ئەڤرۆ نیوز ، زنار تۆڤی :
سوپایێ تورکیا بەرھەڤیان بۆ ئۆپەراسیۆنەکا سەربازی ل دژی گەریلایێن پەکەکێ د ناڤ ئاخا ھەرێما کوردستانێ دا دکەت.
چەندین رۆژە سوپایێ تورکیا د پێشەڤچوونان دایە و یێ بەرەف چیایێ خواکورکى ڤە دچیت ل دەڤەرا سیدەکان و نوکە ژی دەست ب دروستکرنا رێیا و بنگەھێن سەربازی ل وێ دەڤەرێ کریە.
هەروەسا ئارمانجا سۆپایێ تورکیا ئەوە کو ئۆپەراسیۆنەکا سەربازی ل دژی گەریلایێن پەکەکێ دناڤ ئاخا هەرێما کوردستانێ دا ل وێ دەڤەرێ ئەنجام بدەت.
ئه‌ڤرۆنيوز:
روودانه‌ك ل سێ ريانا كه‌له‌كچى ئه‌ڤرۆ پێنجشه‌مبى 29/3/2018 دناڤبه‌را دو ترومبێلان دا روودا ودئه‌نجامدا دو كه‌س برينداربوون.
رێڤه‌به‌ريا هاتنوچوونا دهۆكێ د به‌په‌رێ خوه‌دا ل سه‌ر تۆرا فه‌يسبووكى به‌لاڤك، ئه‌ڤرۆ ل دەمژمێر ٢:٣٠ پشتی نیڤرۆ ل جادا سەرەکی یا دناڤبەرا شێخان بۆ کۆمەلگەها چرە و ل سێ ریانا ناحیا کەلەکچی روودانەک ژ جۆرێ لێگدان دناڤبەرا دو ترومبێلان دا روودا هوندا ئەلنترا دگەل بارهەلگر فاو.
دياركر ژى” پشتى روودانا لێكدانێ، ئێك ژوان ترومبێلان توشی وەرگەریانێ دبیت و دئەنجامدا دوو کەس بریندار بوون، زێدەباری زیانێن ئابووری ژی بەر ب ترومبێلا ڤە کەتن”.
ئه‌ڤرۆ نیوز:
وه‌زیرێ ده‌رڤه یێ روسیا بریارا وه‌لاتێ خوه بۆ ده‌رخستنا شێست دپلۆماتكارێن ئه‌مریكی ژ روسیا راگه‌هاند وه‌ك تۆلڤه‌كرن بۆ بریاره‌كا ب هه‌مان ره‌نگ یا ئه‌مریكا.
سێرگی لاڤرۆڤ گۆت: مۆسكۆ دێ شێست پلۆماتكارێن ئه‌مریكی ژ روسیا ده‌رخیت و كۆنوسلخانا ئه‌مریكا ل سان پیته‌رسبورگ دائێخیت، هه‌روه‌سا ئه‌و وه‌لاتێن ئه‌ورۆپی یێن دپلۆماتكارێن رۆسی ده‌رخستی ژی دێ مۆسكۆ سه‌ر ب سه‌ر به‌رسڤێ ده‌ت.
بریتانیا حكومه‌تا روسیا ب ژه‌هركرنا سیخۆره‌كێ به‌رێ ل بریتانیا ب مادێن كیمیایی سووچبار دكه‌ت و ل گۆری داخوازا له‌نده‌ن چه‌ندین وه‌لاتێن رۆژئاڤا بۆ پشته‌ڤانیا وێ دژی روسیا رێكار بحهئیناینه، بریتانیا ژی ده‌ستپیشخه‌ر بوویه ب ده‌رخستنا 23 دپلۆماتكارێن روسی.
ئەڤرۆ نیوز ، زنار تۆڤی :
ماوێ چەند رۆژانە سۆپایێ تورکیا ل ناحیا کانی ماسێ یا سەر ب قەزا ئامێدیێ ڤە هاتیە دناڤا ئاخا هەرێما کوردستانێ دا و رەبیێن خوە داناینە ل سەرێ کورێ زێری ل ڤێ ناحیێ.
