ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 20ى شوباتا 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1278 |
| 1 يۆرۆيێ ئه‌ورۆپى | 1355 |
| 1 ليرێ توركى | 345 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
سه‌رۆكێ لژنا په‌يوه‌نديێن ده‌رڤه ل جڤاتا پيران، ئێكه ژ سنياتۆرێن ده‌ست بلند يێن ئه‌مريكا رۆژا دوشه‌مبى 20ى شوباتا 2017ێ ل هه‌ولێر ل گه‌ل سه‌رۆك وه‌زيرێن هه‌رێما كوردستانێ كۆم ببيت.
بۆب كۆركه‌ر، سه‌رۆكێ لژنا په‌يوه‌نديێن ژ ده‌رڤه يا جڤاتا پيران رۆژا ئێكشه‌مبى 19ى شوباتا 2017ێ گه‌هشته عيراقێ و ل گه‌ل مه‌زنه به‌رپرسێن به‌غدا كۆمبوو، بڕياره ئه‌ڤرۆ ل هه‌ولێر ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ كۆم ببيت.
ئه‌ڤرۆ نيوز:
پشتى ب دووماهى هاتنا كۆنفرانسێ ئاسايشا جيهانى ل باژێرێ ميونشن ل ئه‌لمانيا جه‌يمس ماتيس وه‌زيرێ به‌ره‌ڤانيا ئه‌مريكا ب سه‌ره‌دانه‌كا رانه‌گه‌هاندى گه‌هشته به‌غدا و بڕياره ل گه‌ل حه‌يده‌ر عه‌بادى سه‌رۆك وه‌زيرێن عيراقێ كۆم ببيت.
سه‌ره‌دانا ماتيس د ده‌مه‌كى دا يه كو دوهى حه‌يده‌ر عه‌بادى فه‌رماندێ هێزێن چه‌كدارێن عيراقێ ئۆپه‌راسيۆنا لايێ راستێ يێ باژێرێ مووسل راگه‌هاند بوو.
هه‌ر چه‌نده تره‌مپ چه‌ندين جاران به‌حس يا ل وێ چه‌ندێ كرى كو پێدڤى بوو پشتى 2003ێ يێ ئه‌مريكا ده‌ست ب سه‌ر په‌ترۆلا عيراقێ دا گرت با، به‌لێ وه‌زيرێ به‌ره‌ڤانيا ئه‌مريكا به‌رى بگه‌هيته عيراقێ راگه‌هاندبوو كو ئه‌مريكا نه‌ڤێت ده‌ست ب سه‌ر په‌ترۆلا عيراقێ دا بگريت.
ئەڤرۆ نیوز:
رێڤەبەرێ گشتیێ ساخلەمیا پارێزگەھا دھۆکێ دیارکر، دۆھی 19ى شوباتا 2017ێ روونشتنەکا ڤەکری دگەل ئەندامێن پەرلەمانێ عیراقێ و ھەرێما کوردستانێ و جڤاتا پارێزگەھا دھۆکێ ھاتە ئەنجامدان ل سەر پەیام و ئارمانجێن ستراتیجی و ژێدەر و خزمەت و خالێن گڤاشتنێ و پێدڤیێن ساخلەمیێ ل دھۆکێ سەرەرایی نەبوونا ھاریکاریێ ژلایێ بەغدا ڤە بەردەوام ل بەرۆکێن شەری و نەخۆشخانان خزمەتا پێشمەرگەی ھاتە کرن ھەروەسا ژی بەردەوام ساخلەمیێ خزمەتێن پێشکیشی ئاواران و پەنابەران و ئاکنجیێن دھۆکێ کرین.
