ئەڤرۆ نیوز:
رێبەر ئەحمەد وەزیرێ ناڤخوە یێ حوکمەتا هەرێما کوردستانێ پشتی کۆمبوونا لیژنا بلند یا بەرهنگاریا کۆرۆنایێ راگەهاند کو ل گەلەک دەڤەران وەکو پێدڤی پێگیری ب رێنمایان ناهێتە کرن و ژ بەر هندێ ژی هژمارا تووشبوویێن کۆرۆنایێ ل هەرێما کوردستانێ رۆژ ب رۆژێ زێدەتر دبیت.
وەزیرێ ناڤخوە ئەو یەک ژی دیار کر کو چو گوهۆرین د قەدەغەیا هاتنوچوونێ دا ناهێتە کرن و دێ قەدەغە وەکو خوە یا بەردەوام بیت و گۆت: (مە داخواز ژ پارێزگارێن هەرێما کوردستانێ ژی کریە کو ب توندی کار بۆ هندێ بکەن دا قەدەغەیا هاتنوچوونێ ب باشی برێڤە بچیت و هەر کەسەک سەرپێچیەک ژی بکەت ب توندی سزا دەن).
وەزیرێ ناڤخوە یێ حوکمەتا هەرێما کوردستانێ ئەو یەک ژی دیار کر کو هەکە ئەم پێگیریێ ب رێنمایان نەکەین و قەدەغەیا هاتنوچوونێ وەکو خوە نەهێتە بجهئینان دێ کارەساتێن مەزن ل هەرێما کوردستانێ روو دەن.
وەزیرێ ناڤخوە ئەو یەک ژی دیار کو ئەو وەکو وەزارەتا ناڤخوە پشتەڤانیێ ل داخوازیێن خەلکی دکەین و گۆت: (ئەم دێ بۆ هندێ ئاسانکاریێن پێدڤی ژی کەین).
ئەڤرۆ نیوز:
نێچیرڤان بارزانی سەرۆکێ هەرێما کوردستانێ ل گەل جەمیس سۆرنتن کونسولێ گشتی یێ بریتانیا ل هەولێرێ کۆمبوو و د کۆمبوونێ دا بەحسێ رەوشا نها ل عیراقێ و هەرێما کوردستانێ هاتە کرن.
سەرۆکێ هەرێما کوردستانێ راگەهاند کو رەوشا نها وەسا دخوازیت هەموو ئاریشێن د ناڤبەرا هەرێما کوردستانێ و بەغدا دا ل سەر بنەمایێ دستووری بهێنە چارەسەر کرن و گۆت: (هێڤیدارین هەرێما کوردستانێ ل گەل حوکمەتا کازمی هەموو ئاریشێن نها چارەسەر بکەت).
کونسولێ گشتی یێ بریتانیا ژی دیار کر کو بریتانیا دخوازیت هەرێما کوردستانێ و عیراق هەموو ئاریشێن خوە چارەسەر بکەن، چونکو ئەو یەک د بەرژەوەندیا هەر دو ئالیان دایە.
ئەڤرۆ نیوز:
نەبەز عەبدولحەمید قایمقامێ هەولێرێ راگەهاند کو قەدەغەیا هاتنوچوونێ بۆ پاراستنا هەموو وەلاتیانە، چونکو ئامارێن ڤێ دووماهیێ ل سلێمانیێ جهێ دلگرانیێ بوون و زەنگا مەترسیێ بوو، ژ بەر هندێ ژی بریارەکا وەسا هاتە دان، چونکو هەکە وەکو پێدڤی پێگری ب رێنمایان نەهێتە کرن دێ رەوش ژ کۆنترۆلێ دەرکەڤیت.
قایمقامێ هەولێرێ داخواز ژ هەموو وەلاتیان ژی کر کو پایبەندی رێنمایان بن و ژ بۆ ساخلەمیا خوە و کەسوکارێن خوە ل مال بمینن.
ئه‌ڤرۆ نیوز:
وه‌زاره‌تا چاندنێ و ژێده‌رێن ئاڤێ یا حكومه‌تا هه‌رێما كوردستانێ د راگه‌هانه‌كێ دا به‌لاڤكریه پشتی راگه‌هاندنا قه‌ده‌غه‌یا هاتنوچونێ، بوویه ئه‌گه‌رێ دروستبوونا گرفتا هاتنوچونا جۆتیاران بۆ سه‌ر ملك و پرۆژه‌یێن وان.
د راگه‌هاندنا وه‌زاره‌تا چاندنێ و ژێده‌رێن ئاڤێ یا حكومه‌تا هه‌رێما كوردستانێ دا هاتیه كۆ راپۆرته‌ك پێشكێشی جڤاتا وه‌زیران كریه بۆ هێسانكاریێن هاتنوچونێ بهێنه كرن داكۆ زیان ل به‌رهه‌مێ ناڤخۆ نه‌كه‌ڤیت.
