شێخان،بارزان سلێمان مزوورى:
ده‌خیل كوتى هونه‌رمه‌نده‌كێ ئیزدیه ئاكنجیێ قه‌زا شه‌نگاله به‌رى كو داعش هێرشێ بكه‌ته سه‌ر ده‌ڤه‌را شه‌نگال ئه‌ڤى هونه‌رمه‌ندى پلان بۆ چه‌كدارێن تیرورستێن داعش دارێرێت بوو، هه‌ر ب رێكا ڤى هونه‌رمه‌ندێ داعش هێرش كره سه‌ر گوندێن كوردێن ئیزدى نشین ل ده‌ڤه‌را شه‌نگال تایبه‌ت پلانا بۆ گوندێ كوچوو، ل چه‌ند روژێن بۆرى ده‌مێ رزگار كرنا باژێرێ زومار ژلایێ پێشمه‌رگه‌یێن كوردستانێ ڤه دهێته كوشتن .
ئەڤرۆ نیۆز، قائید میرۆ:
ئەندامەکێ جڤاتا پارێزگەھا مووسڵ دیارکر، وەلاتیێن باژێڕێ مووسل ب قەیرانەکا مەزندانە ئەوژی نەبوونا ئاڤا پاقژە بۆ ڤە خوارنێ.
غەزوان حامد، ئەندامێ جڤاتا پارێزگەھا مووسل ب ئەڤرۆ نیۆز راگەھاند، ئێک ژ ئاریشەیێن ئاکنجیێن باژێڕێ مووسل ڤەگرتی، قەیرانا نەبوونا ئاڤا پاقژە و بشێوەیەکی ئاڤا بکێر ڤەخوارنێ دھێت زۆر کێمبووینە و بدەست وەلاتیێن ئەڤی باژێڕی ناکەڤیت.
غەزوانی گۆتژی” ژێدەرێن ئاڤا مووسل پتر ل بەنداڤا مووسلە و ژلایێ فڕۆکەیێن ھەڤپەیمانان و چەکدارێن داعش ھاتیە تێکدان و ئاڤ ب ساناھی ناگەھیتە نا باژێڕی و ئەڤا دگەھیتژی بکێری ڤەخوارنێ ناھێت، لەوڕا ئاکنجیێن ناڤ مووسل دلگرانن ب نەبوونا ئاڤا پاقژ و بۆیە جھێ نەڕازیبوونا وەلاتیان.
ئه‌ڤرۆ نیۆز:
ئالیێن سیاسى یێن كوردستانى د كومبوونه‌كێ دا، ل دۆر به‌لاڤكرنا كورسیێن جڤاتا پارێزگه‌ها نوو یا هه‌رێما كوردستانێ (هه‌له‌بجه یا شه‌هید) ب ڤى ره‌نگێ خارێ رێككه‌فتن.
پارتى دیموكراتى كوردستان 4 كورسى
ئێكه‌تى نیشتیمانى كوردستان 4 كورسى
ته‌ڤگه‌را گۆڕان 4 كورسى
یه‌كگرتووى ئیسلامى كوردستانى 4 كورسى
كومه‌لا ئیسلامى ل كوردستانێ 4 كورسى
ته‌ڤگه‌را ئیسلامى 2 كورسى
سوسیالیستى دیموكراتى كوردستان 1 كورسى
ئاینده‌ى كوردستان 1 كورسى
شیوعى كوردستان 1 كورسى
هه‌روه‌سا بڕیار هاته دان ده‌ستنیشانكرنا هه‌ر دو پۆستێ پارێزگه‌رێ هه‌له‌بجه و جێگرێ وى، بۆ پشتێ ئێكلاكرنا پۆستێ پارێزگه‌رێ پارێزگه‌ها سلێمانیێ د ناڤبه‌را ئێكه‌تى نیشتیمانى كوردستان و ته‌ڤگه‌را گۆڕان دا بهێته پاشخستن.
