ئه‌ڤرۆ نيوز:

خورشيد يحيى سليم هاريكارێ رێڤه‌به‌رێ گشتى يێ په‌روه‌ردێ ل پارێزگه‌ها دهوكێ بو كاروبارێن ته‌كنيكى دا دياركرن كو (74.882) قوتابى دێ پشكداريێ د ئه‌زموونێن گشتى يێن قوناغا 12 ئاماده‌يى وئه‌زموونا نيشتيمانى يا قوناغا 9 بنه‌ره‌تى خولا ئێكێ سالا خواندنێ 2016-2017 دا كه‌ن وهاتينه‌ دابه‌شكرن ل سه‌ر 1.220 بنگه‌هان ل سه‌رانسه‌رى پارێزگه‌ها دهوكێ.

هه‌روه‌سا هاريكارێ رێڤه‌به‌رێ گشتى ئاشكرا كر كو ئه‌زموونێن نيشتيمانى بۆ قوناغا 99 بنه‌ره‌تى ل روژا چوارشه‌مبى رێكه‌فتى 14ى خزيرانا 2017 و ل ده‌م ژمێر (08:30) سپێدێ هێنه‌ كرن و هه‌تا 5ى تيرمه‌ها 2017 دێ به‌رده‌وام بن و(41.000) قوتابى د پشكدار بن دڤان ئه‌زموونێن نيشتيمانى دا كو ل سه‌ر (574) بنگه‌هان ل سه‌رانسه‌رى پارێزگه‌ها دهوكێ هاتينه‌ به‌لاڤكرن.
سه‌باره‌ت ئه‌زموونێن گشتى يێن قوناغا 12 ئاماده‌يى هاريكارێ رێڤه‌به‌رێ گشتى دا دياركرن كو ئه‌زموون دێ ل روژا پێنجشه‌مبى رێكه‌فتى 15ى خزيرانا 2017ێ و ل ده‌م ژمێر (08:30) سپێدێ هێنه‌ كرن و (19.039) قوتابيێن پشكا زانستى و (14.393) قوتابيێن پشكا وێژه‌يى و ( 450) قوتابيێن پشكا پيشه‌يى وئيسلامى دێ پشكداريێ دئه‌زموونێن گشتى يێن خولا ئێكێ سالا خواندنێ 2016-2017 دا بن كو هاتينه‌ دابه‌شكرن لسه‌ر (664) بنگه‌هان ل سه‌رانسه‌رى پارێزگه‌ها دهوكێ .
هه‌ژى گوتنێ يه‌ رێڤه‌به‌ريا گشتى ياپه‌روه‌ردێ ل پارێزگه‌ها دهوكێ به‌رهه‌ڤى وئاماده‌كاريێن باش ژهه‌مى رويه‌كى ڤه‌ ئه‌نجام داينه‌ وپلانه‌كا موكم دارێژتيه‌ داكو ره‌وش وسه‌قايێ ئه‌زموونان ئارام وبێ ئاريشه‌ ده‌ربازببيت و ب سه‌ركه‌فتيانه‌ بهێنه‌ ئه‌نجام دان.

ئەڤرو نیوز:
وەسا بریارە کو ئەڤرو رۆژا سێشەمبی ئەنجومەنا وەزیران یا حکومەتا ھەرێما کوردستانێ ل بارا سەرەدانا شاندنێ حکومەتا ھەرێمی ل مالا رێزدار نێچیرڤان بارزانی کوم ببن ب تایبەتی لسەر پرسا گرێبەستێن دناڤبەرا حکومەتا ھەریمێ و کومپانیا روز نەفت.
وەسا بریارە کو ئەڤرو شاندنێ ھەرێمێ ل روسا ڤەگەرێت و ھەر ئەڤرو دەمژمێر 5:00ێ ئێڤاری کومبوونەکا بەرفرەە ل مالا رێزدار نێچیرڤان بارزانی لسەر ناڤەروکا گرێبەستێن کومپانیا روز نەفت و حکومەتا ھەرێما کوردستانێ ل گەل لایەنێن سیاسی و حکومەتێ دانوستاندن لسەر بھێنەکرن.
ل گورەی زانیاریێن ئەڤرو نیوز ھژمارەکا وەزیر و لایەنێن سیاسی و نەتەوەیێن جوداجودایێن ھەرێما کوردستانێ دێ پشکدارێ کومبوونێ بن.
دھێتە زانین کو رێکەفتی ٢ خزیرانا ٢٠١٧ حکومەتا ھەرێمێ ل گەل کومپانیا روز نەفتا روسی چەند گرێبەستەک دوارێ پەترول و گازێ بو دەما ٢٠ سالان ئیمزاکر و ل گورەی ھندەک خالێن ئەوێ رێکەفتنێ کومپانیا روز نەفت دێ روژانە ٧٠٠ ھزار بەرمیلێن پەترولێ وەرگریت.

ئەڤرو نیوز ، نەوزاد هلوری:
ئێڤاریە درەنگی یا ئەڤرو چوار وەلاتیێن دن یێن کوردێن ئێزدی کو خەلکێ گوندێ کوچو بوون هاتنە رزگارکرن.
دڤی واریدا “حەسەن قائیدی” بو ئەڤرو نیوز گۆت: ( ئیڤاریا ئەڤرو د رێیا سوریا دا چوار وەلاتیێن ئێزدی کو خەلکێ گوندێ کوچو یێ ئێزدیابوون ب هاریکاریا هێزێن ئێمناهی و پێشمەرگێن قەهرەمان هاتنە رزگارکرن و گەهشتنە ئاخا هەرێما کوردستانێ)
زێدەتر گۆت: ( ئەو هەر چوار وەلاتی پێکهاتبوون ژ سێ زاروک و دایکا وان ، و ب رزگارکرنا وان هژمارا رزگارکریان گەهشتە سێ هزار 18 کەسان)

