ئەڤرۆ نیوز:

وه‌زاره‌تا ساخله‌میا هه‌رێما كوردستانێ ئامارێن نوو یێن ڤایرۆسێ كۆرۆنایێ راگه‌هاندن.
وەزارەتا ساخله‌میا هه‌رێمێ دیر کریە: د دەمێ 24 ده‌مژمێرێن بورى دا 900 كه‌سێن دى تووشى ڤایرۆسێ كۆرۆنا بووینه‌، ژ وان ژی 317 حاله‌ت ل هەولێرێ، ل سلێمانیێ 302 حاله‌ت، ل گه‌رمیان 32 حاله‌ت، ل هه‌له‌بجه‌ 19 حاله‌ت، ل دهۆكێ ژى 230 حاله‌ت هاتینه‌ تۆمار كرن.

هه‌روەسا گۆتیه: د دەمێ 24 ده‌مژمێرێن بورى دا 22 تووشبوویان وەغەرکریە،‌ كو 4 كه‌س ل هەولێرێ، ل سلێمانیێ 8 كه‌س و ل گه‌رمیان دو كه‌س و ل هه‌له‌بجه‌ دو كه‌س و ل دهۆكێ ژى 6 كه‌س.
نوکە هژمارا گشتی یا تووشبوویێن ڤایرۆسێ كۆرۆنا ل هه‌رێما كوردستانێ گه‌هشته‌ 57 هزار و 365 كه‌سان، هه‌تا نوكه‌ 35 هزار و 705 كه‌س ژى چاره‌سه‌ر بووینه‌، هه‌روه‌سا هەتا نوکە دو هزار و 40 كه‌سان ژى وەغەرکریە‌.

ئەڤرۆ نیوز، زنار تۆڤی:

سوبەهی سێشەمبی، 13-10-2020، ئاوات شێخ جەناب وەزیرێ دارایی و ئابووری یێ هەرێما کوردستانێ دێ سەرەدانا لژنا دارایی ل پەرلەمانێ کوردستانێ کەت، جێگرێ سەرۆکێ لژنا دارایی یا پەرلەمانی ژی گۆتیە، دێ وەزیرێ دارایی روونکرنێ دە مووچێ فەرمانبەران و دووماهی گوهۆرینان دەت.

هیڤیدار ئەحمەد، جێگرێ سەرۆکێ لژنا دارایی و کاروبارێن ئابووری ل پەرلەمانێ کوردستانێ راگەهاند: پەرلەمانێ کوردستانێ سەرەدانا وەزیرێ دارایی و ئابووری یێ هەرێما کوردستانێ بۆ دەف لژنا دارایی یا پەرلەمانێ کوردستانێ رێکخستیە، سوبەهی کۆمبوون دێ ل دەمژمێر 10:30 سپێدێ بیت.
ئەڤرۆ دووشەمبی، وەزارەتا دارایی یا حوکمەتا هەرێما کوردستانێ، گەنجینە ئاگەهدارکرینە ل جهێ لیستا مووچێ هەیڤا نیسانێ، لیستا مووچێ هەیڤا ئیلۆنێ ئامادە بکەن، د کۆمبوونا سوبەهی دا وەزیرێ دارایی و ئابووری یێ هەرێما کوردستانێ دێ روونکرنێ دەربارەی مووچێ وان پێنج هەیڤان دەت، هەڤدەم دێ روونکرنێ دەربارەی دووماهی گوهۆرینێن دەربارەی دابەشکرنا مووچەیی و هاتنا 320 ملیار دینارێن ل بەغدا ڤە دهێن دەت.