ئهڤرۆ نیوز:
وهزیرێ پترۆلا ئیرانێ راگههاند دهست ب زێدهكرنا بهرههم ئینانا پترۆلا زهڤیێن ههڤپشك ل گهل عیراقێ كر ب ئاوایهكی ئاستێ بهرههم ئینانا رۆژانه 70 هزار بهرمیلان گههاند 400 هزار بهرمیلان درۆژێ دا.
بێژهن زهنگهنه وهزیرێ پترۆلا ئیرانێ ئهو چهنده ژی راگههاند بهرههم ئینانا زهڤیێن پترۆلا كارون رۆژئاڤا ل باشوورێ رۆژئاڤایی ئیرانێ گههاندیه 400 هزار بهرمیلان د رۆژێ دا ددهمهكی دا حهفت سالێن بوری بتنێ 70 هزار بهرمیل بوون.
ئهڤرۆ نیوز:
ئیمارات و ئیسرائیل رێكهتنا دیرۆكیا دناڤبهرا خو ب چادێریا سهرۆكێ ئهمریكا ئیمزا دكهن.
عهبدولا بن زاید سهرۆكاتیا شاندێ بلندی وهلاتێ خو دكهت بۆ رێكهتنا ئاسایكرنا پهیوهندیێن ئهبوزهبی و تهلئهبیبێ ل گهل بنیامین نهتاناهوی سهرۆك وهزیر ئیمزا بكهت.
بریاره ئهڤرۆ رێكهتنا ئیماراتێ و ئیسرائیلێ ل واشنتون ب پاڤدێریا دونالد ترهمپ بهێته ئیمزاكرن.
ئەڤرۆ نیوز:
چۆی کوانگ ژین کونسولێ گشتی یێ کوریا باشور راگەهاند کو وەلاتێ وی ب گوژمێ ٣٠٠ هزار دۆلاران دێ هاریکاریا وان ئاواران و پەنابەران کەت یێن کو ل کەمپێن ل هەرێما کوردستانێ د ئاکنجی نە.
ناڤهاتی راگەهاند کو ئەو گوژمە بۆ دابینکرنا پێدڤیاتێن ئاواران و پەنابەران بۆ وەرزێ زڤستانێ هاتیە تەرخانکرن و وەلاتێ وی دێ بەردەوام هاریکاریا پەنابەرێن ل کەمپێن هەرێما کوردستانێ کەت.
ئەڤرۆ نیوز:
وەزیرێ دەرڤە یێ تورکیا مەولوود چاڤوش ئوگلۆ راگەهاند کو ل گۆر رێککەفتنا بەری نها یا کو د ناڤبەرا تورکیا و روسیا دا هاتیە کرن پێدڤی بوو روسیا هێزێن یەپەگێ ژ چەندین دەڤەران دەرخستبان، لێ مخابن ئەو یەک نەهاتە کرن و نها روسیا ناڤبژیڤانیێ د ناڤبەرا یەپەگێ و شامێ دا دکەت و تورکیا ب چو رەنگەکێ هەلویستێ نها یێ روسیا قەبوول ناکەت.
ئەڤرۆ نیوز:
ئەڤرۆ سەرۆک مەسعود بارزانی پێشوازی ل ماتیۆ تولەر بالیوزێ ئەمریکا ل بەغدا کر و د روونشتنەکێ دا بەحسێ پێشهاتێن نوو یێن سیاسی ل دەڤەرێ و عیراقێ هاتە کرن.
بالیۆزێ ئەمریکا دیار کو هەرێما کوردستانێ جهەکێ خوە یێ تایبەت ل دەڤەرێ و ناڤەندێن گرنگ ل جیهانێ دا هەیە و هێڤی خواست کو ئاریشێن د ناڤبەرا هەرێمێ و بەغدا دا بهێنە چارەسەر کرن.
سەرۆک بارزانی ژی بەحسێ پەیوەندیێن ئەمریکا و هەرێما کوردستانێ کر و راگەهاند کو ناڤەندێن ستراتیژی ل ئەمریکا گرنگیەکا مەزن ددەنە هەرێما کوردستانێ ئەو یەک جهێ کەیفخوەشیا کوردانە و پەیوندیێن دوستانە یێن گەلێ کورد و گەلێ ئەمریکا جهێ دلخوەشیێ یە، هەروەسا سەرۆک بارزانی داخوازا سەرکەفتنێ بۆ بالیۆزێ ئەمریکا ل عیراقێ کر.
