ئەڤرۆ نیوز:
عەبدولفەتاح سیسی سەرۆکێ مسرێ پرۆژا دەستێوەردانێ سەرەدانا ل لیبیا هنارتە پەرلەمانێ وی وەلاتی دا گەنگەشە ل سەر بهێتە کرن و پشتی پەرلەمان رازی بیت وی دەمی سەرۆکێ مسرێ دێ ئەو دەستهەلاتە هەبیت کو بریارا دەستێوەردانا سەربازی بدەت.
چاڤدێرێن سیاسی ژی دیار دکەن کو مسر خوە بۆ شەرەکێ ل لیبیا بەرهەڤ دکەت و پرانیا وەلاتێن عەرەبی ب تایبەتی ژی سعوودیێ و ئیمارات پشتەڤانیێ ل مسرێ دکەن.
ئەڤرۆ نیوز، عەلی حاجی:
ئێک ژ فەرماندەیێن هێزێن پێشمەرگەیێ کوردستانێ بۆ ئەڤرۆ نیوز دیار کر هێزێن پێشمەرگێ کوردستانێ یا سەر ب فەرماندەیا دهوکێ بەردەوامن ل سەر زێدەکرنا بارەگایێن خوە ل دەڤەرێن سنوری دناڤبەرا کوردستانێ و تورکیا دا ژ بۆ زێدەتر پاراستنا وان سنوران .
زێدەتر رائید جەمال سیاری گۆت: (پشتی دەستپێکرنا ئوپەراسیونا سوپایێ تورکیا ل دژی هێزێن پەکەکێ ل سنورێ دەڤەرێن زاخۆ، ل دووڤ بریارەکا وەزارەتا پێشمەرگەی وەکو فەرماندەیا دهوک یا هێزێن پێشمەرگێ کوردستانێ رابووینە ب زێدەکرنا بارەگایێن خوە ل ناحیێن دەرکارێ و باتیفا و هەر دیسان ل دەڤەرێن سلێڤانەیان یا سەر ب ناحیا رزگاری ڤە ل زاخۆ کو ب رەنگەکێ ل درێژیا وان دەڤەران کو جودا ژ بارەگایێن کەڤن مە ١٠ بارەگایێن دیتر داناینە و هێزا پێشمەرگەی راستەوخوە چاڤدێریا وان دەڤەران دکەت دا کو ئەو دەڤەر نەکەڤنە بن توپبارانا فروکە و سوپایێ تورکیا و پاراستنا ئەمنیەتا وان دەڤەران د ستویێ هێزێن پێشمەرگەی دایە).
ناڤبری خویا کر بۆ ڤێ قوناغێ بریار ل سەر زێدەکرنا ١٠ بارەگایێن نوو هاتیە دان و هەر دەمێ بریار لدور زێدەکرنا بارەگایان هاتە دان بێی دو دلی دێ بارەگایێن خوە زێدەتر کەین و ل سنورێ ناحیا کانی ماسێ ژی هێزێن زێرەڤانی ژی هندەک بارەگایێن خوە داناینە دا کو ئەو دەڤەر بهێنە پاراستن و وەلاتیێن مە نەکەڤنە بن هەرەشەیا هەر هێزەکێ دا کو ل دەرڤەی کونترولا حکومەتا هەرێما کوردستانێ بیت.
ئه‌ڤرۆ نیوز:
د رێ و رسمێن به‌رێ بنیاتێ پرۆژه‌یێ ده‌ڤه‌را پیشه‌سازیا خوراكی ل پارێزگه‌ها دهۆكێ، وه‌زیری پیشه‌سازیا حوكمه‌تا هه‌رێما كوردستانێ راگه‌هاند گه‌شه‌كرنا كه‌رتێ پیشه‌سازیێ دبیته ئه‌گه‌ر بۆ كێمكرنا بێكارێ و پێشڤه‌برنا داهاتێ ناڤخۆ و وه‌لات ژ هاوه‌رده‌كرنێ ب بیته هنارده‌كار.
