ئهڤرۆنيوز:
ژيدهرهكێ ئهمنى ل پاريزگهها نهينهوا راگههاند، ئاگربهرببوو قوتابخانهكا ناڤنجى ل قهزا تلهعفهر ل پارێزگهها نهينهوا.
وى ژێدهرى بۆ (بغداد اليوم) گۆت” قوتابيهكێ رێزا سيێ ناڤنجى، ئاگر بهردايه وێ قوتابخانا خوه، پشتى ئهنجامێن دووماهيێ يێن ئهزموونان هاتينه راگههاندن وئهو دهرنهچووى”.
گۆت ژى” تيمێن ئاگر ڤهمراندنێ شيان وى ئاگرى كونترۆل بكهن”.
ئهڤرۆنيوز:
پشتى ل ڤێ دووماهيێ دهنگوباسێن بهردانا هونهرمهندا ئيماراتى (ئهحلام) ێ ژ ههڤژينێ وێ يێ قهتهرى (موبارهك ئهلهاجرى) بهلاڤبووين، ئهحلامێ ل بهرپهرێ خوه يێ تويتهرێ بهرسڤ دا.
هونهرمهندا ئيماراتى دتويتهرێ خوه دا بهلاڤكر” بۆ خودانێن وى هاشتاگى، خوازى ههوه هاشتاگهك بۆ ئاههنگا من ل ئهمركيا ل رۆژا 21/7/2018 دروست كربا، ههڤژينێ من حهز ژ من دكهت و ئهز ژى حهز ژى وى دكهم وئهم گهلهك حهز ژ ههڤدو دكهين”.
ئهڤرۆ نيوز، فاتما مزوورى:
ل سهر ئهو نووچێن بهحس ل رێكهفتنهكێ د ناڤبهر سهرۆك وهزيرێن عيراقێ حهيدهر عهبادى و وهزيرێن بهرێ يێ بهرهڤانيا عيراقێ خالد عوبهيدى دكهن كو نيهتا وان ههيه كودهتايهكا لهشكرى ئهنجام بدهن دا كو عهبادى د دهستهلاتێ دا بمينيت.
ههڤپهیمانیا فهتح ب سهرۆكاتیا هادی عامری، ههلويستێ خوه ل سهر ههڤپهيمانيا فهتح ب رێيا عامر فهياز دياركر و راگههاند كو كودهتايا لهشكرى ل عيراقێ بهێته ئهنجام دان.
دا زانين ژى كو ئهو نووچهيێن بهحس ل ڤێ چهندێ دكهن د راست نينن، “ههموو هێزێن سياسى باوهرى ب رادهستكرنا ئاشتيانه يا دهستهلاتێ ههنه، ههموو هێزێن سياسى باوهرى ب ههلبژارتنان ههنه”.
ئهڤرۆ نيوز، فاتما مزوورى:
مالپهرێ عهرهبیه د راپۆرتهكی دا بهلاڤ كریه كو میلیشیاتێن حوسی یێن یهمهن پێشنیازهكا نهتهوێن ئێكگرتی رهت كر ژبۆ ڤهكشان ژ بهندهرێ حودهیده و رادهستكرنا وی باژاری ژبۆ نهتهوێن ئێكگرتی.
د بهرامبهر دا میلیشیاتێن حوسی ئهو پێشنیازه كيه كو بهندهرێ حودهیده ب ههڤپشكی د ناڤبهرا وان و نهتهوێن ئێكگرتی ب رێڤه بچيت.
مارتین گریفیتس نوونهرێ نهتهوێن ئێكگرتی بۆ كاروبارێن یهمهن پشتی كو ڤهگهریايه یهمهن، چاڤكانی بهحسا وێ یهكێ دكهن كو مههدی مهشات سهرۆكێ جڤاتا میلیشیاتێن حوسی ژبۆ بهرسڤدانێ ل سهر داخوازێن نهتهوێن ئێكگرتی داخواز كریه كو چهند رۆژان مۆلهتێ پێ بدهن.
