ئەڤرۆ نیوز:
بەری دەمەکێ کۆمبوونا پەرلەمانێ عیراقێ بۆ تەمامکرنا کابینا مستەفا کازمی دەستپێکر و تێدا ب دەنگێ پرانیا ئەندامێن پشکدارێن پەرلەمانی د. فوئاد حوسێن وەکو وەزیرێ دەرڤە یێ عیراقێ هاتە هەلبژارتن.
فوئاد حوسێن بوو وەزیرێ دەرڤە یێ عیراقێ
نووترين نووچه
- سەرۆك بارزانی جەژنا قەولتاسی ل كاكەییان پیرۆز دكەت
- ئەمریكا دەستخوەشیێ ل سەرۆك بارزانی دكەت بۆ هنارتنا نوونەرێ خوە یێ تایبەت بۆ سووریێ
- شاندێ دانوستاندكارێ پارتی ل گەل بەرەیێ گەل كۆمبوو
- پێدڤییە بەغدا شایستەیێن دارایی یێن هەرێما كوردستانێ بهنێریت
- مەسرور بارزانی و فالح فەیاز دوپاتی ل گرنگییا هەماهەنگییا ئەمنی د ناڤبەرا هەرێمێ و ئیراقێ دا كر
- ل ئیراقێ هندەك هێز بۆ دژایەتییا قەوارەیێ هەرێما كوردستانێ یێن دروست بووین
- پشتەڤـانیێ ل بزاڤێن سـەرۆک بارزانی بۆ رۆژئاڤـایێ کـوردستانێ دکـەین
- سەرۆك بارزانی دوپاتی ل ئێكڕێزییا ئالیێن كوردی ل سووریێ كر
- حوكمەتا هەرێمێ ب زەلالی پێگیرییا ب رێككەفتنێن ل گەل بەغدایێ كری
- دڤێت دەستهەلاتا دادوەری رۆلێ خوە د دابینكرنا شایستەیێن دارایی یێن هەرێما كوردستانێدا بگێڕیت
سه‌ره‌كى نووترين نووچه
به‌رازیل گه‌ڤا خۆڤه‌كێشانێ ژ رێكخراوا ساخله‌میا جیهانێ دكه‌ت
ئه‌ڤرۆ نیوز:
سه‌رۆكێ به‌رازیلێ راگه‌هاند رێكخراوا ساخله‌میا جیهانێ رێكخراوه‌كا سیاسیه.
جیر بولسونارو سه‌رۆكێ به‌رازیلێ د كۆنگره‌یه‌كێ رۆژنامه‌ڤانی دا راگه‌هاند رێكخراوا ساخله‌میا جیهانێ دووباره رێك دا ده‌رمانێ مه‌لاریا وه‌ك چاره‌سه‌ریا كورونایێ بهێته بكارئینان، ژبه‌ركو به‌لگه‌یێن پێدڤی نین ل سه‌ر نه‌كارایی یا ئه‌وی ده‌رمانی د چاره‌سه‌كرنێ دا.
سه‌رۆكێ به‌رازیلێ ئه‌و چه‌نده ژی راگه‌هاند رێكخراو بوویه رێكخراوه‌كا سیاسی ب شیوه‌یه‌كی لایه‌نگیریا مامه‌له‌یێ دكه‌ت ل به‌رهنگاربوونا ڤایرۆسێ كورونایێ، هه‌كه رێكخراوا ساخله‌میا جیهانی ده‌ستان ژ ئه‌ڤان كاران به‌رنه‌ده‌ت ئه‌ڤه به‌رازیل دێ خۆ ژێ ڤه‌كێشیت.
عیراقێ قه‌ده‌غه‌یا هاتنوچونێ درێژكر
ئه‌ڤرۆ نیوز:
جڤاتا بلندا ساخله‌میێ و خۆپارێزێ ب سه‌رۆكاتیا مسته‌فا كازمی سه‌رۆك وه‌زیرێ عیراقێ كۆمبوون و بریار دان قه‌ده‌غه‌یا ته‌ڤاییی یا هاتنوچونێ بۆ ده‌مێ هه‌فتیه‌كا دی بهێته درێژكرن هه‌تا 13 ئه‌ڤێ هه‌یڤێ.