كه‌مال موسلیم وه‌زیرێ پیشه‌سازیا حوكمه‌تا هه‌رێما كوردستانێ راگه‌هاند د كابینه‌یا نه‌هێ دا پێنج ده‌ڤه‌رێن پیشه‌سازی یێن خوراكی و شه‌ش ده‌ڤه‌رێن پیشه‌شسازی یێن بووینه جهێ گرنگی پێدانا مه، ده‌ڤه‌رێن پیشه‌سازییێ ستینه‌كا بهزا ئابووری یه د هه‌ر وه‌لاته‌كی دا، هه‌كه ل ئه‌ڤان ده‌ڤه‌ران هه‌موو خزمه‌تگۆزاریی تێدا بهێنه دابینكرن، دبنه ئه‌گه‌رێ راكێشانا وه‌به‌رهێنان و سه‌رمایه‌داران تاكو كار خانه‌یان دا بمه‌زرینن، پیشه‌سازی دبیته ژێده‌ره‌ك ژبووی وه‌لات پشت به‌ستنێ بتنێ ل سه‌ر ئێك ژێده‌ریا داهاتی نه‌كه‌ت، ئه‌ڤ كه‌رته گه‌شه‌یێ بكه‌ت، دێ بیته ئه‌گه‌رێ كێمكرنا بێكاریێ و پێشڤه‌برنا داهاتێ ناڤخۆ و وه‌لاتی ژ هاوه‌رده‌كرنێ بكه‌ته هه‌نارده‌كار و پێدڤیێن ناڤخۆ بهێنه دابینكرن و گرنگه بۆ دابینكرنا ئاسایشا خوراكێ وه‌لاتی.
وه‌زیرێ پیشه‌سازیا هه‌رێما كوردستانێ ئه‌و چه‌نده ژی راگه‌هاند داخازێ ژ سه‌رۆكێ حوكمه‌تێ دكه‌م چه‌وا پشته‌ڤان بوو بۆ پێشڤه‌برنا ئه‌ڤی كه‌رتی هوسا پشته‌ڤان بیت بۆ دامه‌زراندنا ئه‌ڤان ده‌ڤه‌رێن پیشه‌سازیێ ل ته‌ڤایا كوردستانێ، هه‌ولده‌ین ئه‌ڤان جۆرێن پرۆژه‌یان ژی ل باژێرێ هه‌له‌بجه ژی دابمه‌زرینن كۆ ده‌ڤه‌ره‌كا پیشه‌سازی ل وێرێ د به‌رنامه‌ی دایه ئه‌و ژی ده‌ڤه‌ره‌كا پیشه‌سازیا گرنگه.
ئه‌ڤرۆ نیوز:
ئه‌ڤرۆ ب سه‌رپه‌رشتی و به‌رهه‌ڤبوونا سه‌رۆكێ حوكمه‌تا هه‌رێما كوردستانێ به‌رێ بنیاتێ پرۆژه‌یێ ده‌ڤه‌را پیشه‌سازیا خوراكی هاته دانان.
