ئهڤرۆ نیوز:
هنارتیێ سهرۆكێ ئهمریكا د ههڤپهیمانیا دژی داعشێ دا راگههاند: نها بتنێ 10% یا ئاخا ئیراقێ كو دهمهكی د بن كونترۆلا داعشێ دا بوو، د دهستێ داعشێ دا مایه.
برێت مهكگۆرك گۆت: پشتی سهركهفتنا هێزێن ئیراقێ ل تلهعفهرێ، رێژهیا دهڤهرێن داعشێ ل ئیراقێ ژدهست دای گههشته 90%، نها بتنێ 10% مایه د بن كونترۆلا وێ رێكخستنێ دا، ل نێزیك دێ 100% ژدهست دهت.”
نووترين نووچه
- پیرۆزباهییا جەژنا ئەكیتۆ ل كلدان – ئاشووری و سریانان كر
- سەرۆككۆمارێ ئیراقێ و شاندەكێ پارتی دوپاتی ل سەر ب هێزكرنا پەیوەندییێن بەغدا و هەولێرێ كر
- كریارێن گرۆپێن ژ یاسایێ دەركەفتین ئیراقێ بەر ب هەلدێرێ دبن
- فشارێن ئابووری و بڕینا مووچەی شێوازێ نوو یێ شەڕێ بەغدایە دژی هەرێمێ
- ئەم پشتەڤانێن هەرێما كوردستانێ نە دژی تیرۆرێ
- هەرێما كوردستانێ دشێت داخوازا پاراستنا نێڤدەولەتی بكەت
- سەرۆك بارزانی: دڤێت چارەسەرییەكا جدی و ئێكلاكەر بۆ ڤان جۆرە هێرشان بهێتە دانان
- نێچیرڤان بارزانی: هێرشێ پێگەهێ دەستووری یێ سەرۆكێ هەرێما كوردستانێ كریە ئارمانج
- هێرشا درۆنی ل سەر مالا سەرۆكێ هەرێما كوردستانێ كارڤەدانێن بەرفرەهـ ل دووڤ خوە ئینان
- سهرۆكوهزیرێن ئیراقێ لژنەیەك بۆ دووڤچوونا هێرشكرنا سهر مالا سەرۆکێ هەرێمێ ل دهۆكێ پێكئینا
سهرهكى نووترين نووچه
ئاكهپێ ژ خهلكێ توركیا خواست جهژنا سێ ئالییان پیرۆز نهكهن
ئهڤرۆ نیوز:
جێگرێ سهرۆكێ پارتا داد و گهشهپێدانێ ئاكهپێ ل توركیا ژ خهلكێ وی وهلاتی خواست جهژنا ئالیێن سهر ب تهڤگهرا فهتحولا گیولهن و پارتا كاركهرێن كوردستانێ پهپهكێ و رێكخستنا تیرۆرستییا داعشێ ڤه پیرۆز نهكهن.
موستهفا ئهلیتاش جێگرێ پارتا ئهردۆگانی ئاكهپێ ل قهیسهریێ پشكداری رێورهسمهكێ گرێدایی جهژنا قوربانی بوو و ژ ئالیگرێن ئاكهپێ خواست جهژنا ئالیگرێن پهكهكێ و گیولهن و داعشێ پیرۆز نهكهن.
مالیکی پێشوازی لێکر – عیراق بەری وەخت ئاگەھدارێ ھاتنا داعش بويه ، بو سنوورێ وێ
ئەڤرۆ نیوز ، ھلۆری:
حزبوللایا لوبنانی دیارکر کو عیراقێ بەری وەخت ئاگەھدارێ ھاتنا چەکدارێن داعشێ یە بو سنوورێ خوەو بو ڤێ مەرەمێ ژی رێکەفتنەک دناڤبەرا سوریا و حزبولا و رێکخراوا تیرورستی یا داعش بو ڤەگوھاستنا چەکدارێن داعش ژ سنوورێن لوبنان بو دەڤەرا ئەلیوکەمال لسەر سنوورێ عیراقێ ھاتیەکرن.