دڤی واری دا رێڤەبەرێ ناحیا کانی ماسێ سەربەست سەبری ئاکرەیی بۆ ئەڤرۆ نیوز دیارکر:بەری چەند رۆژان سۆپایێ تورکی ل ناحیا کانی ماسێ هاتینە دناڤا ئاخا هەرێما کوردستانێ دا ل سەرێ کورێ زێری یێ ل هنداڤ ناحیا کانی ماسێ رەبیێن خوە داناینە و هێزێن وان خوەجه بووینە ل وێرێ،ناڤهاتی گوت ژی:ئەو سەربازێن ل سەرێ کورێ زێری تەقێ دکەن و وان نە ئارامیەک بۆ خەلکێ ناحیا کانی ماسێ پەیداکریە،هەروەسا مە وەکو رێڤەبەریا ناحیا کانی ماسێ لایەنێن پەیوەندیدار ل سەر هاتنا سۆپایێ تورکی بۆ ناڤا ئاخا هەرێما کوردستانێ هایدار کرینە،دیسا وان سەربازان تەقەیا هەرەمەکی ژی کریە و فیشەک ب دەرگەهێ مالەکێ کەفتینە ل ناحیا کانی ماسێ،د هەمان دەمدا ئەڤرۆ سۆپایێ تورکی چەندین گۆلە توپ ل دەردورێن ناحیا کانی ماسێ ژی داینە.
رێبەر ئیبراهیم وەلاتیەکی گوندێ دێریشکێ یه بۆ ئەڤرۆ نیوز دیارکریە:ئەڤە بو ماوێ دوو حەفتیانە لەشکەرێ تورکیا ل ناحیا کانی ماسێ هندەک پێشرەوی کرینە و سێ رەبیێن خوەجه ل باکورێ روژهەلاتێ ناحیا کانی ماسێ بنەجه کرینە ل سەرێ چیایێ کورێ زێری و شندری ل زنجیرا چیایێ شارانیێ و دەڤەرا دێمێ،ناڤهاتی دیارکر ژی، ئەڤە و لەشکەرێ تورکیا ل بەرە قەرەقولەکا خوە ل سەر سنوری زێدە بکەت و پەکەکە ژی رێگریێ دکەن لەوما دوهی ژ ئەگەرێ تەقەیا هەرەمەکی یا لەشکەرێ تورکیا چەندین گولەیێن دوشکان بناڤا سەنتەرێ ناحیا کانی ماسێ و گوندێ دێریشکێ کەفتینە و ب دەرگەهێن مالان کەفتیە ئەڤرۆ ژی توپ خانێن لەشکەرێ دەردورا کانی ماسێ توپ بارانکرینە،چو زیانێن گیانی نەبووینە لێ ترسەکا مەزن کەفتیە دناڤا خەلکێ دەڤەرێ دا.
ئه‌ڤرۆنيوز:
كۆمسيۆنا بلند يا هه‌لبژارتنان ل عيراقێ ژڤانه‌كێ نوو بۆ ده‌ستپێكرنا هه‌وا هه‌لبژارتنێن جڤاتا نوونه‌رێن عيراقێ دياركر.
ئه‌ڤرۆ پێنجشه‌مبى 29/3/2018، كه‌ريم تميمى په‌يڤدارێ كۆمسيۆنا بلند يا هه‌لبژارتنان ل عيراقێ راگه‌هاند” بريار هاته دان هه‌وا هه‌لبژارتان بۆ رۆژا شه‌مبيێ 14/4/2018 هاته پاشخستن”.
تميمى گۆت ژى” ئه‌گه‌رێ پاشخستنا هه‌وا هه‌لبژارتنان يێ ته‌كنيكى يه وتايبه‌ته ب كۆمسيۆنا هه‌لبژارتنان ڤه”.
پێشتر كۆمسيۆنا بلند يا هه‌لبژارتنان ل عيراقێ راگه‌هاندبوو كو هه‌وا هه‌لبژارتنان دێ ل رۆژا 10/4/2018 ده‌ست پێكه‌ت
هه‌لبژارتنێن جڤاتا نوونه‌رين عيراقێ دێ ل 12/5/2018 هێنه ئه‌نجامدان.
ئەڤرۆ نیوز، نەوزاد ھلۆری:
ھوستایەکێ لەحیمێ سەر ئێک ژ تانکەرێن پانزینخانەکێ ل بەردەرەش کاردکر و ژ ئەنجامێ لەحیما وی ئاگر بەردبیتە پانزینخانێ و زیانێن دراڤى پشت خوە دھێلیت.
فیراس یاسین ژ رێڤەبەریا بەرەڤانیا باژێری ل ئاکرێ بۆ ئەڤرۆنیوز گۆت” ئەڤرۆ ژ ئەنجامێ کارکرنا ھوستایەکێ لەحیمێ ل سەر ئێک ژ تانکەران ل پانزینخانا زەڤی رەش ل بەردەرەش ب مخابنی ڤە ئاگر بەردبیتە پانزینخانێ و زیانێن دراڤى دگه‌هنێ”.