مه‌سرور بارزانی سه‌رۆكێ حوكمه‌تا هه‌رێما كوردستانێ راگه‌هاند ل ده‌ستپێكا ئه‌ڤێ كابینێ مه سوزدابوو گرنگیێ ب كه‌رتێن دی یێن ئابووری بده‌ین نه بتنێ پشت به‌ستنێ ب ئێك ژێده‌رێ داهاتێ بهێته گرێدان، بۆ ئه‌ڤێ مه‌به‌ستێ پێشڤه‌برنا كه‌رتێ پیشه‌سازی و چاندن و بازرگانیێ ئێكه ژ وان سوز و به‌رنامه‌یێن كۆ ل كارنامه‌یا حوكمه‌تێ دا هاتی، ئه‌ڤرۆ به‌رهه‌ڤین بۆ دانانا به‌رێ بنیاتێ پرۆژه‌یێ ده‌ڤه‌را پیشه‌سازی ل پارێزگه‌ها دهۆكێ به‌رهه‌م و خێرا وێ بۆ هه‌می كوردستانێ یه، ده‌ستخوشیێ ژی ل كۆمپانیا بجهكارێ ئه‌ڤی پرۆژه‌ی و وه‌زاره‌تا پیشه‌سازی و چاندنێ و هه‌موو وه‌زاره‌تێن حوكمه‌تێ دكه‌م كۆ پلان و دامه‌زراندنا ئه‌ڤی پرۆژه‌ی هه‌ڤكار بووینه، ئه‌ڤه دوماهی پرۆژه نابیت، ل چه‌ند روژێن بوری ب پرۆژه‌یێن ستراتیژی مه ده‌ستپێكریه و دێ ل هه‌مو كوردستانێ ئه‌ڤان پرۆژان ئه‌نجام ده‌ین.
سه‌رۆكێ حوكمه‌تا هه‌رێما كوردستانێ ئه‌و چه‌نده ژی راگه‌هاند به‌رنامه‌یێ مه كوردستانێ ژ روویێ ئابووری پێشڤه ببه‌ین، حوكمه‌ت به‌رنامه‌یێ خو بجه بكه‌ت ول گه‌ل كه‌رتێ تایبه‌ت ژی هه‌ڤكار بیت بۆ پرۆژه‌یێن ژڤی جوری، حوكمه‌ت گرنگیه‌كا تایبه‌ت ب كه‌رتێ تایبه‌ت دده‌ت و د هنده‌ك پرۆژان دا ل گه‌ل كه‌رتێ تایبه‌ت دێ كارا كه‌ن، ئارمانجا مه رزقێ خه‌لكی ل ده‌ستێ وان بخو دا بیت و چاڤ ل دامه‌زراندنا كه‌رتێ گشتی نه‌بیت، دلخوشم كۆ به‌رنامه‌یێ مه زیده‌باری قه‌یرانا ئابووری و به‌لاڤ بوونا ڤایرۆسێ كورونایێ رێ لێ نه‌هاته‌گرتن، بجهكرنا پرۆژه‌یێن حوكمه‌تا هه‌رێما كوردستانێ به‌رده‌وام بوون.
مه‌سرور بازرانی سه‌رۆكێ حوكمه‌تا هه‌رێما كوردستانێ ئه‌و چه‌نده دا زانین به‌رێ بنیاتێ پرۆژه‌یێ ده‌ڤه‌را پیشه‌سازیا خوراكی ل دهۆكێ پرۆژه‌یه‌كی هه‌ڤپشكه ل گه‌ل كه‌رتێ چاندنێ، دێ چه‌ندین ده‌لیڤه‌یێن كاری ل كه‌رێن پیشه‌سازی و چاندنی دناڤ ئه‌ڤی ده‌ڤه‌ری و ده‌رڤه‌ی ده‌ڤه‌رێ دروست بیت.
ئه‌ڤرۆ نیوز:
نه‌خوشبوونا شاهـ سه‌لمان پاشایێ سعودیێ سه‌ره‌دانا مسته‌فا كازمی سه‌رۆك وه‌زیرێ عیراقێ بۆ سعودیێ پاش ئێخست.
بریار بوو ئه‌ڤرۆ مسته‌فا كازمی سه‌رۆك وه‌زیرێ عیراقێ سه‌ره‌دانا سعودیێ بكه‌ت، به‌لێ وه‌زاره‌تا ده‌رڤه‌یا سعودیێ د راگه‌هاندنه‌كێ دا پاش خستنا سه‌ره‌دانێ راگه‌هاند.