سکای نیوز دیارکر کو یراق ئاگەھدارە و زانیاریێن بەری وەخت ھەبوونە ل بارا ھاتنا چەکدارێن داعش ل سنوورێ لوبنان بو سنوورێ عیراقێ و گۆت: (عیراق چاڤدێریا لڤینێن داعش ل سەر سنوورێن عیراقێ دکەت و ل گەل ڤێ یەکێ ژی بەری وەخت زانیاری ھەبوینە ل بارا ڤەگوھاستنا چەکدارێن داعش ژ لوبنان بو دەڤەرا ئەلبوکەمال لسەر سنوورێ عیراقێ و بو ڤێ مەرەمێ ژی رێکەفتنەک دناڤبەرا ھەموان دا ھاتیەکرن)
ئەڤرۆ نوری مالیکیپشتەڤانیا رێکەفتنا دناڤبەرا حزبوللا و سوریا و داعشێ کر و گۆت: (ڤەگوھاستنا چەکدارێن داعش بو سەر سنوورێ عیراقێ و دەڤەرا دێرەزور پشکەکە ژ ستراتیجیەدا ژناڤبرنا تیرورێ و کارەکێ باشە کو حزبوللایێ کری )
قەیران و گرانبوونا بەنزینێ نینە – شڤێدی ملیون لیترێن بەنزینێ گەشتنە دھۆک
ئەڤرۆ نیوز ، نەوزاد ھلۆری:
شەڤا بوری دەنگویا نەمان و گرانبوونا بەنزینێ و درۆستبوونا سرایێ ل چەند بەنزینخانەیەکێن سنوورێ پارێزگەھا دھۆک درۆست بو ، بەلێ ئەندامەکێ ئەنجومەنا پارێزگەھا دھۆکێ دوپاتکر کو چوو قەیرانێن بەنزینێ و گرانبوونا بەنزینێ ل دھوکێ درۆست نەبوینە.
دیندار عەبدی ئەندامێ ئەنجومەنێ پارێزگەھا دھۆک دیارکر کو چوو قەیرانێن گرانبوون و نەمانا بەنزینێ ل پارێزگەھا دھۆک نینن و گۆت: ( ھەر شڤێدی مە دووڤچوون لسەر وان دەنگویان کرن ئەڤێن کو ل بارا گرانبوون و نەمانا بەنزین و درۆستبوونا سرایێ کری ، بەلێ دەرکەفت چوو راستی بوو نینن و رۆژانە رێژەیەکا زورا بەنزینێ دھێتە دھۆک و ھەر تنێ شڤێدی ئێک ملیون لیترێن بەنزینێ گەھشتنیە بەنزینخانەیێن دھۆک و لسەر بەنزینخانەیان ژی ھاتینە دابەشکرن)
زێدەتر گۆت: ( رێژەیەکا زورا بەنزینێ ل کوگەھێن پارێزگەھا دھۆک ھاتینە خەزنکرن )
پێشتر عوسمان ئێتوتی بو ئەڤرۆ نیوز دیارکر بو ئەگەر خوە قەیران ژی درۆست ببیت ئەو دکارن بو دەما ٤٠ روژێن قەیرانێ ژی بەنزینێ لسەر بەنزینخانەیێن دھۆکێ دابەش بکەن و گۆت: ( رۆژانە بێی گیروبوون بەنزین دھێتە دھۆک و ئەم ل گەل ھەموو لایەنێن پەیوەندیدار و خودانێن بەنزینخانەیان ژی کومبووینە ، و دیسان مە داخوازی ل کومپانیێن زێدەتر کریە کو بەنزینێ بو دھوک بینن)
هێرشا بارسێلۆنا و رێفراندۆما كهتهلۆنیا چ پهیوهندی ههبوو؟
ئهڤرۆ نیوز; ڤهدهر رهشاڤای:
پارتێن جوداخواز یێن ههرێما كهتهلۆنیا د رژدن ل سهر رێفراندۆما سهرخوهبوونا وێ ههرێمێ ژ سپانیا ل چرییا ئێكێ یا ئهڤ ساله، سپانیا ژی وێ گاڤا كهتهلۆنیا ب نهقانوونی ددانیت.
د دهمهكی دا گهرمهگهرما مژارا سهرخوهبوونێ ل ههڤدهی ڤێ مههێ ل جادهیا كهتهلۆنی دهست پێ كربوو، هێرشێن تیرۆرستی ل بارسێلۆنا یا پایتهختا كهتهلۆنیا هاتنه كرن و د ئهنجام دا 16 كهس هاتنه كوشتن و بدههان كهس بریندار بوون، وێ یهكێ ژی سوحبهتا رێفراندۆمێ بۆ دهمهكی ژ بیرا خهلكێ وێ ههرێمێ بر.
ههرچهنده داعشێ بهرپرسیارییا خوه ژ وان هێرشان راگههاند، لێ سهركردهیێ كهتهلۆنیا وهك ئاماژهك بۆ پیلانگێرییا سپانیا دژی رێفراندۆمێ، حكومهتا ناڤهندی سووچبار كر كو بۆدجهیێ هێزێن ئێمناهیێ ل ههرێما وی كێمكرییه لهورا ئهو هێرش پهیدا بوون.
كارلس پۆجدیمۆند، سهرۆكێ كهتهلۆنیا گۆت: مه ژ وان خواست یاریێن سیاسێ ب ئاساییشێ نهكهن، مخابن حكومهتا سپانیا پێشترینیێن دی ههنه.