ئەڤرو نیوز ، مورشید برادۆستی:
پشتی نیڤرویا ئەڤرو گەنجەکێ قەزا شەقلاوێ ڤیا ب کارەبێ ماسیان بگریت ، بەلێ کارەبێ ئەو کوشت.
دڤی واریدا “محسن قەسروکی” بەرپرسێ راگەهاندنا رێڤەبەریا ساخلەمیا شەقلاوێ بو ئەڤرو نیوز گۆت: ( ئەڤرو گەنجەکێ قەزا شەقلاوە ب ناڤێ “دیدار زوهێر” دژیێ 19 سالیێ دا ، ڤیا ب رێیا کارەبکرنا رووباری ماسیان بگریت ، بەلێ پشتی رووبار کارەب کری، کارەبێ ئەو گرت و دەملدەست گیانێ خوە ژ دەست دا)
زێدەتر گۆت: (ئەو گەنج ل گەل چەند هەڤالان ب مەرەما ماسیان قەستا رووبارێ سەیرانگەهێن حاجی پایز کربوو ل سنوورێ قەزا شەقلاوە ، من ڤیا بێژم کو گرتنا ماسیان ب رێیا کارەبێ گەلەک مەترسی یە و پێدڤی یە وەلاتی ڤێ یەکێ بکارنەئینن)

ئەڤرو نیوز ، نەوزاد ھلۆری:
دەمەک بەریا نھا ژ ئەنجامێ روودانەکا ترافیکێ دناڤبەرا چوار ترومبێلان دا شەش کەسان گیانێ خوە ژ دەست دا و چەند کەسەک ژی برینداربوون.
دڤی واریدا فازل حاجی ژ ھاتن و چونا ھەولێرێ بۆ ئەڤرو نیوز گۆت: (دەمەک بەریا نھا لسەر رێیا گشتی دناڤبەرا ھەولێر بو کەرکوک ل نێزیک ناحیا قوشتەپە ژ ئەنجامێ روودانەکا ترافیکێ دناڤبەرا چوار ترومبێلان شەش کەسان گیانێ خوە ژ دەست دا و ھژمارەک ژی برینداربن)
زێدەتر گۆت: (ترومبێلەکا بارھەلگر کونتروللا خوە ژ دەستدایە و ب سێ ترومبێڵن دن کەفتیە ، زێدەباری گیان ژ دەستدان و برینداران د ھەمان دەم دا زیانێن زورێن مادی بەر وان ترومبێلان کەفتینە)

ئەڤرو نیوز ، نەوزاد ھلۆری:
وەلاتیەکێ قەزا رەواندوز یا سەر ب پارێزگەھا ھەولێرێ لسەر ئەرکێ خوە رابویە ب درۆستکرنا بنگەھەکێ نەخۆشخانێ بو دەڤەرێ.
دڤی واریدا “حازم کوردە “خودانێ بانکا گەشتیاری ل قەزا رەواندوز و ئەو وەلاتیێ کو دی َنەخۆشخانێ لسەر ئەرکێ خوە درۆست کەت بۆ ئەڤرو نیوز گۆت: (وەکو ئەرکەک نیشتمانی و مرۆڤایەتی و نەتەوەی و ئاینی من ب فەردیت کو بنگەھەکێ نەخۆشخانێ بو خەلکێ دەڤەرێ درۆست بکەم ، سوپاس بو خودێ کو جھێن پەیوەندیدار ئەڤ یەک ب خوشخالیڤە وەرگرت و ھاریکرن و پارچە زەڤیەک ژی دەستنیشانکریە بو چێکرنا نەخۆشخانێ و نھا مە دەست ب بجھکرنا نەخۆشخانێ کریە و دەمەک نێزیک دێ ب دوماھی ھێت)
زێدەتر گۆت: (ئەڤ نەخۆشخانە زێدەباری وەکو ئاڤاھی دھەمان دەم دا ھەموو پێدڤیێن نەخۆشخانێ ل گەل دا ھەنە و دێ ل نێزیک تاخێن کانی و نەوروز و شورش ھێتە چێکرن ژبەرکو ژلایەکێ ڤە دویرن ل سەنتەرێ باژێرێ رەواندوز و ژلایەکێ دنڤە رێژەیەکا زورا کەسان دکەڤنە ئەڤان تاخان )

ئەڤرو نیوز ، نەوزاد زادە ھلوری:
رێڤەبەریا گشتی یا ھاتن و چوونا ھەرێمێ دیارکر کو ئەڤرو وەکو رێزگرتن ب ھەلکەفتا رۆژا جیھانیان ژینگەھێ ل ھەموو کوردستانێ بو دەما دوو خولەکان دێ ترومبێل ھێنە راوەستاندن.
دڤی واریدا فازل حەجی ئاخفتنکەرێ رێڤەبەریا گشتی یا ھاتن و چوونا ھەرێمێ بۆ ئەڤرو نیوز گۆت: (ب ھەلکەفتا روژا جیھانیا ژینگەھێ وەکو رێزگرتن ل دەمژمێر ١١ێ سپێدێ ھەتاکو دەمژمێر ١١:٠٢ خولەک دێ ھەموو ترومبێل ل سەرانسەرێ ھەرێما کوردستانێ ھێنە راوەستاندن دخوازین کوش وفێر ھەڤکاربن )
ل گورەی زانیاریێن ئەڤرو نیوز ملیون و ٤٣٠ ھزار ترومبێل ل ھەرێما کوردستانێ ھەنە ، ئەڤە زێدەباری ترومبێلێن ئاوارە و پەنایەر و ئەوان ترومبێلێن کاتی و نە ھژمارکری.