ئه‌ڤرۆ نيوز:
بەرپرسێ لقا 14 مووسل یا پارتی دیموکراتی کوردستان دیارکر، پشتی نەمانا داعشێ دێ رێککەفتنا دووێ ھەبیت دناڤبەرا حکومەتا ھەرێما کوردستانێ ل گەل بەغدا لدور چاوانیا برێڤەبرنا وان دەڤەران، ب تایبەت ئەو دەڤەرێن سەر ب کوردستانێ ڤە، ژبەرکو ئەوا ھاتیە کرن بەری نھا رێککەفتنەکا لەشکری بو د ناڤبەرا ھەرێم و بەغدایێ دا، ھەر چەندە ھەرێما کوردستانێ دووپاتکریە کو رێکەفتنەکا سیاسی ل گەل رێککەفتنا لەشکری ھەبیت،بەلێ بەغدا داکوکی کرن کو زێدەتر رێککەفتن یا لەشکەری بیت.
عسمەت رەجەب بەرپرسێ لقا 14 مووسل بو رۆژناما ئەڤرۆ راگەھاند، ھەکە بھێین مووسل پارچە بکەین دھێت پارچەکرن ل سەر دوو لایان ڤە بەشێ ئێکێ دناڤ باژێرێ مووسل حکومەتا خوجە یا ھەی لێ ئەو حکومەت د ئاست دا نینە کوب شێت باژێرێ مووسل ب رێڤە ببەت، دوو ھەبوونا ئەو زۆرداریا ھێزێن لەشکری و ئەمنی ئەڤ زۆرداریە جھەک نینە سەرپەرشتیا وان بکەت، ھەر ئێک ژ لایێ خوڤە بریاردێ دەت دبیتە مەزنترین ئالۆزی بو باژێرێ مووسل و ھەبوونا حەشدا شەعبی د ناڤ باژێرێ مووسل دا و دەرڤەی باژێرێ مووسل ل دەشتا مووسل ب رابوونا وان وەکو ھندەک کریارێن نەرەوا وەک کریارێن دزیکرنێ و لدوڤ وان راپورت و ئامارێن ھەی یێن گازندێن خەلکێ وان دەڤەرا دنھا دا دناڤ مووسل دا دەوروبەرێن مووسل کریارێن دزیێ گەھشتیە د ئاستەکێ بلندا کو پتری ژ 70% کو ل سەر دەمێ داعش ل وان دەڤەرا بوینە و تالان و رەڤاندن ژی یا پەیدا بوی خەلکەکی دکوژن ل سەر مەسەلێن سیاسی و یێن ئەمنی ئەڤە ھەموو کێشەنە دناڤ باژێرێ مووسل بو خەلکێ لێ ئاکنجی بەشێ دی ل دەرڤەی سەنتەرێ مووسل وەک “دەشتا مووسل” ھندەک دەڤەر دەستێ پێشمەرگەی دانە ئیدارەیەکا باش لێ دھێات کرن ژلایێ ئیدارا حکومەتا ھەرێما کوردستانێ ڤە ئەو دەستھەلاتا ھەی ژلایێ پێشمەرگەی دەزگایێن ئەمنی ڤە دەڤەرەک گەلەک ئارام لێ دروست بویە ژیان ب ئاسایی یو خەلک بتمامی زڤریە سەر گوندێن خو بەرنامە ھەیە ژلایێ حکومەتێ ڤە ب ھەماھەنگی ل گەل رێکخراوێن بیانی بو دوبارە زڤرینا ژیانێ ل وان دەڤەرا، دەڤەرێن دی یێن دەرڤەی ساترێ پێشمەرگەی دەستێ حەشدا شەعبی دانە مخابن ب ھەبوونا ھێزێن حەشدا شەعبی لدویڤ وێ رێککەفتنێ نەبویە یا ھاتی ئیمزاکرن د ناڤبەرا حکومەتا ھەرێما کوردستانێ و حکومەتا بەغدا دەمێ پلان ھاتی دارێژتن بو رزگارکرنا