ئه‌ڤرۆ نيوز:

زه‌مالێن خواندنا بلند بۆ مامۆستا و فه‌رمانبه‌رێن وه‌زاره‌تا په‌روه‌ردێ ل حوكمه‌تا هه‌رێما كوردستانێ دهێنه‌ دابينكرن.

ئه‌ڤرۆ نيوز:

هه‌لگۆرد جونديانى برايێ ئازاد جونديانى د ديداره‌كێ دا بۆ رووداو به‌حس ل ده‌ست ژ كاركێشانا برايێ خوه‌ ژ ئێكه‌تيێ كر و دا زانين كو ئه‌وى ژ به‌ر چو فشارێن حزبى و بابه‌تێن دارايى ده‌ست ژ كار نه‌كێشايه‌ و گۆت: “ئه‌ڤه‌ 40 ساله‌ خزمه‌تا ئێكه‌تيێ دكه‌ت چو به‌رژه‌وه‌نديێن دارايى نينن، به‌لێ ده‌ست ژ كاركێشانا كاك ئازاد يا دووماهيێ يه‌ و ڤه‌گه‌ريان بۆ نينه‌”.

هه‌لگۆر به‌حس ل كارێ داهاتى يێ برايێ خوه‌ دكه‌ت و دبێژيت: “كاك ئازاد ژ خه‌باتا سياسى و كوردايه‌تيێ بۆ پرسا سه‌ربه‌خۆيا كوردستانێ دێ يێ به‌رده‌وام بيت، بابێ مه‌ سه‌ركرده‌ بوويه‌ ل كومارا كوردستانێ و شورشا ئيلۆنێ. كه‌سه‌كێ پێشكه‌فتى خوار بوويه‌ و خه‌باتا وى بۆ كوردايه‌تى و سه‌ربه‌خۆيێ بوويه‌، ژ به‌ر هندێ ژى كاك ئازاد ژى دێ درێژيێ ب وێ خه‌باتێ ده‌ت”.

ل دۆر په‌يوه‌نديكرن ب پارتى ژى برايێ وى دده‌ته‌ زانين كو ئازاد ژ خه‌باتا سياسى ناهێته‌ دابڕين هه‌ر وه‌كو وى ب خوه‌ ژى د روونكرنێ دا به‌حس كرى، ئه‌و و هه‌موو خێزانا وى د ئازادن چو رێيه‌ك ب هه‌لبژێرن و گۆت: “بابێ مه‌ ژ دامه‌زرێنه‌رێن پارتى يه‌، به‌لێ هه‌تا نوكه‌ چو بڕياره‌ك نه‌دايه‌ ل سه‌ر شێوازێ كاركرنا خوه‌”.

ئه‌ڤرۆ نيوز:

راگه‌هاندنا حه‌ج و عومرا هه‌رێما كوردستانێ راگه‌هاند كو ئه‌و ليستا ده‌ركه‌فتى يا ناڤێن حه‌جيان ئه‌و هه‌موو ناڤ يێن تێدا يێن هاتينه‌ تۆماركرن.

كاروان ستونى ژ راگه‌هاندنا حه‌ج و عومرا هه‌رێما كوردستانێ راگه‌هاند كو ئه‌و ليستا ده‌ركه‌فتى يا ناڤێن حه‌جيان ئه‌و هه‌موو ناڤ يێن تێدا يێن هاتينه‌ تۆماركرن و هه‌كه‌ ناڤێ كه‌سه‌كى نه‌هات بيت پێدڤيه‌ ب زووترين ده‌م سه‌ره‌دانا جهێ ناڤێ خوه‌ تۆماركرى بكه‌ت، دا ئه‌و شاشيا هه‌يى بهێته‌ چاره‌كرن.

بۆ ئه‌ڤرۆ نيوز گۆتژى: “ئه‌ڤ ناڤێن هاتينه‌ راگه‌هاندن ئه‌و هه‌موو ناڤن يێن خوه‌ تۆماركرى و ل رۆژێن بهێت دێ تيرۆپشك هێته‌ كێشان و ناڤێن ئه‌و كه‌سێن دێ فه‌ريزا حه‌جێ كه‌ن هێنه‌ راگه‌هاندن”.

