ئه‌ڤرۆ نیوز:

وه‌زیرێ ده‌رڤه‌یێ چینێ راگه‌هاند وه‌لاتین ئه‌فریقا به‌ریا ئه‌وان وه‌لاتانه‌ یێن دڤێن مفایی ژ وێ ڤاكسینا ل چینێ هاتیه‌ پێشڤه‌برن بكه‌ن.

وانگ یی وه‌زیرێ ده‌رڤه‌یێ چینێ راگه‌هاند ئه‌وده‌مێ پێشڤه‌برنا ڤاكسینا چینێ ته‌مام دبیت راسته‌وخو دێ ده‌ست ب به‌رهه‌م ئینانێ هێته‌كرن، بۆ ئه‌وێ چه‌ندێ  ب بیته‌ ئێك ژ مفایێن جیهانی بۆ به‌رهنگاربوونا كورونایێ، هه‌رده‌مێ ڤاكسین هاته‌ به‌رهه‌م ئینان ئه‌ڤه‌ وه‌لاتێن ئه‌فریقا پێشیا ئه‌وان وه‌لاتێن جیهانێ دبن بۆ مفا وه‌رگرتن ژێ.

به‌ریا نها شی جین پینگ سه‌رۆك وه‌زیرێ چینێ راگه‌هاند بوو هه‌ر ده‌مێ ڤاكسینێ كورونایێ هاته‌ به‌رهه‌م ئینان، وه‌لاتێن ئه‌فریقا پێشیا هه‌ر وه‌لاته‌كی دبن بۆ مفا ژی وه‌رگرتنێ.

هه‌فتیا بوری حوكمه‌تا چینێ ره‌زامه‌ندی ل سه‌ر ئیكه‌مین ڤاكسینێ پێشڤه‌بری یێ وه‌لاتی خو دا، كۆ نوكه‌ ل قوناغا سیێ یا تاقیكرنێ دایه‌، بریاره‌ ژی به‌ری دوماهیا ئیسال بهێته‌ به‌رهه‌م ئینان.

ئه‌ڤرۆ نیوز:

لگۆری دوماهی ئامارێن توشبوویێن ڤایرۆسێ كورونایێ ل جیهانێ گه‌هشته‌ 23 ملیۆن  125 هزار و 236 كه‌سان.

لگۆری ئامارێن جیهانی، ئه‌ڤرۆ ژماره‌یا توشبوویێن كورونایێ ل جیهانێ گه‌هشته‌ 23 ملیۆن و 125 هزار و 236 كه‌سان، ژ ئه‌وێ ژماره‌یێ ژی هه‌شت سه‌د و 3 هزار و 245 كه‌سان ژی گیانێ خوه‌ ژ ده‌ست دایه‌.

ل سه‌ر ئاستێ وه‌لاتێن جیهانێ، ئه‌مریكا زۆرترین رێژه‌یا توشبوونێ ب ڤایرۆسێ كورونایێ تێدا هاتیه‌ توماركرن و گه‌هشتیه‌ پێنج ملیۆن و 796 هزار و 727 كه‌سان، 179 هزار و 200 كه‌سان ژی گیانێ خوه‌ ژ ده‌ست دایه‌.

ڤایرۆسێ كورونایێ نه‌خوشیه‌كا كوژه‌كه‌ ل هه‌یڤا 12 یا سالا بوری ل باژێرێ ئوهان یێ وه‌لاتێ چینێ سه‌رهلدا و نوكه‌ ل زێده‌تری 210 وه‌لاتان به‌لاڤ بوویه‌.