ئه‌ڤرۆ نيوز:
سترانبێژێ ناڤدارێ كورد جوان حاجۆ سترانه‌كێ ب كۆبانێ دبێژيت كو تێدا هاوار دكه‌ت ژ بوو كۆبانێ و ئاماژێ ب وێ چه‌ندێ دكه‌ت كو كۆبانێ نه يا ب تنێ يه.
جوان حاجۆ ب كۆبانێ دبێژيت
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سه‌ره‌كى نووترين نووچه
ڤيديۆ: ل دهۆكێ ئاگر به‌ربوو ترۆمبێله‌كێ
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ نێزيكى مه‌غره‌ب ل تاخێ مهاباد ل باژێرێ دهۆكێ د روودانه‌كا مژه‌وى دا ئاگر به‌ربوو ترۆمبێله‌كێ و پشتى ده‌مه‌كێ كێم ترۆمبێلا ئاگر ڤه‌مراندنێ گه‌هشته جهێ روودانێ و ترۆمبێل ڤه‌مراند، به‌لێ هه‌ر وه‌كو د ڤيديۆيێ دا ديار، چو د ترۆمبێلێ نه‌مابوو.
هه‌تا روودان هاتيه كۆنترۆلكرن ژى، ئه‌گه‌رێ ئاگربه‌ربوونێ نه‌هاتبوو زانين.
ئه‌ڤ ڤيديۆيه ژ لايێ گه‌نجه‌كى ڤه ب ناڤێ عه‌بدولقادر حسێن ڤه هاتيه گرتن و هه‌موو مافێن وێ بۆ مالپه‌رێ ئه‌ڤرۆ نيوز د پاراستى نه.
گه‌فێن ل گۆگل دهێنه كرن
رۆژناما نيويۆرك پۆست ديار كر كو پارێزه‌كى يێ كو نوونه‌راتيا هژماره‌كا ستێرێن ناڤدار دكه‌ت كێشه‌ك ل دژى گۆگل تۆماركريه ب تۆمه‌تا وێ چه‌ندێ كو هنده‌ك وێنێن وان ل مالپه‌رێن ئه‌لكترۆنى به‌لاڤبووينه و ل وێرێ ژى هاتينه به‌لاڤكرن و ئه‌و نه‌رابووينه ب ژێبرنا وان.
مارتين سينجه‌ر د به‌ياننامه‌كێ دا دياركر كو كۆمپانيا گۆگل “هژماره‌كا زۆر يا پاره ب ده‌ست خوه ڤه ئينايه د ئێشاندنا ڤان ژنان دا” دبيت ژ به‌ر ڤێ چه‌ندێ ب زێده‌ترى ژ 100 مليۆن دولاران بهێته سزادان.
ئه‌ڤى پارێزه‌رى بۆ رۆيته‌رز ئاشكه‌را ژى نه‌كريه كا ئه‌ڤ ستێرێن ناڤدار كى نه.
د ڤى بابه‌تێ رۆژنامێ به‌لاڤكرى دا هاتيه: “گۆگل زانيه كو ئه‌ڤ وێنه يێن تايبه‌تن و يێن هاتينه دزين. د تايبه‌ت و نهێنى نه، ئه‌ڤ وێنه ب ره‌نگه‌كێ نه‌يێ قانوونى هاتينه وه‌رگرتن و ل سه‌ر ئه‌نترنێتێ ژ لايێ هنده‌ك كه‌سێن تێكده‌ر به‌لاڤ بووينه كو هه‌موو تايبه‌تمه‌ندى و ئه‌خلاقێن مرۆڤايه‌تى ئه‌ڤ كاره كريه”.
ئه‌ڤى پارێزه‌رى ئه‌و چه‌نده ژى دايه زانين كو ئه‌وى نامه بۆ گۆگل هنارتينه ژ بوو وێ چه‌ندێ دا وان وێنا نه‌هێلن، به‌لێ پێگرى پێ نه‌كريه د ده‌مه‌كى دا كو مالپه‌رێن وه‌كو تويته‌ر ئێسكه‌ر نه‌هێلاينه، نوكه ژى ئه‌و وێنه يێن تێدا ب رێيا لێگه‌ريانێ ئه‌و وێنه ب ده‌ست دكه‌ڤن.
