ئەڤرۆ نیوز:
پشتی کو مایک پومپیۆ وەزیرێ دەرڤە یێ ئەمریکا راگەهاند کو ئیسرائیل و ئیمارات دێ پێکڤە بەرەیەکێ ل دژی ئیرانێ دروست کەن بەرپرسەکێ ئیرانێ ژی گەف ل ئیماراتێ کرن.
حسێن ئەمیر عەبدوللاهیان هاریکارێ سەرۆکێ پەرلەمانێ ئیرانێ بۆ کاروبارێن نێڤدەولەتی راگەهاند کو ئیسرائیل بەر ب ژناڤچوونێ یە و ئەمریکا دڤێت ب رێیا ئیماراتێ و هندەک وەلاتێن دی ئیسرائیلێ قورتال بکەت و گۆت: (هەکە ئیمارات ب هاریکاریا ئیسرائیلێ ل دژی بەرژەوەندیێن ئیرانێ کار بکەت دێ ب توندی بەرسڤا وێ دەین).
ئەڤرۆ نیوز:
تارق شێرکو بەرپرسێ لقێ دو یێ ئێکگرتو ئیسلامی کوردستانێ پشتی کو بۆ ماوەیێ مەهەکێ ل نەخوشخانێ دا بوو، جانێ خوە ژ دەست دا.
لقێ دو یێ هەولێرێ یێ ئێکگرتو د داخۆیانیەکێ دا دیار کریە کو تارق شێرکو پشتی کو تووشی ڤایرۆسێ کۆرۆنایێ ببوو بۆ ماوەیێ مەهەکێ ل نەخوشخانێ ل ژێر چاڤدێریێ دا بوو و شەڤا بۆری جانێ خوە ژ دەست دا.
ئه‌ڤرۆ نیوز:
وه‌زیرێ ساخله‌میا عیراقێ راگه‌هاند هه‌رده‌مێ ڤاكسینێ كورونایێ به‌رده‌ست بیت و ژلایێ رێكخراوا ساخله‌میا جیهانێ ڤه ب فه‌رمی دان پێدان لسه‌ر بهێته‌كرن، ئه‌ڤه عیراق ئێكه‌م وه‌لات دبیت بۆ كرینێ.
حه‌سه‌ن ته‌میمی وه‌زیرێ ساخله‌میا عیراقێ راگه‌هاند نوكه چاڤه‌ریێ ئه‌وێ چه‌ندێ دكه‌ین، ڤاكسینێ كورونایێ ئه‌وان ده‌وله‌تێن ده‌ست دایێ بۆ به‌رهه‌م ئینانێ ژلایێ رێكخراوا ساخله‌میا جیهانی ڤه بهێته په‌سندكرن، ئینانا هه‌ر ڤاكسینه‌كی دكه‌ڤته سه‌ر ئه‌وێ چه‌ندی ل جیهانێ بكار دئیت و پشت راست بوون ل سه‌ر سه‌ركه‌ڤتنا ڤاكسینی هه‌بیت.
ناڤبری ئه‌و چه‌نده ژی راگه‌هاند وه‌زاره‌تا ساخله‌میێ هه‌موو ئه‌و چاره‌سه‌ری هاتینه دابینكرن، كو د چارچوڤه‌یێ پرۆتوكولێن جیهانی یێ چاره‌سه‌ركرنێ دا هاتینه په‌سندكرن بۆ چاره‌سه‌ركرنا توشبوویێن سڤك و ناڤه‌ندی و گرانیێن كورونایێ.
وه‌زیرێ ساخله‌میا عیراقێ داخازژ وه‌لاتیان كر پێگیری رێكارێن ساخله‌میێ و رێكخراوا ساخله‌میا جیهانی بن و پێگیری پاراستن و دووركه‌ڤتنێن جڤاكی بۆ ئه‌وێ چه‌ندێ ریگریێ ژ به‌ربه‌لاڤبوونا ڤایرۆسی بهێته‌كرن.