ئهڤرۆ نيوز، فاتما مزوورى:
سێزاى تهمهل، ههڤسهرۆكێ پارتيا ديموكراتيا گهلان “ههدهپه”، د كۆمبوونا ههڤسهرۆكێ باژێران دا يا ههدهپێ گۆتارهك پێش كێش كر و راگههاند كو سهركهفتيترين پارتيا ههلبژارتنێن 24ى خزيرانێ ل توركيا ژبۆ سهرۆك كۆمارى و پهرلهمانێ توركيا پارتيا وان ههدهپه بوو.
ههڤسهرۆكێ پارتيا ديموكراتيا گهلان گۆت: “مه شيا گرێيا 10% دهرباز بكهين و نوكه ئهم يێ د پهرلهمانێ توركيا دا”
ئەڤرۆ نیوز، نەوزاد ھلۆری:
کومبوونا پارتی دیموکراتی کوردستان ب سەروکاتیا مەسعود بارزانی سەروکێ پارتی دیموکراتی کوردستان ل پیرمام دوماھی ھات و ئاخفتنکەرێ پارتی دایە دیارکرن کو بو پێکئینانا حوکمەتا داھاتیا عیراقێ ئەو دێ داخوازیێن گەلێ کورد کەنە مەرج، و پارتی و ئێکەتی دێ پێکڤە چنە بەغدا.
محمود محەمەد ئاخفتنکەرێ پارتی دیموکراتی کوردستان دیارکر کو ھەتا نھا ھەند لایەنێن سیاسی ئەوێن کو کورسی دەستخوڤە ئینایی ژ بوچونا بەغدا خوە ئێکلانەکرینە و گۆت: (دکومبوونا ئەڤرۆ دا بارودوخێ نافخوەیێ پارتی ھاتیە بەحسکرن ، و پارتی دیموکراتی کوردستان داخوازیێن گەلێ کورد کرینە مەرج بو پێئینانا حوکمەتا داھاتیا عیراقێ، ئەم ل گەل ئێکەتی گەھشتینە بریارەکێ کو پێکڤە بچینە بەغدا ، و ئەم دخوازین کو سیاسەتا پشتگوە ھاڤێتنێ ل بەغدا نەھێتە پەیرەوکرن و درێژە پێ نەھێتەدان ، و نھا عیراق ژ روویێ نەتەوەی و ئاینی و مەزھەبی پێکھاتیە و پێدڤی یە ھەموو ژی خوە د حوکمەتا داھاتی دا ببینن داکو سەرکەفتی بینیت، و ئەم وەکو پارتی ڤێ یەکێ ب گرنگ دبینین و ھەموو لایەنەک پشکداربیت).
زێدەتر گۆت: (ئەم ھەلبژارتنێن پەرلەمانێ کوردستانێ ب پێدڤی دزانین و پێدڤی یە پەرلەمان زێدەتر بھێتە کاراکرن داکو ھەند قانون بھێنە دەرکرن).
ئاخفتنکەرێ پارتی دیموکراتی کوردستان د درێژاھیا ئاخفتنێن خودا دیارکر ژی کو پارتی دیموکراتی کوردستان لسەر چەوانیا کومبوون و دانوستاندنان ل گەل لایەنێن سیاسیێن عیراقێ و ھەرێمێ دانوستاندن کرن و گۆت ژی: (وەکو پارتی چوو ڤیتو لسەر لایەنێن سیاسی نینە بو وەرگرتنا پوستێ سەروک کومارێ عیراقێ ، و پێدڤی یە دانوستاندن زێدەتر بھێنەکرن ،و پارتی زێدەتر ژ ھەر لایەنەکێ مافێ وێ یەکێ ھەیە کو پوستێ سەروک کومارێ عیراقێ وەربگریت).
ب گورەی ئاخفتنێن ئاخفتنکەرێ پارتی ل شوونا شەھید فەریدون جوانروی ، عارف تەیفوور وەکو ئەندامێ سەرکردایەتیا پارتی ھاتیە دیارکرن.