ئه‌ڤرۆ نیۆز:
وه‌زیرێ ده‌رڤه‌یێ توركیا مه‌ولود چاوه‌یش ئۆگلوى گۆت: سه‌باره‌ت ده‌ربازكرنا پێشمه‌رگه‌ى بۆ كوبانێ ب رێیا توركیا، ژ ئالیێ سیاسى ڤه مه چو ئاریشه نها نینه، كو هێزێن پێشمه‌رگه‌ى ده‌ربازى كوبانێ ببن، و هه‌ر ده‌مه‌كێ پێدڤى دێ ئه‌و كار هێته ئه‌نجامدان.
چاوه‌یش ئۆگلوى د هه‌ڤدیتنه‌كێ ل گه‌ل كه‌ناله‌كێ توركى رونكر و گۆت: تێكگه‌هشتن د ناڤبه‌را له‌شكرێ ئازادێ سورى و پاراتا (PYD ) ل دۆر ده‌ربازكرنا پێشمه‌رگه‌ى بۆ كوبانێ هاتینه كرن، دوپاتكر، توركیا ژ ڤى ئالیى ڤه چو ئاریشه نینه، و هه‌ر هاریكاریه‌كا هه‌بیت دڤێ بیاڤى دا دێ پێشكێش كه‌ت.
هه‌روه‌سا ئۆگلوى ئاماژه‌دا هندێ، سه‌رۆك كۆمارێ توركیا ره‌جه‌ب ته‌یب ئه‌روگان و هه‌ڤكیفێ وى باراك ئۆباماى، ل سه‌ر په‌یوه‌ندیێن به‌رده‌وام ژ بۆ دانا ستراتیجیه‌ته‌كا به‌رفره‌ه بۆ ره‌وشا سوریا رێككه‌فتن، زێده‌بارى په‌یوه‌ندیێن هه‌والگیرى د ناڤبه‌را ده‌زگه‌هێن په‌وه‌ندیدارێن هه‌ردو وه‌لاتان دا.
ئه‌ڤرۆ نيوز، نيوار محه‌مه‌د سه‌ليم:
كچێن هه‌ولێر بوونه قاره‌مانێن فوتسالا عيراقێ پشتى سه‌ركه‌فتن ل سه‌ر كچێن ئيسكان تۆمار كرى ب سێ گۆلان به‌رامبه‌ر گۆله‌كێ و ب ناسناڤێ خولا فوتسالا عيراقێ هاتنه خه‌لاتكرن.
كچێن هه‌ولێر و ئيسكان هه‌ردو گه‌هشتبوونه ياريا دووماهيێ يا خولا فوتسالا نايابا عيراقێ پشتى سه‌ركه‌فتن ل سه‌ر هه‌ر ئێك ژ تيمێن مه‌سافى باكوور، نه‌سر و سه‌لام، كچێن به‌غداد، به‌له‌دى تۆماركرين.
نيڤا ئێكێ ژ ڤێ ياريێ كچێن هه‌ولێر د به‌رژه‌وه‌ندا خوه دا ب دووماهى ئينابوو ب سێ گۆلان به‌رامبه‌ر گۆله‌كێ و نيڤا دويێ ژى سه‌ره‌راى كچێن ئيسكان شيان گۆله‌كا دى تۆماركه‌ن، به‌لێ گۆتنا دووماهيێ يا كچێن هه‌ولێر بوو، ئه‌وا شيايى گۆلێن خوه ب رێيا نه‌سرين خه‌يرولا سه‌جا كه‌مال و حه‌ميدا محه‌مه‌د تۆمار بكه‌ن.
ژ لايه‌كێ دى ڤه د ياريا دياركرنا رێزێن سيێ و چارێ دا، تيما به‌له‌دى ب لێدانێن په‌نه‌لتيان سه‌ركه‌فتن ل سه‌ر تيما نه‌سر و سه‌لام تۆماركر ب لێدانێن په‌نه‌لتيان پشتى ده‌مێ درستێ ياريێ ب گۆله‌كێ ب دووماهى هاتى.
ئه‌ڤرۆ نیۆز:
په‌یڤدارێ ب ناڤێ وه‌زاره‌تا به‌ره‌ڤانیا ئه‌مریكا پنتاگۆن راگه‌هاند، هێزێن پێشمه‌رگه‌ى د شه‌رێ دژى داعشێ دا ل گه‌له‌ك ده‌ڤه‌ران ب سه‌ركه‌فتن.
