ئەڤرۆ نیوز:
ناڤەندا چاڤدێریا مافێن مرۆڤی یا سووریێ راگەهاند کو دوهی چەند فرۆکێن نەنیاس ل رۆژهەلاتێ دێرازۆرێ هێرشی کاروانەکێ سەربازی یێ حەشدا شەعبی کرینە کو ل گۆر زانیاریێن دەستپێکی ٧ چەکدار هاتینە کوشتن و چەندین چەکدارێ دی ژی بریندار بووینە.
لێ هەتا نها ناهێتە زانین کا فرۆکێن چ وەلاتەکێ هێرشی چەکدارێن حەشدا شەعبی کرینە.
ئەڤرۆ نیوز:
وەزارەتا ساخلەمیا ئیرانێ راگەهاند کو د ماوەیێ ٢٤ دەمژمێرێن بۆری دا هزار و ٩٩٤ کەس ل وەلاتی وەلاتی تووشی کۆرۆنایێ بووینە و ب گشتی هژمارا تووشبوویان گەهشتیە ٣٨٠ هزار و ٧٤٦ کەسان.
وەزارەتا ساخلەمیا ئیرانێ دیار ژی کریە کو هەتا نها ٢١ هزار و ٩٢٦ کەس ژی ب کۆرۆنایێ مرینە.
ئەو یەک د دەمەکێ دایە کو رێکخراوا چاڤدێریا مافێن مرۆڤی بەری نها دیار کربوو ئیران هژمارا دروست یا مریان بەلاڤ ناکەت.
ئەڤرۆ نیوز:
دەزگەهێن راگەهاندنا جیهانی ئاماژە ب هندێ دکەن کو پشتی رێککەفتنا د ناڤبەرا رێڤەبەریا خوەسەر و ئەمریکا دا ل دۆر پەترۆلێ روسیا ژی دەست ب بزاڤەکا مەزن یا کری دا کو کورد د قۆناغا چارەسەریا سیاسی دا ل سووریێ پشکدار بن و ژ بەر هندێ ژی رێککەفتنەکا نوو د ناڤبەرا جڤاتا سووریا دیموکرات و پارتەکا سووریێ دا ل موسکو هاتە ئیمزا کرن.
چاڤدێرێن سیاسی ژی دیار دکەن کو هەڤڕکیەکا مەزن د ناڤبەرا روسیا و ئەمریکا دا ل دۆر رۆژئاڤایێ کوردستانێ هەیە و پێدڤیە کورد ژی سیاسەتەکا سەرکەفتی برێڤە ببەن دا ئەمریکا بەردەوام پشتەڤانیێ ل کوردان بکەت.
ئه‌ڤرۆ نیوز:
ئیداره‌یا دونالد تره‌مپ ئه‌و چه‌نده دوپاتكر كۆ ل هه‌یڤا 11 دا ده‌ست ب پارڤه‌كرنا ڤاكسینێ دژه كورونایێ ل وه‌لاتی هێته‌كرن، له‌ورا داخازێ ژ ویلایه‌تان دكه‌ین بۆ ئه‌وێ چه‌ندێ خو به‌رهه‌ڤ بكه‌ن.
روبه‌رت رێدفیلد رێڤه‌به‌رێ سه‌نته‌رێ خوپاراستن و به‌رهنگاربوونا نه‌خوشیان ل ئه‌مریكا نفیسار بۆ ویلایه‌تێن وه‌لاتی كریه، كۆ داخاز ژێ كرینه به‌رهه‌ڤ بن و ته‌ڤایا رێكاران بكار بینن.
لگۆری نڤیسارێ، به‌رپرسێ سه‌نته‌رێن نه‌خوشیان ل ئه‌مریكا ژ رۆژا 1/11/2020 ڤاكسینا دژه كورونایێ ل وه‌لاتی دێ به‌رده‌ست بیت و هێته پارڤه‌كرن دو رۆژان به‌ری هه‌لبژارتنێن سه‌رۆكاتیا ئه‌مریكا.
ئه‌و ڤاكسینا بریاره به‌رهه‌ڤ بیت ژلایێ كۆمپانیا مودێرنا ڤه هاتیه به‌رهه‌م ئینان و نوكه ل قوناغا سێ یا تاقیكرنێ دایه به‌ریا نوكه كۆمپانیێ راگه‌هاند بوو بهایێ ڤاكسینێ دناڤبه‌را 32-37 دۆلاران دا دبیت.
ئه‌ڤرۆ نیوز:
وه‌زاره‌تا دارایی و ئابووری یا حوكمه‌تا هه‌رێما كوردستانێ رێنمایێن نوو ده‌ربارێ لێخوشبوونا قه‌ران ب رێژا 15% راگه‌هاندن.
ئه‌ڤرۆ 3/9/2020 وه‌زاره‌تا دارایی و ئابووری یا حوكمه‌تا هه‌رێما كوردستانێ رێنمایێن دارایی ژماره 8 یا سالا 2020 به‌لاڤكریه و كۆ تێدا هاتیه ب لێخوشبوونا قه‌ران ب رێژا 15% .
