ئەڤرۆ نیوز:
وەزارەتا ساخلەمیا عیراقێ ئامارا ٢٤ دەمژمێرێن بۆری یا کۆرۆنایێ راگەهاند کو ل گۆر وەزارەتا ساخلەمیا عیراقێ د ماوەیێ ٢٤ دەمژمێرێن بۆری دا ٢ هزار و ٧٣٤ کەس ل عیراقێ تووشی ڤایرۆسێ کۆرۆنایێ بووینە.
وەزارەتا ساخلەمیا عیراقێ دیار ژی کریە کو د ماوەیێ ٢٤ دەمژمێرین بۆری دا ژ بەر کۆرۆنایێ ٩٥ کەس ژی مرینە.
ئەڤرۆ نیوز، عەلی حاجی :
رێڤەبەرێ سەخبێریا رێک و پران ل پارێزگەها دهوکێ بۆ ئەڤرۆ نیوز دیار کر ل ل دووڤ فەرمانا پارێزگەرێ دهوکێ ل دەڤەرێن سنوری ل زاخۆ رابووینە ب دروستکرنا رێکان ل هندەک جهێن ئاسێ بۆ هێزێن پێشمەرگەیێن کوردستانێ کو بریارە ساترێن خوە داننە وان جهان.
زێدەتر ئەندازیارێ شارەزا دێوالی حەمێ گۆت: (پشتی جەنابێ پارێزگەرێ دهوکێ داخواز ژ مە کری ب رێیا ئامیرەیین خوە چەند رێیەکان ل سنورێ ناحیێن دەرکارێ و باتیفا دروست بکەین ل دەڤەرێن چیایی، ماوەیێ حەفتیەکی یە وەکو رێڤەبەریا سەخبێریا رێک و پران ل پارێزگەها دهوکێ ب رێیا ئامیرەیێن خوە رابووینە ب دروست کرنا چەند رێیەکان ب تایبەتی ل دەڤەرا شەرانشێ یا سەر ب ناحیا دەرکارێ ڤە و پشتی ئەو رێکە دهێنە ڤەکرن بریارە هێزێن پێشمەرگەیی سەنگەرێن خوە ل وان جهان بدانن، هەر چەندە ژ جهێن گەلەک زەحمەت و ئاسێ نە بەردەوام ئامیرەیێن وان بەردەوامن ل سەر کار کرنێ هەتا کو بشێن وان رێکان ب دروستی ڤەکەن).
ناڤبری ئەو چەندە ژی گۆت: (پشتی ل شەرانشێ ئەو رێک ب دووماهی دهێت بریارە دەست ب ڤەکرنا هندەک رێکێن دیتر ژی بکەین ل دەڤەرێن بلند و چیایی ل ناحیا باتیفا و ئەڤ چەندە ژی ل دووڤ داخوازا هێزێن پێشمەرگەیێن کوردستانێ بوویە کو وان ب رێیا پارێزگەرێ دهوکێ ئەڤ داخوازە کریە و ب هێڤی نە د زووترین دەم دا ئەو رێکە هەمی بهێنە ڤەکرن دا کو بکەڤنە د خزمەتا هێزێن پێشمەرگەیێ کوردستانێ دا.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ د رێورەسمێ بەرێ بنیاتێ یێ پرۆژێ ١٠٠ میتری یێ سلێمانێ ئاخڤی و دیار کر کو چو قەیرانەک نەشێت کارتێکرنێ ل ئیرادا وان یا کارکرنێ و خزمەتێ بکەت و گۆت: (حوکمەتا مە حوکمەتا خزمەتگوزاریێ یە و خەلکێ سلێمانیێ هەژێ ڤێ پرۆژێ و پرۆژێن مەزنترن ژی و یا د شیان دا بیت دێ بۆ خەلکێ پارێزگەها سلێمانیێ هێتە کرن).
سەرۆکێ حوکمەتێ هەروەسا دیار کر کو دێ پرۆژێ چاکسازیێ بەردەوام بیت و گۆت: (بریارا دەستکاریکرنا مووچەی بۆ هندێ بوو دا ئەم بشێین ل گەل رەوشا نها خوە بگونجینین و بێگومان خەما هەری مەزن یا حوکمەتێ دابینکرنا مووچێ فەرمانبەرانە).
ئەڤرۆ نیوز:
ناڤەندا چاڤدێریا مافێن مرۆڤی یا سووریێ دیار دکەت کو شەڤا بۆری فرۆکێن نەنیاس ل نێزیکی دێرازۆرێ هێرشی کاروانەکێ سەربازی یێ هێزێن سەر ب ئیرانێ کرینە کو د ئەنجاما وێ هێرشێ دا دو فەرماندارێن ئیرانێ ل گەل ٣٣ چەکدارێن دی هاتینە کوشتن.