گۆگل ژى د به‌ياننامه‌كێ دا دياركريه كو ئه‌وان ب ده‌هان هزار دانه ژ وان وێنا ژێبرينه د ماوێ چه‌ند ده‌مژمێران دا و گه‌له‌ك ئه‌كاونت ژى ژ به‌ر ڤێ چه‌ندێ گرتينه.
به‌رى ماوه‌كى يه وێنێن هنده‌ك ستێرێن ناڤدار ژ وان جێنيفر لورانس و مارى ئيليزابێس و وينستد و كيت ئه‌بتۆن و نمايشكه‌را جلكێن مه‌له‌ڤانيان ب رێيا ئه‌كاونتێن وان يێن i Cloud يێ گرێداى ئه‌پل هاتينه دزين و ل سه‌ر مالپه‌رێن ناڤدارێن ئه‌نترنێتى ل نيڤا هه‌يڤا ئيلۆنێ هاتينه به‌لاڤكرن.
شاراپۆڤايێ قاره‌مانيا چينێ يا تێنسێ بر
ئه‌ڤرۆ نيوز:
يا رۆسى ماريا شاراپۆڤا پله‌دارا چارێ ل جيهانێ ب ناسناڤێ تاك يێ ژنان يێ قاره‌مانيا چينێ يا ڤه‌كريا تێنسێ هاته خه‌لاتك
رن پشتى ئه‌ڤرۆ سه‌ركه‌فتن ل سه‌ر هه‌ڤركا خوه يا چيكى پترا كڤيتۆڤا تۆماركر.
د ياريا دووماهيێ دا ژ قاره‌مانيێ شاراپۆڤايێ سه‌ركه‌فتن ل سه‌ر پله‌دارا سيێ كڤيتۆڤا تۆماركر ب دو كۆمان به‌رامبه‌ر كۆمه‌كێ ب 4-6، 6-2، 3-6.
ئه‌لمانيا دێ ل هه‌ولێر راهێنان ب پێشمه‌رگه‌ى كه‌ت
ئه‌ڤرۆ نيوز:
پشتى حوكمه‌تا ئه‌لمانيا بۆ ماوه‌كى مه‌شق و راهێنان ب پێشمه‌رگێ كوردستانێ ل ئه‌لمانيا كرين، نوكه د به‌رنامه‌يى دايه، بنگه‌هه‌كێ مه‌شق و راهێنانێ ل هه‌ولێر ژى ڤه‌كه‌ت دا كو راهێنان كرن ب هێزێن پێشمه‌رگه‌ى يا به‌رده‌وام بيت.
ژێده‌ره‌كى ژ هێزێن پێشمه‌رگه‌يێ كوردستانێ بۆ باسنيوز راگه‌هانديه كو وه‌لاتێ ئه‌لمانيا سۆز يا دايه هێزێن پێشمه‌رگێ كوردستانێ كو سه‌ربازگه‌هه‌كێ ل هه‌ولێر ڤه‌كه‌ن دا كو ئه‌و پێشمه‌رگێن ل ئه‌لمانيا راهێنان وه‌رگرتين، ل هه‌ولێرێ به‌رده‌واميێ بده‌نه راهێنانان.
ئه‌لمانيا د ڤى شه‌رێ هێزێن پێشمه‌رگه‌يێ كوردستانێ دا، ل دژى چه‌كدارێن داعش، كو پێشمه‌رگه ب نوونه‌راتيا مرۆڤايه‌تى و جيهانێ ب روويێ داعش بووينه‌ڤه، خوه ب هه‌ڤكاره‌كا سه‌ره‌كى يا پێشمه‌رگه‌ى زانيه و د روويێ چه‌ك و لوجستيكى هه‌ڤكاريا باشا هێزا پێشمه‌رگه‌يێ كوردستانێ كريه.
وێنه: هزر د چێكرنا ترۆمبێلێن فرۆكه دا دهێته كرن
ئه‌ڤرۆ نيوز:
دبيت د پاشه‌رۆژێ دا ره‌وشا هاتنوچوونێ گه‌له‌ك خرابتر لێ بهێت و بۆ ڤێ چه‌ندێ ژى دێ گه‌هيته راده‌كى كو ئێدى ترۆمبێل نه‌شێت وه‌كو جاران رۆلێ خوه ببينيت و گه‌له‌ك جاران ژى دهێته گۆتن هه‌كه ب پێيا هاتنوچوونێ ل هنده‌ك جهان بكه‌ن، دێ زووتر گه‌هيته جهێ مه‌ره‌م.