لگۆری راگه‌هاندنا وه‌زاره‌تا ده‌رڤه‌یا سعودیێ ب ئه‌گه‌رێ شاهـ سه‌لمان پاشایێ سعودیێ بارێ ساخله‌میا وی تێك چوویه و ره‌وانه‌ی نه‌خوشخانه‌یێ هاتیه‌كرن و سه‌ره‌دانا مسته‌فا كازمی ژی هاته پاش خستن.
وه‌زاره‌تا ده‌رڤه‌یا سعودیێ راگه‌هاند سه‌ره‌دانا مسته‌فا كازمی نه‌هاتیه هه‌لوه‌شاندن بتنێ پاش خستیه و بریاره پشتی ده‌ركه‌تنا شاهـ سه‌لمان ژ نه‌خوشخانه‌یێ سه‌ره‌دان بهێته ئه‌نجامدان.
ئه‌ڤرۆ نیوز:
دیوانا وه‌قفا سونی ل عیراقێ راگه‌هاند لگۆری رێنمایێن جڤاتا بلندا ساخله‌میێ و خوپارێزیێ ب ئارمانجا پاراستنا گیانێ وه‌لاتیان و موسلمانان، بریار هات بوو دان ده‌رگه‌هێن مزگه‌فتان بهێنه‌گرتن و نڤێژا ب كۆم نه‌هێته‌كرن و هه‌تا چه‌ژنا قوربانی دێ به‌رده‌وام بیت.
دیوانا وه‌قفا سونی ل عیراقی د راگه‌هاندنه‌كێ دا دیاركریه كۆ نڤێژا ب كۆم ناهیته‌كرن هه‌تا پشتی چه‌ژنا قوربانی، ئه‌ڤه ژی دپێخه‌مه‌تا رێگریكرن ژ به‌لاڤبوونا ڤایرۆسی و پاراستنا گیانێ وه‌لاتیان و موسلمانان.
به‌ریا نها ژی جڤاتا بلندا ساخله‌میێ و خوپارێزیا عیراقێ راگه‌هاندبوو پشتی چه‌ژنا قوربانی قه‌ده‌غه‌یا سه‌رانسه‌ری دێ هێته هه‌لگرتن و ده‌رگه‌هێن خالین توخیبی ژی ب رێكارێن خوپاریزێ هێنه‌ڤه‌كرن، ل 23 ئه‌ڤێ هه‌یڤی فرۆكخانه هه‌مبه‌ری گه‌شتێن ناڤخو و ده‌رڤه ئینه ڤه‌كرن.
ئه‌ڤرۆ نیوز:
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند ب ژڤانین رێنمایێن نوو بۆ توشبوویێن ڤایرۆسێ كورونایێ ده‌ر بێخن، كۆ ل مال خوه كه‌ره‌نتینه بكه‌ن و پێدڤی ب نه‌خوشخانه‌یێ نه‌بن.
د.محه‌مه‌د قادر په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند: ژبلی ئه‌و كه‌سێن توشبوویی ب ڤایرۆسێ كورونایێ و ل نه‌خوشخانه‌یان دهێنه چاڤدێریكرن و چاره‌سه‌ریا پێدڤی پێ دهێنه‌دان، كومه‌كا كه‌سێن دی ژی هه‌نه كو توشبوویێن ڤایرۆسی نه به‌لێ ل مال خوه كه‌ره‌نتینه‌كه‌ن ناچنه نه‌خوشخانه‌یان.
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ ئه‌و چه‌نده ژی راگه‌هاند بڤێ چه‌ندێ بریاره وه‌زاره‌تا ساخله‌میێ ژ چه‌ند رۆژین بهێت ژماره‌یه‌كا رێنمایێن نوو بو توشبوویێن ڤایرۆسی ده‌ر ئێخیت كۆ ژ شیوازێ خو كه‌ره‌نتینه‌كرن و چاڤدێریكرنا ساخله‌میێ بۆ كه‌ره‌نتینه‌كریان و سه‌ره‌ده‌ریكرنا ئه‌ندامێن خێزانێ ل گه‌ل و چه‌ند رێنمایه‌كێن دیتر.
