ئه‌ڤرۆ نیوز:
مه‌لا به‌ختیار به‌رپرسێ ده‌سته‌یا كارگێرى یێ مه‌كته‌با سیاسى یێ ئێكه‌تیا نیشتمانیا كوردستانێ ل ئه‌لمانیا ل گه‌ل ره‌ڤه‌ندا كوردى و نوونه‌رێن حزب و لایه‌نێن كوردستانى كومبوو و د كۆره‌كێ دا گوت” په‌یوه‌ندیێن خوه ل گه‌ل گۆران دێ پێشڤه به‌ین و دێ گه‌هینه رێككه‌فتنه‌كا سیاسى، به‌لێ رێككه‌فتنا مه ل سه‌ر حسابا چ لایه‌نه‌كى نابیت و ب راشكاوانه مه ئه‌ڤ چه‌نده گوتیه”.
مه‌لا به‌ختیار ئاماژه ب وێ چه‌ندێ ژى كر كو ئه‌و ل هه‌مبه‌ر كێشێن هه‌رێمێ پشكه‌كن ژ چاره‌سه‌ریێ.
ئەڤرۆ نیوز، قائید میرۆ:
ھژمارەکا بەرچاڤ یا رێکخراوێن مەدەنی داخواز دکەن پێداچوون ب نمرەیێن وەرگرتنا قوتابیان بھێتەکرن و کریا خواندنێ ژی بھێتە كێمكرن.
سیروان گەردی، چالاکڤانێ مەدەنی بۆ ئەڤرۆ نیۆز گۆت” ئەڤرۆ مە پڕێنس کۆنفڕانسەکێ رۆژنامەڤانی گرێدا و تێدا، ب ناڤێ ١٣٥ رێکخراوێن مەدەنی داخواز ل حوکمەتێ کر، پێداچوون ب سیستەمێ وەرگرتنا قوتابیان ل زانکۆ و پەیمانگەھێن ھەرێما کوردستانێ بھێتەکرن، ژبەرکو ژبەر ڤان قەیرانان بێکاری زێدەبوویە و گەنج یێ دچنە دەرڤە.
گەردی دیارکر، مە داخوازکر ئەف قوتابیێن نمرەیێن وان ٥٠%ژی بھێنە وەرگرتن و کریا زانکۆیێن ئەھلی ژی بھێتە ئەرزانکرن، چونکە کریا خواندنێ زۆرە و زۆر قوتابی نەشێن کریێ بدەن.
ئه‌ڤرۆ نيوز:
ب گۆره‌يى نڤيساره‌كا فه‌رمى كو وێنه‌ك ب ده‌ست ئه‌ڤرۆ نيوز كه‌فتيه، تێدا هاتيه، وه‌زاره‌تا دارايى يا حوكمه‌تا هه‌رێما كوردستانێ دێ به‌ردواميێ ده‌ته به‌لاڤكرنا موچێ هه‌يڤا تيرمه‌هێ ب ڤى ره‌نگێ ل خوارێ:
- رۆژا دوشه‌مبى 26ى چريا ئێكێ مووچێ رێڤه‌به‌ريا گشتى يا پۆليسان ل وه‌زاره‌تا ناڤخۆ هێته به‌لاڤكرن.
- رۆژا سێشه‌مبى 27ى چريا ئێكێ مووچێ ديوانا وه‌زاره‌تا ناڤخۆ و فه‌رمانگه‌هێن سه‌ر ب وێ وه‌زاره‌تێ هێته به‌لاڤكرن.
- رۆژا چارشه‌مبى 28ى چريا ئێكێ دێ مووچێ وه‌زاره‌تا كاره‌بێ هێته به‌لاڤكرن.
- رۆژا پێنجشه‌مبى 29ى چريا ئێكێ دێ مووچێ وه‌زاره‌تا ئه‌وقاف و كاوربارێن ئاينى هێته به‌لاڤكرن.
