ئەڤرۆ نیوز:
وەزارەتا ساخلەمیا هەرێما کوردستانێ حالەتەکێ نوو کۆرۆنا یێ ل هەولێرێ راگەهاند، کو ژنەکا 49 سالیە، خۆجها تاخێ مەنتکاوە یە ل هەولێرێ، نیشانێن وێ نەخۆشیێ هەبوون و پشکنین بۆ هاتینە کرن و پۆزەتیڤ دەرچووینە.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، تووشبوویەکا ڤایرۆسێ کۆرۆنا یێ ل ھەولێرێ هاتە دەست نیشانکرن، کو ژنەکا ٤٩ سالیە.
ئەڤرۆ نیوز:
وەزارەتا ساخلەمیا هەرێما کوردستانێ تووشبوونا 12 کەسێن دی ب کۆرۆنا یێ ل گەرمیانێ راگەهاند، کو حەفت ژن و چار زەلام و کچەکا گەنجە.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، دازدە تووشبوویێن دی یێن ڤایرۆسی کۆڕۆنا یێ ل دەڤەرا گەرمیان هاتنە دەست نیشانکرن، کو حەفت ژن و چار زەلام و کچەکا گەنجە، نەهـ ژ تووشبوویان بەرکەفتیێن تووشبوویێن بەرێنە، دو تووشبوویێن دی نیشانێن وێ نەخۆشیێ ھەنە، تووشبوویەک ژی ژ بەغدا ڤەگەریایە.
شەش تووشبوویی خۆجهێن قەزا کفری نە.
چار تووشبوویی خۆجهێن قەزا کەلارن.
تووشبوویەک خۆجهێ بەغدایە.
تووشبوویەک خۆجهێ تکریتێ یە.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: دو حالەتێن نوو یێن توشبوون ب کۆرۆنا یێ ل دهۆکێ هاتنە تۆمار کرن.
وەزارەتا ساخلەمیا هەرێمێ دیار کریە ژی: د بەردەوامیا پشکنین و لێگەریانێ لدووڤ گومانلێکریان، دو توشبوویێن دیێن ڤایرۆسێ کۆرۆنا یێ ل پارێزگەها دهۆکێ هاتنە دەست نیشانکرن، کو زەلامەکێ د ژیێ ٥٢ سالیێ و کچەکا د ژیێ ٢٠ سالیێ دایە.
دیار کریە ژی: هەر دو توشبوویی ئاکنجیێن ناڤا باژێرێ دهۆکێ نە، ئێک بەرکەفتیێ توشبوویەکێ یە و یا دی نیشانێن توشبوونێ لێ دیاربووینە.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو چار کەسێن دی ل باژێرێ دهۆکێ تووشی ڤایرۆسێ کۆرۆنایێ بووینە.
د داخۆیانیا وەزارەتا ساخلەمیێ دا ئەو یەک ژی هاتیە دیار کرن کو تووشبوویێن نوو ئافرەتەکە د ژیێ ٤٤ سالیێ دایە ل گەل سێ زارۆیێن خوە کو ژیێ وان ١٥، ١٣ و ٩ سالن و هەموو ژی بەرکەفتیێ تووشبوویێ بەرێ نە و ئاکنجیێن باژێرێ دهۆکێ نە.
ب تۆمارکرنا ڤان حالەتان ژی، هژمارا گشتی یا توشبوویان ل پارێزگەها دهۆکێ گەهشتە ٣٧ کەسان، ژ وێ هژمارێ ژی ١٩ کەس چێبووینە.
ئه‌ڤرۆ نیوز:
یانا یوڤانتوس دخوازیت ل ڤه‌گوهاستنێن هاڤینا بهێت گوهورینه‌كێ ل گه‌ل به‌رشه‌لۆنا بكه‌ت ئه‌وژى یاریزانێ خوه یێ سربى میرالیم بیانیتچ بده‌ته وێ یانێ به‌رامبه‌ر ئارسور ملیو یێ به‌رازیلى.
رۆژناما سكاى سپورت یا ئیتالى ئاشكراكریه ئارسور ملیو ناخوازیت ل ڤه‌گوهاستنێن بهێت هه‌ڤبه‌ستا یوڤانتوس ئیمزا بكه‌ت و دخوازیت بۆ ڤی وه‌رزى یێ به‌رده‌وام بیت ل گه‌ل یانا به‌رشه‌لۆنا.
ئەڤرۆ نیوز، عەلی حاجی:
ئەندامەکێ لژنا چاڤدێریا بازاری ل زاخۆ بۆ ئەڤرۆ نیوز دیار کر پشتی چەندین گلە و گازندە گەهشتینە مە ل دور گران کرنا بهایێن باجان سور و خیاران ل گومەکێن فێقی ل زاخۆ،لژنا مە سەرەدانا گومرکان کر و بها وەکی بەری نوکە زڤراندە ڤە.
زێدەتر وەلات هەجەر گۆت: (ژ ئەگەرێ راگەهاندنا قەدەغەیا هاتن و چوونێ ل گومرکێن فێقی ل زاخۆ بهایێن باجان سور و خیاران گران کربوون و بازار بۆ خوە ب دەلیڤە دیت بون و وەلاتیان ژی گازندە ل سەر هەبوون،لەورا پشتی گازندە گەهشتینە مە هەر ئێکسەر ب هەماهەنگی دگەل چاڤدێریا بازرگانی ل زاخۆ و ئاسایش و پولیسێن زاخۆ مە سەرەدانا گومرکێن فێقی کر و بهایێن باجان سور و خیاران ژ ٦٠٠ دیناران کێم کرن بۆ ٢٥٠ هەتا ٣٠٠ دیناران بۆ هەر کێلوییەکێ و لژنا مە ژی ل وی جهی ما بوو هەتا ئەو بەرهەمە هەمی هاتیە فروتن دناڤ گومرکێن فێقی دا و دێ بەردەوام بین ل سەر چاڤدێریا وی جهی و هەکە ئەڤ کارە دووبارە بوو دێ سزایێن توند بۆ وان هەبیت ژبەر کو نابیت د ڤان کاودانان دا بازاری بۆ خوە ب دەلیڤە بینن و بهایان زێدە بکەن).