په‌یڤدارێ وه‌زاره‌تا به‌ره‌ڤانیا ئه‌مریكى جه‌نه‌رال جون كیرى دكونگره‌كێ رۆژنامه‌ڤانى دا گۆت: هێرشێن هێزێن پێشمه‌رگه‌ى ل ده‌ڤه‌رێن جودا جودا سه‌ركه‌فتن ب ده‌ستڤه ئینان دژى چه‌كدارێن داعشێ، كیرى هه‌روه‌سا رونكر، ل ناڤه‌ندا عیراقێ ژى ده‌ڤه‌رێن دده‌ستێن داعشێ دا دهێنه ئازادكرن هه‌تا نوكه به‌ر ب باژێرێ بێجى له‌شكرێ عیراقێ دچن.
زێده‌بارى وێ جون كیرى گۆت: هێزێن پێشمه‌رگه‌ى شیان ناحیا زومار و ده‌ڤه‌رێن ده‌وروبه‌رێن وێ د ده‌مێ بۆ هاتیه ده‌ستنیشانكرن دا ل گۆڕ وێ پلانا بو هاتیه دانان كونترۆل بكه‌ن، كیرى خوه‌یاكر، ل گۆڕ پلانا بۆ هاتیه دانان دڤیا ئه‌و ده‌ڤه‌ر بۆ ده‌مێ حه‌فتیه‌كێ هاتبا ئازادكرن به‌لێ پێشمه‌رگه‌ى دده‌مىچ چه‌ند رۆژان دا كونترۆل كر.
هه‌روه‌سا جون كیرى دیاركر، ئازادكرنا زومار پرۆسا چارێ یه كو هێزێن پێشمه‌رگه‌ى تێدا سه‌ركه‌فتن ئه‌نجامداین، به‌رى وێ كونترۆل كرنا سكرێ مووسل و چیایێ شنگالێ و ناحیا ره‌بیعه بوون.
ئه‌ڤرۆ نیۆز:
ئه‌میندارێ گشتى یێ وه‌زاره‌تا پێشمه‌رگه‌ى فه‌ریق جه‌بار یاوه‌رى راگه‌هاند، زێده‌كرنا هژمارا پێشمه‌رگه‌ى ل باژێرێ كوبانێ یا گرێدایى ب رێككه‌فتنێن نێڤده‌ولى یه، هه‌ڤده‌م دوپاتكر چوونا پێشمه‌رگه‌ى بۆ كوبانێ كارتێكرنێ ل سه‌ر شه‌رێ ژى داعشێ ل عیراقێ ناكه‌ت.
جه‌بار یاوه‌رى بۆ سكاى نیۆز یا عه‌ره‌بى گۆت: زێده‌كرنا هژمارا پێشمه‌رگه‌ى ل كوبانێ پێدڤى ب رێككه‌فتنا ل گه‌ل ئالیێن نێڤده‌ولى هه‌یه، زێده‌بارى دیاركر، وه‌لاتێ توركیا رێگر نه‌بوویه هه‌مبه‌رى ده‌ربازكرنا پێشمه‌رگه‌ى بۆ كوبانێ، ئاماژه‌دا، هنارتنا هێزێن پێشمه‌رگه‌ى بۆ كوبانێ چو پلان ل دوڤدا نینه، چونكى هه‌بوونا داعشێ ل سوریا گه‌فان ل ئێمناهیا عیراقێ دكه‌ت.
ئه‌میندارێ گشتیێ وه‌زاره‌تا پێشمه‌رگه‌ى هه‌روه‌سا خوه‌یاكر، دێ كاره‌كێ هه‌ماهنگى ل گه‌ل شه‌رڤانێن كوردێن كوبانێ دژى چه‌كدارێن داعشێ كه‌ین، هه‌بوونا پێشمه‌رگه‌ى ل كوبانێ چو كارتێكرنێن نه‌رێنى ل سه‌ر هێزا شه‌رێ عیراقێ ناكه‌ت، ئه‌م دى دبه‌رده‌وامبین هه‌تا هه‌موو چه‌كدارێن تیرۆریێن داعشێ ل سه‌ر ئاخا عیراقێ درامالین و نه‌هێلین.
