ئەڤرۆ نیوز:
سەبارەت ب ئالۆزیێن ڤێ دووماهیێ ل سەر سنوری و توپبارانکرنا ئاخا هەرێمێ ژ ئالیێ تورکیا و ئیرانێ ڤە پارتی دیموکراتی کوردستان د راگەهاندنەکێ دا دیار دکەت کو هەبوونا پەکەکێ و گرۆپێن دی وەسا کریە کو ئیران و تورکیا ئاخا هەرێمێ توپباران بکەن کو مخابن زیانێن گەلەک مەزن ژی گەهشتینە هەرێما کوردستانێ.
پارتی دیموکراتی کوردستان هەروەسا دیار دکەت کو ئەو پشتەڤانیێ ل هندێ دکەن کو پرسا کوردی ل پارچێن دی یێن کوردستانێ دور ژ شەری و ب رێیێن سیاسی بهێتە چارەسەرکرن و ئەو پشتەڤانیێ ل هەر بزاڤەکا سیاسی بۆ چارەسەرکرنا پرسا کوردی کەن.
پارتی د راگەهاندنا خوە دا دیار ژی دکەت کو ژ بەر پەکەکێ ٥٠٠ گوندێن هەرێما کوردستانێ نەهاتینە ئاڤاکرن، ژ بەر هندێ ژی دڤێت هەم پەکەکێ و هەم ژی پارتێن دی یێن کوردی ئاخا هەرێمێ ل دژی وەلاتێن جیران بکار نەئینن.
ئه‌ڤرۆ نیوز:
رێڤه‌به‌راتیا گشتی یا سه‌قا ناسی و بیڤه‌له‌رزان یا هه‌رێما كوردستانێ د راگه‌هاندنه‌كێ دا به‌لاڤكر تێدا هاتیه فه‌له‌ك ناسان زوو ئاماژه ب روودانا رۆژ عه‌یرینێ كر بوو كۆ دێ ل 21/6/2020 روو ده‌ت و سوبه‌هی ل هه‌رێما كوردستانێ ئه‌ڤ روودانه هێته دیتن، ئه‌و وه‌لاتێن وه‌كو كوردستانێ رۆژ غه‌یرین تێدا روو ده‌ت زۆرن، به‌لێ ئه‌وێن ل سه‌ر ئه‌وێ هێلا مه كۆ نه‌یجه‌ر و چاد و باشوورێ لیبیا و مسر و فه‌له‌ستین و ئوردن و لبنان و سوریا و هه‌رێما كوردستانێ و باكوری ئیرانێ و توركمانستان و ئورزه‌بكستان و باكورێ كازاخستانێ و مه‌نگولیا و باكورێ رۆژهه‌لاتا چینێ و هه‌ردو كوریا باشور و باكور ژاپونێ هێته دیتن.
لگۆری ئه‌وێ راگه‌هاندنا رێڤه‌به‌راتیا گشتی یا سه‌قا ناسی و بیڤه‌له‌رزان یا هه‌رێما كوردستانێ دا هاتیه، ده‌ستپیكێ ل هه‌رێما كوردستانێ ل ده‌مژمێر 7:34:52 یا سپێدێ رۆ غه‌یرین ده‌ست پێكه‌ت و ههتا ده‌ژمێر 8:38:47 به‌رده‌وام بیت، ده‌مژمێر 9:50:24 رۆژ عه‌یرین ته‌مام دبیت دوماهی ب ئه‌ڤێ دیارده‌یێ دهێت، ئانكو ل هه‌ریما كوردستانێ رۆژ غه‌یرین دو ده‌مژمێر و 15 حوله‌ك و 32 چركه‌یان به‌رده‌وام بیت.
ئه‌ڤرۆ نیوز:
نێچیرڤان بارزانی سه‌رۆكێ هه‌رێما كوردستانی گه‌هشته به‌غدا، دێ ل گه‌ل به‌رپرسێن بلندێن عیراقێ ل حكومه‌ت و لایه‌نێن سیاسی كۆم بیت، دانوستاندنێ ل سه‌ر پرسا موچه و بودجه و شایسته‌یێن دارایی یێن هه‌ریما كوردستانێ بكه‌ن.
