ئه‌ڤرۆنيوز:

نوشدارا دەروونی ( کارلا ئەمبیر) تایبەتمەندا نەخۆشیێن دەروونی ل پەیمانگەھا (مەیامی) ل باژێرێ فلوریدا ڤان شیرەتان ئاراستە دکەت:

 * بۆ دەمەکی حەز ژ خۆ بکە:

 یا پێدڤیە ل سەر ھەر ژنەکێ دەمەکی دگەل دەروونێ خۆ ببورینیت داکو تشتەکی ژ خۆ بزانیت و ب سەر پێدڤی و دەستپێکێن ژیانا خۆ شارەزا ببیت، گەلەک رێک بۆ ڤێ چەندێ ھەنە بۆ نموونە ھیڤی بوون و خواندنا روژنامەیان داکو مێشکێ خۆ سافی بکەت ژھەر تشتەکێ دیتر و دیسان ھندەک رێکێن دی ھەنە کو ل سەر حەزا وێ دمینن و ئەڤ لایەنێ ژیانێ گەلەک گرنگیا خۆ ھەیە و نابیت پشت گوە ب ھاڤێژین داکو مە باوەری ب دەروونێ خۆ ھەبیت و ژیانا خۆ نوو بکەین و ئەم بۆ رێکا راست بھێینە ئاراستەکرن.

 * مرۆڤەکا جڤاکی بە و پشکداریێ دگەل کەسێن دی بکە:

 گەلەکا ب زەحمەتە کەسەک خوشیێ ببینیت ھەکە یێ بتنێ بیت، بەلکو پێدڤیە مرۆڤ پشکداریێ د گەل جڤاکی بکەت و دەوروبەرێن خۆ بکەت و ئەو پشکداری دێ ئەنجامێن نێگەتیف ل سەر دەروونێ مرۆڤی پەیداکەت.

 * گیانێ خۆ ب راھێنانێن وەرزشی ب پارێزە:

 داکو ھەردەم مەعنەویاتێن تە دبلند بن پێدڤیە رۆژانە وەرزشێ ئەنجام بدەی، ئەو وەرزش دێ لەشێ تە چالاک کەت و ھورمونێن دژی خەموکیێ دێ زێدەبن و ئەڤە دێ گێولێ تە و دەروونێ تە خوش کەن.

ئه‌ڤرۆنيوز:

رۆژانە ل دۆرێن 30 نەخوه‌شان ل نەخوه‌شخانا ئازادی پێدڤی ب گرتنا ئیکۆیێ دبن، ب رێیا ئیکۆیێ گەلەک ئاریشێن دلی دھێنە دەستنیشانکرن، گەلەک کەس دژیانا خوە دا پێدڤی ب گرتنا ئیکۆیێ دبن و ژ بێھن تەنگیەکا نورمال ھەتا گەھشتن ب گرتنا سەمامێن دلی دھێتە گرتن، دوبارەکرنا ئیکۆیێ ژی د ھندەک دەلیڤەیان دا ژ کارێن گرنگ و پێدڤیە بۆ ھندێ نوشدار ب دروستی ل سەر رەوشا نەخۆشی ھلببیت.

ئەمین موسا،  نوشدارێ تایبەتمەندێ نەخوه‌شیێن دلی و ھناڤان بۆ نوش نيوز دیارکر کو ل نەخوه‌شخانا ئازادی پشکەکا تایبەت بۆ ئیکویێ ياھەی و رۆژانە دۆرێن 30 نەخوه‌شان قەستا وان دکەن و گۆت: ئیکو سونارا دلی یە و ئەم ب رێیا ئیکویێ پشکنینا دلی دکەین و سەحدکەینە دلی کا شوولی وی یێ چاوایە و بەرێخودانێ ل سەمامێن ناڤ دلی دا دکەین و دیسا سەحدکەینە ھەموو پارچێن دلی، ھەروەسا دوبلەر ژی یێ ل گەل ئیکویێ ئەم ب وی سەحدکەینە ھاتنوچوونا خوینێ دناڤ دلی دا.

ئەمین موسای دیارکر ژی کو ئیکو بەھرا پتر جاران بۆ ئێشێن دلی دھێتە بکارئینان، نە ب تنێ ئەو ئێشێن دلی ئەوێن خوینگێران دگرن، بەلکو ئەوێن سەمامان دگرن ژ ناڤدا، ھەروەسا ئەوێن ماسولکێن دلی دگرن و ئەو ئێشێن پەردا دلی دگرن، دیسا بۆ دەمارێن مەزن ئە وێن ژ دلی دەردکەڤن و ھەموو ب رێیا ئیکویێ دھێنە پشکنینکرن و دەستنیشانکرن.

