ئه‌ڤرۆ نيوز، قه‌يس ئيسماعيل:
كارگیریا یانا زێره‌ڤانى ب فه‌رمى هه‌ڤبه‌ست دگه‌ل یاریكه‌رى به‌رى یێ یانا كركوك و یانا سیناعه یا بغدادى ئه‌یاد مال الله بۆ ساله‌كێ گرێدا.
ل دۆر ڤێ هه‌به‌ستى راهێنه‌رى تیمێ سلێمان ره‌مه‌زان گوت: ئه‌یاد مال الله یاریكه‌ره‌كێ خودان شیانه و دشیت ل پتر ژ جهه‌كى یاریى بكه‌ت لدویف پێدڤێن تیمێ وشاره‌زایه‌كا باش هه‌یه ل سه‌ر ئاستێ عیراقێ وكۆردستانێ و پشیبینى دكه‌م مفایه‌كێ مه‌زن ژ شیانێن وێ ببینین .
ئه‌ڤرۆ نيوز:
گه‌له‌ك جاران ل ده‌هواتان دێ بينى ژ كه‌يفان دا، بيك يان زاڤا يان ژى هه‌ردو پێكڤه د له‌يزن، به‌لێ دبيت گه‌له‌ك يا سه‌ير بيت زاڤا يان بيك نه هۆنه‌رمه‌ند بن و وه‌كو رێكه‌فت بۆ ده‌ربڕين ژ خۆشيا خوه سترانان بێژن، وه‌كو ئه‌ڤى زاڤايێ كوێتى يێ كو ژ كه‌يفان دا ستران ب بيكێ گۆتى و د ماوه‌كێ كێم دا مليۆنه‌ك و 900 هزار كه‌سان ديتيه.
ئه‌ڤرۆ نيوز، ناجی به‌ده‌ل:
ئه‌ڤرۆ رۆژا پێنجشەمی 2014.10.23 دەمژمێر 18:00 ل به‌رلینێ کۆنفرانسێ “ل بەندا هیڤیان”ل سه‌ر رەوشا مرۆڤاتی و هاریکاریا ئاوارەیان ل ئیراقێ هێته سازكرن.
رێكخراوا فیرده‌مان یا خێرخوازی و نڤیسینگەها وەزیرێ دەرڤە یێ ئەلمانیا “فرانک ڤالتێر شتاینمایەر ب هه‌ماهه‌نگی و پێكڤه ئه‌ڤرۆ ده‌مژمێر 6 ئێڤاری كونفرانسێ ل به‌ندا هیڤیان ل سه‌ر ره‌وشا په‌نابه‌ر و ره‌هندێن به‌هونا داعشێ ل ده‌ڤه‌رێ هێته سازكرن.
محسن ئوسمان ئه‌ندام په‌رله‌مانێ عیراقێ داخازكری بو دانا سمیناره‌كێ ل وی كونفرانسی بو ئه‌ڤرۆ نیوز راگه‌هاند:پێنج ئه‌ندام په‌رله‌مان 3 ژ په‌رله‌مانتارێن كوردستانێ و دوو ژ په‌رله‌مانتارێن عیراقێ به‌شداری ل كونفرانسی بن ژ ئه‌گه‌ری پرسگریكان هند شیان به‌شدار بن و پێنگاڤه‌كه بو په‌یدا كرنا هاریكاریان بو په‌نابه‌ران و هاندانا خێرخوازێن ئه‌لمان ب هانا ئاواره‌یان بهێن.
ناڤبری دیار كر بابه‌تێن دناڤا كونفرانسی دا بهێنه به‌حسكرن بڤی شیوه‌یی هاتینه ده‌ست نیشانكرن (جیوپولیتیكا هه‌رێمێ و پاشخانێن گرفتێن عیراقێ و رۆژه‌ڤا ره‌وشا ئاواره‌یان ل كوردستانێ و نێرین و ستراتیژی و لایه‌نێن چالاك ژ ئه‌لمانیا و شه‌هره‌زا و ئالیكاریان بو ئاواره‌یان).
ئه‌ڤ كونفرانسه ل گه‌ل رێكخرتاوا فیرده‌ما و ل گه‌ل نڤیسینگه‌ها وه‌زیرێ ده‌رڤه‌یێ ئه‌لمانیا هێته گێران و ده‌لیڤه‌یه‌كا باشه ره‌وش و تێگه‌هێ رێكخراوا تیرۆریستی بو به‌شداربویێن ئه‌وی كونفرانسی هێنه ناساندن و چه‌وانیا هاریكاریكرنا ئاواره‌یان و هاندانا كه‌سێن ده‌وله‌مه‌ند و ده‌ستێ هاریكاریێ درێژ بكه‌ن بو لیقه‌ومایان.
