ئەڤرۆ نیوز:
ئەڤرۆ رۆژا شەمبی ل کۆمبوونا میر و جڤاتا رۆحانی یا ئێزدیان بریار هاتە دان کو شێخ عەلی ئیلیاس وەکو بابە شێخێ نوو یێ ئێزدیان بهێتە دیار کرن.
د کۆمبوونێ دا نێزیکی ٢٥٠ کەس پشکدار بوون و مێرێ ئێزدیان ژی پشتی وەرگرتنا نێرینا هەموو ئالیان بریار دا کو شێخ عەلی ئیلیاس وەکو بابە شێخێ نوو بهێتە دیار کرن.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ راگەهاند کو بەری نها ژی گەلەک جاران مە گۆتیە کو دڤێت پەیوەندیێن هەولێر و بەغدا ل سەر بنەمایێ دستووری بیت و هەموو مافێن گەلێ کوردستانێ تێدا بهێنە بجهکرن.
سەرۆكێ حوکمەتێ ئەو یەک ژی دیار کر کو پشکا هەرێما کوردستانێ د بۆدجێ عیراقێ دا پاداشت نینە بەلکو مافێ خەلکێ کوردستانێ یە و یا هاتیە کرن زۆلمەک مەزن بوو، لێ هێشتا ژی دەلیڤە مایە کو ئەوا هاتیە کرن بهێتە سەرەراست کرن.
ئەڤرۆ نیوز:
ل ئێڤاریا ئەڤرۆ پێنجشەمبی، 2020/11/12 ب رێیا پەیوەندیەکا تەلەفۆنی، مەسرور بارزانی سەرۆکێ حوکمەتا هەرێما کوردستانێ و دان بروليێت وەزیرێ وزەیا ئەمریکا، گوتۆبێژ دەربارەی پەرەپێدانا پەیوەندیێن دناڤبەرا هەرێما کوردستانێ و ویلایەتێن ئێکگرتی یێن ئەمریکا کر، بتایبەتی د وارێ وزێ و ئاسانکاریێن هەرێما کوردستانێ د وارێ وەبەرهێنانێ دا.
سەرۆکێ حوکمەتا هەرێما کوردستانێ ئاماژە ب کارنامێ کابینا نەهێ یا حوکمەتا هەرێمێ کر، د هاندانا وەبەرهێنانێ و دروستکرنا دەرفەتێن کاری بۆ وەلاتیێن هەرێما کوردستانێ، سەرۆکێ حوکمەتێ سوپاسیا پشتیەڤانیا وەزیرێ وزێ کر و داخوازا وەبەرهێنانا زێدەتر یا ئەمریکا ل هەرێمێ کر.
ئه‌ڤرۆ نیوز ، زنار تۆڤى:
نوونه‌رێ خودانێن خوارنگه‌هێن ماسیان ل گه‌لیێ زاویته بۆ مالپه‌رێ ئه‌ڤرۆ نیوز دیار كر: ژ ئه‌گه‌رێ بریارا نه‌سۆتنا داران، ئه‌ڤرۆ پێنجشه‌مبى وان هه‌موو خوارنگه‌هێن خوه گرتینه و نێزیكى 100 كرێكاران ل خوارنگه‌هێن وان كار دكه‌ن و نوكه هه‌موو ماینه راوه‌ستیاى، لدووڤ زانیاریێن ئه‌ڤرۆ نیوز، نێزیكى 100 خوارنگه‌هێن ماسیان ل دهۆكێ هه‌نه.
كارزان محه‌مه‌د زاویته‌یى، نوونه‌رێ خوارنگه‌هێن گه‌لیێ زاویته زێده‌تر دبێژیت: 10 خوارنگه‌هێن ماسیان ل گه‌لیێ زاویته هه‌نه و ئه‌ڤرۆكه وان ده‌رێ وان هه‌موو خوارنگه‌هان گرتینه، چونكى حوكمه‌تێ بریاردایه ئه‌و داران نه‌سوژن، ژبه‌ركو ب برینا داران زیان دگه‌هیته دارستانێ، حوكمه‌تێ گۆتیه وان دڤێت هوون غازێ و ره‌ژیێ ب كار بینن، لێ ب كارئینانا غازێ مه‌ترسیا خوه هه‌یه، دیسان كارێن وان ب ره‌ژیێ ژى ناقه‌تیت، چونكى گه‌له‌ك مه‌زاختن ل ره‌ژیێ دچیت و رۆژانه ئه‌م دێ گه‌له‌ك پاره‌ى ده‌ینه ب ره‌ژیێ، له‌وما مه دڤێت ئاریشا مه چاره بكه‌ن، چونكى ئه‌م دارێن هشك ب كار دئینین، دیسان هندى حهێن شۆله‌ژێ نه‌هێلن ئه‌م داران ب كار بینین، ئه‌م ژى دێ ده‌رێ خوارنگه‌هێن خوه گرین و ئه‌م نه‌شێین كار بكه‌ین.
ناڤهاتى گۆت ژى: مه سه‌ره‌دانا نڤێسینه‌گه‌ها پارێزگارێ دهۆكێ كریه و وان گه‌له‌ك رێز ل مه گرتیه و خوه ل ئاریشا مه كریه خودان، ئه‌و دێ دووڤچوونا داخوازیا مه كه‌ن، چونكى ئه‌و دارێن بۆ مه دهێن د هشكن، ئه‌م ژى بۆ چێكرنا ماسیان ب كار دئینین، له‌وما هندى دارێن هشك ژناڤ دارستانێ بهێنه راكرن باشتره، دیسان دڤێت لژنه‌ك بۆ ڤى كارى بهێته پێكئینان، ژ پێخه‌مه‌ت ئه‌م بشێین ده‌ست ب كارێ خوه بكه‌ینه ڤه.
