ئەڤرو نیوز :
سەرۆکێ حکومەتا ھەرێما کوردستانێ رێزدار نێچیرڤان بارزانی کو د ھەمان دەم دا جێگرێ پارتی دیموکراتی کوردستانە ، سەرەدانا مەکتەبا سیاسیا ئێکەتیا نیشتمانیا کوردستانێ ل سلێمانیێ دا و ژلایێ دەستەیا مەکتەبا سیاسیا ناڤبری ھاتە پێشوازیکرن و نھا د کۆمبوونەکێ دانە.
نیڤرویا ئەڤرۆ رێزدار نێچیرڤان بارزانی سەرۆکێ حکومەتا ھەرێما کوردستانێ ب مەرەما سەرەخوشیکرنا کەس و کارێن نەوشێروان موستەفای و جڤاتا نیشتمانیا گۆڕان و پێشکێشکرنا تاجە گولینەیەکێ گەھشتە سلێمانیێ ، د پشترا سەرەدانا مەکتەبا سیاسی یا ئێکەتیا نیشتمانیا کوردستانێ.
شاندێ پارتی ب سەرۆکاتیا نێچیرڤان بارزانی پێکھاتیە ژ ھەر ئێک ژ بەرێزان ” فازل میرانی ، ھوشیار زێباری ، دکتور رۆژ نوری شاوێس و محمود محەمەد ” و ژلایێ بەرێز “کوسرەت رەسول عەلی “جێگرێ سکرتێرێ گشتیێ ئێکەتی و ھژمارەک ژبەرپرسێن مەکتەبا سیاسیا ئێکەتی ھاتنە پێشوازیکرن و وەسا بریارە لسەر چەند پرسەکان دانوستاندنێ بکەن.

ئەڤرو نیوز:
ب نوونەراتیا حکومەتا ھەرێما کوردستانێ و پارتی دیموکراتی کوردستان رێزدار نێچیرڤان بارزانی سەرا پارێزگەھا سلێمانیێ و سەر گۆرێ نەوشێروان کر و تاجە گولینەیەک ژی پێشکێشکر ، وەسا بریارە کو سەرا بارەگایێ سەرەکیێ گۆڕانێ ژی بدەت.
نێچیرڤان بارزانی ل گوتارەکێ دا لسەر گورێ نەوشێروان گۆت: (نەوشێروان ب درێژاھیا مێژوویێ کەسەکێ شورەشگێر بوویە و ژیانا وی ھەموو پێخەمەت کوردستانێ بوویە و گەلەک کارێن گرنگ بۆ کوردستانێ کرین ، و بناڤێ خوە و سەرۆکێ ھەرێمێ و سکرتاریەتا پارتی سەرەخوشیێ ل کەس و کارێن وی و جڤاتا نیشتمانیا گۆڕان دکەین)
زێدەتر گۆت: (بێگومان د بزاڤا سیاسی دا مە و گۆڕانێ ناکوکی لسەر ھندەک پرسەیێن سیاسی ھەبوویە ، بەلێ بێگومان مە خالێن بھێز و کارێن ھەڤبەش ژی پێکڤە ھەبووینە و خالێن ب ھێز پتربوون ژ یێن لاواز، ھیڤیە وەغەرکرنا نەوشێروان ژی ببیتە دەستپێکەک بو چارەسەرکرنا ھەموو وان ئاریشەیێن کو ھەتا نھا ھەیی)

دھێتە زانین کو رۆژا ١٩/٥/٢٠١٧ نوچەیێ وەغەرکرنا نەوشێروان موستەفا ل کەنالێ فەرمیێ گۆڕان ژلایێ ئاخفتنکەرێ گۆڕان بناڤێ شورەش حاجی ھاتە بەلاڤکرن.

ئەڤرو نیوز:
پشتی کو نەوشێروان موستەفا رێکخەرێ گشتیێ تەڤگەرا گۆڕان وەغەرکری ، پرسار کی دێ بیتە رێکخەرێ گشتیێ گۆڕان پشتی وەغەرکرنا نەوشێروان ؟ بویە پرسیارا ھەمووان ، ل گورەی دەستوورێ نافخوەیێ گۆڕانی ژی سکرتێرێ جڤاتا نیشتمانیا گۆران دێ بیتە رێکخەرێ گشتیێ گۆڕان ھەتاکو رێکخەرێ گشتیی دھێتە ھەلبژاردن.
” ئاواد شێخ جەناب ” ئەندامێ جڤاتا نیشتمانیا گۆڕان دیارکر کو ئەڤە دوو سالە گۆڕان بێی ھەبوونا نەوشێروان دھێتە برێڤەبرن و چوو ئاستەنگ بەرامبەر ب رێڤەچوونا گۆڕانێ ژی درۆست نەبوینە و گۆت: (لگورەی دەستوور و پەیرەو پروگرامێ نافخوەیێ گۆڕانێ ، ھەردەما پوستێ رێکخەرێ گشتیێ تەڤگەرا گۆڕان مایە ڤالا ، دێ ئەو پوست ژلایێ سەرۆکێ جڤاتا نیشتمانیان گۆڕان ھێتە ب رێڤەبرن ھەتاکو رێکخەرەک دھێتە ھەلبژاردن بڤێ یەکێ ژی بڤێ یەکێ ژی ” جەمال محەمەد ” دێ بیتە رێکخەرێ گشتیێ گۆڕان ھەتاکو رێکخەرەک دھێتە ھەلبژاردن)

ل گورەی پشکا نەھێ ، بەندێ ئێکێ ، برگا دوو ژ پەیرەوێ گۆڕانێ نھا پوستێ جڤاتا نیشتمانیا گۆڕان بلندترین پوستە پشتی رێکخەرێ گشتیی.
لگورەی زانیاریێن رووداو دناڤا گۆڕانێ دا بەحس لسەر سێ کەسان دھێتەکرن بو خوە بەربژێکرن بۆ پوستێ رێکخەرێ گشتیێ گۆڕان ، کو ئەو ژی ” قادری حاجی عەلی ، عومەرێ سەید عەلی و عوسمانی حاجی مەحموود ” بەلێ ژ وانا قادری حاجی عەلی ژ ھەمووان نێزیکترە بو وەرگرتنا ئەوی پوستی ژبەرکو پشتی دویرکەفتنا نەوشێروان رولەکی َکارا ھەبوویە ، ئەڤە زێدەباری کو ئێک بوویە ژ نێزیکترین کەس بوویە بۆ نەوشێروان و د بوری ژی دا روولەکێ کارا ھەبوویە د شورش و پێشمەرگایەتی دناڤا ئێکەتی دا.
دھێتە زانین کو رۆژا ١٩/٥/٢٠١٧ نوچەیێ وەغەرکرنا نەوشێروان موستەفا ل کەنالێ فەرمیێ گۆڕان ژلایێ ئاخفتنکەرێ گۆڕان بناڤێ شورەش حاجی ھاتە بەلاڤکرن.