ئه‌ڤرۆ نیوز:
وه‌زاره‌تا ناڤخو یا حكومه‌تا هه‌رێما كوردستانێ د راگه‌هاندنه‌كێ دا كۆ ژماره‌یا 41 هاتیه به‌لاڤكرن كۆ قه‌ده‌غه‌یا هاتنوچونا دناڤبه‌را پارێزگه‌هان دا هاته درێژكرن.
لگۆری راگه‌هاندنا وه‌زاره‌تا ناڤخو قه‌ده‌غه‌یا هاتنوچونا دناڤبه‌را پارێزگه‌هان دا ژ 15/6/2020 هه‌تا 1/7/2020 هاته درێژكرن وهه‌روه‌سا د ئه‌وی ده‌می دا سیسته‌مێ رێك پێدانا ئه‌لكترونی ژبلی چه‌ند حاله‌ته‌كێن دیاریكری و گرنگ رێ پێ دهێته دان.
ئه‌ڤه ژی ده‌قی بریارێ نه.
ئەڤرۆ نیوز:
وەزارەتا ساخلەمیا هەرێما کوردستانێ ئامارا نوو یێن تووشبوونێ و گیان ژ دەستدانێ ب ڤایرۆسێ کۆرۆنا یێ بەلاڤە کرینە و گۆتیە: د دەمێ 24 دەمژمێرێن بوری دا 166 کەسێن دی تووشی کۆرۆنا یێ بووینە و حەفت کەسێن دی ژی گیانێ خوە ژ دەستداینە.
هەروەسا گۆتیە: دو کەسێن دی ل پارێزگەها دهۆکێ تووشی کۆرۆنا یێ بووینە، کو هەردو ژی د کەرەنتینێ دا بوون.
ئەڤرۆ نیوز:
حوکمەتا هەرێما کوردستانێ لژنەکا تایبەت بۆ پێداچوونێ ب سیستەمێ باجدانێ پێکئینایە و وەزارەتا پلاندانانێ ب رێیا دەست نیشانکرنا ئاستەنگ و دەرفەتان، دێ بزاڤا پەرەپێدانێ ب کەرتێ تایبەت دەت.
زاگرۆس فەتاح، بریکارێ وەزارەتا پلاندانانا حوکمەتا ھەرێمێ ئاشكرا كر: هەکە ئه‌و ستراتیژیه‌تا وان دانای بهێتە جێبه‌جێ کرن، دێ كه‌رتێ تایبه‌ت گه‌شه کەت و دێ ده‌رفه‌تا كاری بۆ گه‌نجان و وەلاتیان زێدە بیت و فشارێن سه‌ر حوکمه‌تێ ژی دێ كێم بن، هەکە سیسته‌مەکێ ب رێكوپێك یێ باجێ بهێتە پەیرەو کرن، دێ داهاتەکێ زێدەتر بۆ گه‌نجینا حوکمه‌تێ ڤەگەریت.
هەروەسا كه‌مال وه‌رتی، رێڤەبەرێ گشتی یێ باجێ ل ھەرێما کوردستانێ دبێژیت: حوکمه‌تێ ئەو پلان هەبوو، کو ل سالا 2020 داهاتێ باجێ ئێك ترلیۆن دینار بیت، بەلێ بەلاڤبوونا ڤایرۆسێ کۆرۆنا ی بوویە ئاستەنگ ل هەمبەری پلانا وان.
گۆتیه ژی: ل گەل هندێ سیستەمێ باجێ رێیا خوە وەرگرتیە و پارێزبەندی بۆ چ کەس و لایەنان نەهاتیە کرن، سەرۆکێ حوکمەتێ ژی ژ وی ئالی ڤە، جهێن پەیوەندیدار ب تەمامی دەستڤەکری کرینە.
ئه‌ڤرۆ نیوز، مه‌حمود نهێلى:
ژ ئه‌گه‌رێ لێدانا بریسیێ ل ئێڤاریا ئه‌ڤرۆ 15/6/2020 كه‌سه‌كێ ل گوندێ سه‌رگه‌لێ یێ سه‌ر ب ناحیا دێره‌لۆكێ ڤە ل قه‌زا ئامێدیێ گیانێ خوه ژ ده‌ست دا.
ماموستا نزار محه‌مه‌د هه‌لبژێرێ گوندێ سه‌رگه‌لێ بۆ ئه‌ڤرۆ نیوز دیار كر: كو ئێڤاریا ئه‌ڤرۆ ده‌مێ هره باو باران هاتین ل ده‌ڤه‌رێ ئێك ژ گوندیێن وان توشى لێدانا برسیێ دبیت و گیانێ خوه ژ ده‌ست دایە و گۆت ژی: ئه‌ڤ كه‌سه ناڤێ وێ قاهر سه‌رگه‌لی یه و ماموستا بوویه و ل نێزیك گوندى بوو ده‌مێ توشى لێدانا برسیێ بووى و گیانێ خوه ژ ده‌ست دایە.