زێدەتر گۆت” زیانێن پانزینخانێ بۆ زێدەتر ژ ١٠ ملیون دیناران دھێنە خەملاندن ، بنکەھێ بەرەڤانیا باژێری ل بەردەرەش ئاگر کونترولکر و شیان سی تانکەرێن پانزینێ و دو یێن گازوایلێ و ئێکا گازێ رزگار بکەن “.
فیراسی دیارکر ژی کو کۆمەکا زۆر یا زارۆيان ل دەوروبه‌رێ پانزینخانێ کۆم ببوون و بوو ئه‌گه‌ر کو کونترولکرنا ئاگری گیروببیت و گۆت” داخوازێ ژ ھەموو وەلاتیان دکەین دەما کو روودانەکا ئاگری درۆست ببیت، خوە دوور بکەن داکو مەترسی ل سەر ژیانا وان درۆست نەبیت ب تایبەتی زارۆيان و دیسان دا کارمەندێن مەژی بشێن کارێ خوه ئه‌نجام بده‌ن”.
ئەڤرۆ نیوز ، زنار تۆڤی :
لیژنا كاروبارێ پێشمەرگەی ل پەرلەمانێ كوردستانێ داخوازیەک بلندکریە بۆ جڤاتا وەزیرێن هەرێما كوردستانێ ب مەرەما هەلگرتنا پاشەكەفتێ مووچێ هێزێن پێشمەرگێ كوردستانێ،لێ هێشتا جڤاتا وەزیران چو بەرسڤ نەداینە.
ئەڤرۆ پێنجشەمبێ 29 ئادارێ دلێر ماوەتی جێگری سەرۆكێ لیژنا كاروبارێن پێشمەرگەی و كەسوكارێن شەهیدان دیارکریه،پشتی راگەهاندنا پێداچوونا مووچەی،مە ژی داخوازیەک بۆ جڤاتا وەزیران بلند کریە ب مەرەما هەلگرتنا پاشەكەفتا مووچێ هێزێن پێشمەرگەی.
جێگرێ سەرۆكێ كاروبارێن پێشمەرگەی گوت ژی،پشتی بلند کرنا داخوازیا مە،وان گوتیە مە دێ بەرسڤڵ هەوە دەین،لدووڤ وی داهاتیێ ل بەر دەستێ وان هەی،دێ پێداچوونێ د مووچێ هێزێن پێشمەرگێ كوردستانێ دا كەن.
هەروەسا ئاشكرا كریه،کو مووچێ هێزێن پێشمەرگەی یێ كێمە،لەورا دڤێت چو پاشەكەفت تێدا نەهێته کرن ب مەرەما باشتر كرنا بارێ ژیانا پێشمەرگەیان.
ئه‌ڤرۆنيوز:
ئه‌ندامه‌كێ په‌رله‌مانێ كوردستانێ رادگه‌هينيت، گۆران دناڤ ئێكه‌تيێ دا دروست بوو ونوكه ژى پشكه‌كه ژ ئالۆزيێن هه‌رێما كوردستانێ، ئاشكراكر ژى كو بزاڤا گۆران زوورترين هژمارا وه‌زير وپلێن له‌شكرى يێن خانه‌نشينكريێن نه‌قانوونێ يێن هه‌ين.
عه‌باس غه‌زالى، ئه‌ندامێ په‌رله‌مانێ كوردستانێ ژفراكسيۆنا پارتى ديموكراتى كوردستا گۆت” گۆران وه‌كو نه‌رازيبوونه‌ك دناڤ ئێكه‌تيێ دا يا دروستبووى، تاكو نه‌وشيروان مسته‌فا دژيانێ دا، بزاڤا گۆران ناڤه‌نده‌ك هه‌بوو، به‌لێ نوكه ي به‌ر ب پاشڤه ودورانێ دچيت چ ل پارێزگه‌ها سلێمانيێ ودحوكمه‌تێ دا وچ ل په‌رله‌مانێ كوردستانێ يان وه‌زاره‌تان، سه‌ره‌راى وێ چه‌ندێ ل به‌غدا ژى دژايه‌تيا قه‌وارێ هه‌رێما كوردستانێ كر وداخواز ژ عه‌بادى كر كو مامه‌لێ ل گه‌ل حوكمه‌تا هه‌رێما كوردستانێ نه‌كه‌ت وب رێيه‌كا تايبه‌ت مووچه‌ى بۆ پارێزگه‌هان ب هنێريت، گۆران پشكه‌كه ژ ڤان ئالۆزيان وئه‌و چه‌ندا دبێژنێ گه‌نده‌لى”.