ئهڤرۆ نيوز:
كۆمبوونا جڤاتا سهركرداتيا پارتى ب سهرۆكاتيا بارزانى ب دووماهى هات و عارف تهيفۆر كره ئهندامێ مهكتهبا سياسى يا پارتى.
مهحمود محهمهد، ئاخفتنكهرێ ب ناڤێ پارتى ديموكراتى كوردستان د كۆنفرانسهكێ رۆژنامهڤانى دا پشتى كۆمبوونێ گۆت: “ئهڤرۆ دانوستاندن د دهبارهى چهندين پرسان دا كر وهكو پهيوهنديێن ل گهل وهلاتێن ههڤسۆ و ههلبژارتنا پهرلهمانێ كوردستانێ و پێكهاتنا حوكمهتا نوو يا عيراقێ”.
ئاخفتنكهرێ پارتى ديموكراتى كوردستان ئاشكهرا ژى كر كو د كۆمبوونا ئهڤرۆ دا، عارف تهيفۆر ب پرانيا دهنگان كره ئهندامێ جڤاتا سهركرداتيێ و بۆ ئهندامێ مهكتهبا سياسى.
ئهڤرۆ نيوز:
ئەڤرو سپێدێ 7-7-2018 فەرھاد ئەمین ئەتروشی پارێزگەرێ دھوکێ پێشوازیا عهمید ئهحمهد عهبدولستار رێڤەبەرێ گشتی یێ پاسپۆرتێن حوکمەتا عیراقا فیدرال و شاندێ د گەل دا کر.
د ھەڤدیتنەکێ دا ب ئامادەبوونا عهقید نایف ئهحمهد رێڤەبەرێ فەرمانگەھا پاسپۆرتان ل پارێزگەھا دھۆکێ ب وەکالەت بەحسێ رەوشا فەرمانگەھێن دەرخستنا پاسپۆرتان ل پارێزگەھێن ھەرێما کوردستانێ و عیراقێ و دەرڤەيی وەلاتی و سەرەدەریا رۆژانە یا وان فەرمانگەھێن پاسپۆرتان ل گەل وەلاتییان ھاتە کرن.
ھەروەسا بەحسێ ھەماھەنگیا کارگێریا پارێزگەھا دھۆکێ د گەل رێڤەبەریا پاسپۆرتان ل دھۆکێ بۆ نەھێلانا ھەر ئاریشەکێ ھاتە کرن.
پارێزگەرێ دھۆکێ بخێرھاتنا شاندی کر و دەستخۆشی ل ستافێ کاری یێ رێڤەبەریا پاسپۆرتان کر و پێشنیاز کر کو رێڤەبەریەکا دی دێ بۆ دەرخستنا پاسپۆرتان ل جھەکێ گونجايی بھێتە دانان بۆ خزمەتکرنا خەلکێ ئاوارە و خوجھێن زاخۆ و سێمێلێ و شنگالێ بۆ وێ یەکێ فشار ل سەر رێڤەبەریا پاسپورتێن دھۆکێ بھێتە کێمکرن و خزمەتا وەلاتییان باشتر و ب ساناھیتر بھێتە کرن.
ل دووڤ ئامارێن گشتی رۆژانە د ناڤبەرا 16 ھەتا 17 ھزار پاسپورتان ل 53 بنگەھێن دەرخستنا پاسپۆرتان ل ھەرێما کوردستانێ و عیراقێ و بالیوزخانێن عیراقێ ل دەرڤەيی وەلاتی دھێنە دەرخستن.
ئەڤرۆ نیۆز،عەزیز ھەورامی:
بزاڤا گۆڕأن ئهو هێزه سياسهيه كو ههردهم خوه وهكو پارتهكا دژى گهندهليێ بهرچاڤ كريه، بهلێ د نووترين ئاشكهرابوونا گهندهليا وێ پارتيێ دا، ئهو ههيڤان 250 هزار دۆلارێن ئهمريكى ههيڤانه ژ ئێكهتيێ وهردگرن و ل دووڤ گۆڕان ئهو پاره ب گهندليێن ئێكهتيێ ب دهست كهفتيه.