ناڤهاتی خویا کر ژی ” ل دەستپێکێ دا پشکەکا خودانێن گومرکێن فێقی بەرهەڤ نەبوون وی بەرهەمی ب وی بهایی ب فروشن بەلێ مە ل سەر وان پەسەند کر کو دڤێت ب وی بهایێ مە دانایی بەرهەمێن خوە ب فروشن “.
ئەڤرۆ نیوز:
بەرپرسەکێ سەربازی ل کەرکووکێ راگەهاند کو چار تیرۆرستێن داعشێ ژ ئالیێ هێزێن ئێمناهیێ ڤە هاتینە دەستەسەر کرن و دیار ژی دکەت کو گەلەک خێزانێن چەکدارێن داعشێ ل کەرکووکێ هاتینە بجهکرن و ئەو یەک ژی دشێت مەترسیەکا مەزن بۆ پاشەرۆژا کەرکووکێ دروست بکەت.
ئەو یەک د دەمەکێ دایە کو بەری نها ژی چەندین جاران بەرپرسێن کورد ئاماژە ب هندێ کرینە کو لڤینێن داعشێ ل کەرکووکێ گەلەک زێدە بووینە.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د روودانەکا هاتنوچوونێ دا 13 کەس بوونە قۆربانی.
ناڤهاتی زێدەتر ئاشکرا کر: ئەڤرۆ دوشەمبی ١⁄٦⁄٢٠٢٠ ل دەمژمێر ٩ سپێدێ ل سەر رێیا بەدریکێ بو ئەلقوش، رووودانەکا ترافیکێ دناڤبەرا دو ترۆمبێلان دا روودایە، کو ترۆمبێلەک ژ وان ھوندا تایبەت ل گەل ترۆمبێلەکا بارهەلگر بیکاب بوویە، د ئەنجام دا کەسەکێ گیانێ خوە ژ دەستدا و ١٢ کەسێن دی ژی ب گرانی بریندار بووینە.
ئه‌ڤرۆ نیوز:
وه‌زیرێ كاره‌با حكومه‌تا هه‌رێما كوردستانێ راگه‌هاند نوكه سی هزار و 200 میگاواتێن كاره‌بێ به‌رهه‌م دئینین كۆ نیڤا پێدڤیانه، هه‌كه وه‌زاره‌تا سامانێن سرۆشتی سوته‌مه‌نیێ دابین بكه‌ت ئاریشا كاره‌بێ نامینیت.
كه‌مال محه‌مه‌د وه‌زیرێ كاره‌با حكومه‌تا هه‌رێما كوردستانێ راگه‌هاند هه‌رێما كوردستانێ پێدڤی ب شه‌ش هزار و 700 میگاواتێن كاره‌بی هه‌یه، نوكه بتنێ سێ هزار و 200 میگاواتێن كاره‌بێ به‌رهه‌م دئینین، كۆ دبیته نیڤا رێژا پێدڤی، هه‌كه وه‌زاره‌تا سامانێن سرۆشتی سوته‌مه‌نیا پێدڤی دابین بكه‌ت ئاریشا كاره‌بێ نامینیت.
وه‌زیرێ كاره‌با حكومه‌تا هه‌رێما كوردستانێ ئه‌و چه‌نده ژی راگه‌هاند: د ژیێ كابینا ئه‌ڤێ جارێ دا گرێبه‌ست ل سه‌ر هزار و 540 میگاواتێن كاره‌بێ هاتیه‌كرن، كۆ 500 میگاوات ل خورمال و 500 میگاوات ل بازیان و 165 میگاوات ل گه‌رمیان و 300 میگاوات كاره‌با ئاڤی ل گه‌ل كۆمپانیه‌كا ئوسترالی و 75 میگاوات كاره‌با تیشكا رۆژێ، بڤێ چه‌ندێ كاره‌با به‌رهه‌م هاتی یا هه‌رێما كوردستانێ دگه‌هته هه‌شت هزار میگاواتان، ئه‌ڤه د ده‌مه‌كی دایه كۆ خاست دڤی وه‌رزی دا دبیته 4200 میگاوات، و د زڤستانان دا دگه‌هته 6500 میگاواتان.
كه‌مال محه‌مه‌د وه‌زیرێ كاره‌با حكومه‌تا هه‌رێما كوردستانێ ئه‌و چه‌نده ژی دازانین ب ئه‌گه‌رێ قه‌یرانا دارایی نوكه نه سوته‌مه‌نیا پێدڤی و نه پاره‌یێ پێدڤی ل به‌ر ده‌ست نینه، به‌لێ قه‌یرانا كاره‌بێ به‌ره‌ڤ پاشتر چوویه باشتر دبیت ژی دڤێ كابینا حكومه‌تێ دا، ب جدی كار ل سه‌ر باشتركرنا كاره‌بێ كه‌ین ئه‌م خو ب خودانێ ئاریشێ دزانین و بزاڤا چاره‌كرنا وێ دده‌‌ین.
نيشاندان