راخۆی، سهرۆكوهزیرێن سپانیا ژ ئالیێن كار بۆ جودابوونا كهتهلۆنیا ژ سپانیا دكهن خواست دهست ژ پلانێن خوه بهردهن، ههروهسا گهف ل ئالیێن رێفراندۆمێ رێكدئێخن كر كو دێ هێنه سزادان ژبهركو دادگههێ ئهو رێفراندۆم ب نهقانوونی بناڤ كرییه.
ههروهسا سپانیا خهلكێ كهتهلۆنیا دترسینیت كو د گهل جودابوونێ ئێدی كهتهلۆنیا پشكهك نابیت ژ ئێكهتییا ئهورۆپا و ئهو ئێكهتی هاریكارییا وێ ناكهت.
كهتهلۆنیا سوپایێ خوه نینه لێ پلانا خوه دانایه بۆ چێكرنا هێزهكێ و راگههاندییه: ههكهر دهنگێ “بهلێ” بسهركهفیت د دهمێ 48 دهمژمێران دا دێ سهرخوهبوونێ راگههینیت، پێدڤییه وی دهمی سوپایێ سپانیا ژ ههرێما وان دهركهڤیت و ئێدی دهستههلاتا شاهانه یا سپانیا ژی ل سهر خوه قهبوول ناكهن.
ههروهسا كهتهلۆنیا ئاماژه دكهت و دیار دكهت: ههردهما سپانیا بۆ سهرخوهبوونێ دانوستانان د گهل وان نهكهت ئهو پشكهك نابن ژ دانا قهرێن كو چهندین ساله ژبهر قهیرانا ئابۆری ل سهر سپانیا كۆم بووی.
سهرۆكێ كهتهلۆنیا ژی راگههاندییه ههردهما نهخێر سهركهفت ئهو خوه دوباره بهربژار ناكهت.
دهستوورێ سپانیا رێ ب حكومهتا ناڤهندی ددهت كهتهلۆنیا نهچار كهت دهست ژ رێفراندۆمێ بهردهت.
ل سالا 2014ێ ژی كهتهلۆنیا رێفراندۆمهكی بۆ مافێ چارهنڤیسی كربوو و 80% ب بهلێ دهنگ دابوو، سپانیا ب بههانهیێن جودا شیا ئهنجامێن رێفراندۆمێ ئالۆز بكهت و رهت بكهت، لێ پشتهڤانێن سهرخوهبوونێ دهست ژ بزاڤێن خوه بهرنهدا و د بهردهوامن.
دیمستورا پێشنیازهكا دیرۆكی بۆ كوردان ل سووریێ كر
ئهڤرۆ نیوز:
هنارتیێ نهتهوهیێن ئێكگرتی ل سووریێ پێشنیاز کر، ھەكەر سیستەمێ دەستھهلاداریێ ل سووریێ ناڤەندی بیت، دڤێت مافێ ڤیتۆ یێ ژ بۆ کوردان ھەبیت، ل دژی ھەر بریارەکە حکوومەتا ناڤەندی.
دیمستورا ئهو یهك بۆ ئالیێن دانوستانكار یێن سووریێ ل جنێڤێ پێشنیاز كرییه و خواستییه د دهستوورێ نوو یێ سووریێ دا بهێته بنهجهكرن.
بارزانی – دەولەتا کوردی دێ دەولەتا پێکڤە ژیانا ئاینی و نەتەوەیی بیت
ئەڤرۆ نیوز ، ھلۆری:
ئەڤرۆ سەرۆکێ ھەرێما کوردستانێ مەسعود بارزانی ل گەل ماموستایێن زانکویێ ل ھەولێر کومبوو ، و د کومبوونێ دا بەحس ل سەر چەند تەوەرەکێن گرنگ کر و دوپاتکر کو ریفراندۆم دێ ل دەما خوە دا ھێتە ئەنجامدان.