به‌لێ ب گۆره‌ى مه‌زنه ڤه‌كۆله‌رێ پرۆژێ “My Copter” كۆپته‌را من دكتور هاينريش ئاش بۆلسۆف ل ئه‌لمانيا ترۆمبێلا فرۆكه هه‌ر كه‌سه‌ك دشێت ب هاژووت، دبيت ژى وه‌كو خه‌ونه‌كێ بيت بۆ هنده‌ك كه‌سان كو بۆ ماوه‌كێ درێژه هزر تێدا دكه‌ن.
ئێكه‌تيا ئه‌ورۆپا بزاڤێ دكه‌ت ئه‌ڤێ خه‌ونێ بكه‌ته راستيه‌كا دروست، ئه‌ڤه ژى بۆ وێ يه‌كێ يه كو قه‌ره‌بالغا ل چادا هه‌يى كێم بكه‌ن.
بۆلسۆف دبێژيت: “بۆ من وه‌كو خه‌ونه‌كێ بوو، ده‌ما ئه‌ز زارۆ من ئه‌ڤ تشته يا پرتووكێن ئيلهاما زانستى دا خواندى د سينه‌مايێ دا، نوكه ئه‌ڤ ئيلهامه دێ بيته راستى”.
ئێكه‌تيا ئه‌ورۆپى پرۆژه‌كێ چار سالى يێ دانايى و تێدا شه‌ش په‌يمانگه‌هـ پشكداريێ تێدا دكه‌ن ل هه‌موو ئه‌ورۆپا و كار د كێشێن وێ يێن گرێدايى ڤه‌گوهستنا ترۆمبێلێن فرۆكه دا دكه‌ن يێن تاكه كه‌سى. تشتێ گرنگ ل ڤێره ته‌ركيزه، به‌لێ نه ل سه‌ر ديزاينا ترۆمبێلێ، به‌لكو ل سه‌ر كێشه و هه‌ڤركيێن ده‌وروبه‌رێن ترۆمبێلێن فرۆكه.
ئه‌ڤ پرۆژێ دكتور بۆلسۆف پشكه‌كه ژ راپۆرته‌كا به‌لاڤبووى ل سالا 2007 يا ئێكه‌تيا ئه‌ورۆپى ل ژێر ناڤونيشانێن “ژ ده‌رڤه‌ى سندوقێ: هزر ل دۆر پاشه‌رۆژا ڤه‌گوهاستنا ئاسمانى”.
ژێده‌ر: CNN
تالبيان پشته‌ڤانيا خوه بۆ داعش دياركر
ئه‌ڤرۆ نيوز:
د به‌ياننامه‌كێ دا كو ب هه‌لكه‌فتا جه‌ژنا قوربان ل جيهانا ئيسلامى هاتيه به‌لاڤكرن، تێدا بزاڤا تاليبان پشته‌ڤانيا خوه بۆ ده‌وله‌تا ئيسلامى ب عيراق و شامێ (داعش) دياركر.
ئه‌ڤ به‌يانناما وان د ده‌مه‌كى دايه كو ده‌وله‌تا ئيسلامى شه‌ره‌كێ دژوار ل گه‌ل گه‌له‌ك ژ وان لايه‌نان كريه ئه‌وێن ژ رێكخستيا قاعيده ڤه‌بووين، به‌لێ تالبيان يا كو ل سالا 1997 ژ پاكستانێ جودا بووى پشته‌ڤانيا خوه بۆ داعش دياركر.
تاليبان هنده‌ك به‌ياننامه به‌لاڤكرينه كو ئيمزايا سه‌رۆكێ بزاڤا تاليبان، مه‌ولانا فه‌زلوللا، ل سه‌ره ب رێيا ئاخفتنكه‌رێ خوه يێ فه‌رمى به‌لاڤكرينه.
سه‌رۆكێ بزاڤا تاليبان د ڤێ به‌ياننامێ دا گۆتيه: “شانازيێ ب سه‌ركه‌فتنێن هه‌وه ل سه‌ر دوژمنى دكه‌ين، د خۆشى و نه‌خۆشيان دا ل گه‌ل هه‌وه‌ينه”.
