ئه‌ڤرۆ نيوز:

حه‌شه‌د شه‌عبى كونترۆلكرنا ناحيا قه‌يره‌وان ل رۆژئاڤايێ مووسل راگه‌هاند، د چارچۆڤێ ئۆپه‌راسيۆنا “محمد رسول الله‌” دا.

هادى عامرى ئێك ژ فه‌رماندێن حه‌شه‌د شه‌عبى راگه‌هاند كو حه‌شه‌د شه‌عبى ناحيا قه‌يره‌وان ب ته‌مامى كونترۆلكر و ب ڤێ چه‌ندێ ژى قووناغا ئێكێ يا ئۆپه‌راسيۆنا “محمد رسول الله‌” ب دووماهى هات.

هادى عامرى گۆتژى: “هێزێن وان ته‌كنيك و پلانه‌كا نوو ب كارئينا بۆ كونرۆلكرنا ناڤه‌ندا ناخيا قه‌يره‌وان”.

فه‌رماندێ سۆپايێ به‌در د ناڤ حه‌شه‌د شه‌عبى دا، خۆيا ژى كر كو كونترۆلكرنا قه‌يره‌وان ب بزاڤ و قوربانيدانا هێزێن حه‌شه‌د شه‌عبى بوو.

ئه‌و چه‌ند ژى ئاشكه‌را كر كو د چه‌ند ده‌مژمێرێن داهاتى دا، هێزێن وان دێ قووناغه‌كا نوو ژ ئۆپه‌راسيۆنا “محمد رسول الله‌” راگه‌هينن بۆ ب ده‌ستڤه‌ئينانا ئارمانجێن خوه‌ ل رۆژئاڤايێ مووسل.

ئه‌ڤرۆ نیوز: تايبه‌ت
كۆڤارا شپیگل یا ئه‌لمانی هه‌ژماره‌كا وێنه‌یان به‌لاڤكرن كو ل گۆری گۆتنا وێ ئه‌شكه‌نجه‌دان و ده‌ستدرێژیێن ملیشیایێن حه‌شدا شه‌عبی یا شیعه‌ و هێزێن ئیراقی دژی خه‌لكێ مووسل و ده‌ورۆبه‌را نیشان دده‌ت.
وێنه‌گره‌كێ كورد بناڤێ عه‌لی ئه‌ركه‌دی شیایه‌ بچیته‌ ناڤ تیمه‌كا وه‌زاره‌تا ناڤخۆ یا ئیراقی و د چالاكیێن هێزێن ئیراقی دا رێ پێ هاتییه‌ دان د پرۆژه‌كێ ب ناڤێ (قاره‌مان، نه‌ وێرانكار) وان ده‌ستدرێژییان وێنه‌ بكه‌ت و بكه‌ته‌ به‌لگه‌نامه‌.
ئه‌ركه‌دی به‌ری وان وێنه‌یان به‌لاڤ بكه‌ت ب خێزان ڤه‌ ژ ئیراقێ ره‌ڤییه‌ ژبه‌ركو گه‌ف لێ هاتبوونه‌ كرن گه‌ر ئه‌و به‌لاڤ بكه‌ت.
ل گۆری كۆڤارێ، پۆلیسێن فێدرال یێن ئیراقی ده‌ستدرێژیییا سێكسی كرییه‌ سه‌ر چه‌ندین ژنان ب تایبه‌ت ژنێن جوان.
ل حه‌مام عه‌لیل نموونه‌یا ئه‌شكه‌نجه‌دانان كوره‌كێ سونی د گه‌ل بابێ وی هاتییه‌ باس كرن و دووڤ دا كورێ شازده‌ سالی پێش چاڤێن بابی هاتییه‌ كوشتن.
ژ هنده‌ك نه‌قیبێن ئیراقی هاتییه‌ ڤه‌گۆهاستن كو وان د ئۆپه‌راسیۆنان دا هه‌می تشت دبرن، زه‌لام، ژن و خانی د شه‌لاندن، هه‌تا ئه‌ركه‌دی نموونه‌ك ئینایه‌ ده‌مێ ده‌ستدرێژییا سێكسی سه‌ر چه‌كداره‌كێ حه‌شدا سونی هاتییه‌ كرن.