ئه‌ڤرۆنیۆز، ئه‌یاد به‌روارى
هه‌والگیریا عیراقی و به‌رپرسێن ئه‌مریكی ئاشكراكرن كو رێكخستیا ده‌وله‌تا ئیسلامی (داعش) یا تیرۆرستی هه‌یڤانه گوژمێ 50 ملیۆن دۆلاران ژ هنارتنا په‌ترۆلێ ژوان بیرێن په‌ترۆلی یێن دبن كونترۆلا وێڤه ل عیراقێ و سووریێ بده‌ستڤه‌دئینیت.
ل دووڤ راپۆرته‌كا ئاژانسا (ئه‌سوشێتد پریس) هنارتنا هه‌یڤانه یا په‌ترۆلێ ژلایێ داعشێ ڤه هه‌تا راده‌یه‌كێ مه‌زن دراڤێ پێدڤی بۆ كریارێن چه‌كدارێ یێن وێ دابین دكه‌ت و ئه‌و چه‌نده ژی بۆ ئه‌گه‌رێ سه‌رنه‌گرتنا هه‌موو بزاڤێن دبلوماسی و له‌شكری یێن ئه‌مریكا بۆ ژناڤبرنا داعشێ ل ده‌ڤه‌رێن دبن كونترۆلا وێڤه.
ئاژانسا ناڤبری ئاماژه دا كو ئه‌و دراڤێ بۆ داعشێ ژ هنارتنا په‌ترۆلێ بده‌ستڤه‌دهێت بۆ ئه‌گه‌رێ په‌یدابوونا دراڤه‌كێ مه‌زن ل ده‌ڤ وێ رێكخستیا تیرۆرستی و مانا وێ ل ده‌ڤه‌رێن كونترۆلكرین ل عیراقێ و سووریێ.
ل دووڤ ژێده‌رێن هه‌والگیریا عیراقی، داعش هه‌یڤانه 30 هزار به‌رمیلێن په‌ترۆلێ به‌رهه‌م دئینیت ژ بیرێن په‌ترۆلێ یێن دبن كونترۆلا وێڤه ل سووریێ و 10 هزار هه‌تا 20 هزار به‌رمیلان رۆژانه به‌رهه‌م دئینیت ژ بیرێن په‌ترۆلێ ئه‌وێن دبن كونترۆلا وێڤه ل عیراقێ و به‌رمیلا په‌ترۆلێ دناڤبه‌را 10 هه‌تا 35 دۆلاران دفروشیته قه‌چاغچیان.
ژلایێ خوه‌ڤه ئۆفیسا سه‌رۆك وه‌زیرێن توركیا (ئه‌حمه‌د داود ئۆگلۆ) ب ئاژانسا (ئه‌سوشه‌یتد پرێس) راگه‌هاند كو توركیا پێرابوونێن گونجای ئه‌نجامداینه ژبۆ نه‌هێلانا ب قه‌چاغ فرۆتنا په‌ترۆلێ ب دناڤ سنۆرێ وێ ڕا، دیسا دیاركریه كو ده‌زگه‌هێن ئه‌منی یێن توركی هه‌ر ژ دووماهیا هه‌یڤا ئلۆنا 2015ێ و هه‌تا نوكه 3319 حاله‌تێن قه‌چاغیێ ژ سووریێ راوه‌ستاندینه.
ئه‌ڤرۆ نیۆز، قائید میرۆ
ئه‌ندامه‌كا فڕاكسیۆنا پارتی ل په‌رله‌مانێ عێراقێ هویرده‌كاریێن سه‌ره‌دانا شاندێ هه‌رێمێ بۆ به‌غدا ئاشكرادكه‌ت و رادگه‌هینیت، مه‌ره‌ما سه‌ره‌كیا سه‌ره‌دانێ بۆ به‌حسكرنا پرسا شه‌ڕێ داعشه.