ئهڤرۆ نیوز:
كۆمپانیا مایكرۆسوفت یا ئهمریكی راگههاند كۆمپانیا بایت دانس یا خودانێ ئهپلیكهیشنا تیك توك رهتكر پشكێن خوه ژ ئهپلیكهیشنا خوه بفرۆشیته مایكرۆسوفتێ.
كۆمپانیا مایكرۆسوفت یا ئهمریكی د بهیاننامهیهكێ دا راگههاند كۆ مافێ خودانیا ئهپلیكهیشنا تیك توك ل ئهمریكا ناهێته فرۆشتن بۆ كۆمپانیا مایكرۆسوفت.
دونالد ترهمپ راگههاند بوو ههكه تهڤایا پشكێن خو نه فرۆشنه كۆمپانیا مایكرۆسوفت ئهڤه دێ تهڤایا چالاكیێن تیك توكێ ل ئهمریكا هێنه قهدهغهكرن، 15 ئهڤێ ههیڤێ دوماهی دهمه بۆ ئهنجامدانا گرێبهستا كرین و فرۆتنێ هاتیه دهستنیشانكرن.
ئهڤرۆ نیوز:
رێكخراوا ساخلهمیا جیهانی راگههاند پێشبینیێ دكهین ل دو ههیڤێن بهێت دا رێژهیا مرنێ ب ئهگهرێ ڤایرۆسێ كورونایێ بلند بیت و سهرهدهریكرن ل گهل ڤایرۆسی د ئهڤان دو ههیڤان دا دژوار تر دبیت.
هانز كلوگی رێڤهبهرێ لقا ئهورۆپا یا رێكخروا ساخلهمیا جیهانی راگههاند پێشبینیێ دكهین ل دو ههیڤێن بهێت مهترسیا بلاڤبوونا كورونایێ و كارتێكرنێ زێدهتر بكهت د ئهڤان دو ههیڤان دا رێژا مرنێ ب ئهگهرێ كورونایێ زێده دبیت.
ناڤبری ئهو چهنده ژی دیاركر سهرهدهریكرن ل گهل ڤایرۆسێ كورونایێ د ئهڤان دو ههیڤان دا دژوار تر دبیت و ژمارهیا توشبوویان وهك ئامار دیاره و تانوكه ژی ل ئهورۆپا بهردهوام د بلند بوونێ دایه، ل گهل ئهوێ چهندێ ژی دا ژمارهیا رۆژانهیا مرنێ ژی ب ئهگهرێ كورونایێ دبیت.
ئهو داخویانیا بهرپرسێ رێكخراوا ساخلهمیا جیهانی كۆ ئاماژه ب وێ چهندێ دایه ل گهل هاتنا وهرزی سهرمایێ پێلا دوێ یا كورونایێ نێزیك دبیت، ئهڤهژی تهئكیدكریه ل سهر وهلاتان كۆ رێكارێن توندتر بكار بینن بۆ رێگرتن ژ زیدهتر بهلاڤبوونا ڤایرۆسی.
لگۆری دوماهی ئامارا توشبوویێن ڤایرۆسێ كورونایێ ل جیهانێ، 29 ملیۆن و 185 هزار و 779 كهسن، ژ ئهڤێ ژمارهیێ 21 ملیۆن و 31 هزار و 17 كهس ساخ بووینه و 928 هزار و 287 كهس ژی مرینه.
ئهڤرۆ نیوز:
حهمید نائیف پهیڤدارێ وهزارهتا چاندنا عیراقێ راگههاند حوكمهت ب ژڤانه ههفتیا بهێت 700 هزار تهنێن دهخل و دانی د زێدهكرنهكا ئاشكرا دا بفرۆشیت، كێمترین نرخ 125 دۆلار دبیت بۆ ههر تهنهكێ، زێدهكرن دێ سهرنجا دهولهتێن كهنداڤێ عهرهبی و ئوردن و دهولهتێن باكوری ئهفریقا راكێشیت، ئهگهرێ زێدهبوونا جههی ژی ڤهدگهریت كۆ ئاڤ ل سالا بووری زۆر بوو ئهڤێ چهندێ وهكر بهرههمێ ناڤخو باش بیت.
ناڤبری ئهو چهنده ژی دیاركر بهرههمێ جههی ب ئاوایهكی زێدهبوویه ب ئهگهری بهایێ وی كۆ حوكمهت ددهته جوتیاران كۆ 389 بۆ 414 دۆلاران بۆ ههر تهنهكێ وهردگریت پاشی وهك ئالیك دفرۆشیته خودان پرۆژهیێن پهلهوهران.
نيشاندان