نه‌به‌ز ئیسماعیل رێڤه‌به‌رێ راگه‌هاندنا وه‌زاره‌تا ئه‌وقاف و كاروبارێن ئاینى راگه‌هاند ، ئه‌ڤرۆ ناڤێن وان كه‌سان هاتنه‌ به‌لاڤكرن كو ناڤێ خوه‌ بۆ فه‌ریزا حه‌جێ نڤێسین.

ئه‌و چه‌نده‌ ژى ئاشكراكر كو 86 هزار و 418 كه‌سان ل پارێزگه‌هێن هه‌رێمێ ناڤێ خوه‌ توماركرینه‌ بۆ ئه‌نجامدانا فه‌ریزا حه‌جێ كو ب تیروپشك ناڤێن وان دێ هێنه‌ ئاشكه‌راكرن.

ئەڤرۆ نيوز:
وەزارەتا ڤوگوھاستن و گەھاندنێ یا حوکمەتا ھەرێما کوردستانێ پێزانینەکا نوو ل دۆر بڕیارا دانانا لوگۆیێ ئارمێ تایبەت یێ ترۆمبێلێن تەکسی ل پارێزگەھێن ھەرێمێ ئاشکرا کر و پەیڤدارێ وەزارەتا ناڤھاتی ژی ئەڤ چەندە دووپاتکر و گۆت: “پشتی بجھئینانا ڤێ بڕیارێ پێدڤیە ترۆمبێلێن تەکسی یێن ھەر پارێزگەھەکێ ل سنوورێ وێ پارێزگەھێ ب خوە کار بکەت و ب رێیا لوگۆیی ئەڤ چەندە دێ ھێتە سنووردارکرن”.
ئومێد محەمەد، پەیدڤدارێ وەزارەتا ڤوگوھاستن و گەھاندنێ یا حوکمەتا ھەرێما کوردستانێ دیار کر کو ئەو لوگۆ و ئارمێن ددەنە شۆفێرێن تەکسیێن پارێزگەھێن ھەرێمێ بڕیارە کۆژمەکێ پارەی ھەمبەر وەرگرتنێ ژ شۆفێرێن تەکسیان بھێتە وەرگرتن و بۆ SNN گۆت: “شێوێ وان لوگۆیان ل دووڤ ستاندارتێن جیھانی ھاتیە ئامادەکرن و رەنگێ وان لوگۆیان ل ھەر پارێزگەھەکێ یێ جۆدایە”.
ناڤھاتی ئاماژە دا وێ چەندێ کو ھەکە پرۆژە ھاتە بجھئینان شۆفێرێ ھەر ترۆمبێلەکا تەکسی لوگۆیێ نوو یێ پارێزگەھەکێ ئێخستە ترۆمبێلا خوە دڤێت ھەر ل وێ پارێزگەھێ مامەلا کڕین و فرۆتنێ ب وێ ترۆمبێلێ بکەت.