ئه‌شواق جاف، په‌رله‌مانتارا پارتی دیموكراتی كوردستان ل به‌غدا ب ئه‌ڤرۆ نیۆز راگه‌هاند” ژڤانێ چوونا شاندێ هه‌رێما كوردستانێ بۆ به‌غدا دیارنینه، تنێ بڕیاره ئه‌ف شاند بسه‌رۆكایه‌تیا نێچیرڤان بارزانی بهێته ئه‌نجامدان و دێ شانده‌كێ حوكمه‌تێ بیت نه‌ك حزبی، ئه‌ڤ زانیاریه حوكمه‌تا هه‌رێمی داینه‌مه.
ئه‌شواقێ گۆت ژی” ته‌وه‌رێ سه‌ره‌كیێ سه‌ره‌دانا شاندێ هه‌رێمێ دگه‌ل حوكمه‌تا عه‌بادی دێ لدۆر په‌یوه‌ندیێن هه‌رێما كوردستانێ و به‌غدا بۆ به‌ره‌نگاربوونا تیرۆرستێن داعش بیت نه‌ك مه‌له‌فێ دارایی و نه‌فتێ.
ل ئیستانبۆلێ ھونەرمەندەکی کورد یێ سترانبێژ ژ به‌ر گۆتنا سترانێن كوردى یێن نه‌ته‌وایه‌تى ژ ئالیێ نه‌ژادپه‌ره‌ستێن تورك ڤه ب كێران دهێته کوشتن.
نه‌ژادپه‌ره‌ستێن تورك شڤێدى ل ئێك ژ هولێن تایبه‌ت یێن كۆنسێرتان ب كێرا هێرشى سترانبێژێ كورد سه‌لیم سه‌رحه‌دى دكه‌ن و دكوژن.
سترانبێژ سه‌لیم سه‌رحه‌د خوه‌دانێ چه‌ندین ئه‌لبۆم و سترانێن نه‌ته‌وایه‌تى و شوره‌شگێرى و ئه‌ڤینیه و بۆ ده‌ما چه‌ندین سالانه ل ئیسانبۆلێ ئاكنجی بویه و پشكدارى چه‌ندین كۆنسێرت و چالاكیێن كوردى بویه ل وى باژارى.
ژێدەر: وار
ئەڤرۆ نیۆز، قائید میرۆ:
ئێڤاریا ئەڤرۆ ھێزێن پێشمەرگەی ھێرشەکا تیرۆرستێن داعش تێکشکاند و چوار تیرۆرست ھاتنە کوشتن.
ژێدەرەکێ ئاگەھدار ل ھێزا پێشمەرگەی ب ئەڤرۆ نیۆز راگەھاند” دەمەکی بەری نوکە تیرۆرستێن داعش ل کەلھا سمایل بەگ ھێرشکرنە سەر ھێزێن پێشمەرگەیێن کوردستانێ و پێشمەرگەی شیان ئەڤێ ھێرشا داعش بشکێنن و پاشڤە ببەن، ھەتا نوکە دیاربوویە چوار چەکدار داعش ب دەستێن پێشمەرگەی ھاتینە کوشتن.
ژێدەری گۆتژی” پشتی دەستپێکرنا ھێرشێ فڕۆکەیێن ھەڤپەیمانان گەھشتن مەیدانا شەڕی و دو جاران تیرۆرستێن داعش کرنە ئارمانج، بەلێ ژبەر کو ھێشتا تەقە مایە زیانێن دوژمنی بتەمامی ناھێنە زانین.
ئەڤرۆ نیۆز، قائید میرۆ:
ئەندامەکێ جڤاتا پارێزگەھا نەینەوا تەکەزکر، ھێرشێن ئەسمانی بۆ رزگارکرنا مووسل دەستپێکریە و دێ ھێرشێن ھشکانیژی ھێنە دەسپێکرن.