تایبەتمەندێ نەخوه‌شیێن دلی و ھناڤان دیارکر کو ئیکو دبیتە ھاریکار بۆ نوشداران کو بشێن نەخوه‌شیێ دەستنیشان بکەن و بزانن ئاریشەیا دلی د چ دایە و گۆت: ئەو نەخوه‌شێن پێتڤی ب ئیکو د بن، ئەون یێن تووشی بێھن تەنگیێ دبن و بێھن تەنگیەکا نە یا ئاشکرا، ھەروەسا بۆ وان ژی دھێتە ب کارئینان یێن دلقوتانەکا زێدە یان کێم و نە دیار ل دەف پەیدا دبیت، دیسا بۆ وان کەسان ژی ئەوێن نیشانێن دلوەستیانێ ل دەف ،ھەروه‌سا بۆ ئەوێن سینگ ئێشانەکا بەردەوام ل دەف.

 خوياكر ژى كو ئیکو بۆ ھندەک ئێشێن ژدەرڤەی دلی دھێتە ب کارئینان وەکی دەمارێن مەزن یێن خوینێ، ھەروەسا ئێشا فشارا خوینێ و ئێشا شەکرێ و گولچیسکان و دبیتە ھاریکار بۆمە بزانین کا ئاریشە ددلی دا ھەیە یان نە .

 ئەمینی دیارکر کو ڤەکێشانا ئیکویێ ل دووڤ جورێ نەخوه‌شيێ دمینیت، ھەکە دل یێ دروست بیت کێم ڤەدکێشیت و ھەکە یێ دروست نەبیت گەلەک ڤەدکێشیت و ژ پێنج دەقیقا ھەتا نیڤ ده‌مژمێرێ ھندەک جاران ڤەدکێشیت و گۆت: نەخوه‌ش  ل ھەموو ژيا پێدڤی دبنێ بەلێ ل دووف نیشانان دمینیت وەکی ژيێن بچووک بەھرا پتر جاران ئەو نەخوه‌شێن دلێن وان د کون بن و ژيێن ناڤنجی بۆ سەمامێن دلی پێدڤی ئیکویێ دبن و ژيێن مەزن بۆ دەمارێن دلی پێدڤی دبنێ.

دیارکر ژى کو دووبارەکرنا وێ ھاریکارە بۆ نوشداران دا بزانن نەخوه‌شی چەند مفا ژێ وەرگرتیە بۆ چارەسەریێ و گۆت: ل دەمێ دوبارەکرنێ ئەم بەرێخودانێ ل نەخوه‌شی دکەین کا دلێ وی باشتر لێھات یان نە، ھەروەسا ب دوبارەکرنا وێ ئەم سەحدکەینێ کا نەخوه‌ش کەنگی دێ پێدڤی پێنگاڤەکا دی بیت و نەخوه‌شی زێدەتر یان کێمتر لێھاتیە و ب ڤێ چەندێ ئەم دشێین بریارێ بدەین کا ئەڤ نەخوه‌شە دێ پێدڤی ب چ بیت.

ئه‌ڤرۆنيوز:

ڤه‌كۆلينه‌كا نوو ئاشكراكر كو نڤستن ل ژۆره‌كا گلوپ تێدا دهه‌لبن، دبيت مرۆڤى تووشى نه‌خوه‌شيا شه‌كرێ يا ژ جۆرێ دويێ بكه‌ت ب رێيا رێگريێ ل چێكرنا ئه‌نسولينێ دله‌شێ مرۆڤى دا.

رۆژناما ديلى ميل يا بريتانى به‌لاڤكريه‌ كو ل دووڤ ڤه‌كۆلينه‌كا ئه‌مريكى يا نوو مرۆڤ ل به‌ر رۆناهيا گلوپان ل شه‌ڤێ بنڤيت دبيته‌ ئه‌گه‌رێ نه‌ چێكرنا هه‌رموونێ ميلاتونين ئه‌وێ هاريكاريا ئاستێ شه‌كرێ دخوينێ دا دكه‌ت، كو هه‌رموونێ ميلاتونين ل ده‌ماغى دا دهێته‌ چێكرن ل تاريێ ونڤستنێ وژخه‌و رابوونێ رێك دئێخيت.

به‌رهه‌ڤكه‌را سه‌ره‌كى يا وێ ڤه‌كۆلينێ ( د. ئايفى تشيونگ ماسون) ژ زانكۆيا نورس ويسترن يا ئه‌مريكى دياركر كو ئه‌نجامێن ئه‌م گه‌هشتينێ دياركر كو ئێك شه‌ڤا نڤستنێ ل به‌ر رۆناهيا گلۆپان كارتێكرنێ ل سه‌ر به‌هنگاريا ئه‌نسولينێ دكه‌ت.