دياركريه ژى كو ل ڤان رۆژان ل سه‌ر وان پێدڤيه د بهێن فره‌هـ بن، ب به‌هانه‌يا وێ چه‌ندێ كو دوژمنێن وان هه‌موويان يا خوه كريه ئێك و يێ به‌ر ب خه‌لافه‌تا وان ڤه دچن.
ئاماژه ب وێ چه‌ندێ ژى كريه كو جيهانا ئيسلامى دێ پشته‌ڤانێ وان بيت و ل گۆره‌ى شيانان دێ هاريكاريا ده‌وله‌تا ئيسلامى كه‌ت.
ده‌وله‌تا ئيسلامى ل عيراق و شامێ (داعش) ئه‌ڤا به‌رى نوكه خه‌لافه‌تا ئيسلامى ل عيراقێ راگه‌هاندى ب سه‌روبه‌رێ خوه و ره‌فتارێن خوه گه‌له‌ك وه‌كو بزاڤا تاليبانه بگره ژ راپێچا خوه ژى ئه‌ڤه ژبلى ئه‌وا ژێده‌رێن ده‌نگوباسان ديار دكه‌ن كو هژماره‌كا ئێكجار زۆرا وه‌لاتيێن وان ده‌ڤه‌ران ل ناڤ رێزێن داعشن.
هژمار و هێز و ژێده‌رێن داعش ل سه‌ر ده‌ڤێ سه‌رۆك وه‌زيرێ ئسرائيل
بنيامێن نه‌ته‌نياهۆ سه‌رۆك وه‌زيرێ ئسرائيلى راگه‌هاند كو پێزانينێن ده‌زگه‌هێ هه‌والگه‌ريێ ئسرائيل (موساد)ێ ئاماژێ ب وێ چه‌ندێ دكه‌ن كو هژمارا چه‌كدارێن داعش ب ده‌هان هزار كه‌سن و ئه‌ڤ هژماره ژى رۆژ بۆ رۆژێ د زێده‌بوونێ دايه.
نه‌ته‌نياهۆى د ديداره‌كا تايبه‌ت دا بۆ CNN گۆت: “داهاتى رۆژانه يێ داعش دو مليۆن دولاره و ئه‌ڤه ژ فرۆتنا په‌ترۆلێ و ئه‌ڤه و به‌رفره‌هكرنا سنوران دبيته ئه‌گه‌رێ زێده‌بوونا هژمارا داعش”.
زێده‌تر گۆت: “هێزا داعش يا تيرۆر و ترساندنێ يه، به‌رى نوكه د مێژوويێ دا، هێزێن بچووك يێن شياين كۆنترۆلا ئاسيا بكه‌ن ب رێيا هه‌سپان و بڕينا سه‌رێن خه‌لكى و به‌لاڤكرنا ترسێ د دلێ مليۆنه‌ها كه‌سان دا، ئه‌ڤجا هه‌كه گه‌له‌ك ژى نه‌بن هه‌ر كارتێكرنا خوه يا هه‌يى، ئه‌ڤه‌يه هێزا داعش، ئايدولۆژيا ترسێ و ئاماده‌يا وان بۆ كوشتنا هه‌ر كه‌سى”.
شه‌ر و پێكدادان ل ده‌وروبه‌رێن كۆبانێ دژوار دبيت
ئه‌ڤرۆ نيوز:
شه‌ر و پێكدانان د ناڤبه‌را شه‌رڤانێن يه‌په‌گێ و چه‌كدارێن داعش ل ده‌وربه‌رێن كۆبانێ يێ به‌رده‌وامه د پێنگاڤه‌كێ دا كو داعش يا بزاڤا كۆنترۆلكرنا كۆبانێ دكه‌ت وه‌كو رێيه‌كا گرنگ ژ ره‌قه بۆ حه‌له‌با پايته‌ختێ سوريا.
