژلایێ كومپانیا شاهان یا كه‌رتێ تایبه‌ت دێ هێنه بجهئینان .
نيشاندان