ئەڤرۆ نیوز، نەوزاد هلوری:

ژ ئەنجامێ بریسیەکا ب هێز ئه‌ڤرۆ سێشه‌مبى 2/1/2018 ل گوندێ هلورا یا سەر ب ناحیا شێلادزێ ڤه‌ کۆمەکا ئامیرێن کارەبی سۆتن.

ئێحسان حەسەن، وەلاتیەکێ گوندێ هلورایە بۆ ئەڤرۆ نیوز گۆت” ئەڤرۆ ژ ئەنجامێ بریسیەکا بهێز کو ب چەند مالەکێن گۆندێ مە کەفتی، سێ تێلەڤزیونێن پلازما و سێ ئامیرێن سەتەلایتێ و سێ تەبلێن ئوتوماتیکی یێن کارەبایی و زێدەترژ 20 گلوپێن کارەبی سۆتن، ل گەل سۆتنا چەند شەحنەکێن لایت و ئامیرێن روناهیێ”.

زێدەتر گوت”بریسی وه‌سا یا ب هێزبوو هەتا خوە چریسکێن وێ ل سۆپا دارا و دەرگەه و پەنجەران ژى دەردکەفت ، بەلێ چو زيانێن گيانى په‌يدا نه‌كرن”.

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا هاتنوچوونا پارێزگه‌ها دهۆكێ ئامارا سالا بۆرى راگه‌هاند و ئاشكه‌را كر كو ژ سه‌رجه‌مێ 1139 روودانان 151 كه‌سان گيانێ خوه‌ ژ ده‌ست دايه‌ و 1746 كه‌س ژى بريندار بووينه‌.

موقه‌دمێ مافپه‌روه‌ر، ئازاد تاها، به‌رپرسێ په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ ئه‌ڤرۆ د كۆنگره‌كێ رۆژنامه‌ڤانى دا راگه‌هاند كو ل سالا بۆرى ل سه‌رانسه‌رى پارێزگه‌ها دهۆكێ هزار و 139 روودانێن هاتنوچوونێ هاتينه‌ تۆماركرن كو 777 لێكدان و 166 وه‌رگه‌ريان و 197 لێدان و پێنج ژى سۆتن بووينه‌.

موقه‌دمێ مافپه‌روه‌ر گۆت: “د ڤان روودانان دا، 151 كه‌سان گيانێ خوه‌ ژ ده‌ست دايه‌ كو 47 مێ بووينه‌ و 104 نێر و هزار و 746 ژى بريندار بووينه‌ كو ژ وان ژى 449 مێ بووينه‌ و ئه‌ڤێن دى نێر”.

وه‌كو هه‌ڤبه‌ركى ل گه‌ل سالا بۆرى ژمارا روودان و قوربانيان باشتر بوويه‌ ب ره‌نگه‌كى ل سالا بۆرى هزار و 180 روودان هاتبوونه‌ تۆماركرن و 194 كه‌سان گيانێ خوه‌ ژ ده‌ست دابوو و دو هزار و 725 كه‌س ژى بريندار ببوون.

به‌رپرسێ په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ دا زانين ژى كو وه‌كو هه‌ڤبه‌ركى ل گه‌ل سالا بۆرى 11 هزار و 656 ترۆمبێل هاتينه‌ تۆماركرن و هزار و 24 ترۆمبێل ژى هاتينه‌ ژناڤبرن.

ئەڤرۆ نیوز، نەوزاد ھلۆری:
وەسا بریارە کو ئەڤرۆ سپێدێ د کونگرەیەکێ رۆژنامەڤانی دا ئامارا روودانێن ئاگر و خەندقین و زیانێن وان یێن بەرەڤانیا باژێری سنوورێ پارێزگەھا دھۆک بھێنە راگەھاندن، ب گورەی زانیاریێن ئەڤرۆ نیوز ئەڤ سالە ھزار و 453 روودانێن جوراوجور ل بەرەڤانیا باژێری ل پارێزگەھا دھۆک ھاتینە تومارکرن و د ئەنجامدا 61 کەسان گیانێ خوە ژ دەست دایە.

ژێدەرەکێ ژ بەرەڤانیا باژێری دھوکێ بو ئەڤرۆ نیوز گۆت: (ئەڤ سالە سنوورێ پارێزگەھا دھۆک ھزار و 453 روودانێن جوداجودا ل بەرەڤانیا باژێری ل دھوکێ ھاتینە تومارکرن و د ئەنجام دا 61 کەسان گیانێ خوە ژ دەستدایە کو ئەو ژی گیان ژ دەستدانێن سوتن و خەندقینێ بوون و زیانێن ماددی یێن ھەموو روودانان ژی نەھـ ملیار و 664 ملیون و 540 ھزار دینارن).

زێدەتر گۆت: ( ئەڤرۆ دەمژمێر 11ێ سپێدێ دێ د کونگرەیەکێ رۆژنامەڤانی دا ھەموو زانیاریێن دن ھێنە راگەھاندن ).