گەلەک خەلک ژ ئاریشا زەربوونا ددانا دنالن، ھندەک ژ وان ژ زەربوونا سەرڤە دنالن ئەوا ژ ئەنجامێ جگارەکێشانێ یان زێدە ڤەخوارنا قەھوێ و چایێ زەر دبن و ھندەک ژی ژ زەربوونا نافخویی دنالن ئەوا ژ ئەنجامێ دانعەمریێ یان ھەبوونا برینان یان بکارئینانا زێدە یا فلۆرایدێ.
بۆ ب دەستڤەئینانا رێیێن بلەز کو مرۆڤ دشێت ل مال بکاربینیت، رۆژانە دو جارا ددانێن خوە ب مەعجینێ سپیکرنێ پاقژکە، دیسا رۆژانە پارچەکا پەمبی ب شەربەتا لەیمونێ و خوێ تەرکە و ددانێن خوە بدە.
ھەروەسا پشتی ڤەخوارنا شەربەتان ددانێن خوە ب ئاڤێ بشوو چونکو ھندەک شەربەتان بۆیاغێن خوارنێ د ناڤ دانە.
ئەڤرۆ نیۆز، سالار دۆسکی:
سەرۆکێ لیستا گۆڕان ل پەرلەمانێ عیراقێ بۆ ئەڤرۆ نیۆز دیارکر کو ھەموو ئەندام پەرلەمان عیراقێ یێن کورد مووچێن خوە وەردرگرن، زێدەتر ژی گۆت: “ھەر جار ئەم بەرامبەر بەغدا داروستین وەک کورد و مەبەستا من ھەموونە چو لایەنێن دیارکری نین، پاشان ب چەندین (تەنازلا) دچینە بەغدا و ئەڤە سیاسەتێ شکەستن ئینایە”.
ھوشیار عەبدولا گۆتژی: “مە داخاز کر مووچێن خوە وەک ئەندامێن پەرلەمانی بدەینە ئاواران کەسەکێ خوە نەدا دگەل مە، دیسا مە داخاز کر کو مووچێن خوە وەرنەگرین ھەتا مووچێن فەرمانبەرێن ھەرێمێ بھێنەمەزاختن و بیتە بریار دیسا کەس نەھات”.
ئاشکراکر ژی کو ھەکە دگەل خەلکێ کوردستانێ ینە پێدڤیە ھەموو وەزیرێن کورد و ئەندام پەرلەمانێ، کورد ل بەغدا بزڤرینە ھەرێمێ و کاودانێن مە وەک خەلکێ مە بن و نە ئەم بەغدا مووچا وەربگرین و ھەرێمێ مووچە نەبن”.
ئاماژه ب وێ چه‌ندێ ژى كر كو وەکو لیستا گۆڕان ئەو ھاریکاریا خەلکێ خوە دکەن و گۆت: “ب تنێ من لیستا ھاریکاریاریێ ھەیە بۆ ٦٠ کەسان و دیسا پشکەکا مووچێن مە ئەندامێن لیستا گۆڕان بۆ حیزبێ دچیت.
ئەڤرۆ ، سالار دۆسکی:
ژڤانە رۆژا سێشەمبی رێکەفتی 25\10\2014 ل بەرامبەر دەزگەھێ سەردەم باژێرێ سلێمانیێ پەیکەرێ نڤێسەرێ کوردێ مەزن شێرکۆ بێکەس بھێتەدانان.
پەیکەرێ ھەلبەستڤانێ کوردێ مەزن د. شێرکۆ بێکەس ژ لایێ پەیکەرساز شوان کەمال ڤە ھاتیە دروستکرن و ب سپونسەری یا دەزگەھێ عرفان ھاتیە چێکرن و ژڤانە حەفتیا بھێت ل بەر دەرگەھێ دەزگەھێ سەردەم کو پێشتر د. شیرکو بەرپرسێ وێ بوو بھێتە دانان.
ھەڤدەم د. شێرکو بێکەس ئێکەم وەزیرێ رەوشەنبیری بوو د حوکمەتا ھەرێما کوردستانێ دا ل سالا 1992.
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ هێزێن پێشمه‌رگه‌ى راگه‌هاند كو دو فرۆكێن هه‌ليكۆپته‌ر ب دژوارى ده‌ڤه‌رێن ده‌وروبه‌رێن شنگال بۆردۆمان كر و ب ده‌هان چه‌كدارێن داعش كوشتن.
ئه‌فسه‌ره‌كێ پێشمه‌رگێ كوردستانێ كو مه پاراستن ل سه‌ر به‌لاڤكرنا وى كر، دياركر كو ئه‌ڤرۆ رۆژا پێنجشه‌مبى دو فرۆكێن هه‌ليكۆپته‌ر جهێن چه‌كدارێن داعش ل نێزێكى چيايێ شنگال بۆدۆمان كرن ل ده‌مێ بزاڤ دكر ب سه‌ر چيايى بكه‌ڤن”.