د. نزار عسمەت تەیب، رێڤەبەرێ گشتیی ساخلەمیا پارێزگەھا دھۆکێ بۆ ئەڤرۆ دیارکر، ب مەرەما زێدەتر دان و ستاندنێ ل سەر رەوشا ساخلەمیا نوکە ئەم تێدا دەرباز دبن ئەو ئاریشێن دکەڤنە رێیا ساخلەمیێ دا ئەم نەشێین وەکو پێدڤی خزمەتا خەلکێ خوە بکەن، ساخلەمیا دھۆکێ پلان دانابوو بۆ ئاڤاکرنا نەخۆشخانا تەنگاڤیان و نەخۆشخانا زارۆبوونی و پەنچەشێری و نەخۆشخانەکێ ل شێلادزی و ئێک ژی ل بەردەرەش دگەل سەنتەرێ چاندنا ھەستی و مێشکی و سەرۆکێ حکومەتا ھەرێما کوردستانێ ئەڤ پرۆژە پەسەند کربوون دەست ب کاری ژی ھاتبوو کرن، لێ قەیرانا دارایی و شەرێ رێکخراوا تیرۆرستێ داعش پرۆژە راگرتن.
رێڤەبەرێ گشتیی ساخلەمیا دھۆکێ گۆت: مە گەلەک ھەولدان کرینە سیستەمی تەندروستی پێشڤە ببەن د ھەموو وارەکی دا و چەندین نەخشە رێ ھاتنە دانان بۆ پێشڤەبرنا سیستەمێ ساخلەمیێ وەکو جۆداکرنا کەرتی تایبەت و گشتی و بیما ساخلەمیێ و ئەلکترونیکرنا سیستەمێ ساخلەمیێ و سیستەمێ پێشکیشکرنا خزمەتان و ئەم یێ بەردەوام تێدا کاردکەین.
د. نزار عسمەت تەیب گۆت ھەر دەە ھزار کەسان چار نوشدار بەردکەڤن، سالین بۆری ئەڤ رێژا زێدەتر بوویە ھەروەسا ژی ھەر دەە ھزار کەسان 10 پەرستار بەردکەڤن، ئەڤ ھەژمارا نوشدار و پەرستاران زۆر دکیمن بەرامبەر رێژا ئاکنجین دھۆکێ و ھاتنا ئاوارە و پەنابەران.
رێڤەبەرێ گشتیی ساخلەمیێ ئاشکرا کر کو خەرجێن دارایی سالا 2016 ل دھۆکێ 255 ملیار و 894 ملیون دینار بوون ئەڤ خەرجیە بۆ ھاتنا ڤێ ژمارا زۆر ئاواران و پەنابەران زور کێمە و خەرجیێن دەرمانان زۆرن، ھەروەسا ژی رێژا تەختێن نەخۆشخانان یا کێمە.
ئاماژە دا وی چەندی کو ھیچ بۆدجەک بۆ ئاوارە و پەنابەران نەھاتیە دابینکرن بۆ خزمەتێن ساخلەمیێ و ھژمارا کەمپا گەھشتە 27 کەمپێن ئاوارە و پەنابەران، ڤان ھەموو کەمپا خزمەتێن ساخلەمیێ د پێدڤیە بھێنە کارکرن 24 دەمژمێران زور زەحمەتە ھەکە نەھێنە کرن دێ نەخۆشی پەیدابن وەکو کولێرا و نەخۆشیا سورکا و فالنجا زارۆیان، لێ تیمێن ساخلەمیێ دھۆکێ بەردەوام کارکرینە ھەر ژ دەستپێکا ھاتنا ئاواران ھەتا نوکە ژی نەھێلاینە چو نەخۆشی پەیدابن ببن و ھاریکاری وەکو پێدڤی بۆ ساخلەمیێ بھێتەکرن.
د. نزار عسمەت تەیب، رێڤەبەرێ گشتیێ ساخلەمیا پارێزگەھا دھۆکێ دیارکرکو دو ملیون ئاواران سەرەدانا نەخۆشخانێن دھۆکێ کرینە و نشتەرگەری بۆ پتر ژ 13 ھزار کەسان یێن ھاتینە کرن و گەلەک ئاوارە و پەنابەر ل نەخۆشخانەیان یێن ھاتینە نڤاندن، ئەڤە ھەموو بارگرانییە ل سەر دەزگەھێن ساخلەمیێ، سەرەرایی نەبوونا بۆدجەکا تایبەت ئەم بەردەوام خزمەتا ئاواران و پەنابەران دکەین.
