ئه‌ڤرۆ نيوز:
د چارچۆڤێ ئۆپه‌راسيۆنێن كۆنترۆلكرنا چه‌ند گۆند و ده‌ڤه‌ران ل ميحوه‌رێ خازر، چه‌كدارێن داعش ب ترۆمبێلێن مينرێژكرى هێرش كره سه‌ر هێزێن پێشمه‌رگه‌ى و ژ لايێ پێشمه‌رگه‌ى ڤه ترۆمبێل هاته په‌قاندن.
ژێده‌ر: K24
نووترين نووچه
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
- سەرۆك بارزانی جەژنا قەولتاسی ل كاكەییان پیرۆز دكەت
- ئەمریكا دەستخوەشیێ ل سەرۆك بارزانی دكەت بۆ هنارتنا نوونەرێ خوە یێ تایبەت بۆ سووریێ
- شاندێ دانوستاندكارێ پارتی ل گەل بەرەیێ گەل كۆمبوو
- پێدڤییە بەغدا شایستەیێن دارایی یێن هەرێما كوردستانێ بهنێریت
- مەسرور بارزانی و فالح فەیاز دوپاتی ل گرنگییا هەماهەنگییا ئەمنی د ناڤبەرا هەرێمێ و ئیراقێ دا كر
سه‌ره‌كى نووترين نووچه
32 ملیار دینارێن جۆتیاران گەھشتنە دھۆکێ
ئەڤرۆ نیوز:
رێڤەبەرێ گشتێ یێ بارزگانیا دەخل ودانی ل پارێزگەھا دھۆکێ دیار کر چەکێ پارێ گەنمێ جۆتیارێن پارێزگەھا دھۆکێ یێ سالە 2015 ب کوژمێ 32 ملیار دیناران گەھشتە کۆمپانیا بازرگانیا دەخل ودانی ل دھۆکێ دێ بۆ بەنکا داسنیا ل دھۆکێ ھێتە رەوانەکرن وپاشی دی بۆ بەنکا ناڤەندی ل ھەرێمێ ھێتە رەوانەکرن ھەر دەمێ پارە ھات دێ دووڤ رێزبەندیێ ل سەر جۆتیاران ھێتە بەلاڤکرن.
نازم محەمەد عەلی رێڤەبەرێ گشتێ یێ بارزگانیا دەخل ودانی ل پارێزگەھا دھۆکێ دیارکر وەزارەتا بازرگانیا عێراقێ دگەل وەزارەتا دارایی ل بەغدا ب کوژمێ زێدەتر ژ 200 ملیار دیناران قەردارێ جۆتیارێن دھۆکێ یە د وەختەکێ دا بەغدا پارێ ھەموو جۆتیارین پارێزگەھێن دێ یێن عیراقی مەزاختیە بتنی یێن پارێزگەھێن ھەرێما کوردستانێ مایە دگەل وان پارێزگەھێن دەستێن تیرۆرستێن داعش دا.
رێڤەبەرێ کۆمپانیا بازرگانیا دەخل ودانی گۆت: حوکمەتا عیراقێ ب کوژمێ زێدەتری 200 ملیار دیناران قەرداری جۆتیارێن پارێزگەھا دھۆکێ ، سالە 2014 ھیشتا کوژمێ 42 ملیار دینارێن جۆتیاران ل وەزارەتا بازرگانیا عیراقێ ماینە و نە مەزاختینە ، کوژمێ 179 ملیار دینار یێ سالە 2015 ژی ماینە وبەغدا نە مەزاختیە ئەڤ سالە چو گرەنتیی نێنە بەغدا پارێ گەنمێ سالا 2016 ب مەزیخت.
نازم محەمەد ، گۆت: بەغدا پارێ ھەموو جۆتیارین عێراقی یێن سالا 2014 مەزاختیە بتنێ پارێ جۆتیارێن ھەرێما کوردستانێ دگەل یێن پارێزگەھا سەلاحەدین و موسل و رومادی و کەرکوک نەمەزاخیتیە و چەندێن جاران ب نڤیسارێن فەرمی داخوازی ژ بەغدا ھاتیە کرن لێ نە مەزاختینە.