ئاشكرا کر: پشتى ته‌رمێ وێ بو نۆشداریا داد ل ئامێدیێ هاتیه شاندن ل گورستانا گوندێ سه‌رگه‌لێ هاته ڤەشارتن.
ئەڤرۆ نیوز:
رێڤەبەریا گشتی یا ساخلەمیا دهۆکێ چێبوونا حەفت تووشبوویێن ڤایرۆسێ کۆرۆنا یێ راگەهاند و گۆتیە: پشتی ئەنجامدانا پشکنینان دەرکەفتیە، کو ب تەمامی چارەسەر بووینە.
هەروەسا گۆتیە: ب چێبوونا وان حەفت کەسان، هژمارا ئەو کەسێن هاتینە چارەسەر کرن ل دهۆکێ گەهشتە 79 کەسان و 54 نەخۆش د نەخۆشخانان دا ماینە.
ئەڤرۆ نیوز، رێوار محەمەد رەشید:
لدووڤ بریارا حوکمەتا هەرێما کوردستانێ ددەمەکێ نێزیک دا پرۆسا تاپۆکرنا خانیێن زێدەگاڤی دێ دەستپێکەت و وەزیرێ باژێرڤانی و گەشتوگۆزار یێ حوکمەتا هەرێما کوردستانێ راگەهاند هەموو ئامادەکاری بۆ دەستپێکرنا ڤێ پرۆسێ هاتینەکرن.
ساسان عەونی، وەزیرێ باژێرڤانی و گەشتوگۆزار یێ حوکمەتا هەرێما کوردستانێ راگەهاند کو هەموو ئامادەکاری بۆ تاپۆکرنا خانیێن زێدەگاڤی ل هەرێما کوردستانێ هاتینەکرن، بەلێ ژبلی باژێرڤانیێ لایەنێن دی ژی تێدا د پشکدارن، چونکو پارێزگەه و یەکێن کارگێری دێ ڤێ پرۆسێ بجه ئینن و دو جاران نڤیسار ژ لایێ وەزارەتا ناڤخۆ ڤە بۆ پارێزگەهان هاتیە هنارتن بۆ وێ چەندێ خانیێن زێدەگاڤی لدووڤ قانوونێ بهێنە تاپۆکرن.
ناڤهاتی خویا کر کو سەرۆکێن باژێرڤانیان و نوونەرێن وان د پرۆسا تاپۆکرنێ دا د پشکدارن، بەلێ پێدڤیە وەلاتی ژی سەرەدانا یەکێن کارگێری بکەن بۆ ئەنجامدانا مامەلا تاپۆکرنا خانیێن زێدەگاڤی و گۆت: ” ل سالا2018 قانوونا ژمارە 2 دەرچوو بۆ لێپرسینێ دگەل وان کەسێن زێدەگاڤیان ل سەر ئەردێ حوکمەتێ دکەن و ژلایێ حوکمەتێ ڤە دێ رێکارێن قانوونی بەرامبەر وان کەسێن سەرپێچیان ل سەر ئەردێ حوکمەتێ دکەن هێنە وەرگرتن”.
ئەڤرۆ نیوز، عەلی حاجی :
بەرپرسێ راگەهاندنا ساخلەمیا زاخۆ بۆ ئەڤرۆ نیوز دیار کر ئەڤرۆ ل روژا دوشەمبیێ دەمژمێر ١:٣٠ێ پشتی نیڤرۆ گەنجەکێ زاخۆ د ژیێ ٢٨ سالیێ دا د دەمێ کارکرنێ دا ژ ئەگەرێ ئامیرەیەکێ گیانێ خوە ژ دەست ددەت.
زێدەتر ئەمیر عەلی گۆت: (ئەو گەنجە دژیێ ٢٨ سالیێ دا بوو بنافێ ( ف،ش ) ل دوکانەکا پێشەسازیا زاخۆ یا گێچ و بالانسێ کار دکر کو پشتی کار دکر ژ ئەگەرێ خەلەتیەکێ سەرێ وی گەنجی دکەڤیتە دناڤبەرا ئامیرەیێ بالانسا ترومبێلان دا و تایرێ ترومبێلێ دا، پشتی کو لەشێ وی هاتیە ڤەگوهاستن بۆ نوشداریا داد ل زاخۆ دیار بوو ژ بەر سەختیا برینا وی گەنجی هەر دەملدەست وی کەسی گیانێ خوە ژ دەست دایە، د ماوەیێ سێ رۆژان دا ل سنورێ دەڤەرا زاخۆ حەفت گەنجان ب روودانێن جودا جودا گیانێ خوە ژ دەست داینە.
