ئه‌ڤرۆ نیوز:

وه‌زیرێ به‌ره‌ڤانیا عیراقێ خالد عوبێدى ره‌خنه‌ ژ ئه‌مریكا گرتن ل سه‌ر دياركرنا ژڤانێ كونترۆلكرنا باژێرێ مووسل كو نوكه‌ ئه‌و باژێره‌ ل ژێر ده‌ستهه‌لاتا داعش دایه‌.
وه‌زیرێ به‌ره‌ڤانیا عیراقێ خالد عوبێدى راگه‌هاند: عیراق دێ بریارێ ل سه‌ر ژڤانێ كونترۆلكرنا باژێرێ مووسل ده‌ت و ئه‌و به‌رپرسێ بنگه‌هێ ناوه‌ندى یێ سه‌ربازێن ئه‌مریكا ئه‌ڤێ ژڤانێ كونترلكرنا مووسل ئاشكرا كرى، چو پێزانین ل سه‌ر ڤێ پرسێ نینه‌.
عوبێدى گۆت: به‌رپرسێ سه‌ربازى نابیت ژڤانێ هێرشكرنێ ئاشكرا بكه‌ت، هه‌روه‌سا ئازادكرنا مووسل په‌یوه‌ندى ب به‌رهه‌ڤبوونا هێزێن عیراقێ ڤه‌ هه‌یه‌.

ئه‌ڤرۆ نیوز: ڤه‌ده‌ر ره‌شاڤایی:
رۆژناما ئه‌لمانی (Süddeutsche‌) زانیاریێن نوو لسه‌ر ژیانا به‌ری نها یا سه‌ركردێ داعش ئه‌بۆبه‌كر به‌غدادی ئاشكراكرن، بریێیا هه‌ڤپه‌یڤینێ دگه‌ل هنده‌ك وه‌لاتیێن باژێرێ سامه‌را جهێ مه‌زنبوونا به‌غدادی.
رۆژناما ئه‌لمانی دیاردكه‌ت: به‌غدادی گه‌له‌ك سالا ده‌رنه‌دچوو د تاقیكرنێن خواندنگه‌هێ دا و قۆتابیه‌كێ ته‌مبه‌ل بوو، پله‌یێن وی تێرا هندێ نه‌دكر بچیته‌ كۆلیژا قانۆنێ ل به‌غدا له‌ورا ژ نه‌چاری چووبوو كۆلیژا شه‌ریعێ، ڤێ یه‌كێ ژی كاریگه‌ریا خوه‌ هه‌بوو د په‌یدابوونا ئایدۆلۆژییا تۆندره‌ویێ لده‌ڤ وی.
هه‌روه‌سا به‌غدادی دڤیا بگه‌هیته‌ سۆپایێ به‌رێ یێ ئیراقێ لێ هاتبوو ره‌تكرن ژ ئالیێ سۆپای ڤه‌ ژبه‌ر كو یێ چاڤ قوسیر بوو.
ئێك ژ جیرانێن به‌رێ یێن به‌غدادی به‌حسێ وی دكه‌ت و دبێژیت: وی گه‌له‌ك زێده‌ حه‌ز لسه‌ر ده‌ستهه‌لاتێ و بده‌ستڤه‌ئینانا كاریگه‌ریكرنێ هه‌بوو، ژ چوار برایان ئه‌و برایێ سیێ بوو.