هندەک ژێدەرێن میدیایی ژی دیار دکەن کو ئیسرائیلێ هێرشی چەکدارێن سەر ب ئیرانێ ل سووریێ کریە.
ئه‌ڤرۆ نیوز:
ژماره‌یا توشبوویێن كورونایێ ل جیهانێ ژ 12 ملیۆن و 631 هه‌زار كه‌سان ده‌رباز بوو.
تێدروس ئه‌دهانوم رێڤه‌به‌رێ گشتی یێ رێكخراوا ساخله‌میا جیهانی راگه‌هاند دلته‌نگین كۆ دوجاران هندی ده‌مێ شه‌ش هه‌فتیێن بوری ژماره‌یا توشبوویان زێده‌بوویه، به‌لێ گه‌شبینین ژی هه‌مبه‌ر سه‌ركه‌فتنێ و دێ ڤایرۆسی ده‌رباز كه‌ین، زۆر نمونه هه‌نه ل ته‌ڤایا جیهانێ كۆ چه‌ند به‌لاڤ بوونا كورونایێ بله‌ز به‌لاڤ بوو هێشتا دشیان دایه بهێته كۆنترولكرن.
رێڤه‌به‌رێ گشتی یێ رێكخراوا ساخله‌میا جیهانی ئه‌و چه‌نده ژی راگه‌هاند داخازێ ژ وه‌لاتێن جیهانێ دكه‌ین رێكارێن توند بكار بینن كۆ هه‌ر ئێك ژ ئیتالیا و ئیسپانیا و كوریا باشوور و هندستانێ، دشێن كۆنترولا كورونایێ بكه‌ن، هه‌كه رێكارێن توند بهێنه بكار ئینان.
ئه‌ڤرۆ نیوز:
سه‌رۆك وه‌زیرێ عیراقێ سه‌ره‌دانا ده‌رگه‌هێ توخیبی یێ مونزر ل پارێزگه‌ها دیالا كر و راگه‌هاند رێك ب دزینا مالێ گشتی ل ده‌رگه‌هێن توخیبی یێن عیراقێ ناهێته‌دان.
مسته‌فا كازمی سه‌رۆك وه‌زیرێ عیراقێ ئه‌ڤرۆ سه‌ره‌دانا ده‌رگه‌هێ توخیبی یێ مونزر ل پارێزگه‌ها دیالا كر ئه‌و چه‌نده ژی راگه‌هاند په‌یامه‌ك بۆ هه‌می گه‌نده‌لكاران روون و ئاشكرایه ژ نها پێدا چاڤدێریێن توخیبی هێنه توندكرن و ته‌ڤایا لایه‌نێن ده‌وله‌تێ كار ل سه‌ر به‌رهنگاربوونا گه‌نده‌لیێ دكه‌ن، چونكو داخازیا جه‌ماوه‌ری یه.
مسته‌فا كازمی سه‌رۆك وه‌زیرێ عیراقێ دیاركر سه‌ره‌دانامه بۆ ده‌رگه‌هێ مونزر نامه‌یه‌كا روونه بۆ گه‌نده‌لكاران كۆ چ دی ژڤان جهان هه‌بوونا هه‌وه نامینیت، پلانه‌كا گشتگیر بده‌ستڤه‌ئینانا ئارمانجا به‌رهنگاربوونی هاتیه دانان به‌رهه‌ڤین بۆ هه‌ر قوربانیه‌كێ ژی بده‌ین بۆ بجهكرنا ئه‌وێ ئارمانجا مه دانایی.
سه‌رۆك وه‌زیرێ عیراقێ ئه‌و چه‌نده ژی دازانین ده‌سلات هاتیه دان ب سهرۆكێ ده‌سته‌یێن ده‌رگه‌هێن توخیبی بۆ به‌رهنگاربوونا گه‌نده‌لكاران ل ته‌ڤایا ده‌رگه‌هێن توخیبی.
ئه‌ڤرۆ نیوز:
قائیمقامێ سوران راگه‌هاند ل توخیبێ سوران شه‌ش كه‌سێن دی تووشی ڤایرۆسێ كورونایێ بوون.
كرمانج عزه‌ت قائیمقامێ قه‌زا سوران راگه‌هاند ئه‌ڤرۆ شه‌ش توشبوویێن دی ب ڤایرۆسێ كورونایێ ل سوران و دیانا هاتنه تورماكرن، كۆ ل تاخێن گه‌لاله و نه‌هری و بارزان و هندرین بوون.