سه‌ره‌دانا نێچیرڤان بارزانی سه‌رۆكێ هه‌رێما كوردستانێ بۆ به‌غدا بۆ دانوستاندن و چاره‌كرنا ئاریشه‌یێن دناڤبه‌را هه‌ولێری و به‌غدا، كو نوكه ژ هه‌رده‌مه‌كی زێده‌تر كارتێكرن ل سه‌ر هه‌رێما كوردستانێ هه‌یه ب تایبه‌تی بیاڤێ ئابووری و دارایی.
د ئه‌ڤێ سه‌ره‌دانا سه‌رۆكێ هه‌رێما كوردستانی بۆ به‌غدا دێ ل گه‌ل به‌رهه‌م ئه‌حمه‌د سالح سه‌رۆك كۆمارێ عیراقی و مسته‌فا كازمی سه‌رۆك وه‌زیرێ عیراقی و سه‌رۆكێ جڤاتا نوونه‌رێن عیراقی كۆم بیت ژبوی دانوستاندنێ ل سه‌ر ئه‌و پرسێن دناڤبه‌را هه‌رێم و به‌غدا بهێنه چاره‌كرن.
ئه‌ڤرۆ نیوز:
بهایێ پترۆلێ به‌رده‌وام نه‌جیگیره و پشتی داكه‌تنا بهایێ وێ ل بازارێن جیهانێ دا.
بهایێ به‌رمیلا پترۆلێ یا برێنت زێده‌تری 1% بهایێ بلند بوو كو گه‌هشتیه 41.96 دۆلاران، یا ئه‌مریكی 1.5% بلندبوویه كه گه‌هشته 39.47 دۆلاران كرین و فروتن پێ هاتیه‌كرن.
ب ئه‌گه‌رێ به‌لاڤبوونا ڤایرۆسێ كورونایێ، بهایێ پترۆلێ نه‌جیگیره د بلندبوون و داكه‌تنێ، ل ئه‌ڤان هه‌فتیین بوری پشكه‌كا بهایێ خو بده‌ستڤه ئینا.
ئه‌ڤرۆ نیوز:
ژماره‌یا توشبوویێن كورونایێ ل جیهانێ ژ 9 ملیۆن كه‌سان نێزیك دبیت و زێده‌تری 460 هزار كه‌س ب ڤایرۆسی ل جیهانێ گیانێ خو ژ ده‌ست داینه.
ل گۆری دوماهی ئامارێن ل سه‌ر توشبوویێن كورونایێ ل هه‌موو جیهانێ كۆ 8 ملیۆن و 76 هزار و 448 كه‌سن و 462 هزار و 897 كه‌سان گیانێ خو ژ ده‌ست دایه.
لگۆری ئه‌و ئامارێن ههتا نوكه هاتینه راگه‌هاندن كۆ زرۆترین رێژه‌یا توشبوون و گیان ژ ده‌ست دانێ ل وه‌لاتێ ئه‌مریكایه زیده‌تری 2 ملیۆن كه‌سان توشی ڤایرۆسی بوون و زێده‌تری 121 هزار كه‌سان ژی گیانێ و ژ ده‌ست دایه.
ل عیراقێ 27 هزار و 352 توشبوویێن ڤایرۆسێ كورونایی بووینه و 925 كه‌سان ژی گیانێ خو ژ ده‌ستدایه ب ئه‌گه‌رێ ڤایرۆسی.
ئه‌ڤرۆ نیوز:
ب بریارا لژنا بلندا به‌رهنگاربوون و ئوپراسیونا سلیمانیێ بۆ ده‌مێ هه‌فتیه‌كێ ده‌واما فه‌رمی ل ته‌ڤایا فه‌رمانگه‌هان ل سلیمانێ دێ بیته بهێنڤه‌دان.