ئه‌ڤرۆ نیوز:
په‌یڤدارێ هێزێن چه‌كدارێن عیراقێ كوشتنا دو سه‌ركرده‌یێن رێكخراوا تیرۆریستی یا داعشێ ل داقوقێ سه‌ر پارێزگه‌ها كه‌ركوكێ راگه‌هاند.
یه‌حیا ره‌سول په‌یڤدارێ فه‌رمانده‌یا هێزێن چه‌كدارێن عیراقێ راگه‌هاند هێزه‌كا تایبه‌ت یا دژی تیرۆرێ ل سه‌ر بنه‌مایێ بزاڤه‌كا مه‌زنا هه‌والگریێ دو سه‌ركرده‌یێن رێكخراوا تیرۆریستی یا داعشێ ل ده‌مێ بزاڤا ده‌ربازبوونێ داین هاتنه كوشتن.
ناڤبری ئه‌و چه‌نده ژی راگه‌هاند كۆ هێزه‌كا دژه تیرۆرێ دو تیرۆریستێن مه‌ترسیدار ل باژێرێ گه‌رمه لاكورێ رۆژهه‌لاتا فه‌لوجه گرتینه.
ئه‌ڤرۆ نیوز:
رێكخراوا ساخله‌میا جیهانی ئه‌وێ چه‌ندێ ره‌ت دكه‌ت، كۆ به‌رهنگاریا ڤه‌كرنا خاندنێ كر بیت.
دكتوره مه‌ها ته‌لعه‌ت راوێژكارا هه‌رێمێ ل یه‌كه‌یا به‌رهنگاربوونا نه‌خوشیێن ڤه‌گوهێزه‌ر ل رێكخراوا ساخله‌میا جیهانی راگه‌هاند نابیت ژیان ب ئه‌گه‌رێ كورونایێ بهێته راوه‌ستاندن، نوكه ل پرانیا وه‌لاتان بزاڤا ئه‌وێ چه‌ندێ دهێته‌دان قه‌ره‌بوویا ئه‌وان زیانێن ل ده‌مێ قه‌ده‌غه‌كرنا هاتنوچونێ بكه‌ن كۆ ڤێ كه‌تین.
مه‌ها ته‌لعه‌ت راوێژكارا هه‌رێمێ ل یه‌كه‌یا به‌رهنگاربوونا نه‌خوشیێن ڤه‌گوهێزه‌ر ل رێكخراوا ساخله‌میا جیهانی ئه‌و چه‌نده ژی راگه‌هاند ب ئه‌گه‌رێ ئه‌وان گوهورینێن كۆ ب سه‌ر جینێن ڤایرۆسێ كورونایێ دا هاتین، 80% توشبوویێن نوو ل جیهانێ سه‌ر سڤك بوویه، 15% یا توشبوویان نیشانێن ڤایرۆسی ب گرانی سه‌ر ده‌ركه‌تینه، 5% پێدڤی ب چاڤدێریا چر هه‌یه.
ناڤبری ئه‌و چه‌نده ژی دازانین رێكخراوا ساخله‌میا جیهانی پشته‌ڤانیا ڤه‌كرنا ناڤه‌ندێن خاندنێ دده‌ت ب وی مه‌رجی سلامه‌تیا قوتابیان و وه‌لاتیان لبه‌ر چاڤ بهێته وه‌رگرتن، ئه‌و ده‌وله‌تێن رۆژانه 150 بۆ 300 توشبوویێن نوو تێدا دهێنه توماركرن، ڤه‌كرنا خاندنێ تێدا ب سلامه‌ت دبیت.
لگۆری رێكخراوا یونسێفێ یا ب سه‌ر نه‌ته‌وه‌یێن ئێكگرتی ڤه ب ئه‌گه‌رێ ڤایرۆسێ كوڤید 19 زێده‌تری 463 ملیۆن زارۆك ل ته‌ڤایا جیهانێ ژ پرۆسه‌یا خاندنێ هاتنیه دیرخستن.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: ل شەڤا بوری د روودانەکا ترافیکێ دا کەسەکێ وەغەر کر.