جڤاتا بلندا ساخله‌میێ و خۆپارێزیێ ل عیراقێ د راگه‌هاندنه‌كێ دا به‌لاڤكریه د پێخه‌مه‌تا پاراستنا گیانێ وه‌لاتیان و رێگریكرن ژ زێده‌ترا به‌لاڤبوونا ڤایرۆسێ كورونایی، 10 رێكارێن نوو دێ هێنه بجهكرن و قه‌ده‌غه‌یا هاتنوچونێ هه‌تا 13 ئه‌ڤێ هه‌یڤێ دێ هێته درێژكرن.
د ئه‌وێ راگه‌هاندنێ دا هاتیه ژی كۆ پێدڤیه ته‌ڤایا وه‌لاتیان ل ده‌مێ سه‌ره‌دانكرنێ بۆ فه‌رمانگه‌هان و ده‌زگه‌هێن ناحكومی ب ئارمانجا بریڤه‌برنا كارێن خۆ كه‌مام و ده‌ستگۆركان بكار بینن.
جڤاتا بلندا ساخله‌میێ و خۆپاریزێ ئه‌و چه‌نده ژی دازانین بزاڤ بۆ كێمكرنا قه‌ره‌بالغیێ دهێنه‌كرن، هه‌روه‌سا چایخانه و خارنگه‌هـ وبۆ ده‌مه‌كێ دی ب گرتی بمینن و ئه‌و پارێزگه‌هێن كۆ جهێن ئاینی تێدا ب ته‌مامی هاتنوچون دێ تێدا هێته قه‌ده‌غه‌كرن.
عیراقێ لژنه بۆ به‌رهه‌ڤكرنا پێدڤیێن هه‌لبژارتنان پێك ئینا
ئه‌ڤرۆ نیوز:
جڤاتا كۆمسیارا كۆمسیونا بلندا سه‌ربه‌خویا هه‌لبژارتنێن عیراقێ راگه‌هاند: ب هه‌ماهه‌نگی ل گه‌ل جڤاتا وه‌زیرێن عیراقێ لژنه بۆ به‌رهه‌ڤكرنا پێدڤیێن هه‌لبژارتنان پێك ئینان و ره‌تكر تانوكه چ رێكه‌تن ل گه‌ل كۆمپانیێن گرێدای ئه‌ڤی بیاڤی دا كر بن.
جڤاتا كۆمسیارا كۆمسیونا بلندا سه‌ربه‌خو یا هه‌لبژارتنان د راگه‌هاندنه‌كێ دا به‌لاڤكریه، ئه‌و لژنه‌یه هاتینه پێك ئینان بۆ پێداچوون ل گرێبه‌ستێن به‌رێ دا بكه‌ت تایبه‌ت بوون ب دابینكرنا ئامیرێن رۆژا هه‌لبژارتنان، پرۆسه‌یا ده‌نگدان و جوداكرنا ده‌نگان و راپۆرته‌ك ژی ده‌ربارێ پێدڤیێن لوجستی و ته‌كنیكی ئاراسته‌ی حكومه‌تا عیراقی دكه‌ت.
جڤاتا كۆمسیارا كۆمسیونا بلندا سه‌ربه‌خو یا هه‌لبژارتنان د راگه‌هاندنه‌كێ دا به‌لاڤكریه و تێدا هاتیه كۆ ئامیرێن جوداكرنا ده‌نگان كۆ ژلایێ كۆمپانیه‌كا كوری ڤه هاتینه دروستكرن ب هه‌ڤبه‌شی نوونه‌راتیا نه‌ته‌وه‌یێن ئێكگرتی و ئاژانسا ئه‌مریكا بۆ پێشڤه‌برنا نێڤ ده‌وله‌تی USAID، به‌حسی پێشخستنا ئه‌وان ئامێران نه‌هاته‌كرن كۆ كۆمپانیا به‌رهه‌م ئینانا ئامیری به‌رهه‌ڤیا خو ده‌ربریه بۆ گه‌شه‌پێدان و نووكرنا ئاماران ده‌ربریه.
به‌رهه‌ڤكاری بۆ هه‌لبژارتنێن پێش وه‌خت ئێكه ژ سوزێن مسته‌فا كازمی سه‌رۆك وه‌زیرێ عیراقێ یه كۆ د كارنامه‌یا حكومه‌تێ دا جهگرتیه، بۆ ئه‌ڤێ مه‌به‌ستێ ژی جڤاته‌كا نوو بۆ برێڤه‌برنا كۆمسیونا بلندا هه‌لبژارتنان دیاریكر.