ئەڤرۆ نیوز:
ل گورەی زانیاریێن ناف پارتی دەست رۆژناما ئەڤرۆ کەفتین بڕیارە پارتی دیموکراتی کوردستان یا بەردەوامبیت لسەر بەرپرسێن خوە و ئەف گوھۆڕین لناڤ ئورگانێن حزبێ ب گشتی بھێتەکرن، ھەر چوارچوڤێ ئەڤان گوھۆڕینان پارتی دێ بەرپرسێن خوە ل حوکمەتا ھەرێما کوردستانێ ژی گوھۆڕیت، کادرەکێ پێشکەفتیێ پارتی ژی دبێژیت، ھەر بڕیارەکا ل جڤاتا سەرکرداتیێ دەنگێن پێدڤی بدەستڤە ئینان کەس نەشێت رەت بکەت.
ژێدەرەکێ ناڤا پارتی دیموکراتی کوردستان بۆ رۆژناما ئەڤرۆ گۆت” پشتی کۆمبوونا دووماھیێ یا جڤاتا سەرکرداتیا پارتی دیموکراتی کوردستان بڕیارا گوھۆڕینا ھژمارەک بەرپرسێن پارتی ھاتیە دەرکرن، بڕیارە ئەف گوھۆڕین د بەردەوامبن و ھژمارەک بەرپرسێن مەکتەب و لق و جڤاتێن سەرکردایەتیێن پارێزگەھان ژی گوھۆڕین تێدا بھێتەکرن و ھژمارەک کادرێن دی دەست بکارببن، ھەروەسا بڕیارە گورەی پەیڕەوێ نافخۆیا پارتی جڤاتا سەرکرداتی ل پارێزگەھا دھۆکێ ژی بھێتە ڤەکرن، ژبلی گوھۆڕینێن ناڤا پارتی بڕیارە پارتی گوھۆڕینا د بەرپرسێن خوە یێن ناڤا حوکمەتێ دا بکەت و ھژمارەک بەرپرس و رێڤەبەرێن پارتی دێ ھێنە گوھۆڕین، ھەروەسا دێ گوھۆڕین ل دەزگەھێن ئەمنی و وەزارەتا پێشمەرگەیدا ژی ھێنەکرن، بەلێ گوھۆڕینێن ناڤا حوکمەتێ پێشبینی دھێنەکرن ھندەک گیرۆببن ھەتا دگەل لایەنێن سیاسی بگەھنە رێککەفتنێ بۆ کارا کرنا پەرلەمانێ کوردستانێ.
ژلایێ خۆڤەژی ھێرش مەلا جەوھەر کادرێ پێشکەفتیێ پارتی دیموکراتی کوردستان بۆ رۆژناما ئەڤرۆ گۆت” پارتی د درێژاھیا تەمەنێ خوەدا بەردەوام گۆھڕین کرینە و ھەر ئەڤەژی نھێنیا سەرکەفتن و مانا پارتیە د گۆڕەپانا سیاسی دا، پشتی حەفتێ سالێن تەمەنێ پارتی دیموکراتی کوردستان پارتی ھەر حزبا ئێکێ مایە ل ھەرێما کوردستانێ، ھەر بڕیارەکا ل جڤاتا سەرکردایەتی دا دەنگ لسەر بھێتەدان چو ھێز نەشێن دناڤ پارتی ئەڤێ بڕیارێ ھەلوەشینن، لدۆر گوھۆڕینێ، ڤێ دوماھیێ ژی ئەز وەک کادرەکێ پارتی وەسا دبینم، پێنگاڤەکا ئەرێنیە ژبەرکو قەیرانا دارایی و کاودانێ، سیاسی و شەڕێ بەرھنگاریا داعش رێگربووینە ل گرێدانا کۆنگرێ پارتی یاکو بڕیاربو بھێتە ئەنجامدان، ئەف گوھۆڕینێن نوکە دھێنەکرن بەریا نوکە لیژنە بۆھاتینە پێک ئینان و دیراسەتا رەوشا پارتی دڤێ قۆناغێ دا ھاتیەکرن و دوڤدا بڕیارا گوھۆڕینان ھاتیە دەرکرن.
ھێرش مەلا جەوھەر دیارکر” مە پێشبینی دکر گوھۆڕینێن پتر بھێنەکرن و دێ ھێشتا گوھۆڕین ھێنەکرن د ئورگانێن پارتی دا، یا فەرە ل پشکا پارتی دا بھێتە د ناڤا فەرمانگە و وەزارەتێن حوکمەتا ھەرێما کوردستانێ، ژبەرکو ئەف پۆست بەھرا پارتینە و لسەر حیسابا پارتی پۆست و پلە وەرگرتینە، لەوڕا بدیتنامن یا فەرە شیانێن کادرێن دیژی بھێنە تاقیکرن و بشێوەیەکێ زانستی خەلکێ پارتی بھێتە دانان بۆ پۆستێن حوکمەتێ.