ئەڤرۆ نیوز:
عەلی عەلاوی وەزیرێ دارایی یێ عیراقێ بەری دەمەکێ راگەهاند کو هەولێر و بەغدا ل دۆر پرۆژێ بۆدجێ سالا ٢٠٢١ یێ عیراقێ گەهشتینە رێککەفتنێ.
هەولێر و بەغدا رێککەفتن
نووترين نووچه
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
- سەرۆك بارزانی جەژنا قەولتاسی ل كاكەییان پیرۆز دكەت
- ئەمریكا دەستخوەشیێ ل سەرۆك بارزانی دكەت بۆ هنارتنا نوونەرێ خوە یێ تایبەت بۆ سووریێ
- شاندێ دانوستاندكارێ پارتی ل گەل بەرەیێ گەل كۆمبوو
- پێدڤییە بەغدا شایستەیێن دارایی یێن هەرێما كوردستانێ بهنێریت
- مەسرور بارزانی و فالح فەیاز دوپاتی ل گرنگییا هەماهەنگییا ئەمنی د ناڤبەرا هەرێمێ و ئیراقێ دا كر
سه‌ره‌كى نووترين نووچه
وەزارەتا ساخلەمیێ ئامارا ٢٤ دەمژمێرێن بۆری راگەهاند
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری راگەهاند کو تێدا هاتیە ل هەرێما کوردستانێ ١٥٦ کەسێن دی تووشی کۆرۆنایێ بووینە و هەروەسا چار نەخوشێن کۆرۆنایێ ژی مرینە.
وەزارەتا ساخلەمیێ ئەو یەک ژی دیار کریە کو د ماوەیێ ٢٤ دەمژمێرێن بۆری دا ٢٨١ نەخوشێن کۆرۆنایێ ژی ب تەمامی چارەسەر بووینە.
ل پارێزگەها دهۆکێ ١٠٧ کەسێن دی تووشی کۆرۆنایێ بووینە و نەخوشەک ژی مریە، هەروەسا ١٤٩ نەخوشێن کۆرۆنایێ ژی ل پارێزگەها دهۆکێ ب تەمامی چارەسەر بووینە.
ڤیزە د ناڤبەرا عیراقێ و تورکیا دا نامینیت
ئه‌ڤرۆ نیوز:
بالیۆزێ عیراقێ ل تورکیا دیار كریه: ل هەیڤا بهێت رێککەفتنا راکرنا ڤیزێ د ناڤبەرا عیراق و تورکیا دا دوبارە دێ کەڤیتە کاری.
حەسەن ئەلجەنابی، ئەڤرۆ ل سەر ئەکاونتێن خوه ل تۆرێن جڤاکی راگەهاندیه: شاندی عیراقی ب سەرۆکاتیا مستەفا کازمی، سەرۆکوەزیرێ عیراقێ بابەتێ دوبارە کارپێکرنا رێککەفتنا سالا 2009 یا د ناڤبەرا بەغدا و ئەنقەرە دا و تایبەت پرسا راکرنا ڤیزێ ل گەل بەرپرسێن تورکیا گەهاندیە ئاستەکێ باش.
ناڤهاتى گۆتیه ژى: شاندەکێ عیراقێ ل هەیڤا بهێت دێ دوبارە وێ پرسێ ل گەل بەرپرسێن تورکیا بەحس کەن و دبیت ڤیزە ل هەیڤا بهێت نەمینیت.
دهێته زانین، سالانە نێزیكى ملیۆنەک و 300 هزار گەشتیارێن عیراقی سەرەدانا تورکیا دكه‌ن، هه‌روه‌سا د نوكه دا نێزیکی 750 کۆمپانیێن تورکی ل عیراقێ کار دکەن و قەبارێ بازرگانیا د ناڤبەرا هەردو وەلاتان دا سالانە نێزیكى 20 ملیار دۆلارانە.
تورکیا چه‌ندین گوندێن سنورێ ناحیا باتیفا تۆپباران کرن
ئه‌ڤرۆ نیوز، زنار تۆڤی:
ل شه‌ڤا بورى هه‌تا سسپێده‌هیا ئه‌ڤرۆ شه‌مبیێ، سۆپایێ تورکیا چه‌ندین گوندێن ناحیا باتیفا یێن سه‌ر ب قه‌زا زاخۆ ڤه بۆمبه باران کرینه.
دلشێر عه‌بدولستار، رێڤه‌به‌رێ ناحیا باتیفا بۆ ئه‌ڤرۆ نیوز دیار كر: ل شه‌ڤا بورى هه‌تا سپێده‌هیا ئه‌ڤرۆ، تۆپخانێن سۆپایێ توركیا ب بهانه‌یا هه‌بوونا گه‌ریلایێن په‌كه‌كێ چه‌ندین گوندێن سنۆرى ل ناحیا باتیفا تۆپباران كرینه و هژماره‌كا تۆپان ب ده‌ردوورێن كۆمه‌لگه‌ها بێگۆڤا و ناحیا باتیفا داینه، لێ زیانێن گیانى دوان تۆپبارانكرنا دا نه‌بوون.
ناڤهاتى گۆت ژى : تۆپخانێن تورکیا جهێن په‌كه‌كێ ل گوندێن نزدورێ، رویسێ، شویدنێ، مەلا عەرەب، بەرانش، کەشانێ، خیزاڤا، بانکێ، منینێ، ئەڤلھێ تۆپباران کرینە و ڤێ چه‌ندێ ترس لده‌ف خه‌لكێ ده‌ڤه‌رێ په‌یدا كرییه.