كۆمه‌له‌یا G20 بودجه‌یه‌ك بۆ به‌رهنگاربوونا كورونایێ دابینكر
ئه‌ڤرۆ نیوز:
وه‌لاتێن ئه‌ندام ل كۆمه‌له‌یا G20 سوزا دابینكرنا زێده‌تری 21 ملیار دۆلاران بۆ به‌رهنگاربوونا ڤایرۆسێ كورونایێ د جیهانێ دا.
لگۆری ئاژانسا رویته‌رز، ئه‌ڤرۆ كۆمه‌له‌یا G20 د به‌یاننامه‌یه‌كێ دا به‌لاڤكریه، ئه‌ندامێن كۆمه‌له‌یێ سوزداینه 21 ملیار دۆلاران بۆ پشته‌ڤانیا به‌رهنگاربوونا ڤایرۆسێ كورونایێ و سه‌رمایه‌داركرنا رێكخراوا ساخله‌میا جیهانێ دابین بكه‌ن.
هه‌ر دوێ به‌یاننامه‌یا G20 هاتیه بۆدجه بۆ پشكنین و ڤه‌كۆلینێن پێشخستنا چاره‌سه‌ر و ڤاكسینا دژی كورونایی دهێته بكار ئینان.
26 نیسانا ئیسال كۆمه‌له‌یا وه‌لاتێن G20 ده‌ست پێشخه‌ریه‌كا نێڤ ده‌وله‌تی بۆ خرڤه‌كرنا هه‌شت ملیار دۆلاران راگه‌هاند، ب مه‌به‌ستا گه‌هاندنا پێدڤیێن نوژداری و ده‌رمانان بۆ ئه‌وان ده‌ڤه‌رین كۆ ب ئه‌گه‌ری ڤایرۆسێ كوروناێ زیان به‌ركه‌تین.
هه‌لگرتنا رێكارێن كورونایێ بهایێ پترۆلێ بلندكر
ئه‌ڤرۆ نیوز:
سپێده‌هیا ئه‌ڤرۆ بهایێ پترۆلێ ل بازارێن جیهانێ بلند بوون توماركر و چه‌نده رۆژه بهایێ پترۆلێ بلنده و دهێته چاڤه‌رێكرن هێشتا بلند بیت ژی.
لگۆری ئاژانسا رویته‌رز، ئه‌ڤرۆ بهایێ به‌رمیلا پترۆلا برێنت ب 42.30 دۆلاران ل بازارین جیهانێ كرین و فرۆتن پی هاتیه‌كرن.
ئه‌گه‌رێن بلندبوونا بهایێ پترۆلێ شاره‌زا هوسا دده‌نه‌خویاكرن هه‌لگرتنا رێكارێن دژی كورونایێ ده‌ستپێكرنا پشكه‌كێ ژ چالاكیێن ئابووری ل ته‌ڤایا جیهانێ پالده‌رێن بلندبوونا بهایێ پترۆلێ یه.
رێكخراوا ساخله‌میا جیهانێ: هه‌لگرتنا قه‌ده‌غه‌یا هاتنوچونێ نه دوماهیا كورونایێ یه
ئه‌ڤرۆ نیوز:
په‌یڤدارا رێكخراوا ساخله‌میا جیهانێ هوشداریا ئه‌وێ چه‌ندێ دا كۆ ڤایرۆسێ كورونایێ ب دوماهی نه‌هاتیه و نابیت ب هه‌لگرتنا قه‌ده‌غه‌یا هاتنوچونێ وه‌لاتی پرۆسه‌یا خۆ پاراستنێ ب ئاسایی وه‌ربگرن.
مارگرێت هاریس په‌یڤدارا رێكخراوا ساخله‌میا جیهانێ راگه‌هاند ل چه‌ند وه‌لاته‌كان تێبینیا ئه‌وێ چه‌ندێ هاتیه‌كرن ده‌مێ رێكارێن قه‌ه‌غه‌یا هاتنوچونێ نه‌ماین وه‌لاتی هوسا دزانن ئه‌ڤه ڤایرۆسێ كورونایێ ب دوماهی هات، به‌لێ بڤی شیوه‌ی نینه و دوماهی نه‌هاتیه، له‌ورا پێدڤیه خه‌لك خۆ ب پارێزیت.
