ئەڤرۆ نیوز:

بریاره‌ سوبەهی، لژنا هەموارکرنا دستووری عیراقێ، دووماهی كۆمبوونا خوە بكەت و پرسا راستڤەکرنا مادێ (140) یێ دستوورێ عیراقێ گوتۆبێژ بكەت.
ئه‌ڤرۆ سێشه‌مبی، پەرلەمانێ عیراقێ ئاشكرا كر، سوبەهی چارشه‌مبی، لژنا راستڤەکرنا دستوورێ عیراقێ دێ دووماهی كۆمبوونا خوە کەت بۆ هندێ بەحسێ راستڤەکرنا مادێ (140) بكەت.
كۆمبوون دێ‌ ل دەمژمێر (10:00) سپێدێ هێتە کرن، ل ‌ هۆلا تایبه‌ت ب‌ نڤێسینگه‌ها سه‌رۆكێ پەرلەمانێ عیراقێ ل به‌غدا.
مادێ (140) یێ دستوورێ عیراقێ، پرسا دیاركرنا چاره‌نڤیسێ كه‌ركووكێ و دەڤەرێن‌ جهێ ناكۆكیێ ل سنوورێ پارێزگەهێن دیالا‌، نه‌ینه‌وا و سه‌لاحه‌دین ب خوەڤە دگریت، لدووڤ وی مادەی، ئه‌و پرسه‌ دێ ب‌ سێ قۆناغان هێته چاره‌سه‌ر کرن.

ل قۆناغا ئێکێ دا ره‌وشا پارێزگەهان بهێتە‌ ئاسایی کرن، ل‌ قۆناغا دویێ دا سه‌رژمێریا گشتیی بهێتە ئه‌نجام دان و ل قۆناغا سییێ دا دڤێت راپرسی بۆ دیاركرنا چاره‌نڤیسێ وان بهێته ئه‌نجامدان.

ل گورەی وی مادەی، هەتا (31 كانوونا ئێکێ یا 2007)، ئانکو د دەمێ زێدەتر ژ‌ دو سالان و پشتی په‌سندكرنا دستووری، بهێتە جێبه‌جێ کرن، به‌لێ د وی دەمی دا نەهاتە جێبه‌جێ کرن و یۆنامی ل عیراقێ بۆ ماوێ شه‌ش هەیڤان ماوێ جێبه‌جێكرنا وی مادە‌ی درێژ كر، د وی ماوه‌ی ژی دا جێبه‌جێ نه‌بوو، پاشی یۆنامی ژی چ دەمێن دیتر دیار نه‌كرن.

ئەڤرۆ نیوز:

شانده‌كێ بلند یێ وەلاتێ مسری دێ سه‌ره‌دانا به‌غدا یا پایته‌ختێ عیراقێ كه‌ت و دێ ل گه‌ل به‌رپرسێن حوکمه‌تا عیراقێ كۆم بیت.
شاندێ مسری ب سه‌رۆكاتیا مسته‌فا مه‌دبولى، سه‌رۆك وه‌زیرێن مسرێ ئه‌ڤرۆ دێ سه‌ره‌دانا به‌غدا یا پایته‌ختێ عیراقێ كه‌ت و دێ ل گه‌ل مسته‌فا كازمى، سه‌رۆك وه‌زیرێن عیراقێ كۆم بیت.

وەسا بریاره‌ ل دوشه‌مبییا بهێت ب سه‌رپه‌رشتییا مسته‌فا كازمى سه‌روكوه‌زیرێن ئیراقێ و مسته‌فا مه‌دبوولى، سه‌رۆك وه‌زیرێن مسرێ، هه‌مى رێككه‌فتنێن پێشتر دناڤبه‌را به‌غدا و قاهیره‌ دا هاتینه‌ كرن، بهێنه‌ ئیمزاكرن.
بەری نوکە به‌غدا و قاهیره‌ د بیاڤێن وزێ، چاندنێ، پیشه‌سازى، كاره‌ب، ئاڤ و ڤه‌گوهاستنێ دا رێككه‌فت بوون و نوکە ئه‌و شاند بۆ ئیمزاكرنا وان رێككه‌فتنان دێ سه‌ره‌دانا به‌غدا كه‌ت.