ئەڤرۆ نیوز:
وەزارەتا پلاندانانێ پرۆژە بودجێ ئەڤ سالە رەوانەی جڤاتا وەزیران کر، بۆ هندێ بهێتە پەسەند کرن و پاشی دێ هێتە رەوانەکرن بۆ پەرلەمانی، هەتا قانوونا وەرگرتنا قەران بهێتە دەرکرن ب ئارمانجا دابینکرنا شایستێن فەرمانبەران بۆ چەند هەیڤێن بهێت.
ماهر حەماد، بریکارێ وەزارەتا پلاندانانا عیراقێ دیار کریە: ئەو پرۆژە بودجێ ل چارشەمبیا بوری وەزارەتا دارایی رەوانەی جڤاتا وەزیران کری، هەمان ئەو پرۆژە بودجێ بەری نوکەیە کو هاتبوو ئامادەکرن، کورتهێنانا وی ب 80 ترلیۆن دیناران دهێتە خەملاندن، هەروەسا سەرجەمێ وی بودجەی ب 146 ترلیۆن دیناران دهێتە خەملاندن.

د پرۆژە بودجێ 2020 دا چ گوهۆرین نەهاتینە کرن، ب تنێ بلندکرنا شایستێن سەرجەم سەرمووچە و بلند کرنا پلان تێدا هاتینە جهگیر کرن.
بریکارێ وەزارەتا پلاندانانا عیراقێ گۆتیە ژی: ڤەگوهاستنا خانەنشینیێ بۆ پرۆژە بودجێ 2021 هاتیە ڤەگوهاستن.

ئەڤرۆ نیوز:

ئەڤرۆ وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا، چار ھزار و ٦٤٤ حالەتێن نوو یێن کۆرۆنایێ و سێ ھزار و ٨٩١ حالەتێن باشبوونێ و ٦٣ حالەتێن وەغەرکرنێ ھاتینە تۆمار کرن.

ھەتا نوکە ٢٥٩ ھزار و ٧١٩ کەس ل عیراقێ تووشی ڤایرۆسێ کۆرۆنایێ بووینە، دیسان هەتا ڤی دەمی ٧ ھزار و ٤٢٢ کەسان وەغەرکریە، هەروەسا ١٩٥ ھزار و ٢٠٥ کەس ژی باشبووینە.