ئه‌ڤرۆ نیوز:
ئه‌كره‌م ئه‌حمه‌د رێڤه‌به‌رێ گشتی یێ سكران ل وه‌زاره‌تا چاندنا هه‌رێمێ راگه‌هاند ئه‌ڤه سالا سیێ یه ئیران ئاڤا زابێ بچووك دگریت ل هه‌یڤا حوزه‌یرانێ و ته‌موزێ تاكو هه‌یڤا 12، داهاتێ ئاڤێ ل ئه‌ڤێ ده‌ڤه‌رێ دبیته سفر، ئه‌ڤ سال ژی ئاڤا سیروان ژی ب رێژه‌یه‌كا زۆر كێم كریه، ئه‌ڤ كارێ ئیرانێ نه زانستی و نه مه‌نتقی و نه ئیداریا ئاڤێ یه، چونكو ل چ جهه‌كێ دونیایێ نه‌بوو داهاتێ ئاڤا ریباره‌كێ سه‌ره‌كی ب بیته سفر، چونكو ئه‌ڤ پشكا خه‌لكێ ئیرانێ و عیراقێ یه و زیان ڤێكه‌تیێن ئێكێ هه‌رێما كوردستانێ یه ئه‌و كاره ژی دووره ژ هه‌موو عورفێن نێڤ ده‌وله‌تی.
رێڤه‌به‌رێ گشتی یێ سكران ل وه‌زاره‌تا چاندن و ژێده‌رێن ئاڤی یا حوكمه‌تا هه‌رێما كوردستانێ راگه‌هاند ئه‌ڤ پێنگاڤا ئیرانێ سزادانا ئاكنجیێن ده‌ڤه‌رێ یه، چونكو هه‌كه چه‌ند مه‌تره‌ك ئاڤ بهێته به‌ردان چ نابیت، دلته‌نگیا خو مه گه‌هاندیه قونسلێ ئیرانێ ل هه‌ولێرێ، چونكو ئیرانێ نێزیكی 30 سكر ل سه‌ر زابێ بچوك و سیروان دروستكرینه دو تونێل ژی لێداینه ئاڤێ دبه‌ته ده‌ریا ئورمێ، به‌لێ ل هه‌موو دونیایێ دا به‌ردانا ئاڤێ عورفێ خو هه‌یه و سالانه‌ژی تووشی ئاریشه‌یان دبن، ئه‌ڤه ژی ناحه‌قیه‌كا زۆره هه‌مبه‌ر خه‌لكێ هه‌رێم و عیراقێ دهێته كرن.
ئه‌ڤرۆ نیوز:
وه‌زیرێ ساخله‌میا روسیا راگه‌هاند وه‌لاتێ وی ڤاكسینا دژی كورونایێ نافرۆشیت، به‌لكو ته‌كنولوژیا به‌رهه‌مئینانێ دێ ده‌ته هه‌ر وه‌لاته‌كی كۆ بڤێت ب بیته خودانێ ڤاكسینێ.
میخائیل موراكشو وه‌زیرێ ساخله‌میا روسیا راگه‌هاند د ئه‌ڤێ هه‌یڤێ دا پرۆسیسا دوماهیێ یا ڤاكسیناSputnik V ل روسیا ده‌ست پێ دكه‌ت، كه‌رتێن ساخله‌میێ و په‌روه‌رده‌یێ ل پێشیا كه‌رتێن دی یێن وه‌لاتینه بۆ بكار ئینانا ڤاكسینێ.
وه‌زیرێ ساخله‌میا روسیا ئه‌و چه‌نده ژی راگه‌هاند ڤاكسینا “Sputnik V” یا پێشڤه‌بری نافرۆشن، به‌لكو ته‌كنولوژیا به‌رهه‌مئینانا وێ دێ ده‌ینه هه‌ر وه‌لاته‌كی كۆ بڤێت ب بیته خودانێ ئه‌وێ ڤاكسینێ.
بنگه‌هی ته‌كنولوژیا بایالوژی یا گامالی كۆ به‌رپرسه ژ پێشڤه‌برن و به‌رهه‌مئینانا ڤاكسینێ رۆسی راگه‌هاند پرۆسه ب دوماهی هاتیه و ل سه‌ر دانعه‌مرێن وه‌لاتی ده‌ستپێكریه كۆ ته‌مه‌نێ وان ل سه‌ر 70 سالیێ دانه و ساخله‌یما هه‌موویان جیگیره.
12 هه‌یڤا بوری ڤلادیمیر پوتن سه‌رۆكێ روسیا راگه‌هاند وه‌لاتی وی ره‌زامه‌ندی ل سه‌ر به‌رهه‌م ئینانا ڤاكسینێ كورونایێ ل جیهانێ دا و ل دوماهیا هه‌ر ئه‌وێ هه‌یڤێ پاكیژا ڤاكسینێ هاته به‌رهه‌م ئینان، كۆ دشیێن بۆ ده‌مێ دو سالان ته‌ڤایا جه‌سته‌یێ مرۆڤی ژ توشبوونا ڤایرۆسێ كورونایێ بهێته پاراستن.