بارزانی د کومبوونا ل گەل ماموستایێن زانکویێ گۆت: ( ب چوو رەنگان پاشڤە نازڤرین ل بارا ئەنجام نەدانا ریفرندۆمێ ، بەلکو دێ د دەمێ خوە دا ھێتە ئەنجام دان و بو درۆستکرنا دەولەتا کوردی بەرھەڤین ھەموو جورێن باجەکێ بدەین ، و رەنگە پشتی ئەنجاممدانا ریفراندۆمێ دەولەتێن جیھانی ھەلویستێ خوە دیار بکەن ، بەلێ پێدڤی یە باجێ بدەین ھەتاکو بگەھینە ئەنجامان ، داخوازێ ل ھەموو ماموستایێن زانکویێ دکەم کو پشکداریێ دنڤیسین و دارشتنا دەستوورێ نویێ کوردستانێ بکەن )
مەسعود بارزانی سەرۆکێ ھەرێما کوردستانێ دیارکر ژی کو ھەفتیا بوری ل گەل چەند وەزیرەکێن دەرڤە کومبویە و چوو وەلاتیان ژی بەحس لسەر وێ یەکێ نەکریە کو ریفراندۆم مافەکێ رەوایێ گەلێ کورد نینە و گۆت ژی: (وەزیرێن دەرڤە دگوت رەنگە ریفراندۆم ببیتە سەدەما وێ یەکێ کو شەرێ داعش لسەر ھزرێن ھەوە بچیت و باشترە ریفراندۆم بو دەمەکێ دن بھێتە پاشئێخستن بەلێ من بو وان دیارکر ئەرێ بەدیلەکێ پاشئێخستنا ریفراندۆمێ چی یە)
بارزانی ل بارا کەرکوکێ گۆت: (ناسناما کەرکوکێ کوردستانە و ھەر کەسێ بخوازیت ب لایەکێ دا ببەت ھەتاکو دوماھی کەس دێ روو ب روویێ وان بین ، ئەگەر کەسەکێ ڤیا خوە ب سەپینیت لسەر کەرکوکێ دی َتشتەکێ وەسا ب سەری ھێت کو ئەوی ھزر بو نەکری ، و کەرکوک دێ ھەر مینیت باژێرێ پێکڤە ژیانێ)
ناوچهیهكا دی یا كوردستانی بریار دا پشكداری رێفراندۆمێ ببیت
ئهڤرۆ نیوز:
جڤاتا ناوچهدارییا قهرهتهپه كو دهڤهرهكا كوردستانی یا دهرڤهی ئیدارا ههرێما كوردستانێ یه، ب پرانییا دهنگان بریار دا ئهو ناوچه پشكداری ریفراندۆما سهرخوهبوونا كوردستانێ ل 25 ئیلۆنێ ببیت.
جڤاتا قهرهتهپه ژ 15 ئهندامان پێكدهێت، د دهنگدانێ دا 10 ئهندامان رازیبوونا خوه دیار كر (4 كورد و 3 عهرهب و 3 توركمان)، 5 كهسێن دی ب نهخێر دهنگ دا ( 4 عهرهب و توركمانیهكی)
ناوچهیا قهرهتهپه سهر ب دهڤهردارییا خانهقینی یه و 45 هزار كهس ژ كورد و توركمان و عهرهبێن سونه لێ دژین.
دهێته زانین كو پتری 2.5 ملیۆن كهسان ل دهڤهرێن كوردستانی یێن دهرڤهی ئیدارا ههرێمێ مافێ دهنگدانێ د رێفراندۆمێ دا ههیه.
ههڤپهیمانیێ ب كریار بهرسڤا ڤهگۆهاستنا تیرۆرستێن داعشێ دا
ئهڤرۆ نیوز:
ههڤپهیمانییا نێڤدهولهتی یا دژی داعشێ بۆ رێگرتنا ڤهگۆهاستنا تیرۆستێن داعشێ ل سهر سۆرێ لبنانێ بهرهڤ سنۆرێ ئیراقێ، رێییا كاروانێ پاسێن داعشێ بۆمبه باران كر ههروهسا پرهكا د رێییا وان دا ژناڤ بر.
پهیڤدارێ ههڤپهیمانیێ راین دیلۆنی دژایهتییا خوه بۆ رێككهفتنا رژێما سووریێ و لبنانێ د گهل داعشێ دیار كر كو ل گۆری رێككهفتنێ ب سهدان چهكدارێن داعشێ دێ ژ سهر سنۆرێ لبنانی بۆ سهر سنۆرێ ئیراقێ هێنه ڤهگۆهاستن.
د روودانەکا خویناوی دا ل سنوورێ قەزا شێخان کوشتی و بریندار ھەنە
ئەڤرۆ نیوز ، نەوزاد ھلۆری:
ئێڤاریا ئەڤرۆ ل سنوورێ قەزا شێخان یا سەر ب پارێزگەھا دھۆک د روودانەکێ دا دوو کەس ھاتنە کوشتن و حەفت ژی بریندارن.
دڤی واریدا ھێمن سلێمان بەرپرسێ راگەھاندنا پولیسێن دھوکێ بو ئەڤرۆ نیوز گۆت: ( ئێڤاریا ئەڤرۆ لسەر ئاریشەیەکا کەڤن شەر دناڤبەرا دوو خێزانێن ناحیا کەلەکچی روویدا و د ئەنجام دا دوو کەس ھاتینە کوشتن و حەفت ژی بریندارن)
زێدەتر گۆت: ( پەرێن ڤەکولینێ ھاتینە ڤەکرن و پولیس گەھشتینە جھێ روودانێ و رەوشت ئارامکریە)
نيشاندان
WP Facebook Auto Publish Powered By : XYZScripts.com