وان دەڤەرا بریار ئەڤە بویە کو ئەو جھێن پێشمەرگە رزگارکەت ژوی سنوری دەشتا مووسل لەشکرێ عێراقێ لێ دەربازی بو ناڤ باژێرێ مووسل بیت کو ھەر پێنگاڤەک بچیتە پێش لەشکرێ عێراقێ ئەو جھێن مینیتن حەشدا عەشائیری ژوان حەشدێن ھاتین دروستکرن رێککەفتن د ناڤبەرا حکومەتا عێراقێ و بەغدا و ھێزێن ھەڤپەیمان ھاتیە لێ مخابن دەلیڤە نەھاتیە دان بۆ وان حەشدا عەشائیری حەشدا شەعبی ھاتیە وان دەڤەرا کۆنترول کەت دەستھەلاتێ ل سەر دکەت وەکو تەێەرفات نە جھێ رازی بوونا خەلکی یە دڤێن خو فەرزکەن ل سەر دەڤەرێ کێشەیا دروست کەت بەرنامێ وان یێ سەرەکی ئەوە گوھۆڕینا دیموگرافی بکەن، تایبەت وان دەڤەرێن مەسیحیا وەکو تللکێف و بەرتللە و قەرەقوش و دیسان خو فەرزکرن نابیت کەسەک دی وان دەڤەران ل گەل لایەنەکێ کوردستانی پەیوەندی ھەبیت قەدەغەیە ناڤێ کوردستان لێ بھێت کارئینان وان دەڤەران ھەمان سیاسەتا یێن کو بەری 2003 بەرامبەری کوردان بکاردئینن ئەڤە ھەموو بویە جھێ نەرازیبونا خەلکێ وان دەڤەران.
ناڤبری لدۆر پروسا ریفراندومێ ل وان دەڤەرێن دەرڤەی دەستھەلاتا پێشمەرگەی ئاشکرا کر کو بەری ڤێ بڕیارێ و داگیرکرنا دەڤەرێ ژلایێ داعش ڤە خەلکێ دەڤەرا دەشتا مووسل ھەموویان پێکڤە ئەڤ داخازی ھەبوو کو ئەڤ دەشتە ببیتە پارێزگەھەک جودابیت ل پارێزگەھا مووسل ئەڤ پارێزگەھە ببیتە پشکک ژ ھەرێما کوردستانێ، لێ دەرفەت دروست نەبوو ژبەر داعش لێ ئەڤ بوچوونە یا ھەی ھێشتا دناڤ خەلکێ دەشتا مووسل ،بۆ پشکداریا دپرۆسا بەلێ بۆ ریفراندوم ب سروشتی لدوڤ ئەو پێزانین گەھشتینەمە کو ئەو بابەتێن ریفراندوم ببیتە جھێ ئەمنیەتێ ل دەشتا مووسل، خەلکێ دەشا مووسل ھەموو پێک ھات و گوندێن خوڤە داخازی یێن کرین ب رێکێن موختارا و جڤاتێن دەڤەرێ داخازێن خو نڤیساینە بو جڤاتێن ناحیا و قەزا کو بڕیار بدەن ئەو پشکداری پروسا ریفراندۆمێ بن، لێ ھەتا نوکە ئەو ژی قەزا تللکێف و وانکێ و باشیک بڕیاردایە کو پشکداربن ل ڤان نێزیکان ناحیا بەرتللە و قەزا قەرەقوش دێ بڕیارێ لسەر پشکداریا خوە دەن، وێرێ ئەم دێ چاڤەرێ بین ئالیەت دێ ب شێوەبیت بنگەە و سندوقێن دەنگدانێ دێ ل کیڤەبن ل کیش دەڤەرێ بیت چاڤەرێ رێنمێن لژنا بلند یا ریفراندومێ ینە ژبەرکو حەتا نھا چ خەلکی خو دیار نەکریە کو بەشدار نەبیت بتنێ حەشدا شەعبی یێ خەلکی ھاندەت کو بەشدار نەبیت .
