ئەڤرۆ نیوز:
پارێزگارێ دهۆكێ پێشوازیا شیرەتکارێ ئاسایشا نیشتیمانی ل عیراقا فیدرال كر و به‌رهه‌ڤى به‌هیا خودێ ژێ رازى بابه شێخ ل قه‌زا شێخان بوون
ئه‌ڤرو سپێدێ 4-10-2020 د.على ته‌ته‌ر پارێزگارێ دهۆكێ ب ئاماده‌بونا على خه‌لیل به‌رپرسێ لقێ 14 ل موسل وقایمقامێ قه‌زا شێخان پێشوازیا به‌رێزان قاسم ئه‌لئعه‌رجى شیرەتکارێ ئاسایشا نیشتیمانی ل عیراقا فیدرال ونه‌جم جبورى پارێزگارێ نه‌ینه‌وا و شاندێ دگه‌لدا كر .
پاش ل هۆلا هه‌لكه‌فتا ل قه‌زا شێخان به‌رهه‌ڤى رێ ورسمێن به‌هیا خودێ ژێ رازى بابه شێخ بوون.
شیرەتکارێ ئاسایشا نیشتیمانی ل حكومه‌تا عیراقا فیدرال بناڤێ خو وسه‌روك وه‌زیرێن عیراقێ سه‌ره‌خوشیێن خو گه‌هاندنه مالباتا بابه شێخ وجڤاتا روحانیا ئێزدیان وخواست خودێ سه‌بر وهه‌دارێ ب ده‌ته هه‌موویان وجهێ ره‌حمه‌تى بكه‌ته به‌هه‌شتا به‌رین .
هه‌روه‌سا گوت: مرنا بابه‌شێخ خوساره‌تییه‌كا مه‌زنبوو بۆ هه‌موو خه‌لكێ عیراقێ و هه‌رێما كوردستانێ چونكو بابه‌شێخ مروڤه‌كێ خێرخاز وجامێر بوو هه‌رده‌م داكوكى ل برایه‌تى وپێكڤه ژیانێ دكر.
هه‌روه‌سا سوپاسیا حكومه‌تا هه‌رێما كوردستانێ وپارێزگه‌رێ دهۆكێ وپارێزگاڕێ نه‌ینه‌وا وهه‌موو سازیێن حزبى وحكومى ل ده‌ڤه‌رێ كر بو رێ رسمێن پێشوازیكرن وپشكداریكرنێ دبه‌هیا بابه شێخى دا کرن.
ئەڤرۆ نیوز:
رێڤەبەرێ بەشی نەهێلانا ماددەیێ بێهۆشکەر ل ئاسایشا سلێمانیێ ڕاگەهاند، پشتی کۆمکرنا زانیاریان هێزێن ئاسایشێ شیاینە دەست ب سەر ٢٥ کیلۆیێن مادەیێ کریستاڵ دا بگرن، قاچاخچیان ژی دەستەسەر بکەن.
جەلال ئەمین رێڤەبەرێ گشتی یێ ڕێڤەبەرێ بەشێ نەهێلانا مادەیێ بێهۆشکەر ل ئاسایشا سلێمانیێ راگەهاند قاچاخچیان خواستینە وان ٢٥ کیلۆیێن کریستالی ببەنە دەرڤەی وەلاتی، لێ پشتی دەستنیشانکرنا جهێ کەسەکێ ل هەولێرێ، ب هەڤکاریا ئاسایشا وی باژێری شیاینە دەستەسەر بکەن.
ئەڤرۆ نیوز:
وەزارەتا کارەبێ د داخۆیانیەکێ دا دیار دکەت کو هندەک دەزگەهێن راگەهاندنێ وەسا بەلاڤ کرینە کو دەمێ کارەب رادەستی کەرتێ تایبەت بهێتە کرن دێ بهایێ کارەبێ هێتە زێدەترن، لێ مە دڤێت وەلاتیێن خوشتڤی پشتراست بکەین کو چو راستی بۆ هندێ نینە.
وەزارەتا کارەبێ دیار دکەت کو پشتی کارەبا نشتیمانی رادەستی کەرتێ تایبەت بهێتە کرن ژی دێ هەر وەزارەتا کارەبێ چاڤدێریێ کەت و هەموو کار دێ ل ژێر چاڤدێریا وەزارەتا کارەبێ بیت و چو کارتێکرنەکا خراب ل وەلاتیان ناکەت و بها دێ وەکو خوە بیت و گران نابیت.
