ئەڤرۆ نیۆز،زنار تۆڤی:
سەرۆك وەزیرێن توركیا ئاشكرا دکەت،کو وان ھۆشداری دایە ئیرانێ،کو ئێدی ئەو مەزھەبێ شیعاتیێ ل ڤێ دەڤەرێ فرەه و بەلاڤ نەکەن.
بینالی یلدرم، سەرۆك وەزیرێن توركیا، راگەهاندیە كو بەلاڤبوونا مەزھەبێ شیعەیان د ڤێ دەڤەرێدا دێ ھێرشێ ل سەر ئارامی و ئاسایشا ڤێ دەڤەرێ دروست کەت،هەروەسا وی ھۆشداری دایە ئیرانێ،کو ڤی مەزھەبی بەلاڤ نەكەت،داکو چو شەرێن مەزهەبی روونەدەن، چونكی هەکە ئەڤە روودا،ناهێته زانین کو دێ ئەڤ شەرە چاوا ب دوماهی هێت و دێ دەرئەنجامێن نەرێنی یێن مەزن لێكەڤن.
ئه‌ڤرۆنيۆز:
به‌رپرسه‌كێ حوكمه‌تا هه‌رێما كوردستانێ داخوازه‌ك ئاراسته‌ى وه‌لاتيێن نێزيك سكرێ ده‌ربه‌نديخان ل پارێزگه‌ها سلێمانيێ كر كو ئه‌ڤ شه‌ڤه مالێن خوه چۆل بكه‌ن.
عه‌بدولستار مه‌جيد، وه‌زيرێ چاندنێ وژێده‌رێن ئاڤێ راگه‌هاندنه‌ك به‌لاڤكر تيێدا دبێژيت( مخابن ژئه‌گه‌رێ بيڤه‌له‌رزا ئه‌ڤ شه‌ڤه زيان يا گه‌هشتيه سكرێ ده‌ربه‌نديخان وتيمێن مه دبزاڤێ دانه بۆ ڤه‌كۆلينێ وزانينا ئاستێ زيانان ب تايه‌تى پشكێن ژێر سكرى).
ناڤبرى داخواز ژ هه‌موو وان وه‌لاتيێن مالێن وان نێزيك سكرێ ده‌ربه‌نديخان، بۆ پاراستنا گيانێ خوه ، ئه‌ڤ شه‌ڤه مالێن خوه چۆل بكه‌ن.
ئه‌ڤرۆ نيوز: نه‌وزاد هلۆرى:
حكومه‌تا هه‌رێما كوردستانێ لسه‌ر روودانێن ئه‌ڤ شه‌ڤه یێن بیڤه‌له‌رزان ل هه‌رێما كوردستانێ و ئه‌وان زیانێن گیانى و ماددى ل په‌ى درۆست بووین ، راگه‌هاندنه‌ك به‌لاڤكر. ئه‌ڤا لخوارێ ده‌قا وێ یه:
ب مخابنیڤه ، ئه‌ڤ شه‌ڤه 12-13/11/2017 بیڤه‌له‌رزه‌كێ باژێرێن كوردستانێ هه ژاند و بویه ئه‌گه‌را گیان ژ ده‌ستدان و برینداربوونا چه‌ندین وه‌لاتیێن ده‌ڤه‌رێن جوداجودا.
ل ڤێر داخوازێ ل هه‌موو كارمه‌ندێن نه‌خوشخانه و بنگه‌هێن ساخله‌میێ و هه‌موو وه‌زاره‌تێن په‌یوه‌ندیدارێن گرێداى ب بابه‌تى ڤه كو هه‌ڤكاریا وه‌لاتیان بكه‌ن ،و ئه‌ڤ شه‌ڤه په‌یوه‌ندیێ ب جهێ خوه‌یێ كارى ڤه بكه‌ن بو هاریكاریكرنا وه‌لاتیان ، ب تایبه‌تى برینداران.
بڤێ هه‌لكه‌فتێ ژى سه‌روكاتیا ئه‌نجومه‌نا وه‌زیران ، پارێزگه‌هـ و سه‌رپه‌رشتیارێن ئێكه‌یێن كارگێرى سه‌رپشك بكه‌ن لسه‌ر بریاردانێ بو هه‌ر پێنگاڤه‌كا كو پێدڤى بیت بو هه‌ڤكاریكرنا بریندار و وه‌لاتیان. ل خودایێ مه‌زن داخواز دكه‌ین گیانێ قوربانیان بحه‌شتا به‌رین بیت و سه‌بر و ئارامیێ ب كه‌س و كارێن وان بده‌ت ، داخوازا چاكبوونێ ژى بو برینداران و سلامه‌تیێ بو وه‌لاتیان دخوازین.
ئه‌ڤرۆنيۆز، عه‌زيز هه‌ورامى
نه‌خوه‌شخانا هاوارهاتنێ ل هه‌له‌بجه راگه‌هاند، ل پارێزگه‌ها هه‌له‌بجه ژ ئه‌گه‌رێ بيڤه‌له‌رزا ئه‌ڤرۆ 50 كه‌س برينداربوون.
دياركر ژى، برينداربوونا وان كه‌سان ژئه‌گه‌رێ وێ چه‌ندێ بوو كو ده‌مێ بيڤه‌له‌رز رووداى، يێن به‌زين و دئه‌نجامدا يێن كه‌فتين وبرينداربووين.
خوياكر ژى، هنده‌ك ژ وه‌لاتيێن هه‌له‌بجه ژبه‌ر ترسا بيڤه‌له‌رزێ بێ هوش ببوون وهاتبوونه هنارتن بۆ نه‌خوه‌شخانێ.
هه‌ر ژ ئه‌نجامێ بيڤه‌له‌رزێ، چه‌ند ديوارێن خانيان هه‌رفتن.