ناڤبری لدور نەڤەگەریانا خەلکێ دەشتا مووسل بو سەر جھێن خو گوت نەڤەگریانا مەسیحیان بو دەشتا مووسل ژبەر رەفتارێن نەیێن جوان و سیاسەتا حەشدا شەعبی نەیا باوەریێ یە ئوو شیان نینن بشێت ژیانا کریستیانێن دەڤەرێ پارێزیت لبن دەستھەلاتا پێشمەرگەی ھەموو کریستیان زڤرینە بو سەر جھێن خوی ێن دەرڤەی ساتری وەکو تلکێف رێژا بیانیان نە کریستیان گەھشتینە 95% ھەموو عەرەبن مەسیحی نەشێن زڤرن ژبەر ھاتنا عەرەبا بو دەڤەرێن وان و رێگریا حەشدا شەعبی سەرەدەریا وان دگەل وان عەرەبێن ھاتین سەر جھێن وان دیسان بەرتللەو قەرەقوش رێژەکا کێم زڤرینە نەڤەگەریانا وان ب وجھێن خو زڤریت بو سەرەدەریا حەشدا شەعبی مایێ خو وان دکەت گەھشتیە وی ئاستی کو مایێ خو ب ئاریشێن وان یێن کومەلایەتی دکەت ،
عسمەت رەجب ھەروەسا لدور مەترسیا حەشدا شەعبی ل سەر کوردستانێ گوت: حەشدا شەعبی ھەکە رێکێ بگری تکو کەسەک ب جلکێن کوردی ھاتنوچونێ بکەت و زمانێ کوردی پاخڤیت یان بێژیت ئەس لاینگرم سەر پارتەکا کوردی یان ئەڤ دەڤەرە کوردستانی نە بێژیتە وان ئەڤە ئەکید بو ھندێ یە کو دڤێت کێشە دروست بیت بو دەڤەرێن پێشمەرگە دەستەھلاتێ لێ دکەن دپارێزن .
بەرپرسێ لقا مووسل زێدەتر گوت: ئەم وەک پارتەکا سیاسی مە ماف ھەیە ل ھەموو جھان پارچێن پارێزگەھا مووسل حەتا عێراقێ ژی کاروچالاکێن خو ئەنجام دەین لەوما مە دیدار ھەنە ھەموو پێک ھاتێن ناڤ مووسل و دەوروبەر ج تورکمان و مەسیحی و ئیزدی و عەرەب بن بو ھندێ یە بو زێدەتر خوشکرنا پەیوەندیان لدور رەوشا ئەمنی ئەڤە گرێدایە دناڤبەرا حکومەتا بەغدا و حکومەتا کوردستانێ پشتی دووماھیک ھاتنا ھەمو دەڤەر دەستێن داعش دەرکەڤن دێ جەولا دووێ ھەبیت یا حکومەتا ھەرێما کوردستانێ گەل بەغدا چاوانیا برێڤەبرنا وان دەڤەرا تایبەت ئەو دەڤەرێن سەر ب کوردستانێ ڤە ژبەرکو ئەوا ھاتیە کرن رێکەفتنەک لەشکەری بو دناڤبەرا ھەرێم و بەغدا ھەر چەندە ھەرێما کوردستانێ تەکید کر کو رێکەفتنەک سیاسی ھەبیت دگەل رێکەفتنا لەشکەری بەلێ بەغدا تەرکیز کر کو زێدەتر رێکەفتن سەر لەشکەری بیت ھاتنا ڤێ رەوشا ئەمنی ژی باوەردکەین دێ روینشتن ھەبیت د بەرنامێ پلان دانانانەکێ بو وان دەڤەرێن ھاتین رزگارکرن ژلایێ ھێزێن پێشمەرگەی و لەشکەرێ عێراقێ ڤە.
نيشاندان