ئەڤرۆ نیوز:
محەمەد حەمدان جێگرێ سەرۆکێ جڤاتا سەروەریا سودانێ راگەهاند کو وان دڤێت پەیوەندیێن خوە ل گەل ئیسرائیلێ ئاسایی بکەن، ژ بەر هندێ ژی داخواز کر کو حوکمەت راپرسیەکێ ل دۆر هندێ ئەنجام بدەت.
ناڤهاتی دیار ژی دکەت کو رەتکرنا پەیوەندیێن ل گەل ئیسرائیلێ چو مفایا خوە بۆ گەلێ سودانێ نینە و دەم یێ هاتی سودان ژی پەیوەندیێن خوە ل گەل ئیسرائیلێ ئاسایی بکەت.
ئەڤرۆ نیوز:
ناڤەندا چاڤدێریا مافێن مرۆڤی یا سووریێ راگەهاند کو هەتا نها ٤٢ چەکدارێن سووری ئەوێن کو تورکیا بۆ شەرێ ئەرمەنستانێ رەوانەی هەرێما قەرەباخێ کرینە ژ ئالیێ لەشکرێ ئەرمەنستانێ ڤە هاتینە کوشتن.
ل ئالیێ دی دوهی رۆژناما گاردیان یا بریتانی ژی راگەهاند کو تورکیا مەهانە ١٠ هزار لیرێن تورکی ددەتە چەکدارێن سووریێ.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند کو 278 نەخۆشێن دی یێن کۆرۆنایێ covid-19 ل دهۆکێ ب تەمامی چارەسەربوون
(278) نەخۆشێن دی یێن ڤایرۆسێ کۆرۆنایێ covid-19 ل دهۆکێ کو ل ژێر چارەسەریێ دا بوون ب تەمامی چارەسەربوون.
ب ڤێ چەندێ هژمارا گشتی یا نەخۆشێن چارەسەربووین گەهشتنە 5090 کەسان.
و نوکە 7514 نەخۆش ماینە ل ژێر چارەسەریێ دا.
ئه‌ڤرۆ نیوز:
وه‌زاره‌تا خاندنا بلند و ڤه‌كۆلێنێ زانستی سه‌ركه‌فتیێن قوناغا دوازدێ یا ئاماده‌ی ئاگه‌هدار دكه‌ن، كۆ دڤێ هه‌فتیی دا په‌یڤا تێپه‌ر و نهێنی و یوزه‌رنیمی ژ خاندنگه‌هێن خوه وه‌ربگرن.
عه‌باس ئه‌كره‌م په‌یڤدارێ وه‌زاره‌تا خاندنا بلند و ڤه‌كۆلینێن زانستی راگه‌هاند پشتی بزاڤێن رێڤه‌به‌راتیا گشتی یا خاندن و پلاندانان و دووڤچوونێ ل وه‌زاره‌تێ و ناڤه‌ندا وه‌رگرتنا قوتابیان، په‌یڤا تێپه‌ر و پاسوه‌رد و یوزه‌رنێم بۆ ته‌ڤایا سه‌ركه‌فتیێن دوازدێ ئاماده‌یی هاتینه به‌رهه‌ڤكرن و ره‌وانه‌ی وه‌زاره‌تا په‌روه‌ردێ ژی هاتینه‌كرن.
په‌یڤدارێ وه‌زاره‌تا خاندنا بلند و ڤه‌كۆلیننێن زانستی راگه‌هاند د ئه‌ڤێ هه‌فتیێ دا دشێن سه‌ره‌دانا خاندنگه‌هێن خو بكه‌ن بۆ وه‌رگرتنا په‌یڤا تێپه‌ر و پاسوه‌رد و یوزه‌رنێمی ژبوی بشێن زانكۆلاینێ تژی بكه‌ت.
عه‌باس ئه‌كره‌م په‌یڤدارێ وه‌زاره‌تا خاندنا بلند و ڤه‌كۆلینێن زانستی ئه‌و چه‌نده ژی دازانین ل چه‌ند رۆژێن بهێت زانكۆلاین بۆ سه‌ركه‌فتیان دێ كارا بیت و به‌ری كاراكرنێ ژی راگه‌هاندنه‌كێ ل سه‌ر هیرده‌كاریێن وێ بۆ سه‌ركه‌فتیان دیار كه‌ین.
نيشاندان