ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٧٩٣ کەسێن دی تووشی ڤایرۆسێ کۆرۆنایێ بووینە و ٣١ نەخوشێن کۆرۆنایێ ژی مرینە.
ل گۆر ئامارا وەزارەتا ساخلەمیێ ٣٣٨ نەخوشێن کۆرۆنایێ ژی ب تەمامی باش بووینە.
ل پارێزگەها دهۆکێ ژی ٢٦٥ کەسێن دی تووشی کۆرۆنایێ بووینە و چار نەخوش ژی مرینە، د هەمان دەمی دا ١٦٢ نەخوش ژی ب تەمامی چارەسەر بووینە.
ئەڤرۆ نیوز:
سەرۆک مەسعود بارزانی پێشوازی ل ئولیڤیێ دێکوتینی کونسولێ فرەنسا ل هەولێرێ کر و روونشتنەکێ دا بەحسێ پەیوەندیێن د ناڤبەرا هەرێما کوردستانێ و وەلاتێ فرەنسا دا هاتە کرن.
د هەڤدیتنێ دا بەحسێ ئالۆزیێن ل عیراقێ و پەیوەندیێن د ناڤبەرا هەرێما کوردستانێ و عیراقێ هاتە کرن، د پشکەکا دی یا هەڤدیتنێ دا ژی بەحسێ مەترسیێن ل سەر عیراقێ هاتنە کرن.
هەروەسا کونسولێ فرەنسا پشتەڤانیا وەلاتێ خوە بۆ هەرێما کوردستانێ دۆپات کر.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند کو 162 نەخۆشێن دی یێن کۆرۆنایێ covid-19 ل دهۆکێ ب تەمامی چارەسەربوون.
(162) نەخۆشێن دی یێن ڤایرۆسێ کۆرۆنایێ covid-19 ل دهۆکێ کو ل ژێر چارەسەریێ دا بوون ب تەمامی چارەسەربوون.
ب ڤێ چەندێ هژمارا گشتی یا نەخۆشێن چارەسەربووین گەهشتنە 6123 کەسان و نوکە 7919 نەخۆش ماینە ل ژێر چارەسەریێ دا.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٨٨٦ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و ٢٩ نەخوش ژی مرینە. هەروەسا ل هەرێما کوردستانێ ٥٦٦ نەخوش ژی باش بووینە.
ل پارێزگەها دهۆکێ ٣٠٣ کەسێن دی تووشی کۆرۆنایێ بووینە و شەش نەخوش ژی مرینە، هەروەسا ٣٩١ نەخوش ژی ب تەمامی چارەسەر بووینە.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند 391 نەخۆشێن دی یێن کۆرۆنایێ covid-19 ل دهۆکێ ب تەمامی چارەسەربوون.
(391)نەخۆشێن دی یێن ڤایرۆسێ کۆرۆنایێ covid-19 ل دهۆکێ کو ل ژێر چارەسەریێ دا بوون ب تەمامی چارەسەربوون.
ب ڤێ چەندێ هژمارا گشتی یا نەخۆشێن چارەسەربووین گەهشتنە 5961 کەسان و نوکە 7784 نەخۆش ماینە ل ژێر چارەسەریێ دا.
ئەڤرۆ نیوز:
پرۆفیسور د. کنیازێ ئیبراهیم سیاسەتمەدارێ کورد راگەهاند کو شەرێ نها د ناڤبەرا ئازەربایجان و ئەرمەنستانێ نە شەرێ کوردانە و نابیت کورد ببنە ئالیگرێ چو وەلاتەکێ.
ناڤهاتی راگەهاند کو د سالێن بۆری دا ئازەربایجانێ ب هەموو رەنگەکێ زۆرداری ل کوردان کریە و نەهێلایە کورد ل سەر ئاخا خوە ئازادانە بژین و سیاسەتا وان وەکو یا تورکیا ل هەمبەر کوردان بەردەوام بوویە.
سیاسەتمەدارێ کورد ئەو یەک ژی دیار کریە کو ئەرمەنستانێ ژی ب هزاران کورد ژ جه و وارێن وان دەرخستینە و ب زۆرێ کۆچبەری دەڤەرێن دی کرینە، ئەرمەنستانێ ژی گەلەک زۆلم ل کوردان کریە.