په‌یڤدارا رێكخراوا ساخله‌میا جیهانی ئه‌و چه‌نده ژی راگه‌هاند: كورونا دوماهی نه‌هاتیه و هه‌تا جیهان هه‌می نه‌هێته پاقژكرن هه‌ر مه‌ترسیا وێ دێ یا به‌رده‌وام بیت، نوكه ناڤه‌ندا به‌لاڤبوونا كورونایێ ل وه‌لاتێن باكور و باشورێن ئه‌مریكا دانه.
وه‌زاره‌تا دارایی رونكرنه‌كێ به‌لاڤ دكه‌ت
ئه‌ڤرۆ ینوز:
وه‌زاره‌تا دارای و ئابووری یا حكومه‌تا هه‌رٍێما كوردستانٍ راگه‌هاند ئه‌وا ل هنده‌ك مالپه‌ر و په‌یجان دهێته گۆتن ده‌ربارێ كێمكرنا موچه‌ی دووره ژ راستیی و بابه‌تێ كێمكرنا موچه‌ی ل كارنامه‌یا كۆمبوونا 3/6/2020 یا جڤاتا وه‌زرێن هه‌رێمێ دا نه‌بوویه.
وه‌زاره‌تا دارای و ئابووری یا حكومه‌تا هه‌رێما كوردستانێ د راگه‌هاندنه‌كێ دا ئه‌و چه‌نده ژی رونكر زێده‌باری خراپیا ره‌وشا ده‌رونی و ساخله‌می و دارای و ئابووری یا وه‌لاتیان، هنده‌ك كه‌س و په‌یج مالپه‌ر و لایه‌ن یاریێ ب موزایده‌یا هه‌ست و سوزا وه‌لاتیێن هه‌رێما كوردستانێ ب گشتی و فه‌رمانبه‌ران و موچه‌خوران دكه‌ن، ئه‌ڤا هاتیه به‌لاڤكرن و گۆتن ل سه‌ر هاتیه كرن دووره ژ راستیێ یه و بۆ هه‌موو لایه‌نه‌كی روون دكه‌ین د كارنامه‌یا كۆمبوونێ دا بابه‌تێ كێمكرنا موچه‌ی تێدا نه بوو.
دوماهی ئامارا توشبوویێن و ڤایرۆسێ كورنایێ ل جیهانێ
ئه‌ڤرۆ نیوز:
لگۆری دوماهی ئامارێن توشبوویێن ڤایرۆسێ كورونایێ ل جیهانێ، ئه‌و وه‌لاتێن زۆر ترین توشبوو و مری ب ئه‌گه‌ری ڤایرۆسێ كورونایی هه‌ین ئه‌مریكا و به‌رازیل و روسیا و بریتانیا و ئیسپانیا و هندستان و ئیتالیا و پیرۆ و ئه‌لمانیا و توركیا و ئیران و فه‌ره‌نسا و چیلی و مه‌كسیك و سعودی و كه‌نه‌دا و پاكستان و چین بوون.
لگۆری ئاماران ل ته‌ڤایا جیهانێ سێ ملیۆن و 283 هزار و 288 كه‌س توسبوویێن ڤایرۆسێ كورونایێ ساخ بوینه.
هه‌ر دیسا لگۆری ئاماران ئه‌وێن ب ئه‌گه‌ری ڤایرۆسێ كورونایی گیانێ خو ژ ده‌ست داین 398 هزار و 142 كه‌سن ل ته‌ڤایا جیهانێ.
سلێمانی: 43 تووشبوویێن دی یێن کۆرۆنا یێ هاتنە تۆمار کرن
ئەڤرۆ نیوز:
43 تووشبوویێن دی یێن کۆرۆنا ل سلێمانیێ هاتنە تۆمار کرن، وەزارەتا ساخلەمیا هەرێما کوردستانێ دبێژیت: ب تنێ چار تووشبوویی بەرکەفتیێن تووشبوویێن بەرێنە.
هەروەسا دیار کریە: کەسێن تووشبوویی 28 زەلام و 13 ژن و کچەک و کورەکێ گەنجن، ژ بلی چار کەسان کو بەرکەفتیێن تووشبوویێن بەرێنە، هەموو یێن دیتر نیشانێن وێ نەخۆشیێ هەنە.
نيشاندان
WP Facebook Auto Publish Powered By : XYZScripts.com