لگۆری دوماهی ئامار یا وه‌زاره‌تا ساخله‌میا حوكمه‌تا هه‌رێما كوردستانێ تانوكه هه‌شت هزار و 937 كه‌س تووشی ڤایرۆسێ كورونایێ بووینه، 305 كه‌سان ژی گیانێ خوه ژ ده‌ست دایه و سی هزار و 211 كه‌س ژی باش بووینه.
ئه‌ڤرۆ نیوز:
سهرۆكێ حوكمه‌تا هه‌رێما كوردستانێ ب مه‌به‌ستا دانانا به‌رێ بنكارێ پرۆژه‌یێ ستراتیژی دێ سه‌ره‌دانا باژێرێ سلێمانیێ دكه‌ت.
ئه‌ڤرۆ ده‌مژمێر 2.30 رۆژا 11/7/2020، مه‌سرور بارزانی سهرۆكێ حوكمه‌تا هه‌رێما كوردستانێ و قوباد تاله‌بانی جێگرێ سهرۆكێ حوكمه‌تێ ل باژێرێ سلێمانیێ به‌رێ بنیاتی بۆ جاده‌یا 100 مه‌تری دانیت.
پرۆژه‌یێ جاده‌یا 100 مه‌تری یا سلیمانیێ ب سێ قوناغان دهێته بجهكرن، قوناغا ئێكێ كۆ 33 كیلۆمه‌تران ژ تاسلوجه ده‌ستپێ دكه‌ت بۆ گوندێ ده‌مركان ل توخیبێ عه‌ربه‌ت، قوناغا دوێ ژ ده‌مركان ده‌ست پێ دكه‌ت بۆ تونێلا پێشره‌و ل سیته‌ك، قوناغا سیێ ژ تونێلا پێشره‌و بۆ تاسلوجه.
ئەڤرۆ نیوز، زنار تۆڤی:
ژ ئەنجامێ بۆردۆمانکرنا فرۆکە و تۆپخانێن سۆپایێ تورکی، گوندێ ئەڤلهێ یێ سەر ب قەزا باتیفا، یێ سەر ب قەزا زاخۆ ڤە، هاتە چۆلکرن، تۆپان زیان گەهاندیه خەلکێ گوندی.
دلشێر عەبدۆلستار رێڤەبەرێ ناحیا باتیفا، بۆ ئەڤرۆ نیوز دیار کر: ل شەڤا بوری تۆپخانێن سۆپایێ تورکی، گوندێ ئەڤلهێ ل ناحیا باتیفا ب دژواری بوردۆمان کریه، هندەک گۆلێن تۆپان ب خانیەکێ کەفتینە و ئەو خانی خراب کریە، هەروەسا زیانێن دیتر ژی گەهاندینە، خەلکێ گوندی.
ناڤهاتی گۆت ژی: پێنج مال ل گوندی بوون، پەز خودان دکر و کارێ چاندنێ دکر، ل وەرزێ هاڤینێ ژی، گەلەک ژ خەلکێ گوندی قەستا گوندی دکر و کارێ چاندێ دکر، لێ ژ ئەگەرێ بوردۆمانکرنا سۆپایێ تورکی ل شەڤا بوری خەلکێ گوندی ب تەمامی گوندێ خوە چولکریە و گوند هاتیە بەردان.
ئه‌ڤرۆ نیوز:
هێزه‌كا وه‌زاره‌تا ناڤخۆ یا عیراقێ ده‌ست ب سه‌ر دو ده‌رگه‌هێن توخیبی ل باكور و رۆژهه‌لاتێ به‌غدا دا گرتن.
لگۆری به‌یاننامه‌یه‌كا فه‌رمانده‌یێ ئوپراسیونێن هه‌ڤبه‌شێن عیراقێ و هێزێن به‌رسڤدانا بله‌ز كۆ سه‌ر ب وه‌زاره‌تا ناڤخۆ د ئوپراسیونه‌كێ دا ل بن ناڤێ قوناغا چارێ یا قاره‌مانێن عیراقێ ل ده‌ڤه‌رێن توخیبی یێن پارێزگه‌ها دیالا ئه‌نجام دا، ده‌ست ب سه‌ر هه‌ردو ده‌رگه‌هێن توخیبی یێن مه‌نده‌لی نێزیكی مه‌نده‌لی و مونزری ل خانه‌قین ل توخیبێ دیالا.
هه‌ر د به‌یاننامه‌یێ دا هاتیه كۆ هێزه‌كا تایبه‌ت ب ئاوایه‌كێ به‌رده‌وام دێ ل ئه‌وان دو ده‌رگه‌هێن توخیبی هێنه جیگیركرن، كۆ پێشتر ل ده‌ستێ چه‌ند گرۆپه‌كان دابوو.
نيشاندان