ناڤهاتی زێدەتر گۆت: ل دەمژمێر ۱۲:٤۰ شەڤا بوری ل ناڤا سەنتەرێ باژێرێ ئاکرێ دناڤبەرا ترافیکا پیشەسازی و ترافیکا سوسنا روودانەکا ترافیکێ ژ جۆرێ وەرگەریان روودایە د ئەنجامدا کەسەکێ وەغەر کریە و دو کەس ژی برینداربووینە، گۆت ژی: بریندار هاتینە رەوانەکرن بۆ نەخۆشخانێ و هەروەسا زیانێن مەزن ب ترۆمبێلێ ژی کەفتینە.
ئه‌ڤرۆ نیوز:
دهێته چاڤه‌رێكرن سوبه‌هی رۆژا سێ شه‌مبی شاندێ حوكمه‌تا هه‌رێما كوردستانێ سه‌ره‌دانا به‌غدا بكه‌ت.
لگۆری ئه‌وان زانیاریێن هاتینه راگه‌هاندن به‌ریا نوكه كۆ سه‌ره‌دان هاتبو پاش خستن، بریاره سوبه‌هی شاندێ حوكمه‌تێ ب سه‌رۆكاتیا قوباد تاله‌بانی جێگرێ سه‌رۆك وه‌زیران بگه‌هته به‌غدا.
چونكو به‌ریا نها هاتبو راگه‌هاندن سه‌ره‌دانا رۆژا ئێك شه‌مبی هاته پاش خستن بۆ سێ شه‌مبێ.
بریاره وه‌زیرێ دارای و پلان دانانێ دناڤ ئه‌وی شاندێ هه‌رێما كوردستانێ دا بیت كۆ پرسا موچه و بودچه ل گه‌ل لایه‌نێن په‌یوه‌ندیدارێن به‌غدا دانوستاندێ كه‌ن.
ئه‌ڤرۆ نیوز:
سه‌رۆكێ حوكمه‌تا هه‌رێما كوردستانێ د رێ و رسمه‌كێ دا دێ به‌رێ بنیاتێ نه‌خوشخانه‌یا دێره‌لوكێ دانیت.
ئه‌ڤرۆ ب به‌رهه‌ڤبوونا مه‌سرور بارزانی سه‌رۆكێ حوكمه‌تا هه‌رێما كوردستانێ، رێ و رسمێن دانانا به‌رێ بنیاتێ نه‌خوشخانه‌یا دێره‌لوك ل پارێزگه‌ها دهۆكێ هێته برێڤه‌برن.
رێ و رسمێن دانانا به‌رێ بنیاتێ نه‌خوشخانه‌یێ، ده‌مژمێر 12:30 هێنه برێڤه‌برن.
ئەڤرۆ نیوز:
وەزارەتا ساخلەمیا عیراقێ ئامارا ٢٤ دەمژمێرێن بۆری یا کۆرۆنایێ راگەهاند کو تێدا هاتیە د ماوەیێ ٢٤ دەمژمێرێن بۆری دا سێ هزار و ٦٥١ کەسێن دی تووشی ڤایرۆسێ کۆرۆنایێ بووینە و هەروەسا ٩٠ تووشبوو ژی مرینە.
ل گۆر ئامارا ٢٤ دەمژمێرێن بۆری یا عیراقێ دیار دبیت کو رێژا مرنا ب کۆرۆنایێ ل عیراقێ زێدە دبیت.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا کەسەک بریندار بوویە.
ناڤهاتی زێدەتر گۆت: ئەڤرۆ ئێکشەمبی ل سەر رێیا گشتی یا ناحیا سەرسنکی بۆ دهۆکێ و ل نێزیک قەسرا مەلکی روودانەکا هاتنوچوونێ ژ جۆرێ لێکدان دناڤبەرا دو ترومبێلێن بارهەلگر دا دروست بوویە، د وێ روودانێ دا شوفێرێ پیکابێ ژ جۆرێ نیسان بریندار بوویە و هاتیە رەوانەکرن بۆ نەخوشخانێ و دیسان زیان ژی ب هەردو ترۆمبێلان کەفتینە.
نيشاندان