زێدەتر گۆت: سەرەرایی کیمیا دەرمان و پێدڤیێن نوشداری و تاقیگەە بەردەوام ل ساخلەمیێ کار دھێتە کرن بارگرانیەکا زۆر مەزن ل سەر دەزگەھێن ساخلەمیێ ھەیە، مەترسیا داخستنا نەخۆشخانا و بنگەھێن ساخلەمیێ و بێ بەشبوونا وان ژ نوشدار و کارمەندێن ساخلەمیێ راستی ژێ پێدڤیە دامەزراندن ل ساخلەمیێ نەھێتە راوەستاندن، چونکو راوەستاندنا دامەزراندنێ زیان دگەھیتە کەرتی ساخلەمیێ.
رێڤەبەرێ گشتیی ساخلەمیا دھۆکێ خۆیا ژی کر کو تەمامکرنا نەخۆشخانێن دھۆکێ وەکو نەخۆشخانا تەنگاڤیا و زارۆبوونی و پەنجەشێری و نەخۆشخانا قەزا ئامیدیی و نەخۆشخانا بەردەرەش زۆر یا گرنگە زێدەباری تاقیگەھا پیشکنینا کەرەستێن خوارنی ئەڤە پێدڤیێن زۆر گرنگن، زێدەباری تەرخانکرنا بۆدجەکا تایبەت بۆ ئاواران و پەنابەران بۆ خزمەتێن ساخلەمیێ، ھەروەسا دامەزراندن یا بەردەوام بیت ب مەرەما خوە پاراستنی ژ پەککەڤتنا سیستەمی ساخلەمیێ.
د. فارس بریفکانی، سەرۆکێ لیژنا ساخلەمیێ ل پەرلەمانێ عیراقێ دیارکر کو حکومەتا عیراقێ د دوسەیا ئاواران دا فەشل ئینایە و نەشیا خزمەتێن ساخلەمیێ بگەھینتە ئاواران، ئەڤ بەرپرساتیا ھاتە دان بۆ لیژنا کوچ و کوچبەران، لێ وان ژی نەشیا د ڤێ دوسەیێ دا سەرکەڤتنی بینن بۆ خزمەتکرنا ڤێ ھەژمارا زۆر ئاواران ل ھەرێما کوردستانێ.
د. فارس ئاماژە دا وی چەندی کو سالا 2013 و 2014 حکومەتا عیراقێ ئێک تریلیون دینار بۆ دەرمان و پێدڤین نوشداری دابین کرن لێ موازنا سالا 2017ێ دا ئەڤ کۆژمێ پارەی بوو دو ملیار 200 ملیون دینار ئەو ژی رازیبوون ل سەر نەھاتە کرن و جڤاتا وەزیران کرنە 600 ملیون دینار ئەڤە دێ ئاریشێن مەزن یێن ساخلەمیێ ل عیراقێ دروست کەت.
سەرۆکێ لیژنا ساخلەمیێ ل پەرلەمانێ عیراقێ دیارکر کو مە گەلەک ھەولدانکرن رێژا دەرمانێن مووسل و ئەنبار و سەلاحەدین بۆ دھۆکێ ڤرێکەن، ژبەر ئاواران مە شیا رێژا 80% دەرمانێن مووسل بۆ ئاواران ڤریکەت و 20% دەرمانێن ئەنبار و سەلاحەدین ژی، لێ حوکمەتا عیراقێ ئاستەنگ دروستکرن و ئەڤ رێژا دەرمانان وەکو پێدڤی بۆ ئاواران نەھاتنە دابینکرن.
بریفکانێ گۆت ژی: ئەندامێن کورد ل بەغدا زۆر کارکرینە بۆ زێدەکرنا خزمەتێن ساخلەمیێ بۆ ھەرێما کوردستانێ، ب تایبەتی ژی بۆ پارێزگەھا دھۆکێ حوکمەتا عیراقێ ئێک کەسێ کورد رەوانەی دەرڤەی وەلاتی نەدکر ب مەرەما چارەسەریێ، لێ پشتی مە گەلەک ھەولدان کرین مە شیا 97 کەسان بۆ نشتەرگەریێن زەحمەت رەوانەی دەرڤەی وەلاتی بکەن.
خۆیا ژی کر بۆ دەڤەرێن رزگارکری ژی مە ھەولدان کرینە پرۆژێن ستراتیجی بھێنە دروستکرن ژ سندوقا ئاڤەدانیا عیراقێ، چونکو ھەکە ب ھیڤیا بەغدا ڤە بیت یا زەحمەت بۆ دەڤەرێن کوردستانێ پرۆژەکی دروست بکەن.