ئەڤرۆ نیوز:
عەبدولقادر سەلڤی نڤیسەرێ ناڤدارێ تورکیا کو وەکو کەسەکێ نێزیکی دەستهەلاتا نها یا تورکیا ژی دهێتە نیاسین د بابەتەکا خوە یا نوو دا کو ل رۆژناما حوڕیەت یا تورکیا بەلاڤبوویە ئاماژە ب هندێ دکەت کو چو ئاستەنگیێن قانوونی ل هەمبەر ئازادکرنا سەلاحەدین دەمیرتاش هەڤسەرۆکێ بەرێ یێ هەدەپێ نەماینە، لێ ل سەر داخوازا ئەردۆگانی هەتا نها دەمیرتاش ل زیندانێ مایە.
ناڤهاتی دیار دکەت کو ئەردۆگان هەست ب مەترسیەکا مەزن دکەت، چونکو پشتی دەمیرتاش هاتیە گرتن د ناڤ تورکیا دا رێژا دەنگدەرێن وی زێدەتر لێ هاتینە و ئەو یەک ژی دشێت ئاستەنگیان بۆ هەلبژارتنان داهاتی ل تورکیا بۆ ئەردۆگانی و دەستهەلاتا وی دروست بکەت.
ئەڤرۆ نیوز:
سەرۆک وەزیرێن ئەرمەنستانێ راگەهاند کو تورکیا بوویە ئەگەرێ سەرەکی یێ شەرێ نها ل هەرێما قەرەباخێ و تورکیا پشتەڤانیا ئازەربایجانێ دکەت و هەکە رەوش وەسا بەردەوام بکەت ئەرمەنستان ژی دێ داخوازا هاریکاریێ ژ روسیا کەت.
نیکۆل پاشینیان ئەو یەک ژی دیار کر کو روسیا ل هەمبەر زێدەگاڤیێن تورکیا و هنارتنا تیرۆرستان بۆ قەفقاسیا بێدەنگ نابیت و دێ دەستێوەردانێ کەت.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا کەسەک ب گرانی بریندار بوو.
ناڤهاتی زێدەتر گۆت: ئەڤرۆ سێشەمبی ٦⁄١٠⁄٢٠٢٠، ل سەر جادا گشتی یا دھوکێ و ل نێزیک کۆمپانیا جیھان سێ ترۆمبێلان لێکدا، کو ترۆمبێلەکا تایبەت ئۆپل ل گەل ترۆمبێلەکا تایبەت لاندوگروزەر ل گەل ترۆمبێلەکا بارھەلگر پیکاب، د ئەنجامدا کەسەک ب گرانی برینداربوویە و زیانێن مادی یێن مەزن گەھشتنە وان ترۆمبێلان ژی.
ئه‌ڤرۆ نیوز، بارزان مزوورى:
لوقمان سلێمان،به‌رپرسێ راگه‌هاندنێ نڤیسینگه‌ها په‌رستگه‌ها لالش بۆ ئه‌ڤرۆ نیوز گۆت: ئه‌ڤرۆ 6/10/2020 لدووڤ بریارا میرێ ئێزدیان و جڤاتا رۆحانیا ئێزدیا بۆ ماوێ حه‌فتیه‌كێ دێ ده‌رگه‌هێ په‌رستگه‌ها لالش هێته داخستن هه‌ر ژ رێكه‌فتى 6/10 هه‌تا 13/10 بریار دێ ل سه‌ر ڤه‌كرنا ده‌رگه‌هێ په‌رستگه‌هێ بۆ سه‌ره‌دانكارا دهێتە ڤه‌كرن.
ناڤهاتى خویاكر مه‌ره‌م ژ ڤێ بریارێ وه‌ك رێزگرتن بۆ گیانێ بابه‌شێخ و پاراستن ژ ژیانا وه‌لاتیان ژ ڤایرۆسێ كورونا ژبه‌ركۆ د نها دا ئه‌م د ره‌وشه‌ك خراپ داینه ژبه‌ر به‌لاڤ بونا ڤایرۆسێ كورونا،
ناڤهاتى گۆت كۆ ئه‌ڤه د ده‌مه‌كى دایه كۆ به‌رى چه‌ند رۆژایه بریار هات بۆ دان كۆ جه‌ژنا جه‌مایێ كۆ ئه‌ڤرۆ 6/10/2020 ئێكه‌م رۆژه ل جه‌ژنێ ئه‌ڤ جه‌ژنه نه‌هێت گێران.
نيشاندان