ئه‌ڤ شه‌ر و پێكدادانه ئه‌ڤه ژ نيڤا هه‌يڤا بۆرى وه‌ره يێ به‌رده‌وامه كو د ڤان شه‌ران دا، چه‌كدارێن داعش شياينه ده‌ستێ خوه بداننه سه‌ر هژماره‌كا مه‌زن يا گوندێن ده‌وروبه‌رێن كۆبانێ كو ب ڤێ چه‌ندێ ژى زێده‌ترى 160 هزار كه‌سان ژ وان ده‌ڤه‌ران ئاواره بووينه.
ژبلى كو ئه‌مريكا ل ڤان رۆژێن بۆرى چه‌ند هێرشێن ئه‌سمانى كرينه سه‌ر مولكێن داعش ل ده‌وروبه‌رێن كۆبانێ، فرۆكێن له‌شكرى يێن توركيا ژى بۆ جارا ئێكێ د هێرشكرنا له‌شكرى دا، مولكێن داعش ل ده‌وروبه‌رێن كۆبانێ تۆپبارانكرن.
په‌يامنێرێ ئاژانسا ئه‌سۆشيه‌يت پرێس دا زانين كو ئه‌وى گوهـ ل شه‌ره‌كێ دژوار بوويه ل باكوورێ باژێرێ، به‌لێ نه‌هاتيه زانين كا ئايا چه‌كدارێن داعش شيانه باژارى كۆنترۆل كه‌ن يان نه، ئه‌ڤێ به‌ره‌ڤانى ژ لايێ شه‌رڤانێن يه‌په‌كێ ڤه ژێ دهێته كرن.
په‌يامنێرێ بى بى سى ل ناحيه‌كا باكوورێ كوردستانێ يا سه‌ر سنورى ژى دا زانين كو ژ بوو كۆنترۆلكرنا كۆبانێ، ب ره‌نگه‌كێ به‌رده‌وام تۆپارانكرنا ناڤ باژێرى يا دهێته كرن ژ بوو.
ژێده‌رێن ده‌نگوباسان وێ چه‌ندێ ژى ئاشكه‌را دكه‌ن كو ب ده‌هان چه‌كدارێن داعش ژ ئه‌نجامێ هێرشێن فرۆكه‌ڤانى يێن هێزێن هه‌ڤپه‌يمانان گيانێ خوه ژ ده‌ست داينه.
پێشمه‌رگه‌ى زوممار كۆنترۆل نه‌كريه
ئه‌ڤرۆ نيوز، چه‌كدار ئه‌ترووشى:
ژێده‌ره‌كى ژ هێزێن له‌شكرێ كوردستانێ تايبه‌ت بۆ ئه‌ڤرۆ نيوز ئه‌و نووچه ره‌تكرن يێن دبێژن پێشمه‌رگێ كوردستانێ زوممار يا كونترۆلكرى.
چه‌ند ده‌زگه‌هێن راگه‌هاندنێ يێن عيراقى ژ زارێ چه‌ند ژێده‌راێن خوه به‌لاڤكريه كو پێشمه‌رگێ كوردستانێ ناحيا زوممار ب ته‌مامى يا كۆنترۆلكرى.
ژێده‌ره‌كى ژ هێزێن پێشمه‌رگێ كوردستانێ كو مه ب باشى نه‌ديت ئاماژێ ب ناڤێ وى بكه‌ين ئاشكه‌را كر كو سپێدێ ل ده‌ڤه‌را عوێنات د شه‌روهه‌ڤچوونه‌كێ دا، پێشمه‌رگێ كوردستانێ زيانێن گه‌له‌ك مه‌زن گه‌هاندينه چه‌كدارێن داعش.
گۆتژى: “پێشمه‌رگێ كوردستانێ پێش ره‌وى نه‌كريه و ئه‌و ل هيڤيێ بوون هێرشێ بكه‌نه سه‌ر پێشمه‌رگه‌ى، به‌لێ زيانێن گه‌له‌ك مه‌زن گه‌هشتنه هێزێن داعش”.
ئه‌ڤى فه‌رماندێ پێشمه‌رگه‌ى ئه‌و نووچه ژى ره‌تكرن يێن دبێژن كو ئه‌وان زوممار يا كۆنترۆلكرى و گۆت: “دبيت د ماوه‌كێ نێزيك دا پێشره‌ويێ بكه‌ين و زوممار كۆنترۆل كه‌ين”.
نيشاندان
WP Facebook Auto Publish Powered By : XYZScripts.com