ئەڤرۆ نیوز:

سەرپەرشتیارێ پرۆژێن قەزا زاخۆ راگەهاند: دێ ١١ پرۆژێن نوو، ب کوژمێ ٤٣ ملیار دیناران ل قەزا زاخۆ هێنە چێکرن، کو پرۆژێن جۆدانە و ژ بلی وێ چەندێ ژی کو نوکە ٢٦ پرۆژە د جێبەجێکرنێ دانە.
هێژا محەمەد سەرپەرشتیارێ پرۆژێن قەزا زاخۆ گۆتیه ژی: ١١ پرۆژێن جۆدا دێ ل زاخۆ هێنە جێبەجێکرن، کو هەر پرۆژەک ب کوژمێ زێدەتر ژ ملیار دیناران دێ هێتە دروستکرن، نوکە پشکەک ژ تەندەران بۆ ڤەکرینە و پشکەک ژی د قۆناغا تەندەری دا نە، کو ب کوژمێ ٤٣ ملیار دیناران دێ هێنە جێبەجێکرن.
دیسان دیار کریە:ئە پرۆژە پێکهاتینە ژ رێک و پران، دروستکرنا قۆتابخانان، پرۆژێ فیشخابوور بۆ دێرەبوونێ و پرۆژێ ئەندەر پاسێ، هەڤدەم دو پرۆژێن مەزنێن شارەوانیێ نە، ژبەر هندێ کومەکا پرۆژێن جۆدانە و کاری ل سەر دکەن.

هەروەسا ٢٦ پرۆژێن بچووک ژی ل سنورێ قەزا زاخۆ راستەوخۆ دەست ب جیبجیکرنا وان هاتیەکرن و نوکە د قوناغا بجهئینانێ دانە.

 
ئەڤرۆ نیوز:

بەری دەمەکێ فرۆکێن سوپایێ تورکی گوندێن ناحیا چەمانکێ یا سەر ب قەزا ئامێدیێ ڤە بۆردومان کرن، لێ هەتا نوکە زیانێن وێ بوردۆمان کرنێ نەهاتینە زانین.

ئەڤرۆ نیوز، زنار تۆڤی:

لژنا سەرپەرشتیکرنا مووەلیدێن ئەهلی ل دهۆکێ بۆ ئەڤرۆ نیوز دیار کر: بۆ هەر ئەمپێرەکێ کارەبا مووەلیدان بۆ هەیڤا ئیلۆنی پێنج هزار ٧٥٠ دینار هاتینە دیار کرن.

هەکار هرۆری، نوونەرێ خودانێن مووەلیدان د لژنا سەرپەرشتیکرنا مووەلیدێن ئەهلی ل دهۆکێ زیدەتر گۆت: لیژنا مووەلیدان ئەڤرۆ پێنجشەمبی، کۆمبوونەک ئەنجامدایە ب مەرەما نرخێ هەبوونا کارەبێ و کارکرنا مووەلیدان و بریاردایە بۆ هەر ئەمپێرەکێ کارەبێ پێنج هزار و ٧٥٠ دیناران بۆ هەیڤا ئیلۆنێ ژ وەلاتیان وەربگرن.

هەکاری دیار کر ژی: وان رۆژانە نێزیکی پێنج دەمژمێران کارەبا مووەلیدان دایە وەلاتیان و لدووڤ وان دەمژمێرێن کاری، ئەڤ بهایە هاتیە دەستنیشانکرن.

 
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا پێنج کەس بریندار بوون.
ناڤهاتی زێدەتر گۆت: ئەڤرۆ پنێجشەمبی 2020/10/1 ل دەمژمێر (7:30) سپێدێ ل سەر جادا سەرەکی یا شوقا سێ ترۆمبێلان لێکدا، ( دو ترۆمبێلێن بارهەلگر تۆیۆتا پیک ئاب ل گەل ترۆمبێلەکا کرێ تەکسی کۆرۆلا )، د ئەنجامدا پێنج کەس ب سڤکی بریندار بوون و زیانێن مادی یێن مەزن ب وا ترۆمبێلان کەفتن.