د.محه‌مه‌د قادر ئه‌و چه‌نده ژی دازانین ب ئه‌گه‌ری سڤكیا نیشانێن ڤایرۆسی زۆر چار هه‌ست پی ناهێته‌كرن ژلایێ توشبوویی ڤه و ژماره‌یا ئه‌وێن توشبوویێن ڤایرۆسی بووین و نه هاتینه راگه‌هاندن زێده‌تره ژ وێ ژماره‌یا نوكه دهێته راگه‌هاندن.
ئه‌ڤرۆ نیوز:
ب سه‌رپه‌رشتی و به‌رهه‌ڤبوونا سه‌رۆكێ حوكمه‌تا هه‌رێما كوردستانێ، به‌رێ بنیاتێ ده‌ڤه‌را پیشه‌سازیا خوراكی ل دهۆكێ دهێته دانان.
ده‌مژمێر 11 به‌ری نیڤرۆیا ئه‌ڤرۆ 20/7/2020 ب سه‌رپه‌رشتی و به‌رهه‌ڤبوونا مه‌سرور بارزانی سه‌رۆكێ حوكمه‌تا هه‌رێما كوردستانێ، به‌رێ بنیاتێ ده‌ڤه‌را پیشه‌سازیا خوراكی ل باژێرێ دهۆكێ هێته‌دانان.
ئەڤرۆ نیوز:
سەرۆکێ کۆمارا عیراقێ، سەرۆکێ حوکمەتێ و سەرۆکێ پەرلەمانێ عیراقێ جەخت ل چارەسەریێن کێشێن بەغدا و هەولێر دکەن و رادگەهینن: پێدڤیە ب کریار کێشێن هەلاویستی یێن دناڤبەرا حوکمەتا فیدرالی و هەرێما کوردستانێ بهێنە چارەسەر کرن.
ئەڤرۆ ئێکشەمبی 19 تەمووزا 2020 بەرهەم سالح، سەرۆک کۆمارێ عیراقێ، مستەفا کازمی، سەرۆک وەزیرێن عیراقێ و محەمەد حەلبوسی سەرۆکێ پەرلەمانێ عیراێ ل کۆچکا کۆماری کۆمبوون، دووماهی پێشهاتێن سیاسی، ئەمنی و ئابووری و دۆخێ کۆرۆنایێ گوتۆبێژ کرینە، د هەمان دەمدا سەرۆک کۆمارێ عیراقێ دیار کریە، پێدڤیە هەموو کێشێن هەلاویستی یێن دناڤبەرا هەولێر و بەغدا دا لدووڤ دستۆرێ بهێنە چارەسەر کرن، د هەمان دەمدا کازمی ژی بەرنامێ سەرەدانا خوە بۆ ئیرانێ و سعودی دیار کریە.
ئەڤرۆ نیوز:
وەزارەتا ساخلەمیا هەرێما کوردستانێ تووشبوون 256 کەسێن دی و وەغەرکرنا 10 کەسێن دی ب ڤایرۆسێ کۆرۆنایێ راگەیاند.
هەروەسا گۆتیە: د شەڤەک و رۆژەکێ دا 256 تووشبوویێن دی یێن کۆرۆنایێ ل هەرێمێ هاتینە تۆمار کرن و ب ڤی رەنگی، ل هەولێر 124 کەس، ل سلێمانیێ 58 کەس، ل گەرمیان 34 کەس، ل راپەرین 13 کەس، ل دهۆکێ ژی 15 کەس و ل هەلەبجە 12 کەس توشبووینە، نوکە هژمارا توشبوویان ل کوردستانێ گەهشتە 10 هزار و 851 کەسان.
نيشاندان