ئه‌ڤرۆ رۆژا ئێكشه‌مبى رێكه‌فتى 19ى نيسانا 2015ێ ل پيرمام مەسعود بارزانی سەرۆکێ ھەرێما کوردستانێ پێشوازیا ژان کوبس نوونەرێ نوو یێ تایبەتیێ سکرتێرێ گشتییێ رێخستنا نەتەوەیێن ئێکگرتی و شاندەکی ل گەل کر.

د ڤێ ھەڤدیتنێ دا کو ب مەبەستا خوە ناساندنێ ھاتبوو ساز کرن نوونەرێ نوویێ تایبەتیێ سکرتێرێ گشتییێ رێخستنا نەتەوەیێن ئێکگرتی بەحسا رۆلێ ھێزێن پێشمەرگەیى د روو ب روو بوونا تيرۆرستێن داعیش دا کر و بالکشاند ل سەر وێ یەکێ کو جیھان ئاگاھداری قوربانیدانا ھەرێما کوردستانێ و ھەولێن وێ یێن ژ بو شكاندنا تيرۆرستان و ھەروه‌سا هاريكاريكرن و ل خوە گرتنا سەدان ھەزار پەنابەرێن عيراقی و سووری و پاراستنا پێکھاتێن نەتەوەیی و ئۆلان کر.

نوونەرێ تایبەتیێ سکرتێرێ گشتییێ نەتەوەیێن ئێکگرتی و ھەنگاڤێن نێزیکبوونا بەغدا و ھەولێر و ھەروه‌سا وان پەیوەندیێن ھەڤسەنگێن ل ناڤبەرا ھەرێما کوردستانێ و جیران و ھەڤسوویێن ھەرێم ھەیە بلند نرخاند و ب فاکتەرەک ژ بۆ گەشبوونا ناڤچەیێ ل قەلەم دان. ھەروه‌سا سپاسیا حکومەتا ھەرێما کوردستانێ ژی کر کو ھەماھەنگیەكا باش ل گەل تیمێن نەتەوەیێن ئێکگرتیان دا ھەیە.

ل بەرامبەر دا سەرۆک بارزانی ھيڤیا سەرکەفتنێ ژ بۆ نوونەرێ نوویێ سکرتێرێ نەتەوەیێن ئێکگرتی خواست و ژ بلی وێ بالکشاند ل سەر رۆلێ ب باندۆرا نەتەوەیێن ئێکگرتییا ل هاريكاريكرنا پەنابەران و ھەروه‌سا نێزیککرنا ئالیێن سیاسیێن عيراقێ دا تەکەز ل سەر بەرفرەھتر کرنا ھەماھەنگیا د ناڤبەرا نەتەوەیێن ئێکگرتی و ھەرێما کوردستانێ کر. سەرۆک بارزانی ل درێژاھیا ئاخافتنا خوە دا سپاسیا ھەڤسۆزی و ب دەنگ ڤە ھاتنا جڤاکا نێڤدەولەتی کر و بالکشاند ل سەر قەھرەمانیا ھێزێن پێشمەرگەيى و ئه‌و يه‌ك خستە روو کو ھەرێما کوردستانێ ژ بۆ مانا خوە و پاراستنا دەستکەفتان قوربانی و خوینەکە زێدە دایە و د ڤێ شەرێ ژی دا پێشمەرگە ب ئازایەتیا خوە ئه‌و يه‌ك سەلماند کو تيرۆر ئەو ھێزا خوە نينه‌ کو نەهێته‌ شکاندن.

ھەر ل ڤێ ھەڤدیتنێ دە رەوشا ئەمنی و سەربازیا عيراقێ و گه‌ف و ھەرەشەیێن تيرۆرستان ل پارێزگەھا نه‌ینه‌وا، ئەنبار و سەلاحەدین خستن بەر بەحس و دانوستاندنان و پرۆسەیا ئازاد کرنا موسل و قۆناغاا پشتی ئازاد کرنا مووسل ھاتە نرخاندن.

ئەڤرۆ نیوز، سالار دۆسکی:

مەریوان نەقشەبەندی، رێڤەبەرێ پەیوەندی و راگەھاندنێ ل وەزارەتا ئەوقافێ و کارۆبارێن ئاینی بۆ مالپەرێ ئەڤرۆ نیۆز ئاشکراکر کو پرۆژەک ھەیە کو کومپانیێن برنا وەلاتیان بۆ حەج و عومرێ بھێنە رێکخستن ب وێ ئارمانجێ کو پتر خەلک بچیتە حەجێ، ھێشتا نەبوویە بریار .
مەریوان نەقشەبەندی ھێشتا ژی گۆت: ئەڤە سێ سالە چوونا کەسێن دچنە حەجێ ٣٦٠٠ بووینە، ئاشکرا کر کو ل دووڤ بەرنامێ وەزارەتێ و راسپاردێن سەرۆکاتیا ھەرێما کوردستانێ چ کەس بێ پشک کێشان ناچنە حەج و عومران و ژبلی نوونەرێن پەرلەمان و حوکمەتێ و ھەتا نوکە ئەو ژی دیار نەبووینە، ب تنێ ئەو کەس نەبن کەسانێن ئیداری و نوشدار و خزمەتکارێن جەحیان نەبن
نەقشەبەندەی گۆتژی: بەرنامە ھەیە کێمترین کەسێن ئیدارێ و نوشدار و راگەھاندکار و کەسانێن کارکەر بچنە حەجێ ب وێ مەرەم و ئارمانجێ کو پتر رێ بۆ وەلاتیان بھێتەڤەکرن بچنە حەجێ کو ل دووڤ ژمارا بۆ کوردستانێ ھاتیە دیارکرن کو سێ سالە کێمبوویە.