ئه‌ڤرۆ نیوز ، نه‌وزاد هلۆرى:
ئه‌ڤرۆ وه‌لاتیێن كه‌ركوك و هه‌ولێر ل به‌رامبه‌ر قونسولخانا ئه‌مریكا ل هه‌ولێر خرڤه‌بونه‌كا نه‌رازیوبونێ ئه‌نجام دا و داخوازكر كو ئه‌مریكا به‌رامبه‌ر ده‌ستدرێژیێن حه‌شد شه‌عبى بێده‌نگ نه‌بیت و حه‌شد كه‌ركوك و ده‌ڤه‌رێن وان ده‌ركه‌ڤن.

ئاسو كه‌ریم ئێك ژ رێكخه‌رێن ئه‌وى َخرڤه‌بوونێ بو ئه‌ڤرۆ نیوز گۆت: ( ئه‌ڤرۆ وه‌لاتیێن كه‌ركوك و هه‌ولێر و هژماره‌كا رێكخراوێن جڤاكێ سڤێل رابوون ب ئه‌نجامدانا خرڤه‌بونه‌كا نه‌رازیبونێ به‌رامبه‌ر قونسولخانا ئه‌مریكا ل هه‌ولێر ئه‌نجامدا و تێدا داخواز ل ئه‌مریكا كر كو به‌رامبه‌ر زێده‌گاڤیێن حه‌شد شه‌عبى بهێنه‌ ده‌نگ ژبه‌ركو ب چه‌كێ ئه‌مریكا وه‌لاتیێن سڤێل دهێته‌ شه‌هدیكرن و ئه‌ردێن وان د هێنه‌ وه‌رگرتن كو ئه‌ڤ یه‌ك ژى دژى بنه‌مایێن مرۆڤایه‌تى یه‌)

زێده‌تر گۆت: ( هێزێن حه‌شد شه‌عبى ب چه‌كێ ئه‌مریكى و ب هه‌ڤكاریا ئیرانێ و قاسم سلێمانى مالێن خه‌لكى تالان دكه‌ن و خه‌لكى رسوا دكه‌ن )

ئه‌ڤرۆ نیوز ، هلۆرى:

پارێزگارێ هه‌ولێر د كونگره‌یه‌كێ رۆژنامه‌ڤانى دا دیاركر كو چوو هه‌ره‌شه‌ و مه‌ترسى بو سه‌ر هه‌ولێر نینن و بزاڤێن خورت هه‌نه‌ كو دانوستاندن دناڤبه‌را هه‌رێم و عیراقێ بهێنه‌كرن ، و  دیاركر ژى كو ئه‌ڤا كو ل كه‌ركوكێ درۆست بووى ل چوو ده‌ڤه‌رێن هه‌رێما كوردستانێ درۆست نابيت.
نه‌وزاد هادى پارێزگارێ هه‌ولێر دكونگره‌یه‌كێ رۆژنامه‌ڤانى دا دیاركر كو چوو مه‌ترسى لسه‌ر هه‌ولێر نینن و گۆت: ( دنهادا بزاڤێن خورت دهێنه‌كرن كو دانوستاندن دناڤبه‌را هه‌ولێر و به‌غدا ب چاڤدێریا ئه‌مریكا و ب پشتبه‌ستن ب ده‌ستوورێ عیراقێ بهێنه‌كرن ، و نها چوو هه‌ره‌شه‌ و بریار نینن كو هێز ب ئاراسته‌یێ هه‌ولێر بهێنه‌ لڤاندن)
زێده‌تر گۆت: ( پێدڤى یه‌ ده‌زگه‌هێن راگه‌هاندنێ ب راستگویانه‌ كار بكه‌ن و ده‌روونێ خه‌لكى تێك نه‌ده‌ن و ب به‌رپرسیارانه‌ كار بكه‌ن و هه‌لویستێن كوردایه‌تى به‌لاڤ بكه‌ن)
پارێزگارێ هه‌ولێر دیاركر ژى كو ئه‌ڤا كو ل كه‌ركوكێ درۆست بووى ل چوو ده‌ڤه‌رێن هه‌رێما كوردستانێ درۆست نابن و گۆت ژى: ( ئه‌ڤ شه‌رێ كو ل ناحیا پردێ دهێته‌كرن ئه‌وه‌ كو حه‌شد شه‌عبى دخوازیت داگیر بكه‌ت ژ به‌ركو پردێ ناحیه‌كا كه‌ركوكێ یه‌ ، بریار لسه‌ر گرتنا وێ هاتیه‌دان ژلایێ عیراقێ)