80 تەنێن گەنمێ نەقانوونی ھاتنە دەستەسەرکرن
ئەڤرۆ نیوز:
سەردار یەحیا عبدولعەزیز، قایمقامێ قەزا شێخان بۆ رۆژناما ئەڤرۆ دیار کر کو ژلایێ پولیسێن قەزا شێخان ڤە 80 تەنێن گەنمی ب رێیێن نە قانوونی ل کوگەھەکا ھەلگرتنا گەنمی ل دەرڤەی سەنتەرێ شێخان ھاتینە دەستەسەرکرن.
ناڤبری دیار کر کو لدووڤ زانیاریێن دەستپێکێ ئەڤ گەنمە ب رێیێن نە قانوونی ل دەڤەرا وانکێ ئەلقوش ژلایێ ھندەک کەسان ڤە ئینایە دناڤ ڤێ کوگەھێ دا ھەلگرتیە.
گۆتژی: “مەرەم ژ ھەلگرتنا ڤی گەنمی دناڤ ڤێ کوگەھێ دا حەتا نھا دیار نەبوویە ڤەکۆلین ل گەل وان کەسێن ئەڤ گەنمە ئینایی یا بەردەوامە، ئەرێ ئینایە بۆ مەبەستا ھەلگرتنێ یان بۆ وێ چەندێ ئینایە رادەستی سایلویا شێخان بکەت دوڤچوون یا بەردەوامە داکو ئەگەرێن ئینان و چاوانیا رێیا ھاتنا ڤی گەنمی دیار بیت”.
ناڤبری زێدەتر گوت: “ب ھیچ شێوەیەکی رێ ناھێتەدان دوبارە گەنم ب رێیێن نە قانوونی بھێتەشێخان،ئاسایشا شێخان بەردەوام چاڤدێریێ لێ دکەت”.
11 كه‌سێن بادينى بوونه ئه‌ندامێن جڤاتا سه‌ركرداتيا ئێكگرتوو
ئه‌ڤرۆ نيوز:
پشتى هه‌لبژارتنا سه‌لاحه‌دين ئهائه‌دين، ئه‌ميندارێ گشتيێ ئێكگرتوو ئيسلامى كوردستان، ئه‌ڤرۆ جڤاتا سه‌ركرداتيا ئێكگرتوو هاتنه هه‌لبژارتن كو ژ 35 كه‌سان پێك دهێت و د ناڤ وان دا 11 يێن پارێزگه‌ها دهۆكێ نه.
ل پارێزگه‌ها دهۆكێ 11 كه‌س بوونه ئه‌ندامێن جڤاتا سه‌ركرداتيێ ل دووڤ رێزبه‌ندێ ل خوارێ دياركرى، به‌لێ خودانا رێزا 14ێ هاڤين خه‌ليل ژ به‌ر كوتايێ ل جهێ جاسم محه‌مه‌د دێ هێته دانان.
هه‌رێم دێ هێلا ئه‌نترنێتێ راگريت
ئه‌ڤرۆ نيوز:
ئۆمێد محه‌مه‌د سالح، ئاخفتنكه‌رێ ب ناڤێ وه‌زاره‌تا ڤه‌گوهاستن و گه‌هاندنێ بۆ رووداو راگه‌هاند: د رۆژا ئێكێ يا ده‌سپێكرنا ئه‌زموونێن پۆلێن دووماهيێ ل رۆژا 2ى تيرمه‌ها 2016ێ ل سه‌ر داخوازيا وه‌زاره‌تا په‌روه‌ردێ دێ هێلێن ئه‌نترنێتێ ل كوردستانێ بۆ ماوێ چار ده‌مژمێران هێنه راگرتن”.
زێده‌تر گۆت: “راگرتن دێ ژ ده‌مژمێر 07:00 هه‌تا 11:00ى به‌رى نيڤرۆ بيت و ئه‌ڤه ژى بۆ رێگرى كرنێ يه ل قوپيايێ و پرۆسا راگرتنێ ژى هه‌تا رۆژا دووماهيێ يا ئه‌زموونان دێ يا به‌رده‌وام بيت”.