دلشێرى گۆت ژى: ئه‌ڤه جارا ئێكێ یه سۆپایێ تورکیا گوندێ مەلا عەرەب تۆپباران دکەت، کو جهێ تۆپبارانێ چار کیلۆمەتران ژ سەنتەرێ باتیفا دوورە و هژمارەکا گۆلەیان نێزیکی سەنتەرێ باتیفا ژى کەفتیە.
شەر ل عەین عیسا ب دژواری بەردەوام دکەت
ئەڤرۆ نیوز:
پەیڤدارێ هێزێن سووریا دیموکرات راگەهاند کو گرۆپێن چەکدارێن سەر ب تورکیا ب هاریکاریا لەشکرێ تورکیا چەند رۆژن دەست ب تۆپبارانکرنا باژێرکێ عەین عیسا و گوندێن دەوروبەرێن وێ کرینە و شەر ژی ب دژواری بەردەوام دکەت.
کینۆ گابریێل ئەو یەک ژی دیار کر کو هێزێن وان ب هەموو رەنگەکێ بەرەڤانیێ دکەن و ناهێلن هێزێن سەر ب تورکیا دەڤەرێن نوو ل رۆژئاڤایێ کوردستانێ داگیر بکەن و داخواز ژ ئەمریکا و روسیا ژی کر کو رێگریێ ل هێرشێن نوو یێن تورکیا بکەن.
پۆمپیۆ هۆشداریێ ددەتە سەرۆکێ نوو یێ ئەمریکا
ئەڤرۆ نیوز:
مایک پۆمپیۆ وەزیرێ دەرڤە یێ ئەمریکا راگەهاند کو د سەردەمێ دەستهەلاتا باراک ئۆبامای دا ئەمریکا گەلەک دەلیڤە دانە ئیرانێ و ئیران ژی ببوو مەترسیەکا گەلەک مەزن بۆ هەموو جیهانێ، بێگومان وی دەمی جۆ بایدن جێگرێ ئۆبامای بوو و گۆت: (هێڤیدارم سەرۆکێ نوو یێ ئەمریکا هەمان شاشیێن ل سەردەمێ کابینا باراک ئۆبامای دوبارە نەکەت).
وەزیرێ دەرڤە یێ ئەمریکا ئەو یەک ژی دیار کر کو دڤێت ئیران پتر بهێتە تەنگاڤکرن دا نەچار بیت دەستان ژ بەرنامێ خوە یێ ئەتۆمی بەردەت و هاریکاریا گرۆپێن تیرۆرستی ژی نەکەت.
ل قامشلۆ رۆژا ئالایێ کوردستانێ هاتە پیرۆز کرن
ئەڤرۆ نیوز:
ب دەستپێشخەریا ئەنجوومەنێ نشتیمانی یێ کوردی ل سووریێ ل باژێرێ قامشلۆ و چەندین دەڤەرێن دی یێن رۆژئاڤایێ کوردستانێ ب پشکداریا هژمارەکا بەرچاڤ یا وەلاتیان رۆژا ئالایێ کوردستانێ ب بلندکرنا ئالایێ کوردستانێ و خواندنا سرودا ئەی قەریب هاتە پیرۆز کرن.
سلێمان ئۆسۆ ئەندامێ سەرکردایەتیا ئەنجوومەنێ نشتیمانی یێ کوردی ل سووریێ راگەهاند کو ئالایێ کوردستانێ سیمبولا فیداکاری و خەباتا ب سالان یا گەلێ کوردستانێ یە و ب هزاران پێشمەرگە و قارەمانێن کوردستانێ بۆ بلند راگرتنا ئالایێ کوردستانێ جانێ خوە فیدا کرینە و دڤێت ئەڤرۆ پتر ژ هەر دەمەکێ ئەم خودان ژ ئالایێ کوردستانێ دەرکەڤین.
سەرۆکێ فرەنسا تووشی کۆرۆنایێ بوو
وەزارەتا ساخلەمیێ ئامارا ٢٤ دەمژمێرێن بۆری بەلاڤکر
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٢٣٨ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و ١١ نەخوشێن کۆرۆنایێ ژی مرینە.
وەزارەتا ساخلەمیێ ئەو یەک ژی دیار کریە کو د ماوەیێ ٢٤ دەمژمێرێن بۆری دا ٣٠٩ نەخوشێن کۆرۆنایێ ژی ب تەمامی چارەسەر بووینە.
ل پارێزگەها دهۆکێ ژی ١٤١ کەسێن دی تووشی کۆرۆنایێ بووینە و سێ نەخوش ژی مرینە، هەروەسا ١٦٦ نەخوشێن کۆرۆنایێ ژی ب تەمامی چارەسەر بووینە.
هەر دو وەزیرێن دەرڤە یێن عیراقێ و تورکیا کۆمبوون
ئەڤرۆ نیوز:
فوئاد حسێن وەزیرێ دەرڤە یێ عیراقێ سەرەدانا تورکیا کر و ل گەل مەولوود چاڤوش ئوگلۆ وەزیرێ دەرڤە یێ تورکیا کۆمبوونێ و پشتی کۆمبوونێ ژی وەزیرێ دەرڤە یێ تورکیا راگەهاند کو پەکەکە ئاخا عیراقێ ل دژی تورکیا بکار دئینیت و وان دڤێت پەکەکە ل عیراقێ نەمینیت.
وەزیرێ دەرڤە یێ عیراقێ ژی راگەهاند کو رێککەفتنا شنگالێ گەلەک گرنگە و عیراق کار بۆ هندێ دکەت کو چو هێزەک ئاخا وێ ل دژی وەلاتێن جیران بکار نەئینن.
نيشاندان
WP Facebook Auto Publish Powered By : XYZScripts.com