د. فارس بریفکانێ ئاماژە دا وێ چەندێ کو حکومەتا عیراقێ کاردکەت بۆ بێ بەھرکرنا ھەرێما کوردستانێ ژ دەرمان و پێدڤیێن نوشداری، ئەڤە راستیەکا پێدڤیە ھەر ژ نوکە حکومەتا ھەرێما کوردستانێ بژاردەکا دی دێ دەست نیشان کەت و ئەم خوە ب ھیڤیا بەغدا ڤە نەھێلین.
بریفکانی تەکەست کر، ھەکە ل نەخۆشخانەیان و بنگەھێن ساخلەمیێ خزمەتێن ساخلەمیێ بەرامبەر پارەکێ کێم بۆ وەلاتیان بھێنە کرن بۆ نموونە پلێتا نوشداری ژ 500 دیناران ببیتە ھزار دینار ل دەرمانخانێ دەمێ دەرمان ھێتە دان و دو ھزار ژ نەخۆشی بھێنە وەرگرتن، ئەڤە دێ بیتە داھاتیەک بۆ ساخلەمیێ و کرینا دەرمان و پێدڤیێن نوشداری دێ باشتر خزمەتا وەلاتیان ھێتە کرن، ئەڤە ل بەغدا دھێتە پەیرەوکرن و پێدڤیە ل کوردستانێ ژی ھزر ل ڤێ چەندێ بھێتە کرن.
د. عەبدوللا جاسم، ئەندامێ لیژنا ساخلەمیێ ل پەرلەمانێ کوردستانێ دیارکر مە گەلەک پرۆژێن باش پێشکیشی پەرلەمانێ کرینە، ھندەک پرۆژان خواندنا ئێکی ژی بۆ یا ھاتیە کرن، وەکو پرۆژێ جۆداکرنا کەرتێ گشتی ژ کەرتێ تایبەت و بیما ساخلەمیێ و پاراستنا مافێ نەخوشی و نوشداری و کارمەندێن ساخلەمیێ ئەم بەردەوامن ل سەر پرۆژەیێن خوە ھەر دەمێ پەرلەمان دەستبکاربیت ئەڤە پرۆژەیێن گرنگ دێ ھێنە گەنگەشەکرن بۆ پێشڤەبرنا کەرتێ ساخلەمیێ ل کوردستانێ.
نەجیبا نەجیب، ئەنداما جڤاتا نوونەرێن عیراقێ دیارکر کو حکومەتا عیراقێ 800 ملیار دینار بۆ ژێرخانەیا ساخلەمیێ دابین کرن مە گەلەک ھەولدان کرن ڤی کوژمێ پارەیێ نەخۆشخانەکا تەنگاڤیا ل دھۆکێ دروست بکەن، لێ بەغدا ھەڤکاری نەکر، ب راستی ژی ھەکە ئەم ب ھیفیا بەغدا ڤەبین دێ زۆر یا زەحمەت بیت.
د. نزار عسمەت تەیب، رێڤەبەرێ گشتیی ساخلەمیا پارێزگەھا دھۆکێ دیارکر کێماسی د ھەژمارا ئەمبولانسا و ژ کارکەڤتنا زێدەتر ژ 55 ئەمبولانسا و لاوازیا پشتەڤانیا حکومەتا عیراقێ ھەروەسا ژی لاوازیا شیانێن حکومەتا خوجھی یا پارێزگەھا مووسل و نەبوونا ھەماھەنگی و پشتەڤانیا پێدڤی یا دارایی و دابینکرنا ستاف و دەرمان و پێدڤیێن نوشداری ..ھتد بۆ دەزگەھێن ساخلەمیێ ل سەرانسەرێ پارێزگەھا دھۆکێ و نەبوونا پشتەڤانیێ بۆ دابینکرنا خزمەتێن ساخلەمیێ ل دەڤەرێن رزگارکری، بەردەوامیدان ب پێشکێشکرنا خزمەتێن ساخلەمیێ بەرامبەر داخازیێن خەلکێ یێن بلند.