ئه‌ڤرۆ نیۆز:
سه‌رۆكێ جڤاتا سه‌حوا عیراقێ ویسام حه‌ردان راگه‌هاند، هێزێن ئێمناهیا عیراقێ ل باژێرێ (عامریا فه‌لوجه) 100 كه‌له‌خێن چه‌كدارێن داعشێ بن ئاخ كرن، هه‌روه‌سا دیاركر، هه‌موو ته‌رمێن داعشێ ب رێیا شه‌فه‌ران هاتن ڤه‌شارتن، كو به‌رى سێ رۆژان ده‌مێ هێرشا ل سه‌ر فه‌لوجه هاتینه كوشتن.
ژئالیه‌كێ دیڤه وه‌زاره‌تا به‌ره‌ڤانیا عیراقێ ئاشكراكر، فرۆكێن عیراقێ هێرشكرنه سه‌ر بنگه‌هه‌كێ چه‌كدارێن داعشێ ل ده‌ڤه‌را نه‌باعیێ و 35 چه‌كدارێن داعشێ دوێ هێرشێ هاتن كوشتن و له‌شكرێ عیراقێ نوكه به‌ر ب ئازادكرنا بێجى ڤه دچیت.
ل پارێزگه‌ها دیالا فه‌رماندێ هێزا پۆلیسێن پارێزگه‌هێ فه‌ریق روكن جه‌میل ئه‌لشه‌مه‌رى راگه‌هاند، د پرۆسا ئێمناهیا دژى داعشێ دا ل ده‌ڤه‌رێن چه‌كدارێن داعشێ خوه تێدا حه‌شار داین ل باكورێ رۆژهه‌لاتا باقوبێ ل چیایێ حه‌مرین 37 تیرۆرستێن داعشێ هاتنه كوشتن.
ئه‌ڤرۆ نیوز،هه‌ژار مه‌عروف:
هه‌ردو یانیێن باكوورێ كوردستانێ دیاربه‌كر به‌له‌دیه سپور ئه‌وا ئه‌ڤرۆ ناڤێ وێ ب فه‌رمى هاتیه گوهۆڕین بۆ ئامه‌د سپور و تیما جزیره سپور ده‌ربازبوونه قووناغا كۆما بوون ژ كوبا توركیا یا ته‌پا پێ پشتى د یاریێن خوه یێن قووناغا سيێ ژ كاسا توركیا ب سه‌ركه‌ڤتین.
ئه‌ڤرۆ ل یاریگه‌ها ئامه‌د سپور تیما ته‌پا پێ یا ئامه‌د ئه‌وا د خولا پلا دو یا ل توركیا دا كه‌ت سه‌ركه‌فتنه‌كا گرنك ل سه‌ر تیما ئالانیا سپور توماركر ئه‌وا د خولا پلا ئێك دا كه‌ت ب سێ گولان به‌رامبه‌ر دو گولان و ب ڤى ئه‌نجامى تیما ئامه‌د بۆ جارا ئێكێ د یروكا خوه دا گه‌هشته قووناغا كومان ژ كوبا توركیا.
ژ لایه‌كێ دى ڤه تیما ته‌پا پێ یا جزیره سپور حنێره‌كا مه‌زن د كوبا توركیا دا توماركر ئه‌وا ب ناڤێ هه‌سپێ ره‌ش نوكه دهێته دیاركرن و شیا سه‌ركه‌فتنه‌كا مێژویى ل سه‌ر تیما گوزته‌په سپور ئه‌وا د خولا پلا دو دا یاریێ كه‌ت تومار بكه‌ت ب دو گولان بێ به‌رامبه‌ر كو تیما جزیره سپور مێژویه‌ك توماركر پشتى دبیته ئێكه‌م یانا د مێژویا كوبا توركیا دا تیمه‌ك ژ خولا بالگى لیگ ئانكو دبیته خولا پلا چارێ د گه‌هیته ڤێ قووناغێ.
نيشاندان