لژنا بلندا به‌رهنگاربوون و ئوپراسیونێ ل سلێمانێ راگه‌هاند ب مه‌به‌ستا رێگریكرن ژ زێده‌تر به‌لاڤبوونا ڤایرۆسێ كورونایێ كوڤید 19 بۆ ده‌مێ هه‌فتیه‌كێ ده‌واما فه‌رمی ل فه‌رمانگه‌هێن ل سلێمانێ دێ بیته بهێنڤه‌دان و بریار ژی ژ سوبه‌هی ئێك شه‌مبی 21/6/2020 دهێته بجهكرن و تاكو 28/6/2020 به‌رده‌وام بیت.
لژنا ناڤبری ه‌و چه‌نده ژی راگه‌هاند زێده‌باری راگرتنا ده‌واما فه‌رمی لژنه‌یێ هه‌ر ئه‌ڤرۆ بریارا داخستنا هنده‌ك جهێن گشتی یێن جێ مه‌ترسیا به‌لاڤبوونا زێده‌تار ڤایرۆسێ كورونایێ ژی دهێته‌كرن دا.
ئه‌ڤرۆ نیوز:
سه‌رۆكێ رێكخراوا ساخله‌میا جیهانێ راگه‌هاند: جیهان چوو دناڤ قوناغه‌كا نو و مه‌ترسیدار ژ به‌لاڤبوونا ڤایرۆسێ كورونایێ توماركرنا زێده‌تری 150 هزار كه‌سان دئێك رۆژ دا مه‌زنترین بلندبوونا توشبوونێ یه ژ ده‌ستپیكا ڤایرۆسی ههتا نوكه.
تیدروس ئه‌دهاتوم گیبریسوس سه‌رۆكێ رێكخراوا ساخله‌میا جیهانێ راگه‌هاند جیهان پینگاڤ هاڤێتینه قوناغه‌كا نوو و مه‌ترسیدار و ڤایرۆس ژی بله‌ز یێ به‌لاڤ دبیت و له‌ورا دوباره داخازێ ژ هه‌موو جیهانێ دكه‌م رێ و ئاوایێن خۆپاراستن و دیركه‌ڤتن ژ كۆمبوونێن جڤاكی و رێنمایین ساخله‌میێ بكار بینن.
ئه‌ڤرۆ نیوز:
رێڤه‌به‌راتیا گشتی یا سه‌رپه‌رشتیكرنا په‌روه‌رده‌یی سه‌ر ب وه‌زاره‌تا په‌روه‌رده‌یا حكومه‌تا هه‌رێما كوردستانێ ڤه د راگه‌هاندنه‌كێ دا به‌لاڤكریه تێدا چه‌وانیا هه‌لبژارتنا رێڤه‌به‌رێ سه‌رپه‌رشتیكرنا په‌روه‌رده‌یی دایه دیاركرن.
رێڤه‌به‌راتیا گشتی یا سه‌رپه‌رشتیكرنا په‌روه‌رده‌یی د راگه‌هاندنێ دا ئه‌و چه‌نده ژی دیاركریه كۆ رێڤه‌به‌راتیێن سه‌رپه‌رشتیكرنێ ل هه‌ردو پارێزگه‌هێن سلیمانیێ و دهۆكێ ل 30/6/2020 پشتی رازیبوونا وه‌زیرێ په‌روه‌رده‌یێ بریار هاته دان ب راگه‌هاندنا پله‌یا رێڤه‌به‌رێ سه‌رپه‌شتیكرنا په‌روه‌رده‌یی ل هه‌ر دو پارێزگه‌هێن سلێمانێ و دهۆكێ ب سیڤی و لگۆری مه‌رج و پێڤه‌ران بۆ ده‌مێ 11 رۆژان ژ 18/6/2020 تاكو ده‌واما فه‌رمی رۆژا 28/6/2020 یه.
نيشاندان