ئەڤرۆ نیوز:
پەرلەمانێ عیراقێ بێی ئالیێن کوردی دەنگ ل سەر پرۆژە قانوونا وەرگرتنا قەران دا.
ل سپێدەیا ئەڤرۆ، پەرلەمانێ عیراقێ ب مەرەما دەنگدانێ ل سەر پرۆژەقانوونا وەرگرتنا قەران دوبارە کۆم بوو، لێ ژ بەر زێدەکرنا هندەک مادێن نوو یێن دژی حکومەت و فەرمانبەرێن هەرێما کوردستانێ، ئالیێن کوردی ژ کۆمبوونێ دەرکەفتن و رازی نەبوون دەنگی ل سەر پرۆژە قانوونێ بدەن.
پشتی دەرکەفتنا ئالیێن کوردی، پەرلەمانێ عیراقێ پرۆژە خستە بەر دەنگدانێ و پەسەند کر.
ئالیێن شیعی و سۆنی د پەرلەمانی دا بەری پرۆژە ب کەڤیتە بەر دەنگدانێ، داخواز کر هەرێم ب تەمامی داهاتێ نەفتێ و داهاتێن دی رادەستی حکومەتا بەغدا بکەت و ل هەمبەر شایستێن دارایی وەربگریت، لێ ئالیێن کوردی دژی ڤێ بریارێ ژ کۆمبوونێ دەرکەفتن.
ئه‌ڤرۆ نیوز، بارزان مزوورى:
جه‌هوه‌ر عه‌لى به‌گ، میرێ ئێزدیان د كارۆبارێن په‌یوه‌ندیان دا بۆ ئه‌ڤرۆ نیوز دیار كر هه‌تا نها سێ كه‌سان خوە به‌ربژاركریه هه‌رسێ ژ وان به‌ربژاران مافێ هه‌ى ببیته بابه‌شێخ ئه‌و هەرسێ كه‌سێن به‌ربژار ژ بنه‌مالا شێخ فه‌خرى هادى نه.
ناڤهاتى خویاكر، هه‌رسێ ژوان كه‌سێن به‌ربژار هه‌موو مه‌رجێن بابه‌شێخیێ یێن ل ده‌ف هه‌ین ژبه‌ركو شه‌هره‌زایه‌كا باش یا د ئاینێ ئێزدیان دا هه‌ى سیفه‌تێن باش یێن هه‌ین ژ بنه‌مالێن باشن و په‌یوه‌ندى یێن وان ل گه‌ل هه‌موو وان ئاینان هەنە یێن ل كوردستانێ دژین.
ناڤهاتى گۆت: ئه‌ڤه چه‌ند رۆژه جهێ بابه‌شێخى مایه ڤالا ڤان رۆژان دێ كومبوون هێنه ئه‌نجام دان ب سه‌رپه‌رشتیار میرێ ئێزدیان دێ بریار ل سه‌ر وان هه‌رسێ به‌ربژاران هێتە دان.
ئەڤرۆ نیوز ، زنار تۆڤی:
پەیڤدارێ رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانه‌كا هاتنوچوونێ دا شەش کەس بوونە قوربانی.
موقەدمێ مافپەروەر ئازاد تاها، زێدەتر گۆت: بەری دەمەکێ ل ســەر رێیا گشتی یا دناڤبەرا ئامیدیێ بۆ قەدشێ، روودانەکا ژ جۆرێ لێکدان روودایە، د ئەنجامدا دو کەسان وەغەر کریە و چار کەسێن دیتر ژی ب دژواری بریندار بووینە و هاتینە رەوانەکرن بۆ نەخۆشخانا تەنگاڤیان ل قەزا ئامێدیێ.
ئەڤرۆ نیوز:
کەمال کلچدار ئوگلۆ سەرۆکێ گشتی یێ پارتا کۆماریا گەل راگەهاند کو حوکمەتێن هەتا نها ل تورکیا نەشیاینە پرسا کوردی چارەسەر بکەن و بەرۆڤاژی هندێ پرسا کوردی و پرسێن دی ئالۆزتر لێ کرینە.
ناڤهاتی راگەهاند کو تنێ پارتا کۆماریا گەل پرۆژەکێ گونجای بۆ چارەسەرکرنا پرسا کوردی ئامادە کریە و ژ بلی پارتا کۆماریا گەل چو هێزەک نینە ل تورکیا بشێت پرسا کوردی چارەسەر بکەت.
ئەڤرۆ نیوز:
دەزگەهێن راگەهاندنا تورکیا دیار دکەن کو پشتی دەست ژ کارکێشانا بەرات ئالبرایک وەزیرێ ئابووری و زاڤایێ ئەردۆگانی، سەرۆک کۆمارێ تورکیا دڤێت دەست ب گوهۆرینێن مەزن بکەت و د بەرنامێ ئەردۆگانی دایە کو هەموو ئەندامێن کابینا حوکمەتێ ب گوهۆریت.
ل گۆر نێرینا چاڤدێرێن سیاسی یێن تورکیا، ئەردۆگانی دڤێت ب رێیا گوهۆرینا ئەندامێن کابینا حوکمەتێ بۆ دەمەکێ رایا گشتی یا تورکیا مژوول بکەت.
نيشاندان