غەزوان حامد، ئەندامێ جڤاتا پارێزگەھا نەینەوا ب ئەڤرۆ نیۆز راگەھاند” پڕۆسا ئازادکرنا مووسل دەستپێکریە، بەلێ تنێ ژلایێ ھێرشێن ئەسمانی بۆسەر بنکە و بارەگایێن تیرۆرستێن داعش، گورەی زانیاریێن مە ھێرشێن ئەسمانی دەستپێکەکە بۆ رزگارکرنا مووسل و نێزیکبوونا ھێرشێن ھشکانی.
حامد دیارکر، نوکە سەرکردایەتیا پۆپەڕاسیۆنا ئازادکرنا مووسل ل دەڤەرا مەخموور دەست بکاربوویە و پشتی دەڤەرێن رومادی و بێجی بھێنە رزگارن ئیدی دێ رزگارکرنا مووسل بکەڤیتە بجە ئینانێ دا.
ئه‌ڤرۆ نيوز:
ئه‌ڤرۆ سپێدێ ل دۆميز ئاگر به‌ربوو دو ماركێتان و ژيانا چه‌ند مالان د سه‌ر شوقێن ڤان ماركێتان دا كه‌فتبوو د مه‌ترسيێ دا، تيمێن به‌ره‌ڤانيا باژێرى پشكا فه‌يديێ شيان ڤێ روودانێ كونترۆل بكه‌ن بێ ى كو چو زيانێن گيانێ هه‌بن.
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: “ده‌مژمێر 6:00ى سپێده‌هيا ئەڤرۆ رۆژا شه‌مبى رێكه‌فتى 24ى چريا ئێكێ، بنگه‌هێ به‌ره‌ڤانيا باژێرى ل فه‌يديێ سه‌ر ب پارێزگه‌ها دهۆكێ ڤه هاته ئاگه‌هداركرن كو ئاگر به‌ربوويه ئاڤاهيه‌كى و دو ماركێتان ب ناڤێ “به‌هدينان 2 و چرا 2″ل ده‌ميز”.
زێده‌تر گۆت: “جهێ مه‌ترسيێ ئه‌و بوو كو د سه‌ر ڤان ماركێتان دا، شوقه هه‌بوون و وه‌لاتى تێدا د ئاكنجى بوون، به‌لێ هه‌ر زوو تيمێن ڤێراگه‌هشتنا ده‌سپێكى گه‌هشتنه جهێ روودانێ و شيان گيانان قورتال بكه‌ن و ب تنێ هنده‌ك زيانێن مادى ب هه‌ردو ماركێتان كه‌فتن”.
ل دۆر ئه‌گه‌رێ روودانێ ژى گۆت: “خودانێ ئێك ژ ڤان ماركێتان سپێلێتا خو هێلابوو هه‌ل و ببوو ئه‌گه‌ر كو شورته‌كێ كاره‌بێ دروست ببيت ئه‌ڤ روودانه نه‌خواستى په‌يدا بوويه”.
هيڤى ژى خواست كو وه‌لاتى هشيارى ئاميرێن كاره‌بێ بن ده‌مێ ماركێت و دكانێن خوه دگرن و بزاڤێ بكه‌ن ئاميرێن كۆنترۆلا ئاگرى ل ناڤ ئاڤاهيێن خوه بدانن دا دوور بن ژ ڤان ره‌نگه روودانان.
ل دووماهيێ ژى گۆت: “هيڤى ژ وه‌لاتيان دكه‌ين كو ئێدى گازندا نه‌بوونا ئاڤێ د ناڤ ترۆمبێلا ئاگرڤه‌مراندنێ دا نه‌كه‌ن، چونكو چو ترۆمبێل ژ ئاڤاهيێ رێڤه‌به‌ريێ ده‌رناكه‌ڤن بێ ئاڤ و شێفت بۆ شێفتى ئاڤا خر ترۆمبێلا دهێته پشكنينكرن”، خواست ژى ل شوونا ڤان كاران په‌سنا كارمه‌ندێن به‌ره‌ڤانيا باژێرى بكه‌ن يێن به‌رده‌وام ژيانا خوه د ئێخنه د مه‌ترسيێ دا.
نيشاندان