دو پانزینخانە ھاتنە داخستن
ئەڤرۆ نیوز:
قائێمقامێ قەزا شێخان بۆ رۆژناما ئەڤرۆ ئاشکرا کر کو ژ بەر خرابیا کوالتیا پانزینێ و پێگری نەکرن ب رێنمایان دو پانزینخانە ل دەڤەرا شێخان ھاتینە داخستن.
سەردار یەحیا، قائێمقامێ قەزا شێخان دیار کر، پێخەمەت بەرژەوەندیا گشتی یا وەلاتیان تیمێن چاڤدێریکرن و دووڤچوونان ل سەر پانزینخانێن سنوورێ پارێزگەھا دھۆکێ، ب تایبەت وان پانزینخانێن دکەڤنە سەر رێیا نێڤدەولەتی یا دھۆکێ بۆ ھەولێرێ و گۆت: “پشتی تیمێ پشکنین ل سەر چەند پانزینخانان کری دو پانزینخانە ل قەزا شێخان ل سەر رێیا سەرەکی و ل نێزیک چاریانا شێخان بۆ دەمێ پێنج رۆژان ھاتنە داخستن”.
خویا ژی کر، بەردەوام ئەو تیمە پانزینخانێن سنوورێ پارێزگەھا دھۆکێ پشکنین دکەن و ھەر پانزینخانەکا کوالیتا پانزینێ وێ یێ باش نەبیت دێ ھێتە سزادان.
فه‌رمانده‌ك: سه‌رۆك بارزانى يێ سه‌رپه‌رشتيا ئێكسه‌را ئۆپه‌راسيۆنا ئه‌ڤرۆ دكه‌ت
ئه‌ڤرۆ نيوز:
ب سه‌رپه‌رشتيا فه‌رماندێ هێزێن چه‌كدار ل هه‌رێما كوردستانێ، مه‌سعود بارزانى، و ب پێشكداريا پێنج هزار پێشمه‌رگان هێرشا پێشمه‌رگه‌ى بۆ سه‌ر سه‌نگه‌رێن داعش ل خازر يا به‌رده‌وامه و پێشمه‌رگه يێ د پێشڤه‌چوونێ دا.
فه‌رمانده‌كێ پێشمه‌رگه‌ى كو ئه‌ڤرۆ نيوز پاراستن ل سه‌ر ناڤێ وى كر بۆ ئه‌ڤرۆ نيوز گۆت: “ئه‌ڤرۆ ل ده‌مژمێر 4:30 ده‌قيقه يێ سپێده‌هيا رۆژا ئێكشه‌مبى رێكه‌فتى 29ى گۆلانا 2016ێ ل ميحوه‌رێ خازر هێرشا پێشمه‌رگه‌ى بۆ سه‌ر چه‌كدارێن داعش ده‌سپێكر”.
زێده‌تر گۆت: “د ڤێ هێرشێ دا پێشمه‌رگه‌ى دڤيت بۆ ده‌وروبه‌رێن مووسل ب چه‌ند كيلۆمه‌تران پێشڤه‌چوونێ بكه‌ت و فرۆكێن هێزێن هه‌ڤپه‌يمانان ژى يێن د ڤێ ئۆپه‌راسيۆنێ دا هاريكاريا پێشمه‌رگه‌ى دكه‌ن”.
ئه‌ڤى فه‌رماندێ پێشمه‌رگه‌ى بۆ ئه‌ڤرۆ نيوز دا زانين ژى كو وره‌يا پێشمه‌رگه‌ى ئێكجار د ڤى شه‌رى دا يا بلنده و ب تايبه‌ت ژ ئه‌گه‌رێ هه‌بوونا مه‌سعود بارزانى فه‌رماندێ هێزێن چه‌كدار ل گه‌ل وان و گۆت: “سه‌رۆك بارزانى ب ره‌نگه‌كێ ئێكسه‌ر سه‌رپه‌رشتيا ڤى شه‌رى دكه‌ت”.
ل دۆر پێشكه‌فتنێن پێشمه‌رگه‌ى ژى گۆت: “پێشڤه‌چوونێن هێزێن پێشمره‌گه‌ى ب گۆره‌ى ئه‌و پلانا هاتيه دارێژتن د به‌رده‌وامن و نوكه پێشمه‌رگه يێ دبزاڤێ كه‌ت گۆندێ تل ئه‌سوه‌د كو ئێك ژ گۆندێن مه‌زنێن ده‌ڤه‌رێ يه كونترۆل بكه‌ت”.