ئه‌ڤى ئه‌فسه‌رى زێده‌تر گۆت: “ب گۆره‌ى پێزانينێن ده‌سپێكى ب ده‌هان كه‌س بووينه قوربانى”.
ب گۆره‌ى ژێده‌رێن شه‌رڤانێن ئێزدى زێده‌ترى پێنج هزار شه‌رڤانێن ئێزدى كو قاسم شه‌شۆ كارگێرێ لقا 17 يا پارتى ديموكراتى كوردستان سه‌رپه‌رشتيا وان دكه‌ت ل گه‌ل هنده‌ك ژ پێشمه‌رگێ كوردستانێ كو به‌رچاڤترين كه‌س ژ وان ته‌مه‌ر ره‌مه‌زانه پارێزگارێ به‌رێ يێ دهۆكێ و ئاشتى كوچه‌ر به‌رپرسێ ئاسايشا زاخۆ.
ئه‌ڤرۆ نيوز:
سعوديێ حوكمێ زيندانيكرنێ دانا سه‌ر چار ژنا كو دناڤبه‌را شه‌ش بۆ ده‌هـ سالان ژ ئه‌گه‌رێ پشته‌ڤانيكرنا چه‌كدارێن داعش.
ده‌زگه‌هێن راگه‌هاندنا سعوديێ راگه‌هاند كو دادگه‌هێ تاوانا هه‌ڤكاريا داعش ل سه‌ر چار ژ ژنێن سعوديێ سه‌پاند كو هاريكاريا كوڕێن خوه كريه ل سه‌ر گه‌هشتنا وان ب داعش ب رێيا چوونا ناڤ مالپه‌رێن ئه‌لكترۆنى يێن هه‌مه‌ره‌نگ، ديسا دانلۆدكرنا گرتيێن ده‌نگى و يێن ڤيديۆيێ يێن گرێدايى كوشتنێ.
ب گۆره‌ى ئاژانسا ده‌نگوباسێن فره‌نسى، ژڤانێ ڤان كرياران و ناسنامێن ڤان ژنا ديار نه‌كريه، كو به‌رى نوكه بڕيارا گه‌شتكرنا سێ ژ وان راوه‌ستاند بوو.
به‌رى نوكه موفتيێ سعوديێ شێخ عه‌بدولعه‌زيز ئال شێخ راگه‌هاند بوو كو رێكخستيا ده‌وله‌تا ئيسلامى دوژمنا ئێكێ يا ئيسلامێ يه.
ئه‌ڤرۆ نيوز:
گۆگل خزمه‌ته‌كا نوو يا نامێن ئه‌لكترۆنى ب ناڤێ inbox خسته كارى و دهێته پێشبينيكرن جهێ G-Mail بگريت.
ب گۆره‌ى كۆمپانيێ ئه‌ڤ خزمه‌ته بۆ وێ چه‌ندێ يه، نامێن ئه‌لكترۆنى يێن گرنگ نه‌هێنه به‌رزه‌كرن و نوكه ب ره‌نگه‌كێ ده‌مى خستيه كارى و هنده‌ك ژى وه‌سان پێشبينى دكه‌ن كو ئه‌ڤ خزمه‌تى ئه‌لكترۆنى دێ جهێ G-Mail گريت.
كه‌سه‌كى ژى كۆمپانيا گۆگل گۆت: “ئه‌ڤه مه‌زنترين نووكرنه مه بۆ خزمه‌تا نامێن ئه‌لكترۆنى ئه‌نجامدايى پشتى G-Mail. ئه‌ز گه‌له‌ك يێ ل سه‌ر رژدم ل سه‌ر”.
ژ گرنگترين خزمه‌تێن ڤێ خزمه‌تگۆزاريێ:
سه‌ندار بيتشاى، جێگرى سه‌رۆكێ گۆگل يێ سيسته‌مێ ئه‌ندرويد و خزمه‌تكاريان گۆت: “گه‌له‌ك ژ نامێن ئه‌لكترۆنى دگه‌هنه مه، پتر ژ به‌رى نوكه، هنده‌ك ژ نامێن گرنگ د ناڤا وان دا دهێنه به‌رزه‌كرن، گرنگترين كارێن مه ژى ژ ئه‌نجامێ وان دهێنه ژ ده‌ست دان، ب تايبه‌ت هه‌كه ب رێيا تله‌فۆنێن خوه كار بكه‌ين”.
زێده‌تر گۆت: “ده‌رباره‌ى گه‌له‌ك ژ مه كار كرن ل گه‌ل نامێن ئه‌لكترۆنى يێ بوويه كاره‌كێ رۆژانه و گه‌له‌ك پێڤه گيرۆ دبين و مه ژ كارێن مه يێن سه‌ره‌كى دوور دئێخيت، ل جهێ هاريكاريا مه د كاران دا بكه‌ت”.
نيشاندان