ئاشکرا کر کو کێماسیا زور دەرمان و پێدڤین نوشداری و تاقیگەە ب تایبەتی ژی دەرمانێن نەخۆشێن پەنجەشێری و نەخۆشێن دومدریژ وەکو شەکر و دلی و بلندبوونا فشارا خوینێ و دەرمانێن سرکردنێ بەری نشتەگەریان و دەرمانێن نەخۆشێن گولجیسکا و کەرەستێن قەستەرا دلی ب درێژی ھەموو ھاتنە بەحسکرن دگەل ئەندام پەرلەمانتاران ب مەرەما وێ چەندێ پەرلەمانتار پتر کاربکەن بۆ باشکرنا رەوشا ساخلەمیێ.
ئەڤرۆ نیوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێشەمبی رێکەفتی 21ی شوباتا 2017ێ ئەسمان دێ ساھی و ئەروەکێ کێم بیت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ بەردەوامیا فشارێن بلندێن وەلاتێ تورکیا دھێتە پێشبینیکرن ئەسمان ساھی و ئەروەکێ کێم بیت ل هنده جهان ئه‌و ئه‌ور دێ پيچه‌كێ زێده بن.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 5 ھەتا 15کم دا و ماوێ دیتنێ ژی دێ د ناڤبەرا 8 بۆ 10کم دا بیت، پلێن گەرمێ ژی دێ د ناڤبەرا 1 بۆ 12 پلان دا بن.
ئه‌ڤرۆ نيوز:
ئەنداما لیژنا ئابووری و وەبەرئینانێ ل پەرلەمانێ عیراقێ دیار کر کو بڕیار ھاتەدان ئەو وەلاتیێن برنجێ خراب وەرگرتی بھێنە قەرەبووکرن، بەلێ دڤێت وەلاتی برنجێ خوە یێ خراب بۆ بریکارێ خوە یێ ئاھێن خوارنێ ڤەگەڕینیت و گۆت: “بریکار دێ وی برنجێ خراب بۆ حوکمەتێ زڤرینیت و ل شوونێ دێ وەلاتی ھێنە قەرەبووکرن”.
نەجیبا نەجیب، ئەنداما لیژنا ئابووری و وەبەرئینانێ ل پەرلەمانێ عیراقێ بۆ رۆژناما ئەڤرۆ ئاشکرا کر کو 600 تەنێن برنجێ خراب ل دەف بریکارێن ئاھێن خۆارنێ بەری ل سەر وەلاتیان بھێتە بەلاڤکرن ھاتنە ژناڤبرن، چونکی ژ تاقیگەھێ دەرنەچوو و گۆت: “گۆمان ل سەر 42 ھزار تەنێن برنجێ خرابووی ھەبوو، بەلێ ب وی رەنگی دەرنەکەفت و ب تنێ 600 تەن د خرابووی بوون”.
ناڤھاتیێ ئاماژە دا وێ چەندێ کو ھەکە ل جھەکی برنجێ خرابووی ل سەر وەلاتیان ھاتبیتە بەلاڤکرن دڤێت وەلاتی وی برنجی بۆ بریکارێ خوە یێ ئاھێن خوارنێ ڤەگەڕینیت داکو بھێتە قەرەبووکرن و گۆت: “ھەکە وەلاتی وی برنجێ خرابووی بۆ بریکارێ خوە یێ ئاھێن خوارنێ نەڤەگەرینیت ناھێتە قەرەبووکرن”.
ئەڤرۆ نيوز:
وەزیرێ بەڕەڤانیا ئسرائیلێ د کۆنگرێ میۆنشن یێ ئاسایشا نێڤـدەولەتـی دا راگەھاند، ل گۆری راپۆرتەکا وەزارەتا دەرڤە یا ئسرائیلێ یا ل دۆر تیرۆرا جیھانی وەلاتێ ئیرانێ ل سەرێ لیستا پشتەڤانێن گرۆپێن تیرۆریستی دھێت و ژێدەرێ تیرۆرا جیھانی یە.