هه‌ردو پارێزگه‌هێن سلێمانيێ و هه‌له‌بجه سوباهى كريه بێهنڤه‌دانا فه‌رمى ل داموده‌زگه‌هێن حوكمه‌تێ.
ئه‌ڤرۆ نیوز ، نه‌وزاد هلۆرى:
وه‌زاره‌تا ساخله‌میا توركیا دیاركر كو وه‌لاتێ وان به‌رهه‌ڤه ژ بوو هه‌موو جوره هه‌ڤكاریان ژ بو زیانڤێكه‌فتیێن بیڤله‌رزا هه‌رێما كوردستانێ.
ئه‌حمه‌د ده‌میرجان وه‌زیرێ سالخه‌میا توركیا د راگه‌هاندنه‌كێ دا دیاركر كو توركیا به‌رهه‌ڤه ژ بو هه‌موو جوره هه‌ڤكاریان ژ بو زیانڤێكه‌فتیێن باكوورێ عیراقى” هه‌رێما كوردستانێ ، كو ژ ئه‌گه‌را بیڤه‌له‌رزا ئه‌ڤ شه‌ڤ زیان پێكه‌فتى.
دهێته‌زانین كو ئه‌ڤ شه‌ڤه ل سه‌رانسه‌رێ ده‌ڤه‌رێن هه‌رێما كوردستان و هنده‌ك ده‌ڤه‌رێن رۆژهه‌لات و رۆژئاڤایێ كوردستانێ بیڤه‌له‌زره‌ك روویدا و ل باشوورى َكوردستانێ ژى چه‌ندین كه‌س بوینه قوربانى و زیانێن زورێن ماددى به‌ر وه‌لاتیان كه‌فتینه.
ئه‌ڤرۆنيۆز:
ژ روودانين سروشتى هژيانا ئه‌ردى وبيڤه له رزن، ئه ڤه هنده ك رينمايى نه ددەمێ پيڤەلەرز پەيدا دبن:
١-ل سەر خوبە وشاش نەبه
٢-هەكە تو ل مال بي يان ل قوتابخانێ، دەركه ڤه ژده رڤه هه كه تو (٥٠متران) ژ ده ركه فتنێ يێ دووربى، به‌لێ هه كه زيده تربيت، خوه ل ێيزيك ديواره كى يان ل بن ميزه كێ يان ره حله كى بپارێزه.
٣-خوه ژ په نجه ران دووربكه
٤-هه كه تو ل ده رڤه بى ژ ئاڤاهيێن بلند دووربكه‌ڤه
٥-هه كه تو دناڤ پاصێ دا بى، ل جهى خوه نه رابه هه‌تا شوفێر ترومبيێلێ ب راوه ستينيت
٦- ل ده مێ ترومبيێلێ دهاژوى ب ڤه مرينه وگوهدانا راديويێ بكه ورێنمايان ژێ وه رگره
٧-هه كه تو بشێى كاره‌بێ وغازێ ڤه مرينه
٨-خوه ب راكرنا كه لو په لانڤه مژوول نه كه چونكى ژيانا ته يا گرنگتره
٩- دناڤ جهێن بيڤه له رزێ خراب كرى نه‌گه‌رهه، چونكى دبيت جاره‌كادى بيڤه‌له‌رز لێ بده‌ت
١٠-گوهێ خوه بده شيره‌ت و ئامۆژگاريێن به ره ڤانيا باژێرى وهاريكاربه ل گه ل وان
١١- ل ناڤ ئاڤاهيێن خراب ل كه لوپه لان نه گه رهه وخوو دووربێخه ژشیفکاوجهێن سكرێن ئاڤێ وخوه دووربێخه ژ جهێن تۆرێن په‌يوه‌نديان لێ هه‌ين.
ئه‌ڤرۆ نيوز: ره‌وان نهێلى:
رێڤه‌به‌ريا گشتى يا كه‌شناسى و بيڤه‌له‌رزا ل هه‌رێمێ پشتى بيڤه‌له‌رزا ئه‌ڤ شه‌ڤه دياركريه : سێ بيڤه‌له‌رزا ل ده‌ڤه‌رێن مه دايه و ب سێ پلێن جودا كو سه‌نته‌رێن بيڤه‌له‌رزێ رۆژهه‌لاتا كوردستانێ بوويه ئانكو ل ده‌رڤه‌ى سنورێ هه‌رێما كوردستانێ بوويه، به‌لێ به‌هرا پتر ل سنورێ هه‌رێما كوردستانێ هه‌ست پێ هاتيه كرن و ل ده‌مژمێر 8:35 شه‌ڤ ب پلا 4.5 ب پيڤه‌رێ رێخته‌رى بوويه و ل ده‌مژمێر 9:18 ب پلا 7.2 ب پيڤه‌رێ رێخته‌ر بوويه و ل 9:28 ب پلا 4.6 ب پيڤه‌رێ رێخته‌ر هاتيه توماركرن.
ئه‌ڤرۆنيۆز:
بنگه‌هێ بيڤه‌له‌رزان يێ ئه‌مريكى پێشبينيێ دكه‌ت بيڤه‌له‌رزه‌كا دى ده‌مێ 24 ده‌مژمێرێن بهێت دا ل باژێرێ خورم ئاباد يێ ئيرانێ روو بده‌ت.
ل دووڤ وى بنگه‌هى، ئه‌و بيڤه‌له‌رزه دێ ل خورم ئاباد يا ئيرانى ده‌ت كو دكه‌ڤيته دناڤبه‌را هه‌له‌بجه و كه‌رمانشاه كو 30 كيلۆمه‌تران دوورى هه‌له‌بجه‌يه.
نيشاندان