سۆران سێوهكانهيى چاڤدێرێ سياسى بۆ ئهڤرۆ نيوز گۆت: “كهنيا من ب مێشكێ بزاڤا گۆڕان دهێت كو بهحس ل وێ گهندهليێ دكهن يان پارتى و ئێكهتى دكهت و ئهو ب خوه ههيڤانه كۆژمێ چارێك مليۆن دۆلاران ژ ئێكهتيێ وهردگريت”.
بزاڤا گۆڕان ههردهم د راگههاندنێن خوه دا دژى گهندهليێ خوه ددهته نياسين و پارتيێن دهستهلاتدار ب گهندهل ناڤ دبهت، بهلێ ئهو ب خوه ههيڤانه پارهيى ژ ئێكهتيێ وهردگريت و گۆڕان دبێژيت كو ئێكهتيێ ئهو پاره ب رهنگهكێ گهندهل ب دهست ڤه ئينايه.
سێوهكانهيى گۆتژى: “نزانم چاوان د روويێ گۆڕان دا دهێت بهحس ل گهندهليێ بكهت و ئهو ب خوه ههيڤانه 250 هزار دۆلارێن ئهمريكى ژ پارێ گهندهليێن ئێكهتيێ وهردگريت”.
ئهوى چاڤدێرێ سياسى زێدهتر گۆت: “ئهو پارێ ئێكهتى ژ گۆڕان وهردگريت وهكو بهرتيللايه، ژ بهر هندێ نوكه وهلاتى تێ دگههن بۆچى كهنيا من ب ئاقلێ گۆڕان دهێت”.
ئەڤرۆ نیوز، نەوزاد ھلۆری:
وەلاتیێن گوندێ گردەرەش یا سەر بە قەزا خەبات ژبەر خرابوونا رەوشا کارەبا نیشتمانی و نەبوونا کارەبا مالیدەیان خوپێشاندانەکا نەرازی بوونێ ئەنجامدا و ھەتا نھا ژی بەردەوامە، ب گورەی ئاخفتنێن وان حوکمەتێ وێستگەھێن کارەبێ لسەر مولکێن وان چێکرینە و ئەو ھەند ژ کارەبێ ھاتینە بێ بەھرکرن و ھەند ژی ژ چاندنێ و دیسان ھەند ژی ئەو ھاتینە بێ بەھرکرن ژ کارکرنا لسەر وان وێستگەھان.
عەبدوللا شێخو ئێکە ژ وەلاتیێن گوندێ گردەرەش بۆ ئەڤرۆ نیوز گۆت: (ئەڤرۆ ئەم وەکو وەلاتیێن گوندێ گردەرەش کو نێزیکێ 300 مالاینە رابوینە ب ئەنجامدانا خوپێشاندانەکا نەرازیبوونێ ژبەر سێ ئەگەران، یا ئێکێ حوکمەتێ وێستگەھێن بەرھەمئینانا کارەبێ لسەر مولکێن مە درۆستکرینە و کارەبا بو گوندێ مە وەکو پێدڤی نەھاتیەدان و مە کارەبا نیشتمانی تنێ ھەشت دەمژمێران ھەیە و کارەبا مالیدان نینە، و دیسان حوکمەتێ مولکێن مە ژی گرتینە و ئەم بێ بەھرکرینە ژ چاندنێ و مولکێن مە نەھاتینە قەرەبوکرن، ودیسان حوکمەتێ چوو گەنج و خەلکێ دەڤەرێ ل وان وێستگەھان نەدانیە کاری و ئەڤ یەک بویە سەدەم کو ئەڤرۆ مە خوپێشاندان کری).
زێدەتر گۆت: ( ھەتاکو رەوشا کارەبا نیشتمانی ل گوندێ مە درۆست نەبیت و گەنج و وەلاتیێن گوندی ل سەر وان وێستگەھان کارنەکەن ئەم دێ لسەر خوپێشاندانێن خوە بەردەوام بین و دوخازین کو حوکمەت و لایەنێن شولەژێ ب زوترین دەم د ھەوارا خەلکێ گوندی بھێن).
نيشاندان