ئەڤرۆ نیوز:

جێگرێ پارێزگارێ مۆسلێ دیار كر: ھەتا ناڤەراستا هه‌یڤا بهێت ھەموو کەمپێن ئاواران دێ ھێنە داخستن لێ پشکەک ژ خۆجھێن وان کەمپان کەس و کارێن داعشێ نه‌ و مەترسینە بۆ سەر ئێمناھیا باژێرێ مۆسلێ.

ره‌فعەت سمو، جێگرێ پارێزگارێ مۆسلێ د اخۆیانیەکێ دا راگەھاند، سەرۆکوەزیرێن عیراقێ بڕیار دایه‌ ھەتا ١٥ هه‌یڤا بهێت هه‌موو کەمپێن ئاوارێن شەڕێ ل دژی داعش بھێنە داخستن، ئەوان ژی ل سنورێ مۆسل ھژمارەکا کەمپێن ئاواران ھەنە مینا کەمپا حەمام عەلیل و گەیارە و شورا و چەند کەمپ ژی ل ھەرێما کوردستانێ هه‌نە، ھەموو دێ ھێنە داخستن و د نوكه‌ دا پرۆسا داخستنا کەمپان دەستپێکریە .

ناڤهاتى دیار کر ژى، گرفتا وان یا سەرەکی ژ داخستنا وان کەمپان خێزانێن داعشێ نه‌، کو پشکەک ژ وان د ناڤ وان کەمپان دا دژین و پێدڤییە ل ژێر چاڤدێریا ھێزێن ئەمنی دابن، چونکى ئه‌و مەترسینە ل سەر ئێمناھیا باژێرێ مۆسلێ.

ئەڤرۆ نیوز:

نەتەوێن ئێكگرتى راگه‌هاندیه‌، ل جیهانێ رێژا هه‌ره‌ مه‌زن یا مینان ل عیراقێ هه‌نه‌.

رێڤه‌بەرێ پشكا عیراقێ ل فەرمانگەها تایبەت ب کاروبارێن مینان ڤه‌ ل نەتەوێن ئێکگرتى راگەهاندیه‌، دو ملیار و 960 ملیۆن مەترێن چارگۆشە یێن ئاخا عیراقێ مین تێدا هه‌نه‌.

بیر لۆدهامەر گۆتیه‌ ژى، پرانیا وان ده‌ڤه‌رێن ل عیراقێ مین تێدا هه‌ین، کەفتینە ل سنۆرێ دناڤبه‌را عیراق و ئیرانێ دا ل پارێزگه‌هێن باشورێ ئیراقێ، كو پاشمایێ شەرێ هەشت سالێن دناڤبه‌را وان هه‌ردو وه‌لاتان دایه‌، هه‌ر ژ سالا 1980 هه‌تا 1988.

هه‌روه‌سا دیار كریه‌ ژى، دناڤا وه‌لاتێن جیهانێ دا، رێژا هه‌ره‌ مه‌زن یا مینان ل عیراقێ هه‌یه‌، پرانیا وان ژى پاشمایێ شەرێ عیراق – ئیرانێ نه‌ و پشكه‌ك ژى پاشمایێ رێکخراوا تیرۆریستی یا داعشێ نە.