ئەڤرۆ نیوز، زنار تۆڤی:
ئەڤرۆ پێنجشەمبی مینەك ب یەکەیەکا هێزێن پاسەوانێن سنۆری ڤە، ل سیارا بەنا ل سنۆرێ ناحیا باتیفا پەقی، پاسەوانەکێ سنۆری ب دژواری بریندار بوویە.
دلشێر عەبدولستار، رێڤەبەرێ ناحیا باتیفا بۆ ئەڤرۆ نیوز دیار کر: ئەڤرۆ مینەکا چاندی ب پاسەوانەکێ سنۆری ل سیارا بەنا ل سنۆرێ ناحیا باتیفا پەقیە، زیان گەهاندینە پێیەکی وی و ب دژواری برینداربوویە و وی پاسەوانی پێیەکێ خوە ژ دەستدایە، ئەو پاسەوانێ سنۆری خەلکێ دەڤەرا ئاکرێ یە، د هەمان دەمدا ئەو پاسەوانە هاتیە رەوانە کرن بۆ نەخۆشخانێ ژ بۆ چارەسەریێ، لدووڤدا هاتیە رەوانە کرن بۆ دهۆکێ، داکو چارەسەریا تەمام بۆ بهێتە کرن.
نيشاندان