ئه‌ڤه ژی ده‌قێ راگه‌هاندنا وه‌زاره‌تا چاندنێ و ژێده‌رێن ئاڤێ یا حكومه‌تا هه‌رێما كوردستانێ:
جۆتیار و خودانێن كه‌رتێ چاندنێ
پشتی راگه‌هاندنا قه‌ده‌غه‌یا هاتنوچونێ وه‌ك رێكارێن خۆپارێزیێ ژ ڤایرۆسێ كورونایێ كوڤید 19، ئاریشه یا هاتنوچونێ دروست بوو بۆ سه‌ر عه‌رد و ملك و پرۆژه‌ییان، ب ئه‌گه‌رێ ئه‌وێ چه‌ندێ نوكه وه‌رزێ درینێ و پێگه‌هشتنا به‌رهه‌مێ ناڤخوی یه ئه‌ڤ قه‌ده‌غه‌یه كارتێكرنه‌كا راسته‌خو ل سه‌ر به‌رهه‌می كریه .
به‌رێزان وه‌ك وه‌زاره‌تا چاندنێ راپۆرته‌ك پێشكێشی جڤاتا وه‌زیران كریه بۆ ئه‌وێ چه‌ندێ هیسانكاریێن هاتنوچونێ بهێنه‌كرن بۆ ئه‌وێ چه‌ندێ زیان ب به‌ر به‌رهه‌مێ ناڤخو نه‌كه‌ڤیت.
ل گه‌ل لایه‌نێن په‌یوه‌ندیدار مژیلی چاره‌كرنا ئاریشه‌یا هاتنوچونا جۆتیاران و خودان كارێن پرۆژێن چاندنێ نه، پاشی ژ ده‌رئه‌نجامێ چاره‌سه‌ریا ئاریشه‌یێ دێ هه‌وه ئاگه‌هدار كه‌ین.
وه‌زاره‌تا چاندنی و ژێده‌رێن ئاڤێ یا حكومه‌تا هه‌رێما كوردستانێ
2/6/2020
ئه‌ڤرۆ نیوز:
وه‌زاره‌تا ساخله‌میا عیراقێ پێشبینیا ئه‌وێ چه‌ندێ دكه‌ت كۆ رۆژانه هزار كه‌س تووشی ڤایرۆسێ كورونایێ بن، ب ئه‌گه‌رێ ئه‌وان پشكنینێن مه‌یدانی یێن رۆژانه ل پارێزگه‌هێن عیراقێ دهێنه ئه‌نجام دان.
عه‌لی تاهر رێڤه‌به‌رێ گشتی یێ فه‌رمانگه‌ها ساخله‌میێ ل ره‌سافه ل به‌غدا راگه‌هاند پێشبینا ئه‌وێ چه‌ندێ دكه‌ین كۆ رێژا توشبوونێ ب ڤایرۆسێ كورونایێ رۆژانه بگه‌هته هزار كه‌سان، ب ئه‌گه‌رێ ئه‌نجامدانا پشكنینێن مه‌یدانی ل ئه‌وان ده‌ڤه‌رێن ڤایرۆس تێدا به‌لاڤ بووی ل به‌غدا، زێده‌باری ده‌ركه‌تنا چه‌ندین حاله‌تێن ترسناك و زێده‌كرنا تاقیگه‌هان و جهێن كه‌ره‌نتینه‌كرنێ و جوداكرنا توشبویان ژ زۆربه‌یا نه‌خوشخانه‌یان، د ده‌ستپیكا قه‌یرانێ دا ب ئه‌گه‌ری لاوازیا هشیاریا ساخله‌میێ ژلایێ وه‌لاتیان و پێگیرنه‌بوون ب رێنمایێن خۆپارێزی رێژه‌یا توشبوونێ ژ شه‌ش هزاران ده‌ربازكریه.
رێڤه‌به‌رێ گشتی یێ فه‌رمانگه‌ها ساخله‌میێ ل ره‌سافه ل به‌غدا ئه‌و چه‌نده ژی راگه‌هاند زێده‌باری بلند بوونا رێژه‌یا توشبوونێ ل دو هه‌فتیێن بوری هێشتا عیراق نه‌گه‌هشتیه قوناغا مه‌ترسیدار، چونكو رێژه‌یا مرنێ كێمه و تاكو نوكه گه‌هشتیه 200 كه‌سان كۆ دبیته 0.3% ژ ته‌ڤایا توشبوویان، پرانیا مریان ژی نه‌خوشیێن درێژ خایه‌ن هه‌بوون،ژیان ل گه‌ل ڤایرۆسێ كورنایێ ده‌ستپێكریه و چ چاره‌یێن دی نین، مه‌ترسیا ڤایرۆسی تاكو ده‌مه‌كێ نه‌دیار دێ یا به‌رده‌وام بیت.
ل عیراقێ شه‌ش هزار و 868 كه‌س توشی ڤایرۆسێ كورونایێ بوون ژ وێ ژماره‌یێ ژی سێ هزار و 378 كه‌س ساخ بوون و 215 توشبووژی مرینه.
ئه‌ڤرۆ نیوز:
بریاره ئه‌ڤرۆ سه‌رۆك وه‌زیرێ عیراقێ، سیڤیێن به‌ربژارێن چه‌ند وه‌زاره‌ته‌كان ره‌وانه‌ی به‌ر سنگێ جڤاتا نوونه‌رێن عراقێ ژبوی بریاریێ ل سه‌ر په‌سندكرنێ بده‌ن بكه‌ت.