ئەڤیدگۆر لیبرمان ئاشکرا ژی کر کو ئیران بەردەوام پرۆگرامێ خوە یێ مۆشەکێن بالستی پێشڤە دبەت و پێگریێ ب بڕیارێن نەتەوێن ئێکگرتی ناکەت و پەیوەندیێن ب ھێز ل گەل کوریا باکوور یێن ھەین.
ئه‌ڤرۆ نيوز:
به‌ره‌ڤانيا باژێرى ل دهۆكێ دياركر كو ئه‌ڤرۆ بنگه‌هێ به‌ره‌ڤانیا باژێری ل زاویته هاتينه ئاگه‌هدار كرن كو رویدانه‌كا ئاگری یا هه‌ی ل سنورێ ناحیا زاویته، بنگه‌هێ ناڤبری ل جهێ رویدانێ ئاماده بو و دیار بو كو ژئه‌گه‌رێ شورته‌كێ كاره‌بێ ئاگر ب خانیه‌كی پێشمه‌رگه‌كی كه‌فتیه ب ناڤێ (مقدم، خلیل ابراهیم احمد) و بنگه‌هێ زاویته رویدان كونترول كر و مخابن ئاگری زیانێت ماددی دیف خو هێلان و ناف مالی و ئامیرێن كاره‌بێ وسه‌قف هاتینه سوتن.
ئەڤرۆ نیوز، لەزگین جوقی:
سەرۆکێ لقی دھۆک یێ سەندیکا نوشدارێن ددانان دیارکر ئەڤرۆ 19ى شوباتا 2017ێ نوشدارێن ددانان ل دھۆکێ خرڤەبوونەکا نەرازیبوونی ئەنجامدان و تێدا داخوازا دامەزراندنێ ژ حکومەتا ھەرێما کوردستانێ کرن.
د. سەعید بەرواری، سەرۆکێ لقێ دھۆک سەندیکا نوشدارێن ددانان دیارکر کو ئەڤە ماوی سێ سالانە نوشدارێن ددانان نەھاتێنە دامەزراندن نوکە ھەموو خوەبەخش کاردکەن ل کۆمەلگەھا نوشداریا ددانان ل دھۆکێ و ھژمارەکا نوشدارێن ددانان ئەڤە ماوی 11 ھەیڤن خوەبەخش ل نەخۆشخانێن دھۆکێ دەوامێ دکەن ئەم داخوازێ ژ وەزارەتا ساخلەمیێ و جڤاتا وەزیران و ھەموو لایەنێن پەیوەندیدار دکەین نوشدارێن ددانان دامەزرینن ئەو ڤالاتیا ھەیی بھێتە پرکرن.
خۆیا ژی کر ئەو داخوازێ دکەن ب زووترین وەخت بھێنە دامەزراندن و چ جۆداھیەک د گەل نوشدارێن گشتی و نوشدارێن ددانان نەھێتە کرن “چونکو مە ل دھۆکێ زۆر پێدڤی خزمەتا نوشدارێن ددانان ھەیە”.
ئه‌ڤرۆ نيوز:
فه‌رمانده‌يا گشتى يا هێزێن چه‌كدارێن عيراقێ سپێده‌هيا ئه‌ڤرۆ رۆژا ئێكشه‌مبى رێكه‌فتى 19ى شوباتا 2017ێ ئۆپه‌راسيۆنا كونترۆلكرنا لايێ راستێ يێ مووسل ژ ده‌ستێ چه‌كدارێن داعش راگه‌هاند.
د به‌ياننامه‌كىێ دا حه‌يده‌ر عه‌بادى ژبلى راگه‌هاندنا ده‌سپێكا ئۆپه‌راسيۆنێ هه‌رديسا دا زانين ژى كو ئه‌رگێ وان رزگاركرنا خه‌لكى يه، به‌رى ئازادكرنا ئاخێ.
حه‌يده‌ر عه‌بادى سه‌رۆك وه‌زيرێن عيراقێ و فه‌رماندارێ هێزێن چه‌كدار ل عيراقێ روو كره هێزێن چه‌كدار و د به‌ياننامێ دا گۆت: “هه‌وه جيهان سه‌رسام كر ب قاره‌مانيا خوه، سه‌ركه‌فتنا هه‌وه و هاريكاريكرنا هه‌وه و هه‌ڤنشتيمانيا هه‌وه”.
نيشاندان