عه‌باس غه‌زالى زێده‌تر بۆ باسنيوز گۆت” زوورترين خانه‌نشينێن نه شايسته ب پلێن وه‌زير وپلێن له‌شكرى يێن دناڤ گۆران دا، هه‌روه‌سا ئه‌و خه‌لكێ به‌ر ب گۆران ڤه چووى، هه‌ست ب وێ چه‌ندێ كركو ئه‌و سيسته‌مێ بۆ چووين وه‌سا نه‌بوو، هه‌روه‌كو به‌رهه‌م سالح دناڤ جه‌رگێ ئێكه‌تيێ وگۆرانێ جه‌ماوه‌رى ده‌ردئينيت، شاسوار عه‌بدولواحد ژى ب هه‌مان ژى دلڤيت، چونكى دزانن وان قه‌باره نامينيت”.
وى ئه‌ندامێ په‌رله‌مانێ كوردستانێ دياركر ژى” رێكخه‌رێ به‌رێ يێ گۆران ورێكخه‌رێ گشتيێ نوكه كو ئێك رۆژ ژى وه‌زير نه‌بوون، ب پلا وه‌زير وبلندتر ژى يێن هاتينه خانه‌نشينكرن وئه‌و ئێكه‌تيێن هاتينه خانه‌نشينكرن دياركريه كو دناڤ ئێكه‌تيێ دا يێن هاتينه پشت گوه هاڤێتن وچووينه دناڤ گۆران دا”.
ئه‌ڤرۆنيوز:
پارێزگه‌رێ هه‌ولێرێ ب فه‌رمى داخوازا لێبۆرينێ ژ مامۆستاى كر كو دتۆماره‌كا ڤيديۆيى دا ده‌ردكه‌ڤيت وژئاليێ دو كه‌سان ڤه دهێته قوتان، هه‌ڤده‌م دووپات دكه‌ت كو پێرابوونێن قانوونێ بۆ سزادانا وان هه‌ردو كه‌سان هێنه ئه‌نجامدان.
پارێزگه‌ها هه‌ولێرێ دبه‌ياننامه‌كێ دا به‌لاڤكر” پشتى به‌لاڤبوونا وێ تۆمارا ڤيديۆيى يا هێرشا دو كه‌سان ل سه‌ر مامۆستايه‌كێ هه‌ولێرێ د خوه‌پيشاندانێن رۆژێن بۆرى، كو ئه‌و چه‌نده بوويه جهێ دلگرانيا هه‌موو ته‌خێن جڤاكى ل به‌رامبه‌ر وێ ره‌فتارێ”.
د به‌يانناما پارێزگه‌ها هه‌ولێرێ دا هاتيه” پارێزگه‌رێ هه‌ولێرێ دبزاڤا وێ چه‌ندێ دابوو و ب ئه‌ركێ خوه زانيه بچيته ده‌ف وى مامۆستاى وب ناڤێ پارێزگه‌ها هه‌ولێرێ داخوازا لێبۆرينێ ژێ بكه‌ت”.
ئاماژه دا ژى” ئه‌ڤرۆ دوور ژ چاڤێن كاميرا وده‌زگه‌هێن راگه‌هاندنێ، ئه‌و مامۆستايێ به‌رێز ل گه‌ل رێڤه‌به‌رێ قوتابخانا خوه هاتنه ديوانا پارێزگه‌ها هه‌ولێرێ وسه‌ره‌دانا پارێزگه‌رێ هه‌ولێرێ كر”.
نه‌وزاد هادى، پاريزگه‌رێ هه‌ولێرێ، زێده‌بارى ئيدانه‌كرنا توند يا وێ ره‌فتارا دژى وى مامۆستاى هاتيه كرن، ده‌ستخوه‌شى ل خزمه‌ت ولێبۆرينا وى مامۆستاى كر وب نموونێ بلند يێ كه‌سايه‌تيه‌كا په‌روه‌رده‌كار ودلسوزێ گه‌ل ونيشتمانى هژمارت وسوز دايێ كو هه‌موو پێرابوونێن قانوونى ژئاليێ ده‌زگه‌هێن په‌يوه‌نديدار بۆ سزادانا وان دو كه‌سان بهێنه وه‌رگرتن.
به‌يانناما پارێزگه‌ها هه‌ولێرێ دياركر كو وى مامۆستاى دووپاتى ل وێ چه‌ندێ كر كو ئه‌و ره‌فتاره ژ مه‌زناهيا مامۆستايان كێم ناكه‌ت ورێگر نابيت ل به‌رده‌وامبوونا وان ل سه‌ر خزمه‌ت وپه‌روه‌رده‌كرنێ وپێگه‌هاندنا نه‌ڤيێ نوو.
نيشاندان