ئه‌ڤرۆ نیوز ، هلورى:
فه‌رمانده‌یا گشتى یا هێزێن پێشمه‌رگێ كوردستانێ راگه‌هاندنه‌ك به‌لاڤكر و دیاركر كو ئه‌ڤرۆ ب هه‌ڤكاریا توپخانه‌یێن ئیرانێ هێرشه‌كا به‌رفره‌هـ بو سه‌ر پێشمه‌رگه‌ى هاتیه‌كرن.
فه‌رمانده‌یا گشتى یا هێزێن پێشمه‌رگێ كوردستانێ د راگه‌هاندنا خوه‌ دا دیاركر كو میلشیاتێن حه‌شد شه‌عبى ب چه‌كێ ئه‌مریكى و ب پشكداریا توپخانه‌یێن ئیرانێ هێرشه‌كا به‌رفره‌هـ كریه‌ سه‌ر هێزێن پێشمه‌رگه‌ى ل پردێ ، و نها هه‌موو هێرشێن وان هاتینه‌ شكاندن و 10 هه‌مه‌ر و تانكێن ئه‌مبرامزیان هاتینه‌ ژناڤبرن.
د راگه‌هاندنا وان دا هاتیه‌ ژى كو د روو ب روو بوونان دا هێزێن پێشمه‌رگێ كوردستانێ ب قه‌هره‌مانى به‌ره‌ڤانى و شه‌ره‌كێ مه‌زن توماركریه‌.

ل گوره‌ى هه‌مان راگه‌هاندنێ ئه‌ڤ هێرشا حكومه‌تا عیراقێ ئاماژه‌یه‌ كو دخوازیت هه‌تاكو دوماهیا سنوورێ كارگێریا پارێزگه‌ها كه‌ركوكێ بچیت و بگریت.

ئه‌ڤرۆ نیوز ، هلورى:
پشتى كو ئه‌ڤرۆ هێزێن حه‌شد شه‌عبى به‌ر ب ئاراسته‌یێ ناحیا پردێ ل نێزیك كه‌ركوك ده‌ست ب هێرشه‌كێ كرى ، هێرشا وان ب توندى ژلایێ هێزێن پێشمه‌رگه‌ى هاته‌ شكاندن و زیانێن زور ژى ب وان گه‌هاندن.

ژێده‌رێن پێشمه‌رگه‌ى دده‌ن دیاركرن كو ئه‌ڤرۆ سپێدێ حه‌شد شه‌عبى به‌ر ب ئاراسته‌یێ ناحیا پردێ پێشروى كرن و بومبه‌بارانا ده‌ڤه‌رێ كر به‌لى َد پشترا هێزێن پێشمه‌رگه‌ى ل وان هاتنه‌ ده‌نگ و ب توندى به‌رسڤا وان دا و هێرشا وان ژى ب ته‌مامه‌تى شاند و زیان ژى ب وان گه‌هاندن.
ل گوره‌ى زانیاریان هه‌شت ترومبێلێن گوله‌نه‌برێن هه‌مه‌ر ژناڤبرینه‌ و ل داویێ نه‌چاربوون ڤه‌كێشن و ب ره‌ڤن.

ئه‌ڤرۆ نيوز:

هێرش كره‌ سه‌ر زالگه‌ها چيمه‌ن ل كه‌ركووك و ئالايێ عيراقێ ئينا خوار.

بازگه‌ها چيمه‌ن دكه‌ڤيته‌ سه‌ر رێيا سلێمانى – كه‌ركووك و دكه‌ڤيته‌ نێزيك ناڤه‌ندا باژێرى.

پێزانينێن زێده‌تر…