ئەڤرۆ نیوز ، نەوزاد هلۆری:

دەمەک بەریا نها فروکێن شەرکەرێن تورکیا ئاسمانێ باشوورێ کوردستانێ بەزاند و چیایێ کورەژار ل هنداڤا ناحیا شێلادزێ ل سنوورێ دەڤەرا ئامێدیێ بوردومانکر.
دڤی واریدا برقی ئیسلام وەڵاتیەکێ شێلادزێ یە بو ئەڤرو نیوز گۆت: ( دەمژمێر 12:30 ئەڤرو فروکێن تورکیا ب بهانەیا هەبوونا بارەگایێن پەکەکێ چیایێ کورەژار ل هنداڤا سەنتەرێ باژێرێ شێلادزێ بوردومانکر و ترسەک لدەف خەلکێ دەڤەرێ دروستکریە و ئاگر بەربویە چیایێ کورەژار و پوش و پاوان و رێژەیەکا زورا داروباری و دارستانێ هاتیە سوتن و ئاگر ژی بەردەوامە)
زێدەتر گۆت: (فروکێن تورکیا دوو جاران چیایێ کورەژار بوردوامانکرد ، بەلێ هەتا نها ناهێتە زانین کا چ زیانێن گیانی هەنە یان نە)

ئەڤرۆ نیوز ، هلوری:
ئەڤرۆ ئێڤاری سەرۆک بارزانی ل پیرمام پێشوازی ل قوتابیێن ئێکەم لسەر ئاستێ هەرێما کوردستانێ کر و د دیدارەکێ دا راگەهاند کو جهێ شانازیێ یە دناڤ ئێکەمان دا کچەکا شەهیدی هەیە.

مەسعود بارزانی سەرۆکێ هەرێما کوردستانێ پێشوازی ل هەموو قوتابیێن ئێکێ لسەر ئاستێ کوردستانێ کر و د دیدارەکێ دا دیارکر کو ئەو زور دلخوشە کو هژمارەکا کچ و کورێن کوردستانێ بوینە یێن ئێکێ و ب تایبەتی کو هژمارەکا زۆر ژ وان کچن و گۆت: ( جهێ شانازیێ یە کو ناڤ ئێکەمان دا کچەکا شەهیدی هەیە و بڤێ یەکێ ژی هەوە روحا شەهیدی ب ئەنجامێن خوە دلخوشکرن و هون جهێ شانازی و سەرکەفتنێ نە)
هەڤدەم سەرۆک بارزانی پشتەڤانیا خوە بو هەموو قوتابیان دوپاتکر داکو بەردەوام بن ێسەر خواندنا خوە و دەستڤەئینانا اوەرنامەیێن باش ل ئاست نمرێن وان.
ژلایەکێ دنڤە هەردوو قوتابیێن ئێکێ بناڤێ هەموو قوتابیان سوپاسیا سەروک بارزانی کر بۆ ئەوێ پیشوازیا کو ل وان کری و سوپاسیا هەموو ماموستا و کەس وکارێن خوە و هەموو پێشمەرگێن قارەمان کر کو بوینە ئەگەر ئەو نمرێن بلند دەستخوڤە بینن و سوزدا کو لسەر خواندنا خوە بەردەوام بن بو خزمەتا گەل و وەلات.

ئه‌ڤرۆ نیوز،عه‌زیز هه‌ورامانی:
پارێزەرێن پارێزگەهێن سلێمانیێ و هەلەبجە و کارگێریا گەرمیان ل بەرامبەر دادگەها سلێمانیێ د بەیاننامەیەکێ دا پشتەڤانیا خوە بو ریفراندۆمێ دیارکر و پاشان کەمپینەک ژی بو پشتەڤانیا ریفراندۆمێ راگەهاند.

پارێزه‌ران د به‌ياننامه‌كێ دا كو 233 ئيمزا ل سه‌رن، داخواز دكه‌ن ريفراندۆم ل رێكه‌فتى 25ى تيرمه‌ها 2017ێ بهێته‌ ئه‌نجام دان.

ديسان د ڤێ به‌ياننامێ دا هاتيه‌: “ئه‌م دێ ده‌نگ ب به‌لێ ده‌ين د پێناڤى ده‌وله‌ته‌كا مه‌ده‌نى و ديموكراتى دا”، هه‌ڤده‌م ئاماژه‌ ب وێ چه‌ندێ ژى كريه‌ كو “چو جاران ره‌وشا كوردستانێ هنده‌ يا گۆنجاى نه‌بوويه‌ بۆ ده‌وله‌ته‌كا سه‌ربه‌خۆ”.

ئه‌و پارێزه‌ر داخوازێ ژ لايه‌نێن سياسى ژى دكه‌ن كو ده‌ستێ ئێكدۆ بگرن، ئێك هه‌لويست بن ل سه‌ر پرسێن چاره‌نڤيسساز.

رێکخەرێ ئەوێ کەمپینێ بو ئەڤرۆ نیوز گۆت: (ئەم وەکو پارێزەرێن خوبەخش ل پارێزگەهێن سلێمانیێ و هەلەبچە و کارگێریا گەرمیان پشتەڤانی و کەمپینەکێ بو سەرئێخستنا پوسەیا ریفراندۆمێ رادگەهینین و داخوازێ ل هەموو لایەنێن سیاسی دکەین کو کار بۆ سەرئێخستنا ریفراندۆمێ بکەن)
زێدەتر گۆت: (ریفراندۆم پرسەکا نیشتمانیە و مافێ چوو کەس و لایەنێن سیاسی نینە کو بکەن پرسەکا تایبەت و ب کەس و لایەنەکێ ڤە گرێدەن، کەمپینا مە دێ یا بەرفرە بیت و دێ هەموو کوردستانێ ب خوڤەگریت).