به‌در زیاد ئه‌ندامێ جڤاتا نوونه‌رێن عیراقێ راگه‌هاند بریاره ئه‌ڤرۆ ناڤ و زانیاریێن به‌ربژارێن حه‌فت وه‌زیرێن كابینا مسته‌فا كازمی بهێنه ره‌وانه‌كرن بۆ جڤاتا نوونه‌رێن عیراقی تاكۆ ل كۆمبوونا رۆژا چارشه‌مبیا بهێت بێخنه ده‌نگدانێ بۆ بده‌ستڤه ئینانا باوه‌ریێ.
ره‌وانه‌كرنا سیڤیێن ژماره‌كا وه‌زیران بۆ تژیكرنا كابینا كازمی د ده‌مه‌كی دایه سه‌رۆك وه‌زیرێ عیراقێ ب سه‌ره‌دانه‌كێ گه‌هشتیه كه‌ركووكێ ل گه‌ل ژوورا ئوپراسیوونێن ئه‌وی باژێری ره‌وشا ئه‌منی شرۆڤه كه‌ن.
هه‌تا نوكه ژ ئه‌وان وه‌زاره‌تێن ڤالا مایین ئه‌و ژی وه‌زاره‌تا بازرگانی و داد و كوچ و ده‌رڤه و پترۆل و ره‌وشه‌نبیری و چاندن ل كابینا كازمی دا .
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه، ل هه‌ولێرێ توشبوویه‌ك ب ڤایرۆسێ كورونایێ مر.
ئه‌ڤرۆ 2/6/2020 وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه، توشبوویه‌كێ كورونایێ كۆ ژیێ وی 51 سال بوو، ئاكنجیێ قه‌زا ده‌شتا هه‌ولێرێ – بنه‌سلاوه، كۆ هه‌لگرێ ڤایرۆسێ كورونا بۆ ب ئه‌گه‌رێ نیشانێن گرانێن كورونایێ بۆ ماوه‌یێ پێنج رۆژان ل نه‌خوشخانه‌یێ ڤه ئه‌ڤرۆ چو به‌ردلوڤانیا خودێ.
د ئه‌وێ راگه‌هاندنا وه‌زاره‌تێ دا هاتیه ژی كۆ زێده‌باری سه‌رخوشی ل كه‌س و كارێن خودێ ژێ رازی، هیڤیدارین وه‌لاتی پێگیری رێنمایێن ساخله‌میێ بن.
ئه‌ڤرۆ نیوز:
سوپایێ عیراقێ ده‌ست ب ئوپراسیونه‌كا سه‌ربازی ل باشوورێ كه‌ركووكێ بۆ نه‌هێلانانا چه‌كدارێن رێكخراوا تیرۆریستی یا داعشێ كر.
عه‌مید یه‌حیا ره‌سوب په‌یڤدارێ فه‌رمانده‌یی گشتی هێزێن چه‌كدارێن عیراقی د به‌یاننامه‌یه‌كێ دا راگه‌هاند ئوپراسیون ب رێنمایێن مسته‌فا كازمی سه‌رۆك وه‌زیر و فه‌رمانده‌یێ گشتی هێزێن چه‌كدارێن عیراقێ دهێته برێڤه‌برن.
ئوپراسیون ل سپێده‌هیا ئه‌ڤرۆ 2/6/2020 بناڤێ قوناغا دوێ یا قاره‌مانێن عیراقێ بۆ نه‌هێلانانا چه‌كدارێن داعشێ ل ده‌ڤه‌رێن كه‌ركووكێ و توخیبێ دناڤبه‌را كه‌ركووك و پاریزگه‌ها سه‌لاحه‌دین ده‌ستپێكریه.
ئه‌ڤرۆ نیوز:
سه‌رۆك وه‌زیرێ عیراقێ ب هه‌ڤالبه‌ندیا شانده‌كێ فه‌رمانده‌یێن بلندێن سه‌ربازی گه‌هشته كه‌ركووكێ.
لگۆری زانیاریان، ئه‌ڤرۆ 2/6/2020 مسته‌فا كازمی سه‌رۆك وه‌زیرێ عیراقێ و كۆ فه‌رمانده‌یێ گشتی یێن هێزێن چه‌كدارێن عیراقێ گه‌هشته كه‌ركووكێ.
بگۆری ئه‌وان زانیاریێن هاتینه راگه‌هاندن مسته‌فا كازمی هاتینه كه‌ركووكێ ژبوی چاڤدێریا ئوپراسیونا قاره‌مانێن عیراقی بكه‌ت.
سپێده‌هیا ئه‌ڤرۆ سوپایێ عیراقێ ئوپراسیونه‌ك ل بن ناڤێ قاره‌مانێن عیراقێ ل ده‌ڤه‌رێن باشوورێ كه‌ركووكێ ل دژی چه‌كدارێن ریكخراوا تیرۆریستی داعشێ ده‌ست پێكر.
نيشاندان