ئەڤرۆ نیوز:
وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا، سێ ھزار و ٣٦٧ حالەتێن نوو یێن کۆرۆنایێ وسێ ھزار و ٢٦٣ حالەتێن باشبوونێ و ٥١ حالەتێن وەغەرکرنێ ھاتینە تۆمار کرن.
ھەتا نوکە ٢٤٢ ھزار و ٢٨٤ کەس ل عیراقێ تووشی ڤایرۆسێ کۆرۆنایێ بووینە، هەروەسا هەتا ڤی دەمی ٧ ھزار و ٢٠٠ کەسان ب کۆرۆنایێ وەغەرکریە، ١٨٤ ھزار و ٢٠٥ کەس ژی باشبووینە.
ئەڤرۆ نیوز:
ئەڤرۆ چارشەمبی ، ۲ ئیلۆنا ۲۰۲۰ ، وەزیرێ پەروەردێ راپۆرتا وەزارەتێ پێشکێشی کۆمبوونا جڤاتا وەزیران کریە و راگەهاندنەک بەلاڤکریە:
سەبارەت چاوانیا دەستپێکرنا سالا نوویا خواندنا ۲۰۲۰ـ ۲۰۲۱ ، کو چەندین بژارە دیار کرینە ، پشتی هەلسەنگاندنا رەوشا ساخلەمیێ ژ ئالیێ وەزیرێ ساخلەمیێ، ب ئەکەرێ پەتایا ڤایرۆسێ کۆرۆنایێ جڤاتا وەزیران بریار دا، کو ناڤەندێن خواندنێ سەر ب وەزارەتا پەروەردێ ب شێوازێ خواندنا ناڤ پۆلێ نەهێتە ڤەکرن، ب مەبەستا پاراستنا سلامەتیا قوتابیان و مامۆستایان و هەموو جڤاکێ مه، د هەمان دەمدا بەحسی هندێ کر، کو پرۆسا خواندنێ نەهێتە راگرتن، بۆ هندێ سالا خواندنا قوتابیان نەفەوتیت، ل دەمێ دەستپێکا دەوامێ خواندنا ئەلیکترۆنی و خواندنا ئۆنلاین بهیتە پەیرەو کرن، ل سەرجەم ناڤەندێن وەزارەتا پەروەردە ، ژ بلی قۆناغا ۱۲ ئامادەیی، بۆ هەموو ئالیان دیار دکەین، کو وەزارەتا پەروەردێ دێ ل نێزیکترین دەرفەتدا کۆمبوونا جڤاتا وەزارەتێ ئەنجام دەت، بۆ گوتۆبێژکرن و دەرخستنا رێنمایێن هوور بۆ جێبەجێکرنا بریارێن ئەڤرۆ یێن جڤاتا وەزیران کو چەندین بابەتان ل خوە دگریت، ژ وان ژی:
۱ـ جڤاتا وەزارەتێ دێ بریارێ دەت ل سەر دیارکرنا رێکەفتا دەستپێکا سالا نوو یا خواندنێ ب شێوازێ ئەلکترۆنی و ئۆنلاین بۆ قوتابخانان و پەیمانگەهێن حکومی و نەحکومی.
۲ـ جڤاتا وەزارەتێ دێ بریارێ دەت ل سەر دەستپێکا سالا نوو یا خواندنێ بۆ قوتابیێن قۆناغا ۱۲ ئامادەیی، ب هەموو پشکێن خوە ڤە، ل خواندنا حکومی و نەحکومی ب شێوازێ ئامادەبوونا تەمام ل ناڤا پۆلێ لدووڤ وان رێنمایێن وەزارەتا ساخلەمیێ دیار دکەت، پشتی دووماهی هاتنا خولێن دویێ یا ئەزموونێن گشتی.
۳ـ میکانیزما پالپشتیکرنا قوتابیێن قۆناغا ئێکێ بنەرەتی و چاوانیا ئاشناکرنا وان ب ژینگەها قوتابخانێ.
سەرجەمێ گشتی یا وان بابەتێن پێدڤینە بۆ دەستپێکا سالا نوو یا خواندنێ ل جڤاتا وەزارەتێ رێنمایی پێدڤی دێ دەرکەڤن، رەوشا ساخلەمیێ د نوکە دا وەسا دهێتە خواستن، کو ژیانا مامۆستایان و قوتابیان بهێتە پاراستن و مەترسی ل سەر ژیانا وان دروست نەبیت و قوتابی ژی بێ خواندن نەبن، ڤان پێنگاڤان پێدڤی ب پشتەڤانیا هەمووان هەیە، هەکە رەوشا ساخلەمیێ رێکێ بدەت بۆ ڤەگەریانێ بۆ ناڤ ناڤەندێن خواندنێ، ل هەر دەمەکێ دا دێ خواندنا ئاسایی دەستپێکەتە ڤە.
نيشاندان