ئه‌ڤرۆ نیوز، عه‌لى حاجى :
به‌رپرسێ سه‌نته‌رێ زاخۆ بۆ ڤه‌كولینێن كوردى بۆ ئه‌ڤرۆ نیوز دیار ل 16ى ڤێ مه‌هێ هه‌تا 18ێ كونفرانسه‌كێ نێڤده‌وله‌تى ل زانكویا زاخۆ ئه‌نجام ده‌ین و زێده‌بارى وێ چه‌ندێ ژى چه‌ندین په‌رتوكێن نوو ل هه‌یڤا 10 یا ئه‌ڤساله دا چاپ كه‌ین كو بۆ ئێكه‌م جاره دیوانێن هوزانێ نه بهێنه به‌لاڤ كرن .
زێده‌تر پروفیسور د. هوگر تاهر گۆت: (د ئه‌ڤرۆ دا رۆژا دوشه‌مبێ 15/6/2020 ئیمزا ل سه‌ر په‌رتووکه‌كا تایبه‌ت ل دور هنده‌ك ژ یانا مه‌لا مسته‌فایێ بارزانى یا د. فاخر گوللى هاته كرن كو بۆ ماوه‌یێ دو سال و نیڤا مژوولى به‌رهه‌ڤ كرنا وێ په‌رتووكێ بوو، كو د وێ په‌رتووكێ دا به‌حس ل شوره‌شا ئه‌یلولێ دكه‌ت ژلایێ ئیتلاعاتا ئیرانى ڤه كو ئایا وى ده‌زگایى چو به‌حسا شوره‌شا ئه‌یلولێ كریه و هه‌ر دیسان بوچوون و تێروانینێن حكومه‌تا فارسى ل سه‌ر ده‌مێ پاشایێ ئیرانى، نڤێسه‌رێ په‌رتوكێ هه‌ر ژ سالا 1961 هه‌تا 1975 شیا روژنامه‌یه‌كێ ب ده‌ست خوه ڤه‌بینیت كو د وێ روژنامێ دا گه‌له پێزانین تێدا هه‌نه كو به‌حس ل شوره‌شا ئه‌یلولێ دكه‌ت، وه‌كو سه‌نته‌رێ زاخۆ هنده‌ك په‌رتوكێن دیوانێن هوزانا به‌هدیدنى به‌رهه‌ڤ كرینه كو بریاره د هه‌یڤا 10 یا ئه‌ڤساله دا بهێنه چاپ كرن كو هه‌تا نوكه نه‌هاتینه به‌لاڤ كرن و دێ بۆ ئێكه‌م جار هێنه به‌لاڤ كرن كو ئه‌و دیوان ژلایێ بنه‌مالێن وان ب خوه‌ڤه هاتینه وه‌رگرتن كو پشكه‌ك ژ وان دو زمانن كو ئه‌ڤ دیوانه دێ بنه 25 په‌رتوك و هه‌ر دیسان مه 15 په‌رتوكێن وه‌رگێرانێ هه‌نه كو ژ زمانێن توركى و ئینگلیزى و هه‌تا فه‌ره‌نسى وه‌رگێراینه بۆ سه‌ر زمانێ كوردى و عه‌ره‌بى) .
ناڤبرى گۆت ژى: (ل 16 هه‌تا 18 د به‌رنامه‌یێ مه دایه كونفرانسه‌كێ نێڤده‌وله‌تى ئه‌نجام بده‌ین كو ئه‌و بخوه بریار بوو هه‌یڤا چار دا هاتبایه ئه‌نجام دان به‌لێ ژ ئه‌گه‌رێ هه‌بوونا ڤایروسێ كورونایێ هاتبوو پاش ئێخستن، هه‌كه ره‌وش باشتر بوو دێ هه‌ولده‌ین هه‌مى مێهڤانا داخواز بكه‌ین زانكویا زاخۆ به‌لێ هه‌كه ره‌وش ب ڤى ره‌نگێ نوكه بیت دێ بتنێ مێهڤانێن ناڤ هه‌رێمێ و عێراقێ مێهڤان كه‌ین و كه‌سێن بیانى ژى دێ ب رێیا ئونلاینێ پشكدارى كونفرانسى كه‌ین) .
ئەڤرۆ نیوز:
رێڤەبەریا گشتی یا ساخلەمیا دهۆکێ راگەهاند: 14 تووشبوویێن دی یێن ڤایرۆسێ کۆرۆنا یێ ل سنۆرێ وێ پارێزگەهێ باش بووینە، ب ڤێ چەندێ ب تنێ 61 تووشبوویێن وی ڤایرۆسی ل دهۆکێ ماینە.
هەروەسا گۆتیە: ئەڤرۆ 14 خزیرانا 2020، چاردە تووشبوویێن دی یێن ڤایرۆسێ کۆرۆنا یێ پشتی پشکنین بۆ هاتینە کرن، دەرکەفتیە کو ب تەمامی چێبووینە و ژ نەخۆشخانێ هاتینە دەرخستن.
ل سنۆرێ پارێزگەها دهۆکێ 133 کەس تووشی کۆرۆنا یێ بووینە، د نوکە دا هژمارا وان کەسێن باش بووین، گەهشتە 72 کەسان.
نيشاندان