روسیا: ناھێلین ھەرێمەکا فیدرال ل باکورێ سووریێ ئاڤا بیت
ئەڤرۆ نیوز:
ریاز حەداد بالیۆزێ سووریێ ل روسیا د داخۆیانیەکێ دا بۆ ئاژانسا سپۆتینگ راگەھاند کو نھا رەوشا سووریێ گەلەک ئالۆزە و پشکەک مەزن ژ ئاخا سووریێ کەفتیە ژێر دەستێ تیرۆرستان و ل باکورێ سووریێ ژی سیستەمەکێ فیدرالی ھاتیە راگەھاند، لێ ئەو سیستەم ژ ئالیێ خەلکێ مە ڤە نەھاتیە قەبوول کرن و ئەم رێ نادەین ژی کو ئەو سیستەمە بەردەوام بیت، بەلکو ھەموو خەلکێن سووریێ دخوازن ل گەل حوکمەتا ناڤەندی بژین، لێ ئەو ئاریشێن کو ھەنە ژی دێ چارە ببن و خەلکێ سووریێ ل دژی تیرۆرێ قوربانیێن مەزن داینە و ئەم رێ نادەین سووریا بھێتە پارچەکرن.
بالیۆزێ سووریێ ل روسیا ئەو یەک ژی دیار کر کو راگەھاندنا سیستەمێ فیدرالی ل باکورێ سووریێ تنێ ل سەر کاغەزێ بوویە و چو وەلاتەکێ جیھان دانپێدان ب وێ فیدرالیێ نەکریە و ھەکە رەوشا سووریێ ئارام بیت ئەو فیدرالی ژی نامینیت و دێ سووریا وەکو بەرێ یا ئێکگتری و ب ھێز بیت و گۆت: (ئاشکرایە کو دەستێ ھندەک وەلاتان د راگەھاندنا وێ فیدرالیێ دا ھەبوو و مەرەما وان پارچەکرنا سووریێ بی و ئەم وێ یەکێ قەبوول ناکەین).
ئه‌ڤرۆ نيوز ناڤێن ئه‌ندامێن نوو ييضن سه‌ركرداتيا ئێكگرتوو به‌لاڤ دكه‌ت
ئه‌ڤرۆ نيوز:
د كۆنگرێ حه‌فتێ يێ ئێكگرتوو دا ژبلى گوهۆڕينا ئه‌ميندارێ گشتيێ ئێكگرتوو ژ محه‌مه‌د فه‌ره‌ج بۆ سه‌لاحه‌دين بهائه‌دين، چه‌ندين سه‌ركردێن ديارێن وێ حزبێ وه‌كو محه‌مه‌د فه‌ره‌ج و محه‌مه‌د ره‌ئوف و ئه‌بۆ به‌كر كاروانى خوه بۆ سه‌ركرداتيا وێ حزبێ نه‌هه‌لبژارت.
ل جهێ وان ژى هنده‌ك كه‌سێن دى بۆ جارا ئێكێ چوونه ناڤ سه‌ركرداتيا وێ حزبێ و ب گۆره‌ى ئه‌نجامێن هه‌لبژارتنان جڤاتا سه‌ركرداتيا نوو يا ئێكگرتوو ئه‌بۆ به‌كر هه‌له‌دنى پترترين رێژا ده‌نگان ب ده‌ست خوه ڤه ئينايه.
ناڤێ ئه‌ندامێن جڤاتا سه‌ركرداتيا ئێكگرتوو:
سەعید عەلی عەبۆ
غازی سەعید
تاریق رەمەزان
نەسرەدیین سندی
د.جەمال كۆچەر
د.محەممد مستەفا
خەلیل ئیبراهیم
بەیان ئەحمد
د.محەممد هاودیانی
فەرهاد مەلا ساڵح
سۆران ئەحمەد
كەژاڵ هادی
ئەبوبكر هەڵەدنی
د. شێركۆ جەودەت
د.عومەر محەممد
د.محەممەد ئەحمەد
د.یەحیا رێشاوی
د.موسەنا ئەمین
سەمیر سەلیم
عوسمان كاروانی
جەلال تاهیر
حەسەن عەبدوڵڵا
د.هادی عەلی
د.سەڵاحەددین بابەكر
م.بارزان ئەحمەد
م.مەولوود باوەموراد
ناسك تۆفیق
بەهار هادی
ئومێد خوشناو: مەرجێن تەڤگەرا گۆران ناھێنە قەبوول کرن
ئەڤرۆ نیوز:
سەرۆکێ فراکسیۆنا پارتی ل پەرلەمانێ کوردستانێ دیار کو بوچوونا پارتی نەھاتیە گوھۆڕین و ل 23ێ حوزەیرانێ مە راگەھاندیە بەرێز یوسف موحەمەد وەک سەرۆکێ پەرلەمانێ نەمایە و ژئالیێ سیاسی ڤە ئەو باوەریا سیاسی ژ دەست دایە، بەلێ تنێ لایەنێ قانوونی ڤە مایە ئەو ژی ل درونشتنەکا پەرلەمانێ کوردستانێ ب دەنگێ ئەندامێن پەرلەمانی باوەری دێ ژێ ھێتە ڤەکێشان، چونکو یوسف موحەمەد ب رێککەفتنەکا سیاسی ل گەل پارتی بوویە سەرۆکێ پەرلەمانی، ئەو رێککەفتن ژی ب دووماھیک ھاتیە، و دەمێ پەرلەمان دھێتە ئەکتیفکرن دبیت گوھۆڕین ل دەستەیا سەرۆکاتیا پەرلەمانی ژی بھێتە کرن، سەبارەت داخویانیا سەرۆکێ فراکسیۆنا یەکێتی ل پەرلەمانێ کوردستانێ کو راگەھاند بوو، ھەکە بۆ دەمەک ژی بیت یوسف موحەمەد دڤێت بھێتە پەرلەمانی، ئومێد خوشناو ل سەر وێ چەندێ گۆت: دوھی بوو ئەوان ئەو حەزە ھەبوو ئەف بوچوونە ھاتە راگەھاندن بەلێ ب حەزا وان نابیت ئەم ژ یەکێتی بوچوونێن جودا جودا گوھلێ دبین، ئەف بابەتە ژی ل دەف مە نووی یە کو ل فراکسیۆنا یەکێتی ئەف داخازییە ھەبیت، ھەروەسا گۆت: بەلێ داخازیا تەڤگەرا گۆڕان سەبارە ئەکتیفکرنا پەرلەمانی و ڤەگەراندنا سەرۆکێ پەرلەمانی بێی مەرج ناھێتە قەبوول کرن، یا مومکین نینە بھێتە بجھئینان، دیسا دیارکر کومومکین نینە ئەو ھێزا مە ھەڤپەیمانی ل گەل ئیمزاکری سەبارەت پشککرنا پۆستێن پەرلەمانی و حوکمەتێ ئەو ھێز ژی ل وی ئاستێ دا نەبوویە کو تەفگەرا گۆڕانە و مە ب ئاشکرا ب خەلکێ کوردستانێ گۆتی یە ئەو رێککەفتنا تاک لایەنانە ب دووماھیک ھاتیە و ھاتیە ھەلوەشاندن.
ئۆمێد خوشناو گوت: ئەم دبێژین سیفەتێ یوسف موحەمەد وەک سەرۆکێ پەرلەمانی ژ ئالیێ سیاسی ڤە ب دووماھیک ھاتیە، چونکی ئەو ب ھەلبژارتنا خەلکی و ئەندامێن پەرلەمانی نە بوویە سەرۆک پەرلەمان ئەو ب رێککەفتنەکێ کو ل گەل پارتی ئیمزا کر بوو پۆستێ سەرۆکێ پەرلەمانی وەرگرتیە، ئەو دەمێ کو ھاتیە ھەلبژاردن بۆ سەرۆکێ پەرلەمانێ ئێک ئەندام پەرلەمانێ ئێکەتی نیشتیمانی کوردستان دەنگ بۆ نەدانە و ناف ھۆلێ پەرلەمانێ ژی بایکۆت کربوون و چوونە دەرڤەی ھۆلا پەرلەمانی.
نيشاندان